千樂燒味餐室 (已結業)

琴晚係屋企上網睇完「食神」呢套經典作品，當中提及到既「黯然銷魂飯」又勾起我既食慾於是今日就鎖定目標想食燒味飯啦公司附近都算多餐廳，但講到食燒味飯就唔算太多選擇同事就話不如去千樂食，佢話之前食過都唔錯~ok，咁就一於去千樂叫左個叉燒煎蛋飯啦煎蛋有兩隻，蛋黃金黃色，呈半熟狀態，望落都好吸引人叉燒我指定左要半肥瘦，師父果然有滿足我既需要，真係俾半肥瘦我食落都好淋，仲好厚肉，每一啖夾雜少少肥肉，真係越食越正仲有少少燶邊位，咬落香脆又甜甜地，正!我又偷食左同事既油雞，又幾唔錯喎油雞肉質同樣係好鮮嫩，雞皮薄身，唔會有令人覺得好肥膩既感覺點埋薑蓉食，真係一級棒!