44
0
0
等級8
2020-11-01 2050 瀏覽
講開「廚師發辦」(Omakase),眾所周知,都唔喺消費便宜嘅玩兒,過千一位都喺平常事,其實,坊間都有啲賣三、四百嘅,但可能環境無咁高檔次,質素或許會亦要下調少少,但作為入門試試無妨。如果喺想食番一定質素,但又要求平啲啲,咁就不妨改為食晏,有少部分餐廳午餐都有做「廚師發辦」,而「壽司櫻」喺其中一家,今日就趁假期,同老婆過嚟港島區走走,並且,嘆番餐好嘅!平日晚上嚟「永光中心」都怕怕哋,因為人流太多,排隊等升降機都有排,但假日嘅晏晝嚟感覺就好唔一樣。推門進入第一眼所見就喺吧枱,亦喺食「廚師發辦」嘅最佳位置,因為可以睇到師傅切魚生、揑壽司,以及跟佢哋嘅互動。而吧位嘅對面有兩組4人「卡位」,裝修好雅致,而且,特別闊落,好適合3、4人嘅組群,比起坐吧枱更方便傾偈。此外,想私隱度高啲,另一邊有兩個和風個室,都喺放有4、6人嘅大枱,剛好放寬咗可以6人一枱,6人枱就大派用場,不過,個人嚟講,盡可能忍忍唔好約大棚人聚餐啦,減少傳播風險嘛!當然,待疫情消退後,夠人多,包個房嚟聚一聚,不知幾開心。晌呢啲中高檔餐廳,除咗環境,餐具及服務都喺值得留意嘅一環。一碟、一杯都好古雅,甚至筷子托,都小巧別緻。而服務方面
更多
講開「廚師發辦」(Omakase),眾所周知,都唔喺消費便宜嘅玩兒,過千一位都喺平常事,其實,坊間都有啲賣三、四百嘅,但可能環境無咁高檔次,質素或許會亦要下調少少,但作為入門試試無妨。如果喺想食番一定質素,但又要求平啲啲,咁就不妨改為食晏,有少部分餐廳午餐都有做「廚師發辦」,而「壽司櫻」喺其中一家,今日就趁假期,同老婆過嚟港島區走走,並且,嘆番餐好嘅
5 瀏覽
1 讚好
0 留言
平日晚上嚟「永光中心」都怕怕哋,因為人流太多,排隊等升降機都有排,但假日嘅晏晝嚟感覺就好唔一樣。推門進入第一眼所見就喺吧枱,亦喺食「廚師發辦」嘅最佳位置,因為可以睇到師傅切魚生、揑壽司,以及跟佢哋嘅互動
2 瀏覽
1 讚好
0 留言
3 瀏覽
1 讚好
0 留言
1 瀏覽
1 讚好
0 留言
而吧位嘅對面有兩組4人「卡位」,裝修好雅致,而且,特別闊落,好適合3、4人嘅組群,比起坐吧枱更方便傾偈。
2 瀏覽
1 讚好
0 留言
此外,想私隱度高啲,另一邊有兩個和風個室,都喺放有4、6人嘅大枱,剛好放寬咗可以6人一枱,6人枱就大派用場,不過,個人嚟講,盡可能忍忍唔好約大棚人聚餐啦,減少傳播風險嘛!當然,待疫情消退後,夠人多,包個房嚟聚一聚,不知幾開心
4 瀏覽
1 讚好
0 留言
4 瀏覽
1 讚好
0 留言
晌呢啲中高檔餐廳,除咗環境,餐具及服務都喺值得留意嘅一環。一碟、一杯都好古雅,甚至筷子托,都小巧別緻。而服務方面,都好熨貼,侍應既有禮,又不時為我哋添茶及收拾餐具。師傅上菜嘅速度,亦喺恰到好處,令人用餐感到悠閒唔急速。
2 瀏覽
1 讚好
0 留言
講番午市有咩選擇,如上文提及,嚟到都喺試其「廚師發辦」,定價$680,包括先付3種盛、刺身5種盛、和食、天婦羅、壽司3貫、汁物及果物,非常豐富吓。
68 瀏覽
1 讚好
0 留言
先付3種盛
先分享吓個「廚師發辦」套餐,首先喺前菜,以小木托盤一次過送上3款前菜,而賣相喺一貫日本菜嘅精緻,單喺睇都令人賞心悅目啦。
先付3種盛
4 瀏覽
1 讚好
0 留言
日本珍珠蠔

