8
1
0
等級8
2019-11-04 1044 瀏覽
由於近來嘅社會事件,我嘅細胞小組好耐無聚會過喇,改完一次又一次,多謝各組員嘅配合,卒之約得成,不過,地點又喺另一要考量嘅地方,以往就大家方便,都喺落太子,但不時有突發,我哋組內有好多細路仔,安全先行,結果有組員提議「又一居會所酒樓」,實在喺極佳提案。雖然喺會所酒樓,但街客一樣可以嚟飲茶食飯,內裡嘅環境跟一般嘅酒樓無咩分別,喺地方無咁大,一眼都睇晒,但樓底高,加上今周日嚟到,意外地人客唔多,我哋一行大大細細13人已經喺大戶,所以,整體感覺都喺闊落。見佢張點心紙寫住星期六、日適用,估計喺平日價錢會平啲,周六、日就貴少少,另收茗茶$10位。而點心紙一大張睇晒,分即做點心、蒸飯粥品、廚味推介共33樣嘢,無出面啲酒樓咁多,但一般而言都夠晒揀。而另外仲有一張A4紙菜單,喺啲小食、小菜、湯羹及飯麵。由於有組員早餐都未食,哈哈!大呻肚餓,晌大家研究揀咩點心之時,就先嗌兩客飯麵。蛋白瑤柱炒飯 $88比預期嘅碟頭大,雖然叫會所樓,但定價都親民。睇都睇得出落咗唔少瑤柱粒,貨真價實,最稱心喺啲飯粒炒得爽身,而且,唔會好油,三扒兩撥成碟炒飯就清晒。乾炒牛河 $88同碟炒飯一樣份量十足,亦喺好足料,牛肉落咗唔少,
更多
由於近來嘅社會事件,我嘅細胞小組好耐無聚會過喇,改完一次又一次,多謝各組員嘅配合,卒之約得成,不過,地點又喺另一要考量嘅地方,以往就大家方便,都喺落太子,但不時有突發,我哋組內有好多細路仔,安全先行,結果有組員提議「又一居會所酒樓」,實在喺極佳提案
4 瀏覽
0 讚好
0 留言
雖然喺會所酒樓,但街客一樣可以嚟飲茶食飯,內裡嘅環境跟一般嘅酒樓無咩分別,喺地方無咁大,一眼都睇晒,但樓底高,加上今周日嚟到,意外地人客唔多,我哋一行大大細細13人已經喺大戶,所以,整體感覺都喺闊落。
3 瀏覽
0 讚好
0 留言
見佢張點心紙寫住星期六、日適用,估計喺平日價錢會平啲,周六、日就貴少少,另收茗茶$10位。而點心紙一大張睇晒,分即做點心、蒸飯粥品、廚味推介共33樣嘢,無出面啲酒樓咁多,但一般而言都夠晒揀。
4 瀏覽
0 讚好
0 留言
而另外仲有一張A4紙菜單,喺啲小食、小菜、湯羹及飯麵。由於有組員早餐都未食,哈哈!大呻肚餓,晌大家研究揀咩點心之時,就先嗌兩客飯麵。
5 瀏覽
0 讚好
0 留言
蛋白瑤柱炒飯 $88

比預期嘅碟頭大,雖然叫會所樓,但定價都親民。睇都睇得出落咗唔少瑤柱粒,貨真價實,最稱心喺啲飯粒炒得爽身,而且,唔會好油,三扒兩撥成碟炒飯就清晒。
蛋白瑤柱炒飯
$88
2 瀏覽
0 讚好
0 留言
乾炒牛河 $88

同碟炒飯一樣份量十足,亦喺好足料,牛肉落咗唔少,而且,啲河粉唔止炒得均勻,每條粉都上晒色,更正嘅喺,食到尾嗰炷都唔油膩,炒功了得,有水準,抵食。
乾炒牛河
$88
2 瀏覽
0 讚好
0 留言
轉頭,陸陸續續上點心,一下子就堆滿成枱,不過,相上嘅點心都未喺齊晒,但無理由仲要等齊先食架,組員們,起筷吧!
0 瀏覽
0 讚好
0 留言
自家XO醬炒腸粉 $37

點心都喺即叫即做,而且,感覺都好夠誠意,就好似呢碟炒腸粉,加上蛋絲,撒上芝麻、蔥花,靚仔咗好多。味道亦都唔錯,炒得香口惹味,啲腸粉仲喺好軟滑。
自家XO醬炒腸粉
$37
2 瀏覽
0 讚好
0 留言
皮蛋肉片粥 $51

