今日叫左峰壽司嘅午市套餐: 蒜香三文魚飯+迷你湯烏冬+沙律 ($79) 另叫一碗三文魚麵豉湯好飲！ 好飽好抵食！所有野食都落足料！三文魚飯裏面有紫菜，所以更加提升左三文魚飯嘅味道。另外，個三文魚飯都唔需要特別加豉油，因為啲蒜汁同紫菜飯已經夠味！不過始終每個人嘅個人口味唔同，就因人而異啦！

公司附近有間社企餐廳 主打星州菜 同事提議去試下 社企餐廳主要聘請嘅員工都係一啲有特別需要嘅人士 例如殘障或者自閉等等 幫佢哋投身社會 自力更生 發揮一技之長 其實佢地同一般人係冇分別 收銀 煮食 收枱 服務同一般餐廳無異 點左幾樣野食 雞肉叻沙 炒粿條 肉骨茶蝦麵 咖央多 講真 食物質素「ok啦」 10分滿分攞6分嘅程度 形似神不似嘅感覺 兩個湯麵味道都較淡 叻沙湯底椰香蝦香都唔夠 如果個味可以重啲就好好多 但對比價錢我覺得可以接受嘅 感激有心人願意出心出力去栽培佢哋融入社會 我見到每個職員都好有熱誠好喜歡佢地嘅工作 加油！

星期三，我和同事一起去到位於尖沙咀分店的鐵牛食午餐，這是我第一次來這台式餐廳吃飯，感覺像去了台灣一樣。 餐廳位於地牢，但是環境很寬敞，座位也很多。食物種類也有很多選擇，我最想嘗的是紅燒牛腩地瓜飯，因為這個名字很吸引我去試一試，我還點了一杯熱的紅棗桂圓茶。此外，餐廳還有其他台灣地道麵食和小食。 餐廳需要自己出去購票，之後會有店員將餐送上。點餐後送餐時間不需要等太耐，就可以食到地瓜飯。熱辣辣，香噴噴的紅燒牛腩地瓜飯果然沒令我失望，因為地瓜和飯煮得不會太乾，軟硬度剛剛好。至於牛腩方面，是用另外一個碗盛放，雖然牛腩只有4～5件，但每一件都十分厚，也十分入味。這個餐還搭配三個小食，用來送飯，一流。

餐廳名字十分優雅，佈置華麗，樓底極高， 天花上的紅色水晶吊燈 ， 令人眼前一亮， 環境寧靜舒適。 今日點了顏府嚐味午餐每位$180， 由頭盤到甜品，每款擺碟別緻優雅， 花心思，做到色香味俱全 ，令人食指大動。 原盅老火粉葛瘦肉湯， 真材實料 ，經長時間熬製， 好有火喉， 飲後令人口舌生香， 粉葛有清熱解毒的功效，十分健康養生。 紅椒汁蘆筍蝦餃(兩粒)、脆皮麻辣燒賣(兩粒) 紅椒汁蘆筍蝦餃，外型飽滿 ， 配上金黃色的蝦餃皮，口感煙韌， 包著爽脆的蘆筍及彈牙的蝦餃粒， 好滋味。 脆皮麻辣燒賣， 外皮十分酥脆，咀嚼後， 慢慢沁出微辣，越食越過癮。 涼瓜豉蒜炆頭腩配白飯 涼瓜豉蒜炆頭腩， 好有鑊氣，涼瓜清爽， 沒有苦瓜的苦澀味，頭腩肉質鮮美滑溜， 配上誘人豉蒜香味， 增添惹味 ，拌飯一流。 野菌燒汁和牛配白飯 野菌燒汁和牛， 上枱時，香氣十足 ，和牛入口軟嫩，充滿肉汁， 野菌燒汁令和牛的鮮味提升，大大增添味覺享受，惹人垂涎。 南北杏雪耳燉萬壽果 雪耳燉萬壽果， 細味到淡淡南北杏清香， 配合了雪耳及萬壽果甘甜， 好滋潤養顏的甜品， 正合冬天乾澀的喉嚨。

今朝一早起身個天就落雨 搞到個人完全好冇心情 午餐諗住食個快飯，跟住恰番陣 大快活外賣一定係不二之選 三重芝士葡汁雞焗飯$44 (熱華田+$0 - 之前買獎券入面有張coupon 送熱飲) - 等咗唔洗5分鐘就拎得 - 熱辣辣 - 盒飯好大盒好滿 - 但聞落無乜葡汁味，食落去一般 - 三重芝士是呃鬼，得小小芝士，仲要無咩芝士味 - d飯今次有小小未熟，熟嘅部份又有d乾 - 雞件有大概5件 - 仲有3件薯仔 - 有盒唔知咩菜送，好似叫椰菜？d菜好硬，又無味 其實今次係我第二次食 我覺得比上一次失色好多 不過快餐店都不能要求太多啦

