KiKi麵店 (希慎廣場)

營業中

休息中

屋企人長期有買Kiki拌麵，間中都有煮一包蔥油拌麵過下口癮，不過Kiki麵店係香港駐足左幾年，我同朋友仔都係第一次幫襯門市👯‍♀️銅鑼灣希慎店行木系文青風，裝潢以木色調為主，並且係旁邊加入左一個品茶小角落，可以同時優哉游哉咁嘆茶同打卡影相留念！🥢全日套餐揀左蒜片台式腸，加左十蚊轉蟹黃油拌麵🦀同熱既白桃烏龍。木盤入面有幾個碗仔，黃色既係蟹黃油，黑色既係醋同主角蟹黃☺️蟹黃色澤鮮黃呈糊狀，份量亦非常慷慨，每一啖都會食到蟹黃同蟹肉碎，再加埋蟹黃油一齊撈匀，增添左唔少風味，食到咁上下仲可以倒入黑醋解膩之餘，更加帶出蟹既鮮味！切成薄片既台式香腸略帶甜，配上生蒜帶辛辣感，唔錯唔錯！白桃烏龍茶🍵味道清香，茶味唔會太苦澀，亦都有助解滯！🥢龍眼蜜烤雞排拌麵龍眼蜜入饌比較少見😍雞排先用上五款秘製香料醃製再烤焗，再係雞皮上塗上黎自台灣既龍眼蜜，雞皮帶小小焦香，散發出陣陣香氣，用上脾位既雞肉厚身嫩口，配彈牙既拌麵一齊好夾！而且雞脾肉好大份，男仔食都會夠飽。🥢涼拌皮蛋豆腐不過不失既一款小食～豆腐切成百葉狀再灑上肉鬆同木魚碎，再配以甜醬油，同其他台式小店味道差不多。📍KiKi麵店銅鑼灣軒尼詩道500號希慎廣場URBA