唔止器皿靚,擺咁少少食用花瓣,立時都靚好多。有別一般食生蠔嘅食法,加咗少少柚子酸汁嚟調味,卻無蓋過蠔本身嘅蠔味,亦能嗒到海水嘅鹹鮮味,口感又帶點爽脆,喺好有質素嘅生蠔。
日本珍珠蠔
3 瀏覽
1 讚好
0 留言
胡麻秋葵

秋葵中間嘅黏黏潺潺感未必人人鍾意,但我同老婆又幾啱,淋上大量胡麻醬及灑下木魚碎,食味大不同。
胡麻秋葵
2 瀏覽
1 讚好
0 留言
水雲海蜇

中間晶瑩透白嘅喺海蜇,但有別我哋食燒味時嗰啲海蜇,口感卻喺同樣爽脆;而周邊墨綠色嘅喺水雲,其實喺啲藻類,滑滑溜溜咁,好有營養價值。
水雲海蜇
2 瀏覽
1 讚好
0 留言
右口魚薄切

跟住落嚟喺刺身5種盛,先登場喺右口魚薄切,左口魚就食得多少少,右口魚印象中就好少接觸。右口魚刺身切得厚薄均一,足證師傅刀功好,外觀薄透清澈,魚味比較清淡,沾少少酸汁,好有提昇鮮味嘅作用。
右口魚薄切
1 瀏覽
1 讚好
0 留言
粒螺

師傅介紹第二款刺身喺粒螺,當然真身就唔知喺點,但睇樣就幾新鮮。螺肉切好後,再刨上少少柚子皮。螺肉非常爽口,卻又帶點韌勁,喺跟食魚刺身嘅另一種體驗,再者,柔柔滲出柚子香味,可謂神來之筆。
粒螺
2 瀏覽
1 讚好
0 留言
牡丹蝦

好嬌巧嘅賣相,確喺非常吸引,師傅介紹時,仲提到蝦面放咗毛蟹肉及鳥魚子,唔止顏值高,更感矜貴咗。一啖入口,肉質黏黏哋卻又帶有爽身嘅口感,而味道複雜紛陳,極具層次。
牡丹蝦
1 瀏覽
1 讚好
0 留言
深海池魚

處理上唔喺單單就咁切成刺生送上,而喺稍稍炙燒一下,目的喺逼出魚油,因為呢款魚種魚油比較豐盈。炙燒後,唔單令刺身睇起嚟更光澤,入口更富油香,而肉質嫩得嚟帶點點爽口感。
深海池魚
5 瀏覽
1 讚好
0 留言
鰤魚

鰤魚可以少聽啲,但油甘相信大家實聽過,因為大多數迴轉壽司都有供應,其實,鰤魚就等同油甘嘅大人,咪以為大條咗就會肉質嚡,其實佢算喺頂級食材,而且,好講時令。師傅將其兩食,一片簡單做刺身,另一片則做成火炙,同樣都喺口感鮮滑細膩,火炙過嘅油脂更豐腴。
鰤魚
1 瀏覽
1 讚好
0 留言
黑松露和牛卷

完咗5款刺身,就來一客和食暖暖番個胃。外觀好似平平無奇,但和牛厚薄剛好,咬落軟腍極具油香,而中間捲住好多蔬菜絲,如紫洋蔥,翡翠苗之類,再加點炸蒜片,並淋上黑松露醬,令到入口時多一份清爽感,以及味道更多層次。
黑松露和牛卷
1 瀏覽
1 讚好
0 留言
天婦羅

原餐牌中,天婦羅部份喺海老,但依家變咗什錦,有薑花、日本青椒仔、甜薯、冬菇及右口魚,多樣化咗,仲啱我老婆,佢鍾意食素嘛!啲天婦羅做得幾好,脆漿薄,入口唔油膩,沾點抹茶鹽,更添一份惹味口感。
天婦羅
1 瀏覽
1 讚好
0 留言
鯖魚壽司

套餐中嘅壽司,安排咗3貫,先喺鯖魚。平時食鯖魚都喺鹽燒做定食,做壽司印象中都算少有。醃漬過鯖魚,加上薄薄嘅昆布,以及軟熟、握得緊致不鬆散嘅赤醋飯,實在滋味。
鯖魚壽司
3 瀏覽
1 讚好
0 留言
中拖羅壽司

吞拿魚中,唔鍾意油脂嘅人會揀赤身,極鍾意油脂嘅就揀大拖羅,中拖羅算唔算兩者之間呢?眼前嘅中拖羅,色澤嫩嫩嘅粉紅,油分十足,入口都頗有入口即溶嘅感覺,的確喺柔嫩味鮮。
中拖羅壽司
2 瀏覽
1 讚好
0 留言
北海道海膽軍艦

