因為限聚令嘅關係，都少咗好多機會嚟蘭桂坊🥺見疫情緩和少少，今晚就一於黎蘭桂坊行吓，順便睇吓會唔會有啲新餐廳可以食😋 - 而家嘅蘭桂坊真係少咗好多人，好靜😮‍💨😭好多商戶係疫情之下都過得好唔容易，所以一場黎到真係要支持下💪🏻💪🏻 - 今次行過見到呢間居酒屋🏮主要食串燒同日式小食🥰仲有好多唔同款嘅酒水😍簡直啱哂我呢啲唔想食咁飽但又想搵個地方chill下嘅人😍 - 串燒有好多款式，包括野菜、燒鳥、肉類、海産等等😘最鍾意係每款都係一串起叫，咁就可以叫多啲款同朋友share🤩而且串燒都係即叫即燒，會逐款逐款咁上枱，保證黎到嘅時候都係熱辣辣🤤🤤 - 鮮冬菇 $28 唔好以為燒冬菇係好容易🤣因為我自己燒過係會好容易乾哂水同燶左🤦🏻‍♀️但係餐廳燒得十分好，冬菇咬落好多汁，調味唔會太鹹，可以食到冬菇嘅原汁原味😋😋 - 手工雞皮 $38 好fatfat嘅一款串燒😋但係覺得一場黎到，就叫一串黎share下啦😆😆係叫嘅時候店員會問想要脆啲定係煙韌啲～今次我就揀左脆啲😍食落好似食緊薯片咁，一啲都唔會覺得肥膩🤩 - 雞軟骨 $38/蘆筍豚肉卷 $48 好欣賞佢地嘅串燒普遍都唔會落太重嘅調味👍🏻咁樣先可以食到食材嘅原汁原味，唔會浪費左新鮮嘅食物🥰雞軟骨正係體現到呢樣嘢，軟骨味食落好濃郁😋好夠脆口😁蘆筍豚肉卷都係一樣，只係外面嘅豚肉加左少量嘅鹽，入面嘅蘆筍咬落去好Juicy，好清新🤩成個配搭好夾👍🏻 - 牛舌 $56 好推介牛舌😋如果你係好鍾意牛舌嘅話一定要叫😆佢相對上係好厚切，火候控制得好好，食落唔會太韌，好香牛嘅油香味🐄🐮 - 日本廣島蠔 $52 廣島蠔一咬落去彷彿同大海融入左咁😂😂好大陣嘅海水味，好鮮甜👍🏻唔會覺得好腥，而且燒完嘅size都keep到好大隻，好似手指公咁長😍 - 芝士年糕 $46 芝士年糕我覺得係必點👍🏻之前都係食開炸嘅芝士年糕，點知原來燒嘅年糕更有日本風味😋係燒嘅過程搽上左日本醬油，再加上一塊紫菜，令味道更加昇華🤩芝士亦都好流心😋😋 - 茶漬飯-鰻魚粒 $52 呢個茶漬飯我都覺得係飽肚之選😋而且好好味😍佢嘅茶漬飯加入左日式飯素、鰹魚同埋芝麻，而且個茶底帶有少少甜，令到個飯整體食落去好香，食完一啖好自然想再食多幾啖😆😆 - 呢到亦都有好多酒水，包括日本清酒、梅酒、柚子酒、威士忌、啤酒同其他無酒精飲料，價錢都係由$38-$7百幾/一千，如果一班朋友不妨開支酒一齊chill下😍 - 疫情令到好多餐廳嘅經營都好艱難🥺蘭桂坊嘅餐廳更係其中一啲受疫情影響得最深嘅一份子，如果大家黎開附近，不妨黎試下京都一串啦👍🏻😍老闆同員工好熱情招待，而且好用心整串燒💪🏻好希望佢地可以長做長有🤩

傳統嘅冬菇亭大排檔喺香港已經所剩無幾，但原來喺長洲仲保留住一個！有長洲嘅老街坊就向我哋推介呢間屹立超過40年嘅蓮香咖啡，餐廳由第一代傳到第二代，八十後嘅老闆放棄文職工作，堅守大排檔情懷，為街坊保留熟悉嘅味道，更新增唔少嘅創意食物，讓大排檔加入青春活力。
招牌炸豬扒、香炸雞中翼
豬扒同雞翼都係即叫即炸，夠晒熱辣辣！豬扒預先切件，食嘅時候夠晒方便！味道方面，醃得入味，鹹香十足，而豬扒口感非常鬆化，亦保持住肉味，絕對係蓮香嘅招牌名物之一。至於雞中翼非常香脆，咬落去嘅時候，勁多肉汁。
沙嗲新鮮牛肉米通
沙嗲牛肉同公仔麵係知己朋友，但沙嗲牛肉同米通就好似牛郎織女咁，可遇不可求，因為市面上有米通食嘅地方唔多，難得見到，就一定選擇米通啦！上枱嘅時候，以為牛肉份量唔多，但一路食，先知入面仲有勁多牛肉，相信係煮嘅時候，將沙嗲、牛肉同米通撈勻，令米通同牛肉更索汁。沙嗲當然係主角啦，沙嗲味香濃，仲帶有花生香，原來湯底加入咗好多花生碎粒，所以食嘅時候好有口感！牛肉採用新鮮牛肉，非常嫩滑！至於米通除咗外表索晒沙嗲汁，就連通心嘅部份亦注滿沙嗲汁，真係超滿足呀！
沙嗲爽滑豬潤配自家製韮菜餃瀨粉
一座建築物，除咗外牆嘅裝飾，地基都要好穩固。講緊嘅係除咗沙嗲夠香濃，其實本身嘅湯底亦花咗唔少功夫，用豬骨熬製，所以味道夠厚實。除咗牛肉之外，原來豬潤同沙嗲都勁夾！豬潤煮到啱啱好，唔會太老，而且無苦味夠新鮮，口感爽滑。至於韮菜餃係每日自家新鮮製造，餡料豐富，漲卜卜，韮菜勁多。
雪糕芝麻西多士
講到大排檔嘅美食，又點少得西多士呢！西多士上面有牛油同煉奶，因為夏天炎熱，我哋另外加咗雪糕球，令即叫即炸嘅西多士，加添冰火交融嘅感覺。以為有煉奶又有雪糕就一定好甜？店主特別喺西多士入邊加入芝麻，除咗可以中和甜味，更可以令味道有多重層次。
雪糕菠蘿包
同樣係冰火交融嘅又點止西多士呢？仲有呢個雪糕菠蘿包！菠蘿包外皮超鬆脆，麵包軟熟，熱辣辣嘅中間夾住一球朱古力雪糕。食嘅時候雖然會好論盡，但一層熱、一層凍又一層熱嘅刺激感，真係又high又dirty！
凍檸茶
蓮香出名嘅係奶茶，有唔少街坊都習慣嚟到嘆杯熱奶茶再坐船出中環。可惜我哋都唔飲奶茶，於是就叫咗杯凍檸茶，值得回味嘅當然係濃香嘅茶膽，夠清香又解喝。
雪糕紅豆冰
呢度嘅紅豆冰同出邊嘅紅豆冰好唔同，聽店主講佢哋係採用日本紅豆，所以每粒紅豆都大大粒，另外，佢哋刻意減少紅豆蓉嘅比例，以增加紅豆控對紅豆口感嘅執著。最後，上面放上雲呢拿雪糕，令奶香level up，又香又滑。
後記：八十後嘅店主夫婦雖然係二代長洲人，但同一班老街坊依然打成一片，互相問候。所以蓮香為街坊提供嘅除咗係一杯奶茶，蓮香更加係佢哋每日嘅聚腳點，係一個充滿人情味嘅地方。