啲小朋友嗌住要食粥,一嚟到就好搶手,所以,我都唔好意思再撈起啲料嚟影相。簡單而言,啲粥好綿,肉皮比相像中滑。
皮蛋肉片粥
$51
2 瀏覽
0 讚好
0 留言
水晶鮮蝦餃皇 $34

啲蝦餃皮望落雖未致於如「水晶」咁透,但咬落軟綿又唔黏牙,裡面全喺蝦肉,好鮮甜,極之彈牙。
水晶鮮蝦餃皇
$34
1 瀏覽
0 讚好
0 留言
荷葉珍珠雞 $27

例牌,一客有兩隻珍珠雞,裡面嘅糯米蒸得口感黏糯,餡料惹味香口,食落又確喺有微微荷葉香。
荷葉珍珠雞
$27
0 瀏覽
0 讚好
0 留言
豉汁蒸鳳爪 $23

又喺點心中嘅經典,鳳爪蒸到腍透,而言,帶有濃濃豉汁香,就連底下嘅花生都唔好錯過。
豉汁蒸鳳爪
$23
0 瀏覽
0 讚好
0 留言
鮮州蒸粉果 $23

相對鮮蝦菜苗餃(無影到個別點心相),小弟就覺得籠蒸粉果麻麻哋,大概因為粉果較厚皮,還好食得出落足料,味道方面本身喺唔錯。
潮州蒸粉果
$23
0 瀏覽
0 讚好
0 留言
鮮蝦炸春卷 $23

小朋友唔好食咁多油炸嘢,唔健康吖嘛,就由我哋啲大人嚟。春卷外皮甘香又脆口,完全無油膩感,裡面混有鮮蝦,比起淨肉更爽口。
鮮蝦炸春卷
$23
1 瀏覽
0 讚好
0 留言
黑椒金錢肚 $25

金錢肚不時都有食,一喺就飲茶食點心時,一喺就食麵時會遇到。繼鳳爪,又喺另一道惹味點心,金錢肚軟腍帶點點爽口,黑椒味濃卻唔會太嗆喉。
黑椒金錢肚
$25
0 瀏覽
0 讚好
0 留言
北菇綿花雞 $27

綿花雞我就麻麻哋,因為一般嚟講都會較油,啲魚肚亦好似海綿咁吸滿油。不過,有組員就讚算喺唔油,啲雞仲仲勁滑添。
北菇綿花雞
$27
0 瀏覽
0 讚好
0 留言
蜜汁叉燒包 $23

叉燒包喺港式點心嘅經典之一,唔點就好似差咁啲,況且,我哋咁多人,又多細路,嗌定兩籠都無問題。叉燒餡好惹味,最緊要喺無肥膏嘛。
蜜汁叉燒包
$23
0 瀏覽
0 讚好
0 留言
椰香奶黃包 $25

奶黃包向來喺我心水嘅包款之一,雖然,包中嘅奶黃唔喺勁流心嗰種,但軟滑而富椰香,蛋香味濃,包身軟熟唔黏牙。
椰香奶黃包
$25
0 瀏覽
0 讚好
0 留言
懷舊馬拉糕 $25

個馬拉糕幾得,鬆軟得嚟口感綿密,回彈力強,估唔到啲細路都好鍾意食,真喺大人細路都爭住食。
懷舊馬拉糕
$25
0 瀏覽
0 讚好
0 留言
原盅北菇滑雞飯 $56

我哋一大棚人,當中食得吓嘅人唔少,所以,揀多個煲仔飯打打底,怕大家食唔飽。每盅份量唔少,雞件亦多,無欺場,飯粒蒸得分明,撈埋豉油已好好食,加上啲雞件頗嫩滑。
原盅北菇滑雞飯
$56
0 瀏覽
0 讚好
0 留言
棗紅糕 $23

雖然甜品我最啱,不過無食到,影低張相留個記錄,睇樣就唔錯,好唔好食就真喺唔知。
棗紅糕
$23
0 瀏覽
0 讚好
0 留言
除非去啲點心專門店,否則,去一般酒樓飲餐茶喺唔平得去邊,不過,一大棚人飲茶卻喺最好選擇,一來圍住張大圓枱,方便一齊傾偈,二來可以點好多點心「些牙」,較易攤分「成本」,感覺會抵啲。
(以上食評乃用戶個人意見 , 並不代表OpenRice之觀點。)
張貼
評分
味道
環境
服務
衛生
抵食
用餐途徑
堂食
人均消費
$73 (午餐)
推介美食
乾炒牛河
$ 88
自家XO醬炒腸粉
$ 37
水晶鮮蝦餃皇
$ 34
黑椒金錢肚
$ 25
椰香奶黃包
$ 25