🍦 + 🍛 = Weird but surprisingly Good!🤩 經常聼男朋友吹捧雪糕送飯一流！😶聲稱屋企無野送飯陣時拎盒Mövenpick士多啤梨雪糕送飯真係滿分（？？），好奇寶寶錯過了雪糕拉麵，今次 @superdon_hk 推出咗雪糕咖喱飯🍛真係不能錯過！重點係銅鑼灣店係我返屋企嘅必經之路，🤣日日望住店外超可愛嘅蠟筆小新主題真係心動到爆~！ 🌟雪糕咖喱牛肉飯 $118 (銅鑼灣及大埔分店限定） 套餐均連1️⃣兩件腐皮壽司🥣、2️⃣特飲🫖、3️⃣味增湯 - 辣度可選甘口\中辛\大辛~🌶中辛嘅小辣都幾明顯，咖喱醬質地比較濃稠、齋食咖喱飯會先嘗到頗明顯嘅辣味、餘韻再帶點奶味，食開譚仔五小嘅朋友嗌小辣就啱曬~！🥳 - 原本擔心融化的雪糕會成灘水浸到飯濕噠噠抑或過於冰凍令米飯結成一舊舊（︶^︶） 驚喜地，雲呢拿雪糕不算太快溶化呢、食到一半先逐漸半融呈忌廉質地~而半份雪糕不會太甜膩 🍦 甜味嘅雪糕搭上辣味嘅咖喱、甜辣交錯的味道其實意想不到地不錯幾夾呢！👻絕對不伏都不衝擊~！😈不過飯溫度會比較偏凍和偏軟的米飯質地男友就不算太中意，我就覺得還好~🤧 - 上藍下黃嘅「動感超人芒果特飲」味道就正正常常，無咩氣泡而芒果味都比較微，飲落會有淡淡的甜味和芒果味，一般般~🍸但攪勻漸層飲品的一刻真心好療愈！😻 🦐其他： - 雪糕咖喱飯等候需時，要多少少耐性呢🤏 - 丼飯和刺身都好不錯～兩大塊三文魚腩都係$42，真心抵食！🥹 📝 推薦！雖然食物品項再加上「蠟筆小新系列」主題睇落好Gimmick同打卡，但實質味道真心幾好，而定價都唔貴，絕對試得過呢！店内仲有好多公仔，超可愛🥹若係蠟筆小新fans仲可以加購埋精品！～（6.5/10） 📍スーパー丼 SUPERDON - 銅鑼灣駱克道501號地下/大埔超級城B 區1樓130-133A號舖/佐敦彌敦道380號逸東酒店LG1號鋪

逸東酒店 普慶餐廳 📍 佐敦彌敦道380號香港逸東酒店B1樓層 . 今次係星期六食咗午餐自助餐，人均只係大約折後$450 . ❇️位置環境 佐敦站B1出口行過去大約10分鐘內就會到 環境都算寬闊，枱同枱之間都有一定嘅空位 . 員工服務十分之好，一坐低就指示10分清晰，會話俾你聽可以喺邊度拎咩嘢食 . ❇️食物 係片中可以見到，食物種類都多 有生蠔，刺身，山蝦，小龍蝦，麵包蟹（超多膏，鹹香） 中式包點，唔同款式嘅炸物，天婦羅，日式串燒，沙律吧 甜品都有好多款式，有芝士蛋糕，啫喱等等 鍾意食雪糕嘅仲有即時整嘅pancake加雪糕Movenpick都係任食，好多唔同味道

Happy Drink🍹 Happy Friday 想同朋友Happy Hour CHILL下🍹，諗到逸東酒店呢間book mark左好耐既bar，搵個地方飲杯嘢輕鬆吓😃! 喜歡佢有戶外位置⛱，感覺輕鬆d! 原來佢地既cocktail是很出名， menu內有多款很獨特、精緻且造型好吸睛👀👀的cocktail選擇!！ 🍸CRYBABY $90 Voka or Gin, Lime Leaves, Pineapple Juice, Citrus & Ginger Beer Tropical & Limey 🍹TOMMY’S MARGARITA $95 Los Javis Espadin Mezcal, Ocho Tequila, Agave & Lime Juice The Sour Queen, Smoky & Sharp

第一次住逸東酒店，見樓下裝修幾特別就落去睇下，上網睇食評都話好食，於是外賣一個上房食，牛肉係凍嘅，完全咬唔爛，而且一啲味都無，靠個飯汁甜甜地送完全食唔到，無下次！

