呢排咁多節日,一定要搵啲正嘢食下慶祝下🎊!
呢日去置地影靚靚聖誕佈置前,喺中環街市附近見到呢間蠔吧🦪~
當日嘅精選生蠔一打都只係298,仲會送支白酒添🍾! 原來佢哋想推廣食蠔文化,所以推出咗呢個優惠💰~
而且會揀一啲無論口感或者味道都比較容易被人接受嘅品種~ 例如今日呢款蠔係日本雪花❄,佢食落比較爽口~
有蠔嘅鮮甜味仲有少少金屬味,但又唔會膩得令人有啲覺得反胃嘅感覺~
我自己本身都唔太喜歡好creamy嘅蠔,呢款夠清爽就啱晒😋
呢個set仲會跟一支白酒~ 以為咁抵無好嘢?飲落其實都唔錯~ 佢有幾款湯品可以選擇,我哋就揀咗比較特別嘅蟹肉湯🦀~
而且加20蚊可以有酥皮,我哋兩個都超鍾意,當然要加啦! 個湯好香濃,亦有唔少蟹肉,飲完成個暖笠笠🌡~ 呢個fish & chips嘅魚肉好滑🐟~ 炸皮薄薄嘅,食落唔係硬脆哥種~ 薯條亦炸得好香脆🍟,份量又夠大,幾抵食~ 呢度嘅薄餅係長型嘅🍕,上面鋪咗好多海鮮,又有大蝦又有青口咁~ 啲蝦食落好新鮮🦐,而且上面加咗火箭菜🥬同意大利黑醋,酸酸甜甜好開胃~ 呢間店好有情調,而且樓上仲有一層可以包起嚟搞活動~
職員都好有禮貌,而且仲耐心介紹啲啱食嘅蠔俾你,喜歡食蠔嘅朋友要去試下呀~

#五星級high tea set 翻新後嘅中環街市 週邊有唔少高質食肆 呢間蠔吧除咗海鮮正 afternoon tea set更係hidden gem 💎 - ⭐️下午茶三層架 $298 (二人用)⭐️ 每日三點鐘供應 茶點由星級師傅悉心炮製 無論係色香味 拍得住五星級酒店tea set 價錢就平一大截 - 🍔迷你牛肉芝士漢堡 🥠煙三文魚脆餅 🥓巴馬火腿配蜜瓜 鹹點之中 最最出色嘅係mini burger 小巧可愛 well done漢堡扒 肉質依然柔軟juicy 兩啖食完 唔夠喉兼夾唔捨得😅 - 🧇手工窩夫 🍫朱古力布朗尼 🫓馬卡龍 Macarons外層薄而酥 充滿杏仁香 細細地咬一啖 帶出黏牙嘅糖心感 so nice so sweet🥰 - 🥛意式奶凍 🍮焦糖燉蛋 🍎蘋果金寶 我嘅「飛佛」絕對係apple crumble‼️ 鮮蘋果粒餡肉 爽口少甜 焗金寶粒脆口有牛油香 玉桂味明顯啲 會更理想 - ☕️Flat White 🍵桂圓紅棗茶 喺蠔吧飲到barista級數手調咖啡 絕對係另一驚喜 - 📍Feast Oyster Bar 中環域多利皇后街15-16號地下及1樓

我同朋友黎到小時候餐廳，乾淨環境令人舒適，坐係Bar枱岩岩好，食野唔洗彎腰。好多枝酒整齊咁放係架上，過到黎同朋友飲酒聚舊。我們叫左杯紅酒飲，酒味香濃，會有後勁。
男士必食之選：脆炸池魚仔非常抵食，配有沙律醬，一份超過二十條，入口香脆，豐富蛋白質。
推薦大家黎到一定要品嚐：脆炸黃金軟殻蟹，炸得極致鬆脆，入口已感受豐富的蛋黃味，同軟殼蟹絕配。燒酒糟三文魚亦係好好食，鮮甜，煮熟得口感剛好，配有淡香酒味，非常絕配。
自選串燒拼盤(菠蘿, 秋葵, 雞軟骨): 菠蘿好新鮮，燒得剛剛好夠熟。秋葵好大塊幾好食，健康之選。雞軟骨好有咬口，食完會令人想繼續再叫多份。
蠔吧：叫左兩隻時令生蠔，配有檸檬，有好多冰係底保持新鮮即食，鮮甜美味，帶有極淡的海水味，無缺點。
清酒醬油慢煮日本珍寶帶子：帶子鮮味十足，慢煮的口感好特別，入口即時散發出酒味，相比其他煮法，真係值得一試。
餐湯：南瓜忌廉湯，非常濃郁，帶有南瓜的鮮甜，同忌廉汁好相襯。