香港好多人都鍾意食漢堡，呢家不乏過江龍、本地既餐廳有漢堡食，西式既漢堡一般由幾十蚊至百幾蚊不等，不過其實食好食既漢堡包，港式漢堡都一樣唔會輸，好多都係真材實料即叫即整，而且價格親民。
呢間利口福快餐店係一間唔起眼既小店、快餐店，係太子屹立已經有四十年，好有港式感覺，有一啲坐後巷，有啲坐店鋪內，外賣既人都唔小，夠哂地道，主打快餐，特色就係西多士可以自己揀餡料，其中最出名係流心芝士豬扒包、沙嗲牛肉包同沙嗲牛肉西多士，高峰期間沙嗲牛肉包每日可以買100個，如果夜晚去漢堡包可能會賣晒，得返多士。每個包都係新鮮即叫即做，所以外賣或者堂食攞上手都係熱辣辣，絕對係太子既名物。
雖然佢係太子界限街，地理上好方便就去到，不過因為坐位小，有時黎到都要等下，甚或要同其他食客搭枱。店舖唔算大，連洗碗嘅地方都幾乎冇，可能因為咁，佢哋嘅嘢飲都係用紙杯裝，而漢堡同埋包上碟時會有一張隔油紙，省卻洗碗碟既工夫。裝潢欠奉，不過夠地道，裝修保留左懷舊香港味道，即使餐牌翻新過，歷史味都無被洗乾淨，歷久常新，廚房係半開放，所以可以睇到老細即叫即做食物。店入邊嘅座位其實得兩張枱四張凳，之後就喺後巷嘅枱櫈，都係兩張枱四張凳。

餐廳嘅人手就得兩個，一個係老細，而另一個就係上咗年紀嘅婆婆，婆婆主要負責樓面工作，而老細就負責煮嘢食。
餐牌上有好多套餐同嘢食，套餐有小食套餐、常餐、三文治餐、漢堡包餐、多士餐、全日早餐、粉麵餐、小食、下午茶、超值套餐同埋是日精選，正常快餐店嘅炒粉麵都有，當然比較熱門嘅係三文治餐同多士餐，定價廿幾蚊到三十幾蚊，仲有茶咖啡，非常親民。
-
1️⃣ 沙嗲牛肉西多士 💰40（👅: 8/10）
西多絕對係港人下午茶既熱門選擇，平時見既西多士都係花生醬餡，而呢個西多士算係新式Fusion嘅西多士，西多士係即叫即整，外觀係炸到金黃色，
切開個西多士個時會聞到好香嘅沙嗲味，入邊嘅餡料係極多，牛肉係一塊塊，而唔係樂園嗰種牛肉碎，份量非常之多，係真正既手切牛肉，覆蓋晒成個西多士，非常足料，牛肉嘅份量比起樂園仲要再多，或者話樂園嗰個係比較少啲，牛肉食落軟稔，無筋唔韌，而唔係好有嚼勁個種，牛味唔算重，而沙嗲牛肉經過洋蔥同沙爹醬炒熱，所以會見到一絲絲嘅洋蔥，成個西多士充滿牛肉既原汁原味，香味撲鼻，每一啖都係牛肉既天然味道。
西多士唔算係好厚嗰種，同樂園一樣，西多士上都係煉奶，不過呢個上面滿晒煉奶同埋牛油，非常之邪惡， 咬落外層超脆，尤其係啲邊邊位，不過入口唔算好軟綿，可能落咗太多醬料嘅關係，但又唔會好實好韌，係有食到麵包嘅感覺，而且蛋香味都幾重，食落唔算好油好膩。
成個西多士出邊係甜，入邊係鹹，有甜有鹹兩個味道，但反而出奇地夾，煉奶同鹹味沙嗲牛肉幾夾，甜鹹交錯，唔會過甜，略嫌入邊嘅沙嗲牛肉鹹味比較重，有少少搶過其他味道，如果味道可以淡一啲會更好，而且沙嗲牛肉冇辣味，多士因為醬汁令到冇咁脆身，總結來講係個幾好食嘅西多士。
-
2️⃣ 流心芝士豬扒包 💰30（👅: 7.5/10）
豬扒包係即叫即整，等左十分鐘就有，上枱嗰時熱辣辣，豬扒係即炸既吉列豬扒，非常大塊厚身，咬落外脆內腍，炸衣唔厚，非常香口，唔會炸到過火，唔會過燶刮口，食落冇乜多餘嘅肥肉，肉質鮮嫩唔韌，有肉汁，唔算好油膩。而芝士份量非常多，湧出嚟嘅感覺，非常流心，但質地唔算係好稠身嘅芝士，呢個包一定要趁熱食，凍咗就會冇咗流心效果，但略嫌芝士嘅味道可以再重啲。
漢堡包唔乾，咬落幾鬆軟，入面流心芝士加上沙律醬，味道非常清新，同牛油麵包好夾，食落好惹味，沙律醬稍微蓋過左芝士嘅味道，酸酸甜甜嘅味會重啲，整體係一個好食、充滿港式風味既豬扒包。
-
3️⃣ 凍奶茶 +💰5（👅: 8/10）
係平時係茶餐廳飲到既奶茶質數，奶茶飲落夠甜，奶味茶味夠。
-
🌟老闆店員服務都好好，雖然人手唔係好多，不過見到我黎就即刻比位我坐，落單個方面可能會主動啲行去近廚房，因為佢哋比較忙，好少會特登行出嚟，轉位都無問題。
環境可能唔太理想，甚至坐既位都好小，可能要坐後巷，夏天來講可能會比較熱，人多個時可能要搭枱，不過有啲人就係鍾意呢一種風味，好有特色嘅後巷摺檯膠櫈，再加上一份人情味，令到食客絡繹不絕，想食高質漢堡包唔一定要比貴價，好似呢間平民小店一樣可以食到。話說我叫咗店舖招牌嘅流心芝士豬扒包，隔離枱有新食客坐低左，見到就問我係乜嘢，之後佢又叫咗同一樣嘅豬扒包，同佢嘅婆婆一齊食，有時就係呢一啲嘅地方，先可以拉近人同人之間嘅距離。
-
👅味道: 8/10
🍴環境: 6.5/10
💰消費: $80 (服務費: NA)