#wetdodo_佐敦 
逸東酒店樓下嘅food court都幾多嘢食～
想喺呢頭食個快嘅又易啲搵位
越港日西式應有盡有😎
今次就試吓間西餐
set menu包埋飲品都喺$68起😛
都有好多唔同嘅款式：
意粉、漢堡、卷餅、餡餅等都有
而且價錢都幾相宜🤑
——————————————————————— 🥑蟹肉牛油果墨西哥卷餅 $68
😋：7.5/10
成個set咁揀有種幾健康嘅感覺😂
蟹肉其實擺到側埋一邊
有一邊就會特別多蟹肉 好滿足
牛油果係已經打成蓉咁 都幾香
但亦都唔喺啖啖都食到牛油果蓉🥹
應該喺卷果陣都唔喺搽到成塊都喺
如果啖啖都食到牛油果蓉就真係大滿足
入面嘅配料仲有好多生菜 索索聲
仲有啲粟米喺入面
整體都好fresh嘅感覺！🥤熱鮮果茶 +$0
😋：8/10
茶味都幾夠濃郁
只喺有淡淡嘅甜味
仲有薄切嘅生果片
呢個唔錯 可以一試
—————————————————————
🌯🥑🌯🥑🌯
花樣年華 Flowers Years

💸：人均～$70

📍：佐敦彌敦道380號香港逸東酒店Eaton Food Hall LG樓

🔆免加一🔆

#wetdodo_meals #美食 #hkig #hkfood #hk852 #佐敦 #油麻地 #foodphotography #foodblogger #佐敦美食 #油麻地美食 #花樣年華 #西班牙菜 #西餐 #逸東 #逸東酒店 #floweryear

Slowlife 漫活堂
佐敦彌敦道380號逸東酒店Food Hall 地下2號舖

呢間主打生酮飲食越南餐廳😀
之前從未接觸過生酮飲食～
今次來一試究竟😎估唔到係健康又好食嫁

前菜叫左3款都係配上泰式沙律
🥗酸辣開胃又健康👍🏻

。自家製手打鮮蝦餅含90% 蝦肉🦐+豬油
完全無落任何麵粉～❤️蝦餅超級彈牙
必食推介❤️

。香脆軟殼蟹紙米卷 24個月軟殼蟹
軟殼蟹係即炸🔥即包👍🏻
配上生菜、蘿蔔絲、青瓜絲、檬粉及薄荷葉
材料好豐富，米紙口感好煙韌

。漫活堂越式香草烤雞半隻
選用無激素雞～以慢煮方式製成
雞肉好幼嫩😁完全唔會鞋口

主菜又係叫左3款
。360度魚露秘製伊比利亞豬腩生酮麵
好喜歡個湯底～用上純雞湯～無添加味精
配上生酮麵=蒟蒻麵👍🏻口感爽口彈牙

。招牌生熟安格斯牛肉湯河
安格斯牛肉🐮有兩款
一款薄切牛肉片 & 一款牛展
份量係巨多🥹一碗可以兩個人食
牛肉湯香濃

。伊比利亞豬頸肉配椰菜花飯
利用椰菜花粒取替白飯 🍚
我係第一次食覺得好易入口～
豬頸肉好重香茅味～正

甜品

。生酮巴斯克咖啡味芝士蛋糕🍰
味道口感同一般cheese cake 無異
咖啡味同芝士味都好出
就是比傳統蛋糕更健康😎低熱量😁

。咖啡千層糕
千層糕Q彈又煙韌～淡淡的咖啡色

好喜歡呢間餐廳🍴❤️味道好好～又健康
Slowlife 提供keto 同nonketo 食品
岩哂唔同飲食習慣既朋友一齊去食❤️👍🏻

另外更提供生酮餐服務，免費送貨到家，

逸東軒多年保持著米芝蓮一星
周不時見到有promotion: 中午點心$38起, 晚市散叫MENU 有8折
呢個優惠確實好吸引人去試餐廳係逸東酒店旁邊一條小街既一個入口位 門口雖有逸東軒既牌子, 但比較低調不顯眼，如果第一次黎會有點迷茫
入到去坐LIFT 落地庫一層
一出LIFT 就見到reception 位置
reception 位入主廳有一個琉璃玻璃的扇門做點綴, 視覺效果也不錯
場內主要都係木製既裝潢, 所以整體格局比較中式傳統風
燈光算幾充足,投射到枱上也算夠光，影相夠清晰

餐廳可放既枱數都幾多，面積都幾大
除了主廳可放廿多張枱, 經過一個玻璃的扇門入去都有一個副廳可放十數張枱侍應安排了我地4人坐了一張剛剛好的小圓枱 其實是有點窄的, 因為剛開始放了一些基本的餐具如杯﹑碗碟及筷子等, 中間已經得返比較少既位 係餸菜來到時, 就能夠印證到以上說法: 放了片皮雞及一碟叉燒，已經剛剛好，當第三樣野上黎時，需要把叉燒放小碟才勉強可以夠位
其實這一張如果做2人枱才合格
作為一家酒店內的高級中菜, 這一點有點減分