尖沙咀一向包攬香港夜景，上到Sheraton酒店頂樓，打算同朋友chill住傾吓偈、食吓蠔～遲咗book位嘅我哋坐唔到窗邊位，轉而去坐沙發位，雖然同個景遠咗少少，但角落靜靜地又坐得幾舒服～
今次我哋玩個偽omakase，蠔同酒都問侍應意見，佢地態度好好，耐心聽我哋嘅口味同愛好，最後就決定信晒佢地，俾佢地發辦。 上菜前有個簡單嘅welcome food，除咗有一籃好軟熟嘅包之外，仲有foie gra jelly 同 粟米湯 x 雞湯，簡單暖暖胃。 💡 時令生蠔 & 蜆 蠔吧會show晒一堆蠔俾你親自挑選，因為我哋樣樣都想試，對方就推介咗六款俾我哋試。從爽口又香海水味到大大隻creamy質感(餐廳會提多次你食嘅順序~)，一次過滿足晒咁多個願望～ 💡 橙酒梳乎厘
食完生蠔就叫多個甜品，點咗個橙酒梳乎厘，一嚟到漲卜卜又好香橙酒加蛋奶香(其實係聞到隔離枱太香了)🥺。一篤落去，最面頭個層就陷咗入去，入去啖啖都輕盈唔會膩，橙酒味都幾加分，令到冇咁甜，同時又有啲酒味，刺激得嚟又幾夾。 💡 Wine & Cocktail 點咗一杯 Champaign 同 一杯 Margarita，前者果香清新，對於女士嚟講易入口，送生蠔又唔會過份搶味。Margarita 杯邊一層鹽，配埋Tequila嘅苦、青檸嘅酸都幾有層次，又唔會過份偏酸甜。 人均💰： ~HK$1300
Openrice 見到唔少人話侍應人手不足，點餐個陣要等好耐，我坐喺角落，情況就更明顯了。不過侍應態度好好，忙碌之中都不忘介紹好餐點，確定冇問題先離開張枱。暫且能理解，唯有等多一兩分鐘～但唔會令我影響對呢度嘅觀感。

今日近近地喺返中環食Lunch, 唔想行咁遠又想食好少少. 喺中環街市附近域多利皇后街搵到間西式蠔吧餐廳. 餐廳以輕工業風作為裝修, 一入門口就有個長條形吧枱 + 沙律吧, 非常吸晴. Lunch Set 包是日餐湯同任食沙律吧. 沙律吧正正常常款式, 沙律菜新鮮爽口. 蒜香辣蕃茄汁大蝦意粉 辣道可以隨意點選, 我點左少少辣, 味道都好足夠, 蒜香蕃茄汁好鮮甜, 食落唔似用蕃茄膏煮, 好鮮甜. 最欣賞係大蝦, 新鮮, 爽滑, 彈牙, 夠哂大隻, 真係入口索索聲, 精彩. 西班牙黑毛豬鞍架伴烤薯菜, 黑毛豬肉質鮮嫩, 咬入口好爽, 豬鞍厚切, 豬味道濃烈. 近住骨的位置最好食, 有少少筋位痴住. 非常正斗.

朋友叫我陪佢去試吓一間地中海菜，中菜西餐食得多，地中海菜係點就係冇乜點食過，幾乎連地中海响邊有咩國家都唔係好知，哈哈！於是就一六去試吓，呢間地中海菜都唔易搵，係佐敦一間樓上舖嚟嘅，上到去見到舖面唔大，修唔算豪華，但都幾型格嘅。攞起份菜單，好似冇咩揀咁，唯有叫咗佢主打嘅西班西海鮮炒飯，基本上飽肚嘢係叫佢囉，炒出嚟同一般西班牙炒飯係有啲唔同嘅，少咗啲辣，另外因為係一間蠔吧，所以都叫咗佢出名嘅生蠔，唔錯嘅，最欣賞係炭燒魷魚，好香，細細份小食嚟，好正！可惜選擇少咗啲~~

最喜歡食蠔的我今日就來到呢間連鎖式嘅蠔吧，餐廳地方頗大，每張枱都放左小蠟燭，氣氛浪漫相當有情調❤️！ 法國生蠔Schaller 🦪  大細適中，鮮甜肥美👍 配埋檸檬汁，好醒胃。 蠔肉質肥美Creamy,有淡淡既海水味。 黑松露野菌薄餅熱辣辣勁香脆🍕 薄餅好特別，唔係平時圓形的，係長方形，都幾得意！新鮮焗起，熱燙燙的，一款香噴噴美味的黑松露野菌pizza，黑松露非常香口，餅底亦唔油，唔怕食滯。 蒜片活蜆炒意粉🍝 意粉質感亦很爽彈，份量亦很充足，而且蜆肉都算鮮甜大隻，數量亦很多！加上蒜片一齊炒令意粉整體更香味撲鼻！ 。 。 。 。 。 #foodie #food #foodpic #foodphoto #yum #yummy #delicious #tasty #相機食先 #手機食先 #hkfood #香港美食 #美食 #hkig #ighk #marco's oyster bar & grill#佐敦 #西餐

