睡飽吃吃

營業中

休息中

俗語有云一山不能藏二虎，但係西營盤竟然可以同時容納兩間巴斯克熱店，住係西環既人真係好幸福😍睡飽吃吃裝修樸實，有一股台灣老宅既氣息，兩層高既餐廳俾人一種寂靜感，彷彿入到鋪頭都會不自覺降低聲量，靜靜地渡過一個下午！🍰星野抹茶巴斯克配草莓cream星野貴為日本數一數二既茶園，以濃茶聞名，味道偏高雅又甘甜。睡飽吃吃製作蛋糕時拿捏到星野既長處，抹茶味又濃又澀，餘韻回甘，中間軟心部分非常綿密，感覺似飲緊一杯綠茶🍵旁邊既淡粉紅色草莓忌廉好清甜，平衡左抹茶既甘澀，可謂錦上添花🌷🍰西西里島開心果巴斯克超級滿意既一件蛋糕🫶🏻開心果味道非常濃郁，每一啖都食到果仁既鹹香。表層淋上開心果醬同灑上開心果碎，口感濃厚又有些微咬口，中間既軟心好順滑，亦比同區既H家更有紮實更來得實在。外側偏結實，但入口一樣好重堅果香氣，甜度恰到好處！成個甜品處處都充滿開心果元素，口腔被果仁包圍住令人回味無窮🥰📍睡飽吃吃西環西營盤皇后大道西368號地舖