服務方面, 整體同普通酒樓冇乜分別 … 經理服務態度普通, 欠缺「招待」這一環
其中一位幫我落單時, 我重覆對朋友說了一句「菜式在最尾個頁」, 該經理就語氣比較倔回了我「我知道係邊個餸」 所有服務員都好忙, 不知是不是實在太優惠了, 而且又有當造食物「蟹宴」提供, 所以吸引了好多食客光顧
令到服務員做到「踢晒腳」
所以不會有「上菜時講解菜式」﹑「不時過黎關顧你對食物品質有咩睇法」、「過黎幫你斟茶」這些服務，而這些服務係我食咁多間米芝蓮酒店中菜都一定會具備的
雖然有生意係好事, 但都需兼顧平衡返其他方面, 方能對得起一星資格
尤其以其他米芝蓮一星酒店中菜作對比, 逸東軒確是需要重視這些方面

食物方面, 整體算OK
沒有什麼覺得不太好吃, 但也沒有一樣覺得特別好食或難忘
整體食物算平均, 有些菜的味道可以再進步

價錢方面CP 值幾高, 就算正價我地4個人都係食左$2200 左右, 8折後只是$1818, 人均不到$500, 是幾划算 衡量返價錢CP值高, 總體還是可以值得大家一試

<以下價錢均是正價, 未計8折> ➽明爐蜜汁叉燒 $280 剛好合格
約有10舊
頭5,6舊是不錯, 肉質軟腍
部份都做到焦邊
但其後的肉質就好韌, 邊位都燒得唔夠脆焦 整體味道較淡, 其實甜度可以多點➽芝士蟹肉焗釀蟹蓋 $190一隻/兩隻起 呢個幾好食
有別於平時係其他酒店中菜食的「炸」蟹蓋
逸東這一款是有點像焗豬扒飯的面層做法
芝士香氣濃郁
蟹肉都好多, 滿滿既蟹肉塞滿晒, 一人一隻夠滿足!
我覺得焗同炸都各有特色, 所以呢一個大家都可以試下➽逸東片皮雞(二食) $628  第一次見唔係’’片皮鴨’’, 而係用雞代替
雞都幾大隻, 但切出黎其實都係得約10片左右, 非常珍貴, 仲有兩隻雞翼伴碟
雞皮好食, 整體炸得脆身
雞翼都幾好食, 不過入面既肉質有少少乾
餅皮有d 厚，同埋放一陣好快冷卻變得硬左d 
但個人覺得用’’片皮鴨’’的食法 -「加皮﹑加甜醬﹑青瓜等等」其實唔太夾’’雞’’
因為鴨皮下的脂肪相對多D, 油份重D, 所以加左塊皮食中和返就岩岩好, 可以平衡返個油膩感
但雞皮係相對乾身, 加左皮反而覺得多左

第二食揀左炒飯, 好食 炒得夠乾身
加左雞肉粒整體香氣幾夠➽大澳蝦醬唐生菜  (例) $188 好有鑊氣
黎到都聽到「炸炸」聲
生菜色澤靚, 好翠綠
食入口唔會軟身, 係爽脆, 炒得岩岩好
蝦醬味好惹味
幾推薦呢個, 尤其岩重口味人士
不過蝦醬始終係比較咸既醃醬, 所以食完成個口都幾咸, 要飲返多D 水
而且建議最後食好D, 唔係會蓋過其他菜既味道 ➽砂窩薑蔥乳香鱈魚 (例) $288 鱈魚肉質軟腍
幾滑口
外層係炸過黎, 炸粉厚左少少, 味道幾甜
不過食第一﹑二舊個陣就覺得幾好, 食多幾舊就覺得個甜度太高
但都是不錯的一味菜➽楊枝甘露 $96 這一個麻麻地
唔夠香
而且食入口都唔夠滑唔夠綿
失望

*****
茶芥$112/4位
未加一前計算8折
然後服務費以正價加一計算

逸東軒，佐孰逸東酒店嘅米芝蓮一星中菜廳，我已經食過不下五次🤭🤭但每次去都係食午市點心，未試過食晚市🫢而咁岩我係今期嘅Dining City Restaurant Week見到佢有一個勁抵食既Dinner Menu，每位都係$438，包茶位，但另收加一。梗係即搶🤪🤪 🔸 明爐蜜汁叉燒🐖 ⭐⭐⭐⭐⭐ 招牌叉燒半肥瘦，肉質嫩腍。烤到少少燶邊，香氣四溢。充滿蜜汁，香甜度恰到好處。真心好食🥰🥰 🔸 話梅車厘茄🍅 ⭐⭐⭐⭐⭐ 好有驚喜的一道菜，車厘茄已經去左皮，而且浸透話梅汁，入口即爆汁。味道酸酸甜甜，好清新醒胃。好適合食完叉燒之後refresh口腔，值得一試😍😍 🔸 花雕醉鮑魚🦪 ⭐⭐⭐⭐ 鮑魚大隻好肉，花雕味既香亦濃🤨😋 🔸 是日保健老火湯🍲 ⭐⭐⭐⭐ 今日係冬瓜瘦肉湯，好消暑😄😄 🔸 川味麻辣手撕雞🐓 ⭐⭐⭐⭐ 凍食，雞肉好嫩滑，川汁微辣麻香但清新🤣🤣 🔸 二弄玻璃蝦球✨🦐 ⭐⭐⭐⭐ 蝦球一紅一白造型精緻🔴⚪️蝦球分別用玻璃芡及酸甜汁煮成，入口鮮甜爽彈😙😙 🔸 鮮竹柚皮扒菜膽🍊🥬 ⭐⭐⭐ 柚皮好似海綿咁吸儘芡汁，而鮮竹亦好有豆香。不差，但唔太岩自己口味🙃🙃 🔸 鮑汁銀芽炆伊麵🍝 ⭐⭐⭐⭐ 伊麵索晒鮑汁，好濃香。 🔸 紅棗雪耳燉萬壽果 ⭐⭐⭐ 🔸 千層棗皇糕🍮⭐⭐⭐ 兩款甜品都係用紅棗入饌，健脾益胃。棗皇糕好軟糯煙韌，味道清甜😄😄 逸東軒 📍佐敦彌敦道380號香港逸東酒店B2樓層