去完錦田的另一個週末，突然想起秋冬 Wish List 裡久放未動的拉麵店，這家拉麵店是身邊不少友人的推介，遲遲未訪，主要自己不是拉麵控，其次濃稠的拉麵湯較適合秋冬天氣！突如其來的改變，是基於上星期跟烈日對著幹並沒有構成什麼任何負擔，為何不再給自己一個突破，於是我們向屏山出發去！對呀，在傳統村落、鄉紳為首的地方，竟有一家日本拉麵？這也是我的大問號！世事往往令人意外，不只是格局令未曾到訪過的朋友產生疑慮，相信更直接的疑惑是其品質與味道！正所謂，未試過又點知呢！我們抵埗時，首先發現「小町」店名，正好配合處於坑尾村一條小橫街之上的地理環境，然而日式大門與小橫街亦顯得甚為順眼，由此可見格局與屏山對應！至於味道，以全店客滿、不時更有外賣到取的膚淺分析，大抵不會是中伏的料子！在門外等了十五分鐘，終於進入親身味道測試的時候。拉麵湯底的選擇挺多元化，大致分為豚骨魚介湯和鰹魚湯兩大類，還增設限定的口味，與及小食和飯類，第一次看到拉麵店的餐牌流口水，實在太餓了吧！我喜歡飲用清水，「小町」在檯上放置一壺壺的飲用水給客人，實在太讚了！在另一方面，凍檸茶已成為老公的指定動作！香蔥拉麵 HK$90 是身旁愛蔥人的第一選擇，一邊鋪上粉紅的叉燒、另一邊則是翠綠的青蔥！老公一呷湯頭即大喜，事關湯頭惹味帶微辛、令味蕾為之一振外，蔥的香氣亦能夠突顯，惹味與怡人兩者平衡有道，可見湯頭是經過用心研究烹調！老公繼續大讚之餘，也嘗試發表其個人見解，他認為那個橙啡色、較濃稠的醬汁是其後才淋上的，當然未能證實，但我個人覺得無論怎樣，這個湯底的確在香港云云的拉麵店中，有著其過人及獨特之處，而且能做到香濃不過鹹、滋味而不膩滯的恰當優點！有很多時候害怕拉麵，就是因為味道過重，和太膩口所致！另一碗要了鰹魚柚子塩拉麵 HK$88，湯底比大蔥拉麵來得輕淺，但不代表淡而無味！入口鰹魚鮮味突出，就像是鰹魚的精髓，餘韻以柚子的甘味作呼應，底部可見柚子皮沉澱，效果令人滿意！大概我接受鹹的程度較低，品嚐至尾段感覺有點點鹹，不過仍屬於可接受的範圍！除了湯底，我們也喜歡「小町」的叉燒，粉紅帶白脂的慢煮肩肉叉燒，口感嫩滑是必然，另帶有淡麗的豚香，在沒有任何焦邊和濃調下，釋出原味道的天然純美，另有值得欣賞之處！認同「小町」水準不錯，但並不代表完美 （挑剔樣 ；x 出現)，例如「小町」所用的麵條口感圓滑，但筋性及硬度稍低，個人喜歡靭度高、富咬口的麵質，因此感覺不過不失！但話得說回來，小店與大財團實在無法相提並論，以拉麵店來說最輸蝕莫過於麵條這一環！溏心蛋 HK$12 味道可以，但能接受再生丁點的程度啊！一般不太愛吃香港的日式餃子，不過「小町」的煎餃子 HK$38 是自家炮製，那就要試！嬌小的餃子髹上焦黃，樣子可愛，先放點醬油和醋作蘸汁！餃皮鬆脆不油，餃餡的豬肉盈香嫩滑，混合新鮮蔬菜，不用蘸汁已夠美味，不失為心目中在香港吃過第二好吃的日式餃子。那究竟第一在哪裡？它是出於一位年邁的日籍廚師的手，早期在尖沙咀經營日式料理兼當廚，他自家製的餃子，還有箱押鯖魚壽司是最美味的，不過二十年前已回日本退休了！另一款小食是山椒烤雞翼 HK$42，皮香脆、肉滑多汁、輕鹹帶山椒香氣，火喉和醃功也不錯，譜出簡單而永恆的好滋味！無論廚師、店員及客人也安靜平和，大家都各有專注，廚師用心做好自己的菜、吃飯的盡情欣賞及享受食物，社會本來就是這樣的單純可愛！

吃拉麵不一定要到銅鑼灣、尖沙咀，在元朗的屏山坑尾村的「小町」會有更精彩和不一樣的發現！

聽大圍嘅朋友介紹，呢間餐廳D中菜幾特別，主打係懷舊特色菜，幾考師傅手工同烹調技巧，所以要黎品嘗一下先得。一講話主打懷舊菜一定會諗到比較古舊嘅內裡裝修，點知又唔係喎，將傳統中式設計融入現代裝修，乾淨簡潔又不失風味，連餐牌設計都見幾新式，並非只會原地踏步👍🏻今次叫左 豉油皇魷魚鬚($58)、第一叉(半份)($118)、香濃腐乳炒蝦球伴西蘭花($168)、籠仔甜梅菜蒸菜心($138)、薑米蒜香籠仔蒸蟹飯($258)、茗茶及滾水($28/位)*2 叫左壺水仙，水滾茶靚🫖 琥珀合桃、話梅苦瓜 ：先送上2碟自家製餐前小食，呢2道小食真係未試過，食落又幾開胃消暑😄 豉油皇魷魚鬚：以豉油皇方式黎煮魷魚鬚，上色均勻收晒汁，所以每一條食落都夠晒惹味，兼且非常彈牙爽口，一流嘅小食😋 第一叉(半份)：見佢夠膽以第一叉自稱，當然就要食下睇下係咪咁巴閉😄今次只係叫左半份，但碟叉燒都份量十足，上菜時淨係目測都覺得燒得非常之靚，而且因為係懷舊菜關係，所以每件都非常厚切，夠特別👍🏻一食落去，真係極為驚喜，咁大個人都食過咁出色嘅叉燒🤩外表燒得少許焦香，但整件叉燒肉質極為嫩滑兼且夠晒JUICY，而且唔係塗上普通蜜糖，係用上百花蜜黎燒，所以叉燒當中帶點香甜花蜜味🤤第一叉果然名不虛傳😎 香濃腐乳炒蝦球伴西蘭花：平時覺得以腐乳調味都會比較偏鹹，但呢到嘅腐乳鹹度又恰到好處，我幾中意佢呢種獨特嘅香味，西蘭花夠翠綠，蝦球亦都大大隻，彈牙爽口，配以腐乳醬黎煮，冇諗過味道又幾夾，煮出黎又幾滋味😋 籠仔甜梅菜蒸菜心：用籠仔連埋梅菜、薑絲蔥花等黎一齊蒸菜心真係第一次試，比起平時白灼方式，咁樣烹調會吸收晒荷葉、梅菜等香味入去，等D菜心更添風味，食落清甜爽脆，簡簡單單嘅一碟菜心都可以煮得咁正😋 薑米蒜香籠仔蒸蟹飯：呢個又係極力推介😍將新鮮肉蟹連薑蔥配料放喺米飯上面，一齊放入荷葉籠仔到蒸焗，所以米飯已經吸收晒當中嘅精華，聞到香味已經流緊口水🤤蟹蓋附近位置嘅飯仲要吸埋蟹膏味，同埋記得趁熱食，會更加香口😍肉蟹已經分好件，所以食用夠方便，仲要大大個蟹鉗肉，啖啖肉鮮甜無比🤩 甜品：最後以紅棗雪蓮子糖水、椰汁紅豆糕作呢餐晚餐嘅結束，兩者甜度適中，啱晒怕太甜嘅我😋紅棗雪蓮子糖水清甜滋潤，椰汁紅豆糕軟滑得黎紅豆粒粒分明，幾有口感😋 成餐晚餐都唔係平時食開嘅菜式，所以都幾特別有驚喜，而且水準係非常之高，感受得到當中對懷舊菜嘅堅持同用心，同埋職員都會主動幫忙更換隻碟，難怪間餐廳都幾FULL，走嘅時候仲要見幾多人等緊位，想食高質中菜絕對值得再來幫襯🥰🥰 補MENU

