更多
2021-07-21
7306 瀏覽
🏆 米芝蓮一星餐廳🏆 2021年亞洲五十強餐廳第十六位.今日終於食到呢間期待左、排左成個月既米芝蓮餐廳😭😍 VEA意指總廚Vicky Cheng x 總調酒師Antonio！餐廳可以容納大概46人，大部分都係分區圓弧形Bar枱式座位，好處係可以俾客人近距離欣賞廚藝表演。P.S. 限聚原因，只開放一半座位預訂！想幫襯嘅話要最早28日前就要上網預約😌我唔客氣啦😋Bon appétit！.未嗌嘢食，先開咗自己帶去既Jacques Selosse Initial先! *酒評：請移玉步去😌.📌三款小食賣相精緻: 蜆肉極鮮甜，係三款小食入面最好食既一款😍.鵝肝醬開心果脆卷脆卷好鬆化，內餡係肥美既鵝肝醬同增加口感既開心果！.瑤柱枝豆撻瑤柱炸得乾身，配撘埋枝豆同薄脆既撻皮，好食👍🏾.📌 鹹魚白菜呢道點心上枱既時候，音樂盒木盤就會播起純音樂《分分鐘需要你》🎶 旁邊仲有2卷小字條💌，寫住「鹹魚白菜也好好味」，喂！聽完睇完都冧哂啦大佬🥰 鹹魚白菜點心係用鹹魚、豬肉、白菜蓉同埋雞蛋打成cream ，再釀入雞蛋殻。好幸福呀😍.📌TARBOURIECH OYSTER🦪下層勁甜嘅台灣蕃茄🍅同法國士多啤梨🍓，配埋係上
🏆 2021年亞洲五十強餐廳第十六位
.
今日終於食到呢間期待左、排左成個月既米芝蓮餐廳😭😍 VEA意指總廚Vicky Cheng x 總調酒師Antonio！餐廳可以容納大概46人，大部分都係分區圓弧形Bar枱式座位，好處係可以俾客人近距離欣賞廚藝表演。
P.S. 限聚原因，只開放一半座位預訂！
想幫襯嘅話要最早28日前就要上網預約😌
我唔客氣啦😋Bon appétit！
.
未嗌嘢食，
先開咗自己帶去既Jacques Selosse Initial先!
*酒評：請移玉步去😌
.
📌三款小食賣相精緻:
蜆肉極鮮甜，
係三款小食入面最好食既一款😍
.
鵝肝醬開心果脆卷
脆卷好鬆化，
內餡係肥美既鵝肝醬同增加口感既開心果！
.
瑤柱枝豆撻
瑤柱炸得乾身，
配撘埋枝豆同薄脆既撻皮，好食👍🏾
.
📌 鹹魚白菜
呢道點心上枱既時候，音樂盒木盤就會播起純音樂《分分鐘需要你》🎶 旁邊仲有2卷小字條💌，寫住「鹹魚白菜也好好味」，喂！聽完睇完都冧哂啦大佬🥰 鹹魚白菜點心係用鹹魚、豬肉、白菜蓉同埋雞蛋打成cream ，再釀入雞蛋殻。好幸福呀😍
.
📌TARBOURIECH OYSTER🦪
下層勁甜嘅台灣蕃茄🍅同法國士多啤梨🍓，配埋係上層既法國南部🇫🇷玫瑰生蠔，帶子位厚大爽脆，蠔肉帶輕微金屬味又圓潤鮮甜，好食！
.
📌White Asparagus
白露筍配海膽，配埋伴碟嘅麻油，
榛子粒同魚做嘅汁。
.
📌Sea Cucumber (VEA招牌菜)
呢道係我全晚最中意嘅菜。底層係用虎蝦整既蝦膠，面層係烤脆左表面既日本關東遼參，食落鮮嫩彈牙，拌碟用左法國螯蝦膏熬制極濃郁鮮甜既醬汁😍上菜既時候即場噴上一層二十年陳年紹興花雕酒，好好食呀🤤
.
📌間場: 蟠桃菓雪芭🍨
有睇西遊記就知蟠桃菓係: 三千年開花，三千年結果，三千年成熟🤣 今次VEA將澳門百年老字號「同益百花魁」蟠桃菓混入雪芭之中，清洗一下味蕾！所謂蟠桃菓，其實就係北杏，味道酸甜酸甜，開胃消滯，感覺好新鮮、好特別！
.
📌Crispy Daikon(第一道主菜)
日本大根炆腍之後，炸到外層微微脆口，面頭放左一隻日本生雞蛋。餐廳建議食既時候篤穿蛋黃，令蛋黃漿覆蓋成舊大根，配埋拌碟既黑松露汁。個人認為日本蛋黃味道太濃，有輕微蓋過大根既味道！
.
📌間場：台灣烏龍茶🍵
烏龍茶香醇順口，可以清一清口腔既味道！
.
📌FISH MAW(+$980)
第一次食鳳眼果🤣
質感似粟子🌰，味道似蕃薯🍠 幾得意，
配埋花膠同黑松露一齊食，幾特別🤭
.
📌28 HEAD DRIED ABALONE(+$1,580)
本來Set既主菜係羊🐐，但我地加咗$1,580試下佢哋餐廳另一個招牌菜—「法式乾鮑皇冠派」! 整法就好似威靈頓牛扒，但今次係威靈頓28頭日本吉品鮑，每隻都要準備5-6日！配上”Sweetbread”小牛胸腺同菠菜，再以香脆既千層酥皮包住，最後淋上鮑魚汁! 但個人認為小牛胸腺味道太濃郁(唔係腥味)，搶走左鮑魚既風頭！(可能用雞肉會更好，但食材唔夠矜貴吧🤣)
.
✨#Yob長知識系列：
「Sweetbread」唔係牛肉，唔係甜麵包，而係內臟！指3-6個月小牛靠近胸口既腺體，小牛成熟之後，呢個腺體就會不見。
.
甜品時間:
📌Bird’s Nest
底層舖滿切成小圓球嘅清甜靜岡蜜瓜粒，中層係濃郁滑溜嘅北海道牛乳奶凍，而最面層淋上矜貴又滋補養顏嘅燕窩，表面放上白色食用花，賣相極其高雅。餐廳建議一匙到底甘食，可以一啖試到三層唔同既口感！
.
📌糖葱餅配雪糕🍦
呢個好好食囉媽咪呀🥲
其實好想試餐廳之前出過既
真。糖葱餅，夾椰子雪糕，但可惜轉左Menu🙁
.
📌Mignardises
Sweet Selection 有6件小甜點，非常精緻！唔會太甜。最中意既係Condensed Milk Mochi 煉奶糯米糍，糯米皮好薄軟熟，包係入面既煉奶係流質，奶香十足，又唔會太甜🥰 另外日本香印青提粒同朱古力餅個兩款甜點都好食！其他甜品仲有迷你菠蘿包、焦糖餅同莓味餅乾！
.
我哋今次係訂3-6pm下午場，
6 Courses Menu $1,680 x2 ppl
Still Water (+？)
轉花膠 (+$980)
轉鮑魚($1580 for 2)
Corkage fee ($500)
服務費 (+10%)
.
總括而言，呢餐三個鐘既「鹹魚白菜」承惠$7,xxx🤣 臨走時，餐廳仲送上小禮物俾我地：芝麻曲奇! 但係成個用餐體驗好好，食得開心都係真既🥰
.
=========================
張貼
