135
22
1
等級3
36
3
大圍一直都幾多小店高質素,呢間小有名氣嘅E For Egg 就剛從舊鋪搬到新鋪。新鋪裝修以木色為主,門口右邊位置有幾張木櫈可以做打卡位/等候區🪑餐廳提供戶外座位俾想坐室外嘅朋友。除此之外,更係一間Pet Friendly嘅餐廳🐶今次趁住平日下午有時間嚟朝聖,由於懷住「美食需要等待」嘅心,我哋預咗需要排隊🤣果然去到後,門口有大約6-7個人等候,店家以派飛仔叫號形式入座,我哋等咗十張枱,大約半小時就可以入座。🥪先講香蒜黑松露雜菌拉絲芝士盒子吐司($65),吐司好香脆,烘過亦無畀上面多到瀉出嚟嘅炒蛋整濕到,仍然係好香口,無過多嘅牛油味。但黑松露同芝士嘅味道就唔算好濃郁,反而多到瀉嘅炒蛋就炒得剛好,亦好多雜菌,當佢係一個炒蛋吐司就會覺得好完美,整體非常唔錯。食時可能食得有啲狼狽因為太多料,不過真係啖啖滿足!😍 放吐司側邊嘅沙律菜同埋蕃薯條就不過不失。同行友人食咗金沙軟殼蟹牛油果滑蛋盒子吐司($68),佢一路食一路都大讚好味,食後感係隻蟹炸得啱啱好,好juicy,乾身得嚟無過火,各方面都剛剛好,牛油果啱啱好熟,鹹蛋味亦夠,好喜歡。🍗小食方面叫咗韓式炸雞粒($58),雞翼拼盤($58)同埋黑松露蕃
更多
大圍一直都幾多小店高質素,呢間小有名氣嘅E For Egg 就剛從舊鋪搬到新鋪。新鋪裝修以木色為主,門口右邊位置有幾張木櫈可以做打卡位/等候區🪑


餐廳提供戶外座位俾想坐室外嘅朋友。除此之外,更係一間Pet Friendly嘅餐廳🐶



今次趁住平日下午有時間嚟朝聖,由於懷住「美食需要等待」嘅心,我哋預咗需要排隊🤣果然去到後,門口有大約6-7個人等候,店家以派飛仔叫號形式入座,我哋等咗十張枱,大約半小時就可以入座。



🥪先講香蒜黑松露雜菌拉絲芝士盒子吐司($65),吐司好香脆,烘過亦無畀上面多到瀉出嚟嘅炒蛋整濕到,仍然係好香口,無過多嘅牛油味。但黑松露同芝士嘅味道就唔算好濃郁,反而多到瀉嘅炒蛋就炒得剛好,亦好多雜菌,當佢係一個炒蛋吐司就會覺得好完美,整體非常唔錯。食時可能食得有啲狼狽因為太多料,不過真係啖啖滿足!😍 放吐司側邊嘅沙律菜同埋蕃薯條就不過不失。
香蒜黑松露雜菌拉絲芝士盒子吐司
7 瀏覽
0 讚好
0 留言



同行友人食咗金沙軟殼蟹牛油果滑蛋盒子吐司($68),佢一路食一路都大讚好味,食後感係隻蟹炸得啱啱好,好juicy,乾身得嚟無過火,各方面都剛剛好,牛油果啱啱好熟,鹹蛋味亦夠,好喜歡。
金沙軟殼蟹牛油果滑蛋盒子
10 瀏覽
1 讚好
0 留言


🍗小食方面叫咗韓式炸雞粒($58),雞翼拼盤($58)同埋黑松露蕃薯薯條($58)。
黑松露蕃薯條上面原本已經有黑松露醬,佢仲特有另有黑松露蛋黃醬另上,非常濃郁同埋幾大兜,夠點全碟薯條再加嚟點吓其他嘢食(我都有將雞粒同埋吐司都點醬嚟食),蕃薯條亦炸得非常剛好,脆口又甜,好好味呀😋!
黑松露蕃薯薯條
7 瀏覽
0 讚好
0 留言

另外雞翼拼盤都好好食,雞肉嫩口多汁,有4隻係無骨釀蘑菇芝士,2隻辣味,非常有驚喜。韓式炸雞粒反之較為遜色,未太大驚喜同埋無韓式味道,反而有啲某大連鎖快餐店嘅巴辣雞粒感覺。
韓式炸雞粒
5 瀏覽
0 讚好
0 留言
雞翼拼盤
5 瀏覽
0 讚好
0 留言

本來真係好想試埋甜品,但實在太飽,下次有機會再戰甜品~另外亦飲咗佢嘅Americano($35)同埋Cappuccino($41),兩款均係味道偏淡,覺得可以做得更好。

😋整體嚟講,食物高質,環境不錯,而家係打卡熱點,嚟前需要預咗排隊~另外值得注意嘅係,如果唔想Miss咗叫號,建議企返門口等,因為叫號速度都較快,叫兩至三次無人回應就會到下張枱,會去嘅朋友仔記住留意💡
(以上食評乃用戶個人意見 , 並不代表OpenRice之觀點。)
張貼
評分
味道
環境
服務
衛生
抵食
用餐途徑
堂食
推介美食
香蒜黑松露雜菌拉絲芝士盒子吐司
金沙軟殼蟹牛油果滑蛋盒子
黑松露蕃薯薯條
雞翼拼盤
  • 黑松露雜菌拉絲芝士盒子
  • 金沙軟殼蟹滑蛋盒子吐司