位於紅磡區的米氣主打一汁多菜的日常料理，最特別的是餐牌在米飯、主食、冷盤以及溫食都提供很多不同的食物選擇，客人可以任意拼食。第一次光顧，晚市時段人都幾多，不少人在門外等位，好像幾人氣，等了15分鐘就可以入座也算是幸運吧？






餐廳也有午餐定食，主食有不同價錢，餸菜可以揀選自己喜歡的，理工大學學生可享折扣。

食物不用很久就送上。由於餐牌上的冷盤部份不太吸引，我就沒有點冷盤，但多點一款主食。

米飯類我選了醬油蛋飯($22)。蛋黃浸過醬油，但味道不會太濃或者蓋過蛋黃的味道，拌著白飯十分開胃。

關東煮($28)裡面有幾款餸，但整碗關東煮味道偏淡，不如日本人那般做得香濃；特別是蒟蒻本身沒有味道，需要靠湯底去增加味道，而湯底也十分淡，以致其他食材例如本身不甜的白蘿蔔都淡得很，令我整道菜都需要用芥末去調味，不建議。

紅酒汁煮牛肋條($48)相比起其他餸菜，這道是有醬汁的菜。醬汁味道濃郁，有適當的紅酒味，牛肋條燜得夠腍，容易咬開不黏牙。配菜例如紅蘿蔔和洋蔥都煮得非常軟，成功地吸收醬汁。雖然我點的飯已有一隻醬油蛋，但醬汁濃郁美味，也是一個配飯的好選擇；有興趣的可以點一個白飯跟配此牛肋條，醬汁的份量也足以拌均整個飯

月見博多地雞團子($46)竟然會是驚喜。「月見」就是這道菜裡面的雞蛋黃，根據名稱都知道下面的是雞肉。菜式的擺放上有用過心思，雞團子放上蛋黃的位置是弄了一個凹洞，把蛋黃剛剛好卡在上面，不輕易跌下來。然而，當我把雞團子弄開時，蛋黃就由上至下的流下來，令每一口雞團子都能夠沾到蛋汁。不過，最令我喜出望外的是雞團子的味道。雞團子外表看來平平無奇，原來裡面混入了紫蘇葉碎，一邊吃著淡淡的紫蘇葉味慢慢滲出來，味道不搶得來又能夠帶出食物的香氣，加上雞團子外面甜甜的令人開胃，這道菜味道幾好又有特色

櫻花蝦味噌漬飯($22)味道濃郁偏鹹，夾著白飯食則幾開胃，櫻花蝦味都算突出。
牛肉壽喜燒($48)的問題跟關東煮一樣都是很淡，完全沒有一般壽喜燒那般濃郁的醬汁，更不要說裡面的牛肉、豆腐、冬菇等材料能夠吸收到醬汁，而牛肉則使用脂肪比例高的肥牛；價錢跟牛肋條和雞團子相若，但性價比低。
蔥燒牛舌($32)，每一片牛舌都切成薄薄的，大概有6片，表面鋪著滿滿的蔥油。牛舌的口感都很爽不韌，配著蔥油有很香的蔥、蒜味，的確幾下飯；當然厚切的牛舌就更有gimmick吧
檯面會有個牌寫著期間限定沙律是甚麼，我們點了一個。忘記菜式名稱是甚麼，把不同的蔬菜例如蕃茄仔、秋葵和茄子拌在一起，味道酸酸甜甜。印象中價錢大約$30上下，味道普普通通，是可以想像得到的酸酸甜甜沙律醬拌以上蔬菜，沒有甚麼特別。


終於試到米氣，味道有些幾好、有些正常、有些失望。價錢上亦不算便宜，以男仔的食量或者會再貴些。由於餐廳地方不大，又坐滿了客人，大概不是一個能夠久坐談天的好選擇。倘若你想食一汁多菜的料理，我覺得不用排太耐隊也可以來試試

講起中國歷史，不知道大家對哪一個朝代有興趣。我就喜歡鑽研宋朝的歷史🤔，但普遍人都會覺得唐朝才是中國歷史上最強盛和最偉大的朝代，因為其在政治、文化和社會方面有著突破性的發展，更衍生了「貞觀之治」和「開元盛世」等國力強盛的時期👴🏻。



時至今日，「唐」這字眼仍被應用代表中華民族的層面：例如華人又被稱為唐人、外國有華人聚居生活的地方被稱為唐人街等等。今次要介紹的中菜餐廳，就是用了「唐宮」的字眼；然而，它不是一間普通的中菜餐飯，而是在食物的處理、環境格局等，都展現了時尚摩登的感覺，打破中菜一直給人刻板的印象😎。

甫到餐廳，就見到大的落地玻璃，可直視餐廳內部的情況，給人一種光猛和舒適的感覺；天花板部份位置安裝了吊燈💡，雖然只是慳電膽，但也能帶出懷舊的味道；架上擺放了不少古代花瓶⚱️、植物標本🌿和食材🍄。整體而言，它能營造出現代和懷舊交錯的風格。

美食方面，餐廳亦不惶多讓：大多傳統食物都能夠維持在高水準，部份食物更加上創新元素，令客人在視覺、味覺、觸角等多方面有更深入的體會😮😧🤭。

冰鎮咕嚕🍖（$99）：強烈推薦的菜式👍🏼。冰鎮咕嚕肉不是所有酒樓餐廳都有供應，用鮮果作配菜的冰鎮咕嚕肉更是少見。鮮果包括蜜瓜、菠蘿🍍、哈密瓜🍈及蕃茄🍅，切成球狀，加上冰凍的咕嚕肉；咕嚕肉肉質冰爽，皮很脆，肥肉很多，很有咬口，配合水果一起享用更有消暑解渴的效果🤤；另外，咕嚕肉內的冰塊呈黃色🧊，不知道是用甚麼液體製作而成😯。不過如果放涼了就會失去口感及變得冰凍，一定要趁熱享用😋。