生酮飲食原來咁好味 今晚嚟到油麻地逸東酒店的吃晚餐，餐廳主打生酮飲食，真是健康哦！ 首先來的是，手打鮮蝦餅，煎蝦餅，用上八成蝦肉，真是真材實料。哦！蝦肉有單未，爽口，彈牙。 軟殼蟹紙米卷，卷內蔬菜清新，爽口好吃，米卷軟硬恰當。 越式香草烤雞，這個真是好吃，烤雞嫩滑，充滿黃薑及香茅味，雞肉烤得剛好。 伊比利亞豬腩生酮面，面試用上蒟蒻麵，蒟蒻麵質地QQ，彈牙。 生熟安格斯牛肉湯河，這歌不愧是店中王牌，牛肉湯清甜，相信烹調已煲了多個小時，無論是生牛肉，或是熟牛肉，都充滿牛肉味，亦很瘦呢！ 伊比利亞豬頸肉配椰菜花飯，這個椰菜花飯，十分特別，亦是少見的，椰菜花飯很好味，入口軟軟滑滑的，好吃。 生酮巴斯克芝士蛋糕，這個蛋糕是用上稀有糖製的， 十分講究哦！蛋糕製作得很好，有滿滿芝士香味。 咖啡千層糕咖啡千層糕，有淡淡咖啡香味，千層糕質地爽滑，甜味適中。 今晚的晚餐，既是好味可口，亦很健康哦！真是大滿足。

🍪【#佐敦】Slowlife 慢活堂
💥生酮飲食越南菜 大推蝦餅+紙米卷💥
.
🍪生酮飲食 (Keto Diet)即係攝取多脂肪🐖、中等蛋白質🐣同極少碳水化合物🍚嘅飲食方式。逸東酒店就有一間🇻🇳生酮越南菜餐廳！

~~~~~~~~~~~~~
🦐 自家製手打鮮蝦餅 $98 (4.5/5)

必叫前菜😍！真材實料嘅蝦餅90%係鮮蝦🦐，再加入豬油手打，冇加麵粉。炸得好脆口😋，食落覺得啖啖結實蝦肉，隔離枱食客都話一分錢一分貨💰！點埋酸甜汁冇得彈👏🏻！
.
🦀 香脆軟殼蟹紙米卷 $88 (4.5/5)

私心推介呢款出色前菜🥰！24個月軟殼蟹好肥美香口，特別係有甘香蟹膏‼️紙米卷皮好煙韌有口感，入面啲🥒青瓜、🥕紅蘿蔔、檬粉、🥗菜同薄荷葉塞到好滿，肥嘟嘟咬落好幸福😚。一定要點埋魚露汁食，非常開胃☺️！
.
🍗 慢活堂越式香草烤雞半隻 $138 (4/5)

好少食烤雞做前菜，層皮燒到咁金黃都忍唔住食咗少少🫣🤣，餐廳仲有為呢碟菜以設嘅烤雞汁，十分講究🤤。餐廳供應嘅肉都係草飼無激素，雞肉好香香草味，尚算嫩滑，份量中等。配菜係青瓜、木瓜、紅蘿蔔絲，全部菜都好新鮮爽口😆！
.
🥩 招牌生熟安格斯牛肉湯河 $128 (4/5)

餐廳照顧唔同食客需要，想食澱粉質一樣有得揀👍🏻。呢款湯河冇落味精😇，但都熬到香濃湯底。牛肉係慢煮3小時嘅牛面豬登🐮，同埋好嫩滑嘅半熟牛肉片🤤。河粉切得偏短。
.
🐷 60度魚露秘製伊比利亞豬腩生酮麵 $135 (3.5/5)

獨家秘製嘅60度魚露醃豬腩片，魚露度數高等於鮮味愈濃😎，果然係有好明顯嘅提味效果，豬肉味都更突出🤩！湯底比牛河甜，呢款生酮菜式用蒟蒻麵代替澱粉質，第一次食覺得滑潺潺，特別彈牙，唔係太習慣😳。
.
🐷 伊比利亞豬頸肉西椰菜花飯 $118 (4/5)

豬頸肉肉質粗啲但唔鞋口，白椰菜花切碎成飯(好耶唔洗食白飯😍)好清甜🤗！
.
☕ 咖啡千層糕 $58 (3.5/5)

咖啡糕香滑唔會太甜。本身想試🧀芝士蛋糕但賣晒🥲！下次又有再訪理由喇🥳！
.
🍹飲品有冷泡美顏四季茶，加入奇亞籽一齊飲。
.
更鍾意呢款英國入口嘅湯力水，🍋柑橘味好香。

