天水圍街坊有口福啦😍頌富商場竟然新開左間四川菜，食飯又多個選擇啦😍啱晒我呢啲辣妹子！餐廳唔單止食物性價比高，環境仲闊落，坐得舒服，啱晒一班朋友、一家大細過嚟食💯
-
✤ 川川麻婆豆腐配白飯及小饅頭兩件 $𝟕𝟖
川菜點少得麻婆豆腐😍佢地用嘅豆腐超滑，拌住香辣嘅麻婆醬汁都食得出豆味💯醬汁除左肉碎仲有粗蒜粒，麻辣之餘鹹香十足，送飯一流🍚值得一讚係豆腐食到尾都冇出水，無整到個汁稀哂，可見好有火候👏🏼 套餐加送兩粒一口炸饅頭外脆內軟，啱哂想食饅頭但又驚太飽嘅你❤️🫶🏼

✤ 例牌酸菜魚 $𝟏𝟕𝟖
酸菜魚用左海鱸魚，肉質嫩滑飽滿，而且幾乎無骨🥹魚塊份量仲要超到幾乎成碗都係💯配料包括腐皮、酸菜、菇、蘆筍、薯粉等等，真係超足料！金黃嘅湯底濃郁、酸辣適中、唔會太過油膩，食完唔會好大負擔🤣

✤ 川川辣子雞 $𝟏𝟎𝟖
炸起嘅雞粒配上花椒同辣椒調味、酥麻可口、非常惹味，再配上花生，食到唔停口😽 而且雞粒分量都多，呢個價錢嚟講真係性價比超高！

✤ 皇牌流心奶黃西多士配雞髀 $𝟒𝟎
點估得到川菜館會有茶餐廳美食？餐廳位於屋邨商場，貼心為街坊提供更多選擇，特設常餐類餐牌！啱晒唔食辣嘅朋友仔，嚟到都有其他選擇😍今日揀左個流心奶黃西多士，飯後一點甜，配埋杯冰凍紅豆冰，咁至係大滿足！

✤ 鹹檸七喜 $𝟖
✤ 招牌紅豆冰 $𝟏𝟓

聽屋企人話頌富商場開左間川辣食店😋今晚同老公做無飯夫妻，去食餐辣辣晚餐🤭
新店開左無耐，都幾闊落及企理👍🏻同埋夠光猛，好易搵到🤗
老公鍾意食辣，佢就我唔食得太辣，所以點左個酸菜魚(例牌)，雖然係例牌，都幾大碗😅酸菜魚可自選辣度，我地只點了少辣☺️見到泡椒、辣椒及花椒都好足料😅先飲一啖湯底，酸辣鮮香😋魚肉特別嫰滑，配合滑滑薯粉一齊食，都惹味😋
生炒牛肉飯😋 我就點左呢個飯，雖然材料看似簡單，但都有驚喜😍飯粒炒得好夠火喉，粒粒乾身分明👍🏻而且牛肉都好足料，好嫩滑🤤🤤 清炒蒿筍😋 點番個清清地既菜食下😍萵筍絲翠綠質感，輕輕清炒就帶出爽甜👍🏻 食下食下見隔離枱食客點了呢兩樣，忍不住也點來食🤤🤤 黃金炸幔頭: 每件細細件炸到色澤金黃，外脆內軟，點少少煉奶，非常香口🤤🤤 皇牌流心奶黃西多士: 因為都飽飽地😅所以點了半件+炸雞脾，西多士當甜品食都好正🤤仲好邪惡🤣即叫即炸，鹹蛋既鹹香味，配上奶油，鹹甜鹹甜根本就係人間美味😍😍雞脾炸得岩岩好，唔乾身，仲好juicy好脆口😋