沙田乳鴿🕊（$39/隻）：乳鴿即叫即燒，新鮮出爐熱辣辣，外皮燒的香脆，內裡肉汁豐富，不用加調味料都能帶出乳鴿肉質的幼嫩和鮮味。特別要提及的是，餐廳亦有麻辣乳鴿供應，適合一些嗜辣的客人🌶，麻辣乳鴿這菜式頗新奇，下次有機會可以試一下。

荷花蒸飯🌸（$99）：荷葉飯內裡有大蝦、火鴨絲、雞丁、瑤柱等配料，蝦仁大大件，而且沒有雪味，但感覺到並不新鮮🦐；飯粒香軟不會硬，但又不會水汪汪；其他配料味道香口，不過不失；可惜蒸飯沒有荷葉味襯托，不然就更完美了。

麻辣石斑🐟（$199）：頗為少見的菜餚：這碟菜充滿辣椒粒🌶，不小心咬到辣椒籽會有強烈的辣味感覺，故建議嗜辣的朋友才選擇。然而，石斑配辣椒，吃下去好惹味，石斑很新鮮，魚肉非常香滑。原來鮮魚和麻辣可以發生這層面的化學作用😲。

子薑鹹雞煲仔飯🍗🍲（$69）：飯裡下了適量雞油，令飯香和雞味四溢，尚未進食已經有如此難忘的感官探索體驗。雞肉有點兒過鹹，幸好薑片可以中和雞肉的鹹味；而飯的分量剛剛好😆。

小蠔煎餅（$89）：和普通的餐廳相比，唐宮用了報紙圖案的牛油紙作鋪墊📰，已經令菜式的賣相加分👍🏼🤤；而且蠔餅即叫即做，上菜時熱力十足；蠔的份量多且不腥🦪，童叟無欺；更重要的是，蠔餅不會過油，不會令我們吃完後有過份油膩的感覺。

繽紛三色（柚子馬天尼🍸、斑蘭椰糖🍬、冧酒朱古力🍫）（$49）：類似冰皮月餅的甜品，吃下去口感軟滑。但柚子馬天尼沒有Martini的味道，斑蘭椰糖的椰子味也不夠突出🥥，很可惜；不過冧酒朱古力的酒味和朱古力味恰到好處，算是加回了一點分數👍🏼。

除此之外，餐廳亦有提供骨碟予客人棄置剩骨，使剩下來的骨不會影響客人進食。這是其他餐廳沒有作的安排，是特別要讚賞的地方👍🏼。


不過小弟財力有限，今次有不少招牌菜式還未有機會品嘗，殊為可惜：例如唐宮小聚最出名的點心「焗鮑魚酥」，還有招牌菜「火焰菠蘿🍍」等。下次有機會必定要再去細味品嘗🤤😋。

———————————————————————

餐廳評分（5分為最高）
美味：🐤🐤🐤🐤
環境：🐤🐤🐤🐤🐤
服務：🐤🐤🐤
性價比：🐤🐤🐤🐤
店舖可達度：🐤🐤🐤🐤


📍 唐宮小聚 (The L. Place) (中環)
中環皇后大道中139號 The L. Place 2樓

為食契妹留意到銅鑼灣食街近月新開咗間越南法國餐廳「Le Colonial」，即提議大食會去試試。由於網上資訊清一色只提及到其法文店名，大家就估其法國元素會多過越南特色，點知行到去歐陸式嘅門前，發現左右兩條柱上嘅金漆招牌乃中法對照，方才知悉其中文店名為「東法會」，遇意著殖民地時代東方（即越南）與法國匯聚所得出嘅餐飲結晶文化。餐店其實並無落場時間，室外座前方大大個廣告牌道出下午三至七時為歡樂時光，分別以三個優惠價$48、$58、$68提供精選酒品及小食，早知唔洗走兩場啦！因為會員最想食嘅越南河粉晚市餐牌冇得點，反而下午三至五嘅下午茶餐先有得食，只怪自己事前冇做足資料搜集功夫。XO仔負責訂枱當然係要坐室內啦！店子粉綠色嘅牆身帶有越南風味得黎好柔和，簡單掛上嘅畫品及郵票反映出法國對越南嘅代表性。正門身後嘅水吧前方有四個唔係太高嘅吧位，最啱淨飲嘅酒客。左方暗角嘅皮櫈四人散座頭頂有把私人風扇，應為全店最舒適及私隱度最高嘅位置。右方嘅用餐大堂以木地板襯托雅致嘅壓花天花設計，極富歐洲風彩，二至四人嘅合併式散座空間感都好足。外籍服務生雖有點生手，但態度友善客套，埋位即提醒大家七點前仍可揀選歡樂餐牌嘅優惠飲品及小食，屬有心之舉。嘻嘻，好酒嘅小肥梗係唔會放過歡樂暢飲嘅機會啦，只係自己冇睇清楚牌上$48嘅啤酒項目並非生啤也。Deep Fried Vietnamese Spring Rolls （$58）：歡樂小食越南春卷一客有四件，新鮮炸出故熱力十足！春卷皮層巧薄鬆化，豬肉米粉餡心亦相當軟嫩，以生菜包住再點上秘醬即增添清爽，結果大肥爸爸一個人食咗成客，追加到咁必然要推介！Deep Fried Calamari, Sriracha Mayo （$58）：炸魷魚雖外表金黃乾巧，可惜炸漿過厚，食落似食麵粉多過食魷魚囉，不吃也吧。 Deep Fried Lemongrass Wings（$58）：單骨嘅香茅雞翼尚算香口，但就唔會令人想加碼，唯一勝在細細條易入口。 歡樂餐牌只有英文版，門外嘅大型晚市餐牌則為中英對照，並附插彩圖。燒牛肉檬粉沙律（$168）：撈入檬粉嘅沙律爽脆中帶著柔軟，舖面嘅燒牛肉亦十分香軟，微酸甜甜嘅沙律醬滲出青檸及薄荷香，清新得很！蒜香牛油炸雞翼（$78/四件）：外表金黃嘅炸雞翼唔可以話難食，只係咬落濕濕腍腍，唔得香脆，有比較下，個人會情願食歡樂價嘅單骨雞翼囉！上枱時先發現「燒豬頸肉菠蘿米紙卷」（$98）及「炸軟殼蟹青木瓜米紙卷」（$118）均含花生碎，小弟因敏感問題不可進食，建議餐店於餐牌上應加以註明，以勉發生不必要嘅意外。蒸扎肉粉包（$88/四件）：越南名菜敗筆在於粉包嘅皮層過厚，餡心唔夠多料，比例如果可以好似歡樂春卷咁皮薄餡豐滿就唔會有問題。鴨肝油封鴨肉炒飯（$158）：意外地，炒飯好夠乾身，配料份量適中，鴨肝碎夠潤，濃味嘅油封鴨肉及脆卜卜嘅炸蔥碎成功令香口嘅炒飯更加惹味，吃畢毫不膩滯，絕對試得過。脆皮牛腩配黃咖哩汁、法包（$248）：由於咖哩汁好有文化地另上，可以證實炸至金黃嘅牛腩當真如餸名般脆皮，而且仲好鬆，淋上微辣嘅咖哩汁，連同巧脆暖手嘅法包，組合可謂口感豐盛，滋味無窮。香蒜蕃茜牛油焗法包（$42）：因為咖哩牛腩只係配咗三件法包唔夠分，所以就另加多客蒜香味及牛油味一樣咁濃郁嘅焗法包。甜品方面，長輩點咗「炸香蕉配蜂蜜、椰子雪糕」（$98）及「法式焦糖燉蛋」（$70）。橙酒煮班戟（$108）：細佬最愛食班戟，嘻嘻，或許係心理作用吧，總覺得班戟薄身好似冇咁肥。摺成三角形嘅班戟軟滑甜美，咬落口腔即洋溢著醇厚嘅橙香，如果可以加多球雲尼拿雪糕就更完美啦！唔食甜品都可以叫返杯超正嘅越南咖啡（$48）飲。「東法會」歐式風格嘅門面及裝潢好有格調，服務生以禮相待，直令用餐體驗倍添溫馨。新店嘅食物選擇大部份都係傳統嘅越南經典菜式，帶有法國風味嘅項目唔多，整體嘅質素亦有點參差，希望過咗適應期後會有所改進吧。