~~~~~~~~~~~~~
🍪整體而言呢間餐廳好值得推介！餐廳服務親切💯，熱心同客人介紹每道菜。欣賞🪑枱櫈擺位唔會太迫，等每個人都坐得鬆動舒適。

~~~~~~~~~~~~~
味道 Taste：🍪🍪🍪🍪🍪/5
環境 Ambience：🍪🍪🍪🍪🍪/5
💸消費 Spending：~$200 /人 Person
🔥推介度 Recommendation：4.5/5
.
📍 Slowlife 慢活堂
@slowlife.hk
.

慢活堂係全港首間越南菜生酮餐廳 地點都幾方便～喺佐敦Eaton逸東酒店地下 舒服的木系裝潢配落地玻璃 望住餐廳街景人來人往時反而有種悠閒恬靜 . ─ 越南小食 ─ . 🇻🇳 炸軟殼蟹青木瓜沙律 $88 蟹肉厚實鮮甜又夠酥脆 青木瓜沙律清新又酸甜 剛剛平衡番軟殼蟹油膩度 雖然係生酮其實都係感覺好邪惡🙈 . 🇻🇳 自家製手打鮮蝦餅 $98 蝦餅超大塊再切成一片片 用鮮蝦肉加豬油、岩鹽製成的蝦肉彈牙惹味～ 好香口又多汁🥹 搭配的秘製調味醬汁仲幾襯呢 . 🇻🇳 漫活堂越式香草烤雞 (半隻) $138 半隻燒春雞分量不少絕對唔係小食咁簡單😂 指明用上無激素有機草飼雞 雖然味道上同普通雞分別不大 但係無激素喎當然就加分啦 用香草醃製左好耐之後的確令雞皮外脆多汁 雞肉都幾嫩滑有油香 . ─ 主菜 ─ . 🇻🇳 伊比利亞豬頸肉椰菜花飯 $98 椰菜花飯真的超級推介呢❗️ 份量好多夠飽肚～應該用左啲特別醬汁來煮 所以味道不怕單調 燒到香脆又啖啖肉既豬頸肉 永遠係邪惡又矛盾既代表👉🏻👈🏻 食開生酮飲食既朋友就可以開懷大吃呢 . 🇻🇳 伊比利亞豬腩片湯河 $115 (+$20 轉生酮麵) 終於試到蒟蒻麵啦❕ 原來係咁爽口彈牙🍜我覺得仲正過河粉呢 叫得豬腩片當然係肥多瘦少🐽油香豐富 餐廳話魚露湯底係特別用上60度魚露～ 雖然唔知同平時魚露有咩分別 但係味覺係唔會呃人嘅🤩清甜有鮮味 . 🇻🇳 招牌生熟安格斯牛肉河 $128 慢煮烹調安格斯牛肉成功鎖住肉汁 牛肉片份量同樣慷慨～嫩滑既肥牛煮得幾入味湯頭豬骨湯仲幾清甜 原來係經過十幾個鐘頭熬製出來🥣 食得辣嘅朋友可以加附送既嘅辣椒、香葉調味 . ─ 飲品 ─ . 🇻🇳 鮮青檸薄荷梳打 $45 🇻🇳 冷泡焙茶 $38 . 話呢間餐廳簡直可以Cafe黎形容 因為飲品嘅款式多不勝數 因為越南本身天氣大部分時間都比較炎熱 主要飲品都係椰青呀、梳打咁 慢活堂走前多步 將越南既飲品加入特別既元素 青檸薄荷梳打水用上既梳打水都係第一次試 精緻賣相仲可以打下卡～增加悠閒感😌 另外仲試左清爽解膩的養生泡茶 大大杯都幾抵飲呢 . ─ 甜品 ─ . 🇻🇳 生酮巴斯克芝士蛋糕 $68 巴斯克芝士熱潮可以延續咁耐 係因為醜醜外表望落的確好治癒～食落更加滿忌廉芝士獨有的鹹甜味淡淡食到出黎 呢款可以配搭綠茶就更加特別 而且仲係用原大地稀有糖製造㗎 . 🇻🇳 咖啡千層糕 $58 呢款賣相感覺似飲茶食既紅棗千層糕 食落層感軟滑～咖啡味道好突出呢 唔知係咪咖啡既關係食完整頓晚餐有種精神感覺！

成日經過 #逸東酒店 都見到呢間越菜餐廳(˙꒳ ˙ )原來有生酮餐單供應 仲好多款式
木系裝修舒服好坐 服務態度好好 所有菜式都無味精無雞粉 肉類全部都係草飼 無激素 食落好安心💓

—- ʕ•ﻌ•ʔฅ —-

♡ 手打鮮蝦餅
