根本唔關氣侯定係季節事，咁你話係屋企唔得咩？
得…但唔係咁方便囉，首先你屋企要返咁上下大，
仲要有露台，比你擺部牛龜咁大既BBQ爐先啦，
所以都係出街食吧啦。唔洗講咁多，黎得「燒肉の殿堂」
知咩事咖啦，燒啦，好嗎？👇
📌和 牛 -
▪️ 大阪城和牛五點盛合 - $338
▫️ 黎呢到必食呢個賣相好似三層寶盒咁既「大阪城和牛五點盛合」，
頂層分別係和牛金塊磚、中間既就係和牛小排、最底就係和牛三角腩，
再配搭特級厚牛舌同埋和牛五花腩。最正一定係呢個金塊磚，
輕輕每邊燒到焦香，食落肉質非常嫩滑鬆化；而三角腩油花豐厚，
口感相當滑溜；牛舌芯比起一般市埸更加爽嫩，
絕對可以用高質黎形容！
📌主 食 -
▪️ 和風湯燉牛舌 - $78
▪️ 法式鵝肝多士 - $128
▫️ 另外嗌左個「和風湯燉牛舌」，牛舌燉既時間非常足，
食落口感係相當彈牙，加上白蘿蔔夠哂鮮甜軟腍，好好食；
仲有呢個「法式鵝肝多士」鵝肝相當肥美嫩滑，入口係即化咁制，
完全唔油膩，面頭仲有d魚子醬、蘋果肉係面頭，
平衡左整個油膩感，非常balance。
📌特 飲 -
▪️ 可 爾 必 思 梳 打 - $30
▪️ 古 早 冰 菠 蘿 柚 子 梳 打 - $38
1
▫️ 最後特飲仲試左杯「可爾必思梳打」、「古早冰菠蘿柚子梳打」，
前者入口酸酸甜甜，好清爽；而後者菠蘿同柚子味都夠突出，
兩者溝埋又幾夾，唔錯。