在1個月前，見到社交媒體 post 才得知 Pacific coffee 在中環干諾道中華懋廣場開了新店，前址為 <家外家>！
這間分店以白色為主調，走簡約北歐風格路線，跟多數分店與別不同！ 給人煥然一新的清新感覺！ 
落地玻璃設計，不論晴天抑或雨天，採光度相對提高！
店內約有10張枱及一張吧枱，餐桌之間都有一定距離，空間感充裕；大多數的椅子也有軟墊，比較其他分店的木椅子舒服得多！ 這裡的氛圍讓人把工事、煩惱鎖事...都暫時拋諸腦後吧！
意想不到！星期六中午時段，竟然只有一位男店員！ 怪不知，這裡有 8成食客，全部的飲品用上外賣杯，他實在太忙嘞！
平日中午，就有兩位店員！

Counter 開放式設計，等候食物及飲品時，跟咖啡師的距離更近又互動！
Menu
跟其他分店供應的美食同樣多元化：三文治、酥類、鬆餅、蛋糕、甜品、乳酪、沙律、通粉、冷熱飲咖啡、茶...，另有特飲及獨家美食！ 
放在雪櫃出面的酥類、鬆餅、片裝蛋糕...，均以獨立包裝夠衛生！
食客亦可要求店員翻熱食物，相對香味及口感會更好！
為了拍攝效果，部份餐具出動私伙！
午餐
卡邦尼長通粉 $52
男店員為我翻熱後送上，白汁夠多，長通粉不會被焗至乾身，質感軟硬適中！ 而且幾熱辣辣！ 拌以煙肉粒提升整體口味！
田園沙律 *指定食品+$20 (只限新店供應)
只限新店的獨家美食！
不會雪到凍冰冰，涼浸浸的， 新鮮爽脆的生菜、酸甜多汁的蕃茄、爽甜的粟米粒，配日式胡麻醬，口味清新開胃！
好適合當日34度高溫呢！
熱黑糖檸薏米水 $27 (Grande size)
只有一種 Size 及只有熱飲，裝得超滿，打開蓋也基乎溢出來， 入口酸中帶微甜；薏米單靠熱水沖泡，看起來仍然硬身，似川貝般的雪白，難以出味，整體口味不算突出！
午餐
吞拿魚蝴蝶粉沙律 $40
吞拿魚約雪糕球份量， 凍凍地的蝴蝶粉口感煙韌討好，拌勻吞拿魚，帶出其鹹鮮！ 新鮮清甜的紫洋蔥絲、新鮮亮澤的紫生菜...等，還有墊底而新鮮爽脆的生菜、口感層次豐富！
另配上日式麻醬沙律醬，本身已混合千島沙律醬，都已經夠味，都無需添加其他沙律醬，否則！弄巧反拙，由健康美食變得不健康！
抹茶牛奶 $35 (Tall size)
還以為堂食用瓦杯，有機會有拉花，可能平日中午時段繁忙而無啩！
頗熱的水溫把抹茶的清香發揮得淋漓盡致；  表面的奶泡薄薄一層，卻未算細膩，勝在口感順喉，味道方面，6成甘，4成甜，啱個人口味！
 午餐
蕃茄乾及忌廉芝士意式蕃茄包 $25
翻熱後，包質香軟，有芝士拉絲， 夾雜變成橙色的忌廉芝士，軟滑濕潤口感，清新又飽肚， 
不論早餐、午餐抑或下午茶也適合！
會員生日月優惠，免費 1杯 Tall size 飲品 
熱朱古力
頗熱的水溫，把香濃的朱古力香甜也盡情散發出來！
濃厚的奶泡，接著入口是香甜而不甜膩的熱朱古力，順喉好喝！

由前身針車行改建而成的咖啡店，位於深水埗布業的街上，針車行來到第三代傳人，將店鋪的定位和功能進行大革新，鋪位就如經歷了傳統布業走向式微，迎來的是充滿咖啡豆味的文青風。要在大時代上屹立，也許都需要加入一些新元素。雖然店鋪改建成咖啡店，但店主仍然保留了不少衣車行的歲月足跡，牆上掛有不同型號大小的針線，展覽了一些有歷史的衣車，像置身於博物館裡。店鋪樓高兩層，亦是一間寵物友善的餐廳。不過如帶狗狗進店，就要在上層用膳。走上長長樓梯迎來一朵會發光的雲。

這間咖啡店都有vegan 和keto menu 供用膳時有不同需要的市民選擇。另外，除左咖啡，這裡還可以飲Gin，cocktail，whisky等等酒精類飲品。還有一些fusion 飲品，例如雪菊清酒芝士奶蓋和威士忌茶，很有趣的地方是，咖啡店的營業時間是至晚上六時，喝酒就只能在白天小斟。





香煎虎蝦冬蔭功意粉 $88 
坊間有不少冬蔭功意粉，這款冬蔭功醬則比較清新，沒有cream的濃稠感，反而多了一些herbs 和檸檬味，加了不少九層塔，令意粉味道更有層次，不過辣度可再重一些，配料和份量都可以多一些。

鮮菇菠菜黑麥包 vegan $48
menu 上見到有一些輕食，於是試試這款鮮菇菠菜黑麥包，份量都很足夠，還有沙津伴碟，，不過沙津菜很一般，不爽脆有一些苦澀。這款黑麥包都做到麵包皮脆身，內裡軟熟，配上炒過的菠菜，大啡菇和蕃茄，都很飽肚，不過這些配菜都略淡味，有一些鑊味，若然加一些醬汁能令麵包更豐富和融合，現在就是各款食物只是夾在一起，但就沒有將它們和麵包融合。

威士忌茶 $52
點了一杯non-alcohol drink，但是飲品是叫威士忌茶，用上貴州綠茶，laphroaig 10 years。不過名字雖然吸引，但是飲上口則沒有太大的感覺，氣味是有一點帶有威士忌，但味道則沒有。忘記訪問一下這杯飲品的來歷和選茶故事，但對這杯茶是失望的。