本身驚好油膩 但原來唔係厚厚一層炸皮( ˙▿˙ )唔怕熱氣！老闆話9成都係海蝦肉打成～無用麵粉 食落彈牙又有濃濃鮮蝦味🦐揼本之作啊
.

♡ 香脆軟殼蟹紙米卷
塞滿蔬菜絲好清新 仲用左24個月大嘅軟殼蟹🦀蟹肉比例多又鮮甜 唔會淨係得d炸粉 係票選嘅最正前菜✨

.

♡ 越式香草烤雞
慢煮3小時再燒 雞皮份外香脆(๑˃ᴗ˂ ) 肉質唔會太乾 充滿雞油香🐤伴碟嘅酸蘿蔔絲好解膩
.

♡ 招牌生熟安格斯牛肉湯河
牛肉入口好軟稔 牛面頰肉係重點✨配上熬製已久嘅清甜湯底 成碗都好有牛味🐮牛魔王必點！
.

♡ 秘製伊比利亞豬腩生酮麵
豬腩肉以60度魚露醃製🐷食落好入味 份量仲好慷慨～湯底同樣清甜唔泛油 生酮麵爽口彈牙 有d似海蜇 口感好得意
.

♡ 伊比利亞豬頸肉配椰菜花飯
豬頸肉好嫩好爽彈 仲有d脆邊 椰菜花飯亦唔係白烚 幾可亂真☺️係好好嘅澱粉替代品啊
.

♡ 咖啡千層糕
咖啡味更濃郁 有d咖啡拖肥糖嘅味道☕️千層糕Q彈又帶點煙韌 又唔會太甜 好味😋
.

♡ 生酮巴斯克咖啡芝士蛋糕
無麵粉製作 口感𝚌𝚛𝚎𝚊𝚖𝚢 咖啡味同芝士味都好突出 配上酸甜莓醬不怕膩～為今餐完美作結(´ ∀ ` *)
.

🥚蛋美覺得係咁食肉真係好幸福😛 . 佐敦彌敦道逸東酒店地下慢活主義嘅越南菜生酮餐廳❣️主打無味精、無雞粉、無激素嘅keto越南菜🥹餐廳亦提供non-keto食品😍簡單嘅木系裝潢再加埋落地玻璃令餐廳感覺好悠閒🤩老闆都好親切咁同我地研究酮體🤣不過如果唔慣生酮飲食記住量力而為🤍聽完係嚴選食材保持新鮮同健康就好放心咁大吃一餐🥰🥰❣️ . 1️⃣自家製手打鮮蝦餅(💰$98） 蝦餅嘅香味好突出🥹蝦肉咬落十分彈牙同時外脆內軟又多汁😋原來係因為95%都係鮮蝦肉再加豬油整嘅～雖然食落好香口但始終唔係人人頂得順動物油脂🥹如果用植物油會開心好多🥺 2️⃣炸軟殼蟹青木瓜沙律 (💰$88） 老闆話軟殼蟹用上24個月大嘅蟹🥰其實都食得出因為蟹肉非常厚實鮮甜❣️外皮都炸得好酥脆😋配上青木瓜沙律去調解軟殼蟹嘅油膩😍雖然係生酮其實都係感覺好邪惡🙈 3️⃣漫活堂越式香草烤雞 (半隻) (💰$138) 燒春雞嘅份量十足😍外脆內嫩又多肉汁🤩味道都十分濃郁用香草醃製左24小時❣️聽聞係用無激素嘅有機烤雞🥰食落去好似串燒咁刨正😛😛不過雞皮都頗厚相對又係油膩🥹 4️⃣招牌生熟安格斯牛肉生酮麵 (💰$128) 安格斯牛肉透過慢煮嘅烹調方法鎖住肉汁🥹牛肉片好軟身味道亦都好突出😋豬骨湯非常清甜再加上小小辣椒同香葉作調味❣️佢肉有生熟兩款份量都好多～ 5️⃣伊比利亞豬腩片生酮麵 (💰$115) 用蒟藥造成嘅生酮麵條真係好爽口彈牙😆而豬腩片有焦香嘅味道好惹味🤍配搭魚露湯底真係一流❣️最緊要係兩款湯其實都食得出幾唔同😛個人鍾意呢款陣油香味多啲😽 6️⃣ 伊比利亞豬頸肉椰菜花飯(💰$98) 豬頸肉外皮金黃色🤩肉汁一樣好多好入味🥹椰菜花粒好新鮮😛兩者個配搭幾和諧同有層次❣️ 7️⃣生酮巴斯克芝士蛋糕(💰$68) 呢個真係幾驚喜因為佢咖啡味好濃好出🤍仲要食落去忌廉芝士陣鹹甜味慢慢滲出嚟🥺呢款食開重口味嘅應該都會幾鍾意🥰 8️⃣咖啡千層糕(💰$58) 呢款相對清淡不過咖啡淡出嚟都幾唔錯😛質感就係魚膠粉比較多個隻咁😛鍾唔鍾意就見人見智啦🙈 9️⃣鮮青檸薄荷梳打(💰$45) 又熱又焗嘅天氣梗係要嚟翻杯青檸薄荷梳打水🤩配搭好清新同埋望落都好精緻❣️ 🔟冷泡焙茶 (💰$38) 養生派一定會揀茶😹😹茶味夠清爽解膩❣️其實冇咩特別不過飲料還是需要的😹😹 . 