今日同老友黎試呢間係天澤商場入面既居酒屋，原來係同頌富商場果間天鳥係同一間公司黎，果陣試過都叫做唔錯，價錢都唔貴，一般而言係旺區食居酒屋就多數都偏貴，而呢間開係屋村商場入面既價錢同質素又如何呢？今日就試一試。 入到去都會俾個好有型既口罩袋你，即場用又得收埋又得。 極上壽司盛合 先黎個壽司拼盤打個底，壽司質素就比較一般啦，2件拖羅唔夠鮮味，顏色都唔夠光澤，新鮮度一般，海膽睇落幾靚，食落都有明礬味，北奇貝同帆立貝果d都正常啦，吞拿魚蓉卷加左少少好似炸天婦羅皮咁既野食落口感脆脆地又幾有驚喜，玉子燒都幾甜，$158黎講有十幾件壽司呢個質素算係ok啦。 串燒雞頸肉 呢味串燒平時比較少見，雞頸肉幾嫩滑，調味都唔錯。 串燒7味雞脾肉 雞脾肉加上7味粉，唔洗多講都一定香口好食啦。 串燒鹿兒島和牛粒 食和牛相對就會貴少少，和牛脂肪比例都幾多，口感淋滑，配埋d蒜片同芥末籽醬一齊食。 串燒西班牙豬肋條 口感同肉味都幾出，唔會燒得好乾，另都跟上芥末籽醬。 燒黃花魚一夜干 去親居酒屋最喜歡就係食燒魚，但今次呢條黃花魚其實唔係差，魚幾大條，魚皮都燒得幾香脆，不過可能肉較為厚用同調味不足我覺得唔太岩口味。 鱈魚干 送酒一流既鱈魚干，食落都少少脆，但食到尾有dd韌，香口程度差少少，叫做呢個價錢收貨啦。 串燒雞肉棒 又係去居酒屋必點既串燒，不過呢間既雞肉棒略普通少少，雞軟骨唔夠口感唔夠爽，都無生蛋醬油俾你撈，但價錢超平民$29有2串，平時出面$29都食唔到1串，呢個價錢都係無得投訴，推薦指數3粒星，試下無妨。（技術關係唔小心刪左相）。 自家製梅酒 飲品叫左杯梅酒飲話係自己饟的，但侍應就話今日無梅淨酒，咁我就照要，味道就酸酸甜甜啦，酒味唔重，都好細杯，冰都幾多，唔太抵飲，叫做試下就算。 2個人食完成餐連加一就$672，居酒屋價錢黎講就真係唔算貴，另外都有d比較平既丼飯拉麵之類飽肚既選擇，其實都好多人係門口等外賣，睇黎佢地d飯麵都好受歡迎，雖然話比較出面食過既居酒屋質素有d距離，但價錢黎講做得比較平民，始終係屋邨內做街坊生意，以唔太貴既價錢食下串燒飲下酒都係個唔錯既選擇。

今日同朋友踩單車去天水圍 經過頌富商場裏面新開嘅街市 見到一間外賣壽司 d刺身好吸引 買咗幾款壽司試吓 帆立貝壽司$32 厚身既帆立貝 鮮甜富口感壽司飯軟硬適中 油甘魚壽司$18 望落去淺粉紅的色澤 十分新鮮 食落口油香豐富 火炙左口魚壽司$24 燒過既魚脂肪滲入壽司飯裏面 非常滋味 赤海蝦壽司$26 大隻光澤的赤海蝦 酸甜肥美 三文魚腩壽司$20 厚切的魚腩 肉質爽口肥美 赤海蝦刺身$46 一盒4隻 有手指公咁大 軟滑清甜 蝦頭濃郁蝦膏 一試難忘 茶碗蒸$16 入面有蟹肉、帶子、鮮菇，分量十足，仲有濃郁堅魚湯味 食識落仲好滑

頌富商場街市嘅小食店真係好多選擇。菜檔隔離嘅一漁刺身丼飯看似好唔錯，睇左一輪menu買左壽司外賣返屋企食。 10件壽司盛A ($90) 有帶子、花之戀、三文魚、甜蝦、呑拿魚等。帶子和甜蝦都好鮮甜，魚類肥美，壽司飯握得穩實，整體新鮮，性價比高。 另外買了兩盒熟的壽司俾小朋友。 魚柳卷 ($30) 紫菜飯包裹住蛋、青瓜、蟹柳、炸魚柳，入口都幾大份，魚柳炸過表皮香口。 炸軟殼蟹卷 ($50) 蛋黃沙律醬上舖滿蟹子，醬料已好好送飯。軟殼蟹香口酥脆，味道很好。