臨近聖誕咁有氣氛嘅節日， 朋友想話好好慶祝一下轉新工， 於是放工就揀咗喺中環附近嘅蠔吧 原來呢度環境都唔錯 今晚嘅生蠔係來自法國嘅Oyster Regal 係愛爾蘭飼養咗2年 開蠔開得非常乾淨，無蠔殼碎 食落口屬濃厚海水味， 鮮味都平均，金屬味唔算重， 又帶點creamy，適合配白酒。 加少少檸檬汁，可以更加大出鮮甜嘅味道。 本身嘅白酒會帶冰桶冰桶冰鎮住， 可以慢慢品嚐！ 除咗生蠔🦪之外，一邊飲酒仲嗌左意式蕃茄乾墨汁意粉$158 上枱已經聞到陣陣嘅蕃茄香味， 墨汁意粉口感彈牙 唔錯！ 意大利辣茄醬煮蜆，份量都好多！ Stay左兩個幾鐘，氣氛好好既餐廳🍴

上環隱世食lunch 好地方，唔好以為呢區得海味店，沿著文咸西街行，經過海味店，就見到八蠔吧 呢度環境唔錯，可以靜靜地同朋友傾下計，而且食物係高質素，Lunch 又有set 可以選擇，仲可以叫蠔食 英式炸魚$138 新鮮炸魚外脆內軟，魚質幼滑，而且好大條，又有薯條，配有薯條同燒汁 美國頂級肉眼扒$328 肉眼扒肉質軟又好香，美國頂級果然好香牛味，牛扒揀左medium, 熟度剛剛好，香煎牛味好出 Lunch set 加＄38仲有杯果汁

[ Feast Oyster Bar and Restaurant ] 今日去咗呢間西餐廳食lunch，有自助沙律bar，配料&醬汁選擇多，實有一款啱食😋 Lunch Set ✿ 原隻焗波士頓龍蝦配烤薯菜 🦞 $228 龍蝦一開為二，滿滿嘅芝士🤤🤤龍蝦肉質鮮鮮甜多汁。而且龍蝦肉肥厚，都幾多膏，呢個價錢CP值都唔錯！ ✿ 酥皮龍蝦湯+$58 香濃的龍蝦湯加酥皮，超多龍蝦肉，絕不吝嗇，個湯可以話係讚不絕口！大大個好吸睛👀 總結🫦 估唔lunch 有意想不到嘅驚喜，龍蝦真心做得唔錯。聽聞餐廳最出名係生蠔🦪有機會要試埋dinner😇 ✿✿✿✿✿✿✿✿✿✿✿✿✿✿✿✿✿✿✿✿✿✿✿✿✿✿ Feast Oyster Bar and Restaurant 地址: 中環域多利皇后街15-16號地下及1樓 電話：28081858 ✿✿✿✿✿✿✿✿✿✿✿✿✿✿✿✿✿✿✿✿✿✿✿✿✿✿

平時食蠔通常會諗到去食自助餐或者蠔吧，今日同朋友傾開食蠔呢個主題，佢話佢曾經食過一間令佢畢生難忘嘅日式生蠔放題 ，講到咁誇張，一定要抽時間，一嘗究竟。 餐廳門面很平凡，跟著導航走，走過了也不知道…店內座位大概有十張枱左右，有一些是四人枱一些是二人枱，柔和嘅燈光，淺木色嘅格調，整體用餐氣氛舒適。 餐桌上已為食客準備好醬汁，多種口味，是食燒蠔時用的，不過個人完全冇用過，因為就咁食已經好鮮甜。 這店嘅形式屬於半自助放題，《鐵板烤牡蠣帆立貝放題1.5小時》$498/位，當中包括前菜拼盤九宫格每人一份，另燒牡蠣/牡蠣刺身/燒帆立貝/牡蠣湯或撈烏冬/泡飯 均是任點任食的，若需要其他食物或者串燒等食材，需額外收費。 九宮格大致上有什麼？牡蠣茶漬飯，燒鰻魚，天婦羅秋葵，手工鳥串， 吞拿魚沙律，日式漬物等…還有一隻牡蠣刺身，這是我第一次品嘗這家店的主打名物，好味程度爆曬標，我決定要瘋狂 任食生蠔刺身！！ 牡蠣刺身伴土佐酢啫喱 ，晶瑩通透肉質雪白肥美，完全食唔到半粒蠔殼碎，啖啖鮮味，個人覺得土佐酢啫喱起了提鮮和解膩作用，有助我越戰越勇，越吃越多。 燒牡蠣食完一隻之後覺得自己喺海入面有飲水，海水味十足，隻隻飽滿肥美多汁 燒得一啲都唔老，肉質則依然好嫩。 燒帆立貝新鮮就是好吃不用任何調味已經能夠吃出鮮味，粒粒肉都好厚，啖啖矜貴，啖啖滿足。 牡蠣撈烏冬/湯烏冬 靈魂在於湯底，超重蠔味，烏冬用咗有麵條掛湯能力一流。 另外自費叫咗燒牛舌$48 牛舌彈牙爽口 燒得唔乾 時間拿捏得剛剛好 燒雞皮$28 好脆好脆好似食緊薯片咁 好香口 鰻魚牡蠣丼飯$198 魚皮燒到脆卜卜 鰻魚片份量十足