阿木台灣麵 (豉油街) (已搬遷) 新店位置

之前經過幾次，每次都好多人排隊冇機會食，今次我醒目，係GULU apps㩒定飛先😆。我點咗「麻辣肉燥拌麵$43」、芝士肉鬆蛋餅「$42」、熱珍珠奶茶$30。作為麻辣愛好者，「麻辣肉燥拌麵」呢個辣度對我嚟講係小麻小辣，惹味嘅醬汁及肉碎，配以粗身煙韌爽口嘅手工關廟面，帶來美味與口感😋。「芝士肉鬆蛋餅」，蛋皮口感Q蛋，包住半蓉芝士及好多肉鬆，令人忍不住一口接一口。仲有我至愛嘅「珍珠奶茶」，好少地方飲到會有茶香，要讚👍。會再來✨。