Coffee Tonic Iced $48
而這杯coffee tonic 都還不錯，tonic water 和咖啡比例合適，有咖啡味。

店員服務態度很好，但對於在上層用膳需要用即棄餐具碗碟則需要改善。


Ps: 店名的So我猜是用了縫製sewing 的同音。

今年和太太結婚20週年記念，諗住搵一間好少少的餐廳，同太太食飯慶祝，在 Open Rice 找了一間意大利餐廳 ，見評價不俗 ，所以同太太決定一試。


在酒店網上訂位時，本來諗住訂晚餐 ，但原來網上有 Menu 看，發現星期日也有 Lunch set 供應，所以在有限資源的情況下，改為食 Lunch ，價錢經濟少少，留返啲錢買禮物。而且人大了，太夜食飯不是太好，食得太飽，瞓覺時好容易胃酸倒流。

Lunch menu 有 4 款選擇，（ 估計是每星期不同 ) ，而每星期的 Lunch menu 之下，也有不同的選擇 , 例如牛 , 魚 , 豬 , 羊之類 ，一定有一款啱你心水 。



Lunch set 的價錢比 Dinner 平 ，而且不用點 al la carte ，相對可以用一個經濟少少的價錢去用餐 ，每一個 Lunch set 由 $ 388 起，如果要選擇龍蝦湯就要另外加 $ 150 ，酒水另外加$ 138 有 free flow ，free flow 有紅酒 ，白酒 ，氣泡酒 ，啤酒 ，汽水 ，果汁 。

如果在一間酒店內的意大利餐廳來說 ，這個算是十分合理的價錢 ，$ 138 已經可以任飲 ，雖然呢啲一定唔係好貴嘅酒，但係酒店嘅提供，應該都唔會太差。

當日的Menu是倫巴底， 入去前已經諗了食什麼，我們分別也 Top up 了一個龍蝦湯 ，而我自己再加 $ 100 Top up 了牛扒 .   


1. 頭盤選擇了意大利凍肉芝士拼盤 和 意大利海鮮沙律
2. 主菜選擇 自家制意大利雲吞配豬肋肉 和 烤肉眼扒
3. 甜品選擇 意式合歡花蛋糕 和 Tiramisu


先說意大利凍肉芝士拼盤 ，因為一人的份量 ，得幾片cold cut 和生果 ，火腿有豐富的鹹香和油份，在有限的食材下 ，個擺盤叫做好靚下 ，但食落就無咩驚喜。



而另一份是意大利海鮮沙律 ，有蝦 ，皇帝蟹腳 ，帶子等 ，Buffet 的質數 ，但作為頭盤份量也合適。



食完頭盤就上湯 ，我們2個也轉了龍蝦湯 , 飲得出個湯好重龍蝦味 ，而且幾 creamy ，入面有少量的龍蝦肉 ，不會只有死鹹 ，但如果要另外加 $ 150 我就覺得不值。（我看到隔離台的蘑菇湯好似重正 )



跟湯有一份麵包，呢個麵包絕對唔係配角，而是今餐嘅主角，非常之好食，小麥嘅香味，熱辣辣同埋配上意大利醋，簡直一絕。



之後上主菜 ，先講件烤肉眼扒，一定不是什麼好的肉眼 ，無咩牛肉味 ，但有一份炭燒的香味 ，可能酒店嘅廚房爐頭比較好，所以整出嚟嘅食物都會好提升少少，肉質就比較乾身，如果肉眼扒肥多少少會好D ，始終呢件不是西冷。




而另一份的主菜是自家制意大利雲吞配豬肋肉 ，太太落單時 ，以為是豬肋肉 ，原來是幾粒雲吞 ，入面的肉係豬肋肉，她食了一口 ，就說超級鹹 ，即刻吐返出嚟，不知咩事 。



之後我也試了一口 ，的的確確好鬼死鹹 ，之後我們叫了個 waiter 說明 ，他二話不說就可以同我們換 ，但說雲吞入面的肉，是之前準備了 ，如果重新做的話也會差不多，建議我太太叫另外一個菜式 。（題外話， 唔係個個樓面都知道廚房的運作， 呢個同事可以好快咁指出問題，並作出建議，值得一讚）

所以太太改了個野生深海活魚鷹嘴豆，後加的深海魚很快就上枱，我太太話魚皮煎得很香脆 ，魚很新鮮，有魚味 ，魚肉是一疏疏的 ，感覺好似食緊 COD，好食過之前的意大利雲吞好多。




在我們用餐時 ，Waiter 不停同我們斟酒 ，而他在第一次斟酒時 ，有介紹到酒名 ，但我自己不識飲酒 ，所以不太明白 ，但見汽泡酒的泡好多下 ，而且可以 Keep 到一定的時間 ，聽人講好似係好野，而紅白酒我也飲了 2 杯 ，比較乾身，仲未計啤酒汽水果汁，如果喜歡飲酒的人一定要加錢 ，完全值得。




最後Waiter 禮貌地問我們可以上甜品未 ，之後就上 2 個甜品 。因為早前我同餐廳講咗係慶祝20周年結婚紀念，所以喺意式合歡花蛋糕放了一個牌仔 ，賣相就一般 ，但味道是唔錯的，質感好得意，而Tiramisu 用杯裝出嚟，也好好食 ，咖啡和朱古力 balance得好好。






