最近天氣涼又係時候約朋友打邊爐喇！ 係佐敦莊士倫敦廣場既大鍋口海鮮火鍋店主打雞煲火鍋任食，我地揀左基本套餐，都係300位，已經食到好飽！ 由於朋友太餓，我地直接打邊爐無食到雞煲。湯底就當然揀鴛鴦鍋，鮮蕃茄薯仔豬軟骨、椰子雞湯，有齊濃淡兩款口味。椰子雞湯相當足料，有大件雞塊煲，好夠味！ 套餐已經包左大量海鮮、肉類、海鮮、丸類、蔬菜，如果升級海鮮肥牛啤酒任食好似係加多一百蚊。 因為第一次食，我地就揀左另外單點一份極品肥牛$148，肥瘦適中，入口軟腍，幾抵食！另外黑豚肉片都唔錯，肉味濃又唔會鞋口 特別推介出面少見既手打墨魚丸、雞軟骨丸，爽滑彈牙！爆汁牛筋丸都好食，咬落的確多汁又有咬口，唔係石頭丸😹 海鮮方面就淨係叫左海蝦，因為食肉都填飽左個肚了，蝦都新鮮既，不過就無咩味。 飲品方面有基本汽水茶類，最吸引我地既係自家製竹蓆茅根水，非常足料，見到每樽都有蘿蔔粟米，入口好清甜又解渴，啱晒打邊爐飲！ 最後仲有雪糕做甜品添，可以加配料食，又有得自己裝，小朋友啱哂！

呢間打邊爐位置方便 尖沙咀佐敦加士居道交界 喺正C出口隔離 又多巴士站 食雞雞煲打邊爐飲嘢太夜都唔驚 唔同時段有唔同收費 自己睇返實際需要 一個價錢 食完雞煲 可以即刻打邊爐 揀咗鴛鴦鍋 香濃沙嗲湯底+豬筒豬骨湯底 大大嚿豬骨 有份量 有重量 一邊清清地 一邊濃味少少🤏 一串串海蝦 帆立貝 韭菜餃 潮州白魚蛋 炸響鈴 手切肥牛 香滑雞柳 蔬菜都好多選擇 翠綠色 乾淨好睇 芝士龍蝦丸，蝦滑 鯪魚球 墨魚滑 軟雪糕 整體都幾好食 呢個價錢 性價比幾高 大鍋口海鮮火鍋店 佐敦彌敦道219號莊士倫敦廣場12樓

以前多數在旺角大鍋口吃，今天來到佐敦莊士倫敦廣場的分店試試。 推薦食雞煲，雞煲有濃郁的湯汁，雞肉鮮嫩，配料豐富。煲煮過程中，食材吸收湯汁的滋味，變得更加入味。 火鍋底湯一般可以選擇清湯、辣湯或者其他特色湯等不同口味，我揀了椰子雞湯底，湯底清甜有椰子味。 各種新鮮的海鮮如蝦、貝類、魚片等，以及蔬菜和豆腐等配料，品質都很高。 如果喜歡口感爽脆的食物，推薦嘗試牛柏葉和鵝腸。 另外，炸魚皮也是不錯的選擇，可以放入火鍋底湯中泡一下。 菜類的選擇非常豐富，無論你喜歡什麼樣的蔬菜，都能在火鍋中找到合適的選擇。 麵類食物作為收尾，少不了公仔麵和烏冬，可以吸收了火鍋湯底的精華。 最後還有雪糕可以食，有兩種口味包括牛奶味及蜜瓜味，雪糕相對creamy，不是很冰沙的那種。

熊貓小雲吞位於佐敦莊士倫敦廣場地下G04-G05舖 佐敦莊士倫敦廣場整幢大廈好多餐廳 以往大堂只有肯德基， 近呢幾年有薩莉亞，北海道蛋糕 熊貓小雲吞係新開的 由大堂行入去上一層扶手梯的旁邊 舖頭非常大 坐位有卡位，四人檯同長檯 熊貓係四川又係國寶 熊貓小雲吞係專營四川菜 門口擺放著自家製醬油 菜脯，麻辣醬，辣椒油等等 熊貓仲有下午茶 包埋汽水 10粒雲吞 $32 擔擔麵加6粒雲吞 $38 涼拌海帶絲手工涼皮$32 仲可以用優惠價$10加小食 椒麻炸雞翼 海帶絲 木耳 熊貓涼粉 仲有冰粉等等 10粒雲吞 韮菜豬肉 皮薄多汁 韮菜嫰 擔擔麵 香濃花生醬 配上中辣 辣得過癮 手工涼皮 粗粗彈牙 索滿辣汁 惹味 落單方便， 職員友善

位於尖沙嘴及佐敦的火鍋任食放題 平日夜晚都有人龍等位，人氣可見一斑🎠 我哋選擇咗基本套餐，每人收費$ 228，兩個鐘任食打邊爐✌🏻

一坐低，職員協助我哋揀湯底🍲 我哋選擇加$48 享用鴛鴦湯底：川弓天麻魚頭湯同花膠蟲草花雞湯，兩款都咁養生💆🏻‍♀️ 職員介紹可以選擇先享用雞煲，食到咁上吓再加入湯底打邊爐🥢 是晚我哋想專注打邊爐，所以放棄先食雞煲嘅選項🧑🏻‍🍳