開係頌富商場既街市入面,雖然係街市,但其實地方清潔,仲好光猛,一D都唔覺得污糟,店舖主要賣既係港式街邊小食,好似牛什,雞蛋仔,格仔餅,魚蛋同燒賣等等,而且仲有日式章魚燒,肚餓又趕時間既話去幫襯就岩哂

半島漁港最近新開張啊！好多優惠架啊！宜家嘅早午市點心＂燒賣＂尤其好食，又大件，十分之抵食啊！大家行開天水圍頌富商場食嘢，記得入去試吓啦！！！一定無介紹錯架！！！ D 嘢食非常好味又抵食㗎，例如上次早市果D點心咁呀，叫左差唔多成十籠嘢，除咗必叫嘅燒賣，仲有孖寶果D，又叫左甜薄撐，真係食過番尋味啊！!！哈哈！😋😋😋 仲有環境又乾淨，服務員態度非常好！！！大家記得要親身上去幫襯多啲啦！！！希望大家都會覺得好食啦！！！

今日收工約咗屋企人去天水圍食飯，係頌富商場。天鳥居酒屋。裝修以木為主，店舖放置了日式小燈籠，感覺好溫暖，好似去咗日本咁。 叫咗個四人套餐.好抵食有，壽司，羊架，芝士焗𧐢，燒茄子，牛肉火鍋.燒黃花魚，大滿足甜品拼盤。 生芥辣八爪魚小食小小辣味道鮮貼一流.羊架啱啱好D調味幾好完全冇羶味，壽司就正常都新鮮大件，芝士焗𧐢就係最愛.味道好夾，好正.芝士味湧出來👍燒茄子又健康，惹味最正就係D葱花。牛肉火鍋就一般，因為本身自己唔係太鍾意食牛肉。最尾嗰個甜品拼盤就真係冇得頂　　

呢間熱狗太太開喺頌富商場， 當天是通過網上外賣平台點外賣。送來時所有餐點都是熱辣辣的！ 另外還附有手套一對很貼心！ 熱狗裏面是用脆皮腸， 脆皮腸很大條 ， 我點的是經典口味，有加沙律醬及芥末醬, 底部亦有蕃茄醬。 另外亦有些酸黃瓜粒及脆煙肉粒，good! 麵包軟軟熱熱的， 整體非常不錯。 很大很大的一個熱狗。 光吃完熱狗也十分飽！ 外賣價錢是42蚊一個， 價錢跟質素我個人覺得成正比。 另外加點的芝士條也很好吃有很多拉絲！ 外皮脆卜卜，廿幾蚊一份有五條好抵！

聽朋友講天水圍頌富商場開左一間唔錯既日本餐廳，好吸引！而且食物種類豐富，選擇多，高質又抵食，刺身，火鍋，飯類，烏冬定拉麵都任君選擇啊！ 今日星期五放工，一於同朋友一齊黎試下! 呢度環境唔錯，7點幾已經排曬隊要等位啦！ 玄米茶都好好飲，茶味香濃！ 天鳥既選擇實在太多啦，睇左餐牌好一陣，最後先決定到食呢度既廚師推介海膽吞拿魚七色丼。 入面嘅材料好豐富，要多角度影先可以帶出豐富嘅一面，有碎蔥拖羅，吞拿魚，海膽，油甘魚，大甜蝦，三文魚，鮮帶子，全部都大大粒，又新鮮，想唔流口水都唔得，所有我想食既都係齊到啦！正到爆！大推！ 食完呢度既刺身飯，其實已經好滿足，但因為呢度既魚生都好新鮮，未夠侯既我地最後重要左板馬糞海膽添啊！

這間炸雞店， 今年初(2020年) 在天頌苑頌富商場開店，我已試完全間店美食，我最愛這間真才實料，其實樣樣都值得食，因價格合理，我最愛蒜頭炸雞及蔥餅，我買給朋友食，她們都比like.