Lockeroom即係更衣室，點解餐廳用「更衣室」命名？因為Lockeroom dining以英超球隊兵工廠阿仙奴為主題，綠色嘅仿草地墊、球會精品展覽櫃、掛滿印有球員名嘅阿仙奴波衫，球迷嚟到都會大開眼界，以為身處球場入面嘅餐廳。 我哋叫咗兩個Set Dinner。 【是日精選沙律】用玻璃樽仔裝住沙律幾精緻。除咗新鮮沙律菜仲有三色椒同爆珠，幾特別。黑醋另上，可按自己口味添加。 【番茄湯】好多番茄蓉，真材實料營養豐富。配鬆軟蒜蓉牛油法包。 【低溫煎焗挪威三文魚柳蘑菇香檳汁】低溫煎焗保留咗三文魚嘅嫩滑質感同水份，所以食落juicy唔乾身。而蘑菇香檳汁就好creamy，味道亦同三文魚幾夾～ 【香燒美國Creekstone牛肉眼拼法國鵝肝】 Creekstone Farms呢個品牌採用純天然方法飼養牛隻，令到食用更健康。叫咗七成熟，切開肉質粉嫩仲見到少少血水，熟度啱啱好，又有肉香又鮮美。 兩款set dinner都有紫薯蓉、番茄同羽衣甘藍。有甜嘅有酸嘅，食到唔同味道。 餐飲叫咗Coffee Latte同香濃朱古力，粉色玫瑰花紋嘅杯碟，又grand又cute。 跟餐可享甜品六折。【梳乎厘Pancake】好鬆軟，食到少少檸檬味，口味幾清新特別，可以加雲尼拿汁食更加好味道～ 我對主題餐廳嘅食物質素一般都冇乜期望，但呢度都幾高質，無論係鍾意足球定鍾意美食都滿足到～

. #哈比四圍食 🦀 炸軟殼蟹撈檬 $68 即叫即炸 熱辣辣脆卜卜嘅軟殼蟹，都幾大隻！檬粉嘅份量都好夠，撈埋酸酸甜甜嘅汁，爽埋啲青瓜絲一齊食，成個感覺好清新好開胃，天氣熱時食呢個就最啱😋 🦐 越式炸蝦春卷 $28 抵食下午茶之選，20幾蚊就有三條長長嘅蝦春卷，又係熱辣辣啱啱炸起，入面餡啲蝦肉仲好爽口，朋友食唔停口😆 🦐 黃金蝦球 鹹蛋黃嘅脆皮包住爽口嘅蝦肉🤤熱氣到生瘡都要食丫🤤🤣呢個如果有埋啤酒真係一齊丫👍🏻 .

由佢岩岩開張嘅時候，已經見到好多人大力推介，終於的起心肝試吓～ 關東煮 鰹魚清湯烏冬 （$68） 好大碗烏冬關東煮有蛋、竹輪、蘿蔔、芋絲同蒟蒻。味道尚可，但清湯烏冬感覺好淡，如果下次再食叫清湯烏冬，應該會配一啲濃味啲嘅餸，例如金菇肥牛，或者雞髀

去筲箕灣找朋友吃飯，朋友就介紹了九井日本料理給我吃😍又平又正，選擇多，份量也多🤣 泡菜豬肉窩配烏冬~相比平日吃到的不太辣，泡菜很多，豬肉是豬肉件而不是豬片薄片，很得意~豬肉厚身而入口鬆軟~ 極上拖羅~厚薄適中，入口也肥美 天婦羅炸蝦~炸漿厚道適中，吃完唔會有漏的感覺，外層香脆而蝦肉厚身又大隻👍 焦糖鵝肝壽司~鵝肝有厚道又大塊的，吃起來油脂豐盛，配上外層脆卜卜的焦糖，外脆內軟，焦糖味亦令鵝肝的味道更豐腴😋

Many Korean restaurants in Tuen Mun Plaza but need to chose one to hv dinner 🥘 I love the attitude and enthusiastic temper of the waiter 😻 With polite manner, we love dinning here ! Sparkling ✨ coffee , with soda 🥤 in the bottom~ super super yummy 😋 not bitter I ordered Earl grey tea ☕️ It is the main course with 2 snacks ~ mushroom 🍄 with cream sauce spaghetti 🍝 creamy and yummy 😋 Crab 🦀 薯餅， crispy outside 👍🏻 recommended The other is chicken wing😋😋with Korean spicy sauce Comes to my favorite 😍, ribs with cheese 🧀 must order !!!!! Juicy meat 🍖

無得去旅行咁耐，總會想食下不同國家嘅菜式。今晚我地就去左大角咀博文街嘅橙象。橙象最抵食嘅就有每日都有唔同嘅一蚊超抵優惠，顧客可以用$1優惠價品嚐泰式明爐烏頭魚、飛天通菜、黃咖喱雞等唔同嘅特色泰菜。 我地今日嘅一蚊優惠菜式就係泰式明爐烏頭魚，原價要$169，即係平咗$168，超抵。 🔸泰式明爐烏頭魚（優惠價$1) 食泰菜最鍾意叫泰式明爐烏頭魚。依家有優惠價就更加唔可以錯過。熱辣辣原條魚上檯，仲有明火一路燒住保溫，配搭肉碎、香茅、辣椒、芫荽及青檸等材料煮成酸辣魚湯，湯底香濃惹味，味道酸辣，愈食愈開胃。 🔸泰式滷水豬脾焗粉絲煲（$106) 平時都好鍾意食泰式滷水豬脾，而加埋粉絲都係第一次試，估唔到原來咁夾。睇粉絲顏色都知道已經索哂滷水汁嘅味道，而泰式滷水汁味道偏甜，食落唔會死鹹。再加上滷水豬脾啖啖肉，肉質軟淋，豬皮炆煮得入口即溶。 🔸椰青焗海鮮飯（$104) 椰青焗海鮮飯用料非常豐富，有大蝦、魷魚、青口、魚塊等等。炒飯當中更帶有椰肉，食落椰香味道富有層次。可能唯一美中不足嘅就係加入左青豆，對於唔鍾意食青豆嘅朋友就要花啲時間揀走佢。 🔸特選椰青（$42) 🔸芒果冰特飲（$36)