一件比一件壽司味濃,最後一件壽司喺海膽軍艦,軍艦上鋪滿大片色澤光亮嘅海膽,小試一口,入口甘香豐腴,質感綿密細膩,喺有種好新鮮嘅感覺;配上脆口嘅紫菜,軟綿綿嘅飯粒,唔止好食,仲有種餘月韻。
北海道海膽軍艦
1 瀏覽
1 讚好
0 留言
味噌湯

我哋廣東人就喜歡飲湯先,之後先食飯菜,但日本無論食「廚師發辦」,抑或鐵板燒套餐,都喺後段先上汁物。味噌湯雖然無咩帶嚟驚喜,但平實、麵豉味香濃,暖和番啲腸胃。
味噌湯
1 瀏覽
1 讚好
0 留言
紅豆年糕

原本喺果物,但改咗為甜品,晌日本食紅豆年糕都喺啲喜慶日子,雖然依家經濟困難,但都要盡量保持內心喜樂。啲紅豆煮得幾綿,年糕咬落又好煙韌,喺簡單滋味嘅甜點。
紅豆年糕
3 瀏覽
1 讚好
0 留言
另一版就喺定食形式,即包咗前菜、沙律、茶碗蒸、味噌湯、甜品,定價為$168-$490,豐儉由人
。而主食算喺有7款選擇,但當中3款喺以壽司為主,見到師傅都喺逐揑,逐件上,一樣有食「廚師發辦」嘅感覺。本來一心揀「銀雪魚西京燒」,但剛巧無貨,就改選和牛海膽飯。
64 瀏覽
1 讚好
0 留言
前菜、沙律

前菜喺胡麻秋葵,沙律亦喺簡單嘅沙律菜再淋上醋汁,基本上只要材料喺新鮮,出嚟嘅效果亦唔會太差。
前菜、沙律
1 瀏覽
1 讚好
0 留言
和牛海膽飯 $250

伴隨主角「和牛海膽飯」登場嘅仲有茶碗蒸同味噌湯,睇到啲餐具都特別有感,好靚、好雅致,捧上手雖然好重、好墜手,但呢啲咪叫手感囉。
和牛海膽飯
$250
2 瀏覽
1 讚好
0 留言
先講個飯,打開碗蓋,有大大瓣海膽,並鋪滿和牛,和牛油潤好食,甚具肉香,而海膽晌上文都介紹過,鮮甜豐腴,牛肉汁滲入飯中,撈埋啲飯跟海膽一齊食,別有一番滋味
和牛海膽飯
2 瀏覽
1 讚好
0 留言
和牛海膽飯
1 瀏覽
1 讚好
0 留言
和牛海膽飯
0 瀏覽
1 讚好
0 留言
和牛海膽飯
2 瀏覽
1 讚好
0 留言
茶碗蒸

蛋漿蒸得滑溜無比,兼且甚有蛋香,而且,蛋下滿滿材料,如銀杏、冬菇……等等,面面又淋上一點湯汁,睇得出師傅做得好有誠意,唔會因為只喺一份蒸蛋就馬馬虎虎。
茶碗蒸
0 瀏覽
1 讚好
0 留言
味噌湯

老婆一向喺愛湯之人,咩湯品都鍾意,再者,呢度嘅味噌湯又確喺做到濃香而不濁味,加入少少昆布、豆腐乾,令簡單嘅味噌湯都可以讓人感覺很好。
味噌湯
0 瀏覽
1 讚好
0 留言
紅豆年糕

定食嘅甜品同樣都喺紅豆年糕,其實,呢樣嘢對啱晒我老婆嘅胃口,所以,佢食得特別稱心。
紅豆年糕
1 瀏覽
1 讚好
0 留言
質素即喺質素,無論刺身壽司、天婦羅或定食,都食得出用料不賴,加上師傅嘅手勢好,製作用心,以及貼心、有禮嘅服務,都令到我哋有個愉快嘅午餐時段,老婆都話嚟到食晏確喺英明之選
(以上食評乃用戶個人意見 , 並不代表OpenRice之觀點。)
張貼
評分
味道
環境
服務
衛生
抵食
用餐途徑
堂食
人均消費
$510 (午餐)
推介美食
先付3種盛
右口魚薄切
粒螺
牡丹蝦
深海池魚
黑松露和牛卷
天婦羅
中拖羅壽司
北海道海膽軍艦
紅豆年糕
茶碗蒸