食完個甜品後 ，原來仲有 2 杯飲品 ，分別點了咖啡和檸檬水 ，咖啡另外跟鮮奶和 4 粒朱古力。



總結今日的午餐食得很開心 ，服務方面是超有 heart ，每個Waiter / Waitress  也盡心服務每一台客人 ，而且充滿笑容，酒店的服務始終有保証。


食物方面就可以講係穩穩陣陣 ，可能個價單比較平 ，食材方面要作一個平衡。
裝修方面 ，看得出有一段時間 ，但每一樣也 keep 得好好和整潔。

希望下次有機會，試一試佢哋嘅晚餐。

某股評人在其節目中提到自己喜歡食鐵板燒，問聽眾邊間好食。熱心的fans介紹咗傳説中的香港三大鐵板燒。 之前已介紹過一間，「松菱」是傳說中三大的另一間。 這天未到六時二人己到達灣仔會展中心商場，致電餐廳問詳細位置。熱心的職員話如果找不到可以落商場為我們引路。最後用電話導航，到達餐廳時還有半小時才營業。店外沒設等候座位，職員主動安排一間包廂給二人入內等候，服務態度誠懇又貼心。 六時可入席。依從訂座要求，被引進鐵板燒枱前。 數分鐘內己有侍應端來熱茶及三款醬汁，分別有蘋果酸汁、橙蕃茄汁同芝麻汁。 二人在餐牌中揀選「日本 A5佐賀和牛」Sirloin steak （西冷扒）同Sliced sirloin（薄切）, 每款$1250加$300變套餐。 第一道西洋化的前菜（沙律）瞬間送上.....三種新鮮沙律菜配上香味濃郁櫻花蝦同脆口炸蝦碎，既清新食落又有層次感。微酸醬汁輕易地打開味蕾。好一道開胃菜！ 廚師在客人完成沙律後出塲。同客人先打個招呼，隨即撻着鐵板，倒上煮食油，熟練又敏捷的雙手開始做「熱身」。 此時第二道前菜「牛舌薯仔」亦端上。用蕃茄紅蘿蔔炆的牛舌勁「林」，而且無腥味。薯仔只輕嚐，留肚..... 享用第二道前菜的同時，廚師將火喉十足，香脆而不油膩的炸蒜片放在各人碟上。並為燒海鮮作準備......蝦頭切出任由鐡板慢燒，在帆立貝蓋中倒入醬汁燒熱。蝦身在將燒好其他才放上板燒，保持嫩口。 蝦並非活蝦但燒得恰到好處，肉質厚實爽彈，有蝦味。個人認為燒蝦點「橙茄汁」好夾。 蝦頭蝦鬚脆卜卜的口感非常討好，全部放入口吧，大快朵頤😋 帆立貝一分為四，每人兩件。肉質咬落一絲絲，鮮甜柔軟。以為望落有色水的醬汁會偏鹹，其實味道調教到剛好提升帆立貝的鮮。 主角出塲⋯⋯A5日本佐賀和牛。薄切油花分佈尚算平均。廚師建議七成熟。 薄切和牛都有好幾片，分量ok！ 薄切牛內會放炸蒜片及大量蔥花卷起一齊燒，提升香氣及風味。唔喜歡食蔥的朋友要預先提廚師減蔥。 肉質方面是嫩滑滋味的，但略嫌口感油膩。 西冷和牛扒Sirlon steak目測大約0.75公分厚。大大件分三次燒。 燒時廚師將牛扒邊脂肪部分切出用來炒飯，物盡其用。 牛扒燒好再切成一口大小。七成熟令豐腴油脂有時間溶解成牛油而燒出外層焦香，內層柔潤，入口即化的口感。簡直人間美食😋 相對下牛扒勝薄切。 隨後侍應換上一杯熱茶，端上簡單漬物及味道得宜的麵豉湯，配合炒飯部份。 炒飯用上日本雞蛋，橙紅色蛋黃。 需則吃日本米飯是要用筷子夾住來吃，但這碗用牛羔及靚蛋炒出來的飯鐵板風味十足，既香噴噴又乾身爽口，令人忍不住想失儀地扒著飯來吃。 正當筷子功大受考驗之際，驚見飯中一粒粒細小但像蝦膏似的配料，食落有蝦味。但席間未見加入蝦之類的食材🧐 廚師解開謎團....粒粒其實係雞蛋！ 原來雞蛋來至食混入蝦殼作飼料的雞，所以雞蛋有蝦味。 一顆不平凡的雞蛋巧妙地為炒飯畫龍點睛😋 野菜主要係豆芽，少許鮮冬菇及青椒絲點綴顏色。熱騰騰的鐵板加上廚師的摩打手，迅速將豆芽水份蒸發，頓時煙霧彌漫，將板燒氣氛推到巔峰，亦為鐵板部份畫上完美句號。 甜品部份可以揀水果或雪糕。雪糕吸引力大多了！芝麻味雪糕芝麻味濃，輕易地將沒驚喜的綠茶味比下去。 此時己食到非常滿足！ 餐廳內燈光柔和，裝修低調中顯貴氣。座位舒適，抽空系統良好，離席後身上都沒沾上半點油煙味。服務態度亦很積極不怠慢，有親切感之餘令人放下侷促。 當比較傳説中的三大鐵板燒時，我只能説：一分錢一分貨。

有數間分店嘅鮨一，呢幾個月喺荃灣開業了～位於荃灣廣場正對面，非常好搵嘅位置，西鐵行過嚟都唔算好遠，大概8分鐘路程。



店面唔太，但都坐到20人左右。


店內頗嘈雜，店員都係年輕人著件普通tee咁，所以感覺檔次都唔算好高，體驗一般。
但店員有禮貌的～


第一樣到嘅係Asahi! 😂酒杯都有雪到冰凍，欣賞！


《鮨一千層海膽飯（小）》＄198

食物打頭陣就嚟咗我最期待嘅千層海膽飯！
除了兩三層嘅海膽，底下仲有拖羅蓉，亦配有紫菜，所以可以有多種食法呢


海膽份量的確好多，比飯更多！食落係完全冇腥苦味，綿滑微甜。
拖羅蓉口感軟綿好融和，雖然冇增添特別嘅風味但心理上爽咗😂
不過份量真係好細嘅，飯嘅份量大概得三粒小壽司咁多？
包紫菜食又係另一種感覺，紫菜好脆，多重口感，體驗豐富～

《日本真蠔》＄68／隻



呢樣亦係我好期待嘅一項！一隻蠔新唔新鮮真係一入口就知
而佢係冇令人失望嘅！
非常飽滿肥美嘅蠔身，望落已經夠吸引

食落係帶點水狀嘅creamy, 即係唔係超濃厚嗰種，但勝在真係冇腥味。
蠔味淡淡唔重，但食吞完會回番甜味喺口，而個貝柱係極鮮甜～ 好滿足呢

順帶一提，Cress我係唔食生蠔，亦唔好海膽嘅，真係超怕嗰種腥臭味！
但都好想推薦呢兩樣食品俾大家，因為唔腥而且帶輕微甜味，相信連唔食佢哋嘅朋友都一樣入到口～

《大拖羅壽司》 ＄98／件


食咗兩樣好滿足嘅，估唔到嚟番個失望到極點嘅。
一講到大拖羅一定係諗起嗰種油脂豐腴嘅肥美口感，可惜呢度嘅大拖羅就唔係呢回事，
雖然係冇筋嘅，但油脂唔夠多，缺少咗油香，其實同赤身個分別真係唔大（因為佢嘅赤身都好軟綿綿好唔錯）
＄98一舊但唔滿足，實在係太貴太唔值了！
所以都建議留番啲錢叫其他嘢試下。

《上十貫目》 ＄198



十款唔同嘅壽司，當中包括海膽、池魚、帶子等，其實性價比唔錯。
佢嘅飯偏細粒，所以唔會食到好飽，或覺得飯比魚料佔嘅比例過高，但魚料都唔特別大片／厚。係海膽俾得幾足～
當中值得一提嘅係赤身，冇筋真係基本，仲要超級軟綿綿！真係有俾佢驚喜到。

但呢餐飯嘅初頭都有小插曲，就係要乜冇乜：冇金目鯛、又冇螢光魷魚
如果知道售罄，同客講聲或喺menu貼一貼會好好多😂

整體嚟講唔食海膽同生蠔嘅Cress都好想推薦呢兩樣食物俾大家，確實係唔錯又新鮮；
可惜大拖羅太失望，食物份量亦偏少，
最後埋單$8xx但兩個人係食唔飽的，
以呢個價位同裝潢體驗嚟計實在係偏貴了～