📍 Slowlife 漫活堂 (佐敦) 佐敦彌敦道380號逸東酒店Eaton Food Hall 地下2號舖 🤍[7.5/10] . #蛋美吃越南菜 #蛋美在佐敦 #越南菜 #木瓜沙律 #鮮蝦餅 #生酮 #烤雞 #燒春雞 #豬腩片 #軟殼蟹 #豬頸肉 #椰菜花飯 #蒟蒻麵 #蒟蒻河粉 #焙茶 #梳打 #慢煮 #lemonmedia #青檸 #千層糕 #生牛肉 #芝士 #芝士蛋糕 #薄荷 #冷泡茶 #咖啡 #香港美食 #佐敦美食 #生酮麵 #生酮飲食

係網上睇到有越南餐廳提供生酮餐單，今次一行兩人黎試試係咩質素先😉 餐廳係逸東酒店內，環境舒適，木系的裝修風格，配合餐廳漫活的主題，仲安裝左空氣清新機，非常注重衛生❤️ 見到店員係食客用餐後會噴上消毒液再抹檯🫶🏻 提供超過2️⃣0️⃣個座位，我揀左坐布沙發位，餐桌面積好大🫰🏻 店員有基本禮貌，上菜時會悉心介紹每道菜的選材，是否生酮餐單🥰 店員告知餐廳採用調味料不多，只以最簡單的調味令客人可以食到食物的原味道，真係好適合我呢個都算注意健康的人🥹 鹽係選用喜瑪拉雅山岩鹽，糖則選用原大地稀有糖，連調味料都好講究😯 所有肉類皆以慢煮方式處理，慢煮時間至少3️⃣小時，非常用心💯 ========== 🔹自家製手打鮮蝦餅 $98 (Keto) 以9️⃣5️⃣%蝦肉不加麵粉打成 有6️⃣大片，配合泰式辣醬，仲跟埋青木瓜沙律 青木瓜沙律加上薄荷葉☘️，芫荽🌱，車厘茄，紅蘿蔔絲🥕及花生🥜，食材全都新鮮爽脆，薄荷葉非常清新，花生沒加鹽，配合酸酸甜甜的沙律汁，夠醒胃吧😋 蝦餅表面煎得金黃香口而不油膩，蝦肉非常新鮮爽口彈牙，蝦味夠重，絕對係近期食過最好食的蝦餅🤭 ========== 🔹香脆軟殼蟹紙米卷 $88 餡料有軟殼蟹🦀，紅蘿蔔絲🥕，青瓜絲🥒，檬粉，薄荷葉☘️，生菜🥬，配上醬汁 食材全都新鮮，以淡淡的調味帶出食材的原味道，食落好有層次感 軟殼蟹炸得夠脆口，仲食到輕輕的蟹味 紙米卷煙煙韌韌係我喜歡的口感☺️ ========== 🔹漫活堂越式香草烤雞半隻 $138 (Keto) 配上青木瓜沙律跟煎蔥，另有薄荷葉作裝飾😉，再配上醬汁 雞的份量大約🔟件，以香草及南薑作調味，入口感覺有少少似咖喱味道，雞表皮烤得焦香，雞肉入味 雞肉以慢煮方式處理，雞肉嫩滑有嚼勁，肥瘦適中 都係我近期食過最好食又用心做的春雞👏🏻 ========== 🔹60度魚露秘製伊利比亞豬腩生酮麵 $115 (Keto) 麵上鋪上滿滿的洋蔥🧅及蔥粒，再配上九層塔，青檸及指天椒🌶 仲有大量芽菜於麵內 豬腩片約有4️⃣-5️⃣片，以魚露作調味的豬腩片脂肪比例高，因此豬香非常豐富 湯底為雞湯，夠鮮甜 蒟蒻麵份量足，麵質爽口彈牙吸到湯，比起非生酮的麵質感更好，咁多野食我都食哂所以麵呀，超愛❤️ ========== 🔹招牌生熟安格斯牛肉湯河 $128 同樣以大量洋蔥🧅同蔥花鋪面 慢煮過的安格斯牛肉有全熟也有生的，是兩重享受🥹可以食到生牛肉湯河的同時又食到超嫩滑的牛頰肉🫰🏻 牛頰肉煮得夠腍同時肉質彈牙，適量的牛味而不帶騷🫠 生牛肉呈粉紅色，同樣嫩滑彈牙，吃得到不錯的牛香🤤 