今晚等埋朋友放工翻到黎天水圍先食晚餐，聽講天水圍頌富商場開左一間唔錯既日本餐廳，而且食物種類，選擇多，任君選擇，無論你中意食生既定熟既，都可以滿足到你啊！ 呢度有日式既刺身類食物，而亦都可以打邊爐，各款拉麵飯類套餐都有得選擇。 但中意食壽司刺身既我最後都係簡左呢度廚師推介既天鳥特選大大粒魚生飯。 呢個魚生飯名副其實啊！d魚生又大粒，種類又多，又夠新鮮，有 雜錦魚生，三文魚子，馬糞海膽，碎蔥拖羅，實在係好豐富，好滿足啊!

今日休息,唔想出到出面食日本野,見到頌富商場有間新開既日本餐廳,就同朋友去試下,一人點左個午市套餐,再加左壽司,卷物,大家都好滿意,事不宜遲,去圖!首先黎到既係海膽壽司,食海膽壽司最怕三件事:
一,海膽有怪味, 二,壽司飯唔正常(太熱/太凍/太硬/太酸),三,紫菜唔脆
而天鳥既 海膽壽司完全無任何一個問題,超高質! 套餐的菜蒸蛋,蛋夠細滑又夠香,配上香菇,粟米,雞肉,令到蒸蛋甜得黎又有不同層次既鮮味,同樣高質! 和牛串燒,大大粒,絕無戲場,就咁食可能會覺得有d咸,所以可以加小小配料先食,一串三粒大大舊,抵食! 牛油果軟殼蟹卷,外層有一塊牛油味解去炸軟殼蟹既油味,但又唔會遮住軟殼蟹本身既味道,舊舊都好足料,超抵食! 海膽吞拿魚七色丼飯,超級多魚生,而且舊舊厚切,仲要舊舊都咁新鮮,小小雪味或者"霉"既感覺都無,超抵食,鍾意食魚生既朋友一定要試下! 超厚切,無吹水! 埋單同朋友一人200蚊,剛剛好,下次一定再來!

天水圍，所謂嘅悲情城市係呢幾年已經有好大好大嘅轉變。好多所謂領匯商場大翻身，裝修到美輪美奐，根本就好似一個大型商場一樣。 講到投資最重本，我真係覺得頌富商場，即係而家嘅T-town係最好最靚嘅。可能因為首先覺得UNIQLO點解會喺天水圍出現呢，肯定因為呢個商場有一定嘅人流量，所以連鎖集團先會入嚟開舖嘅。 今日就試下呢一間泰國菜，見到都有幾間分店㗎， 分別喺淘大商場，同埋黃大仙中心。再望下門口，睇下而家疫情下個優惠先。 自取外賣有六五折好吸引喎！但係單價平唔平就見仁見智啦。 根據人數，可以用優惠價，任揀一款 再望埋其他先。。。 都仲有四人餐同二人餐㗎 望埋最重要嘅一環，我最中意就係飲嘢 識計數梗係揀咗條烏頭魚，咁嘅價錢唔算好肥美㗎喇不過冇乜配菜囉。 今晚咩菜都話賣晒得返通菜，冇得揀呀 加咗個鐵板蠔仔煎蛋，好鬼大份。好好食㗎好似食緊煎潮餅咁呀！ 粒粒蠔仔都幾大粒，而且份量都好足！ 今晚埋單免加一

今日屋企人想食西餐，又唔想出咁遠，近近地喺頌富商場搵食，見到井茶都係$100到已經食到牛扒set ，當然要入去試吓啦！ 先來一個軟殼蟹沙律，新鮮沙律菜，配上炸得鬆脆嘅軟殼蟹，再加少許柚子醬，十分開胃！ 蜜糖雞翼配炸甜薯，炸得香脆，餐前小食一流！ 肉眼扒配薯菜，七成熟剛剛好，肉味香濃，薯條熱辣辣炸起，吃過不停，以呢個價錢算很不錯了！ 咖喱羊架飲配流心蛋 白飯用上珍珠米，羊架羊膻味十足，外脆內嫩，愛吃羊的必試！ 海鹽芝芝芒芒和芒果沙冰，芒果味十足，芝士奶蓋亦很滑，不比飲品專賣店差！ 人均消費都是百多元算很不錯吧！