湯底係牛肉湯，牛香幾重🫶🏻 河粉份量好多，選用幼身的，煮的時間拿捏得好，河粉並無斷開，質感夠細滑又不呈現油光感，吃下不覺滯🤗 不過真係太多啦，所以食唔哂😢 ========== 🔹伊比利亞豬頸肉配椰菜花 $98 (Keto) 配上椰菜沙律，仲有紅蘿蔔絲🥕，薄荷業同煎蔥，酸酸的醬汁幾開胃 豬頸肉的數量最少有🔟大片，調味恰到好處，肥瘦適中，肉質非常爽彈，仲食到好重的豬香🤤 比起上次係灣仔的Tam Viet 食到的豬頸肉更嫩滑更重豬味，超讚💯 椰菜花飯份量足1️⃣飯碗，以微鹽調味，椰菜花新鮮夠甜❤️ 椰菜花沒多餘的調味料，吃到最原始的椰菜花香👍🏻 ========== 🔹生酮巴斯克芝士蛋糕 $68 (Keto) 咖啡味☕️的巴斯克芝士🧀蛋糕，睇賣相唔多吸引😹 點知糕不可貌相，食落超有驚喜，連朋友都勁讚🫶🏻 其實食前菜同主菜已經飽左🔟成🤰🏻，但係甜品真係不可抵抗的誘惑😂 咖啡味☕️極濃郁，蛋糕體夠嫩滑濕潤，軟硬度適中，吃到淡淡的芝士香又不掩蓋香濃的咖啡香，超級完美，一點也不像生酮🥹 配合鮮藍莓果醬，如果覺得芝士膩絕對係可以幫手中和，不過我就唔覺得蛋糕膩🫠 ========== 🔹咖啡千層糕 $58 (Keto) 又是沒比較沒傷害的代表🙈 千層糕吃到淡淡的咖啡香☕️，甜度較芝士蛋糕低，糕體沒有糯米粉因此並不是煙韌的那一種，但口感也不錯，做得一點也不像生酮 可是有巴斯克的存在，佢就被比下去了，對佢真係唔多公平🤷🏻‍♀️ ========== 🔹冷泡焙茶 $38 夠凍，焙茶味濃郁，能解膩 ========== 🔹鮮青檸薄荷湯力 $45 孤陋寡聞，而我不知道湯力是甚麼😂 飲落有著清新的青檸及薄荷香，湯力是類似梳打吧，有汽的 味道很容易接受😉 ========== 整體用餐體驗非常滿意，由餐廳環境，服務到出品都屬高水準，看到餐廳的一絲不苟及用心，我一定會再黎🥰

📍香港📍佐敦 📍鰹烏冬 (逸東酒店) (佐敦) 📍佐敦彌敦道380號香港逸東酒店Eaton Food Hall LG樓8號舖 📍星期一至日 11:30~21:30 🌹佐敦分店係food court形式經營，環境乾淨舒適，自己揀大啲嘅沙發櫈都得。冷氣非常充足。烏冬麵高質，會有下次。其他分店有套餐價錢會抵啲。 🦄 月見烏冬 $53 🦄 評分: 7.5/10 烏冬彈牙有嚼勁，比坊間好多烏冬鋪好食。份量對女仔黎講算多。鰹魚湯底調味啱啱好，微甜唔會過濃而夠味，烏冬麵亦掛湯。 🦄 骨付鷄 $46 🦄 評分: 8/10 大大隻烤雞髀，外皮香脆，灑上少量七味粉同蒜粉，入口bb微辣。肉質嫩滑多汁。推介。但都見有網友話質素唔穩定，有時烤到過乾。我暫時就未遇到。 🦄 鰹魚湯白味噌鍋燒烏冬 $85 🦄 評分: 7.5/10 鰹魚湯味鮮，白味噌濃，配料入味而唔會浸到過淋。雖然係鍋上，但熱力不足以令隻雞蛋變熟，拌開撈埋Q彈既烏冬一齊食，正。 #foodieschu佐敦 #foodieschu烏冬 #烏冬 #湯烏冬 #雞肉 #鏗烏冬 #逸東酒店 #佐敦彌敦道 #佐敦美食 #彌敦道美食 #月見烏冬 #骨付鷄 #foodhall #noodles #香港美食 #hkfoodie #foodies #hkfoodies #foodblogger #hkfoodblogger #hongkongfood #hongkong