之後就安坐座位撈起自己嘅調味盤同點餐，點餐紙清晰易明，好易睇✏️ 湯底嚟到，香味撲鼻🐽湯底魚頭料都可以食，花膠更係大大塊🍴 好快就嚟到成枱嘢食🤩每枱自動享有餐廳奉送嘅極品肥牛一碟 ($148)
肥牛高質，油花好靚，有肉味🐂粟米出乎意料嘅鮮甜高質，每一顆粒都飽滿兼爆汁🌽同一款食材，喺唔同湯底煮，變奏出不同風味🥘 秋葵、吊桶、雞子、鴨血等唔係間間火鍋店供應嘅食物都任叫任食✨ 海蝦夠大隻，令人滿意🦐 餐廳提供好易用嘅隔泡器👨🏻‍🔬雪糕自助任唧任食，聽到幾枱客人都大讚好食，好得人心🍦價錢實惠，上菜份量不欺場，任點任食食品、飲品款式非常多，任君選擇，絕對係物超所值💝 配套完善，服務周到，上菜速度快，不拖單不漏單，職員頻密收走唔需要嘅碗碟，令人食得暢快🥳 <大鍋口海鮮火鍋店> 實在係鬧市中親朋好友暢聚嘅 good choice！

📌大鍋口海鮮火鍋店
📍佐敦彌敦道219號莊士倫敦廣場12樓

大鍋口海鮮火鍋店 (佐敦) 先食麻辣雞煲 🍲後邊爐任食！$238 麻辣雞煲🥘 味道濃郁夠惹味，越煮越麻，雞肉嫩口，份量好足🤤整體嚟講真係好唔錯，幾好食！ 邊爐湯底：花雕醉雞+鮮蕃茄薯仔豬軟骨 🥘（+$48 雙拼湯底） 湯底一睇就好足料，花雕醉雞入面嘅雞肉好嫩口，酒味重☺️蕃茄湯底酸酸甜甜，薯仔好淋，洋蔥好多😍 邊爐食品係任叫架！！ 肥牛 油脂分布平均，賣相吸引😋食落肥嫩多汁，一份都好多，呢個放題價錢可以任叫肥牛真係幾抵😚 黑豚肉 羊肉 九肚魚 九肚魚超嫩滑，入口即溶，又夠鮮😝 牛柏葉 爽口彈牙，口感十足🥰 牛丸、芝士丸、韭菜餃 牛丸夠Juicy，又鮮又多汁😝 芝士丸好有驚喜，一咬就爆漿，大家食嘅時候小心啲😋 韭菜餃皮薄餡靚，唔錯🤤 娃娃菜+唐生菜 仲有勁多野食可以揀，你諗到嘅都有！幾推薦大家嚟食🤤 地址：佐敦彌敦道219號莊士倫敦廣場12樓 整體評分：5/5 味道：5/5 環境：4/5 抵食：5/5

「大鍋口海鮮火鍋店」位於佐敦美食大樓莊士倫敦廣場12樓，由港鐵佐敦站C1出口，步行3分鐘左右就到，位置非常方便； 餐廳獨佔整個樓層，裝修簡潔明亮，冷氣充足，提供卡位與特大圓桌，非常適合三五知己聚餐； 與風先生選了$228，2小時任飲任食，有超過80款配料任選，平時較少見的雞子、鵪鶉蛋都有，飲品有10多款選擇，可樂、忌廉、檸檬茶至竹蔗茅根也有； 先上麻辣雞煲，雞煲配香茜，香辣惹味，醬汁濃而不膩，非常開胃，可以再添； 品嚐完雞煲後，有11款湯底可供選擇，加了$48 轉鴛鴦湯底，特選了兩個較清的湯底補一補； 鯊魚骨猴頭菇湯 -養顏健脾，鯊魚骨與猴頭菇均帶獨有香味，醇香可口 川芎天麻魚頭湯 -近來流感太強，川芎天麻有助行氣祛風，加強防禦，湯頭清淡不腥，帶有香濃川芎天麻味道，還配半個魚頭，非常合我口味 配料方面，推薦🦐海蝦新鮮彈牙；麻辣鴨血放湯加熱，鴨血仍帶微香麻辣，鮮嫩有咬口; 芝心丸充滿拉絲芝士；墨魚滑爽滑帶有墨魚粒，增強口感；蔬菜菇菌新鮮，選擇多； 場內有自助雪糕機🍦，雲呢拿與巧克力味可選，並有4款配料可加，選了雲呢拿味配芒果爆珠，雪糕夠凍夠滑，有奶香又不會過甜，為是日晚餐完美作結 用餐期間侍應們會主動為客人添加湯底及換碟，雖然是寫紙仔入單，但無出現漏單情況，上菜亦非常有效率，值得一讚 踏進十月尚未有秋意，平日晚上到訪，入座已經超過7成，打邊爐總是喜歡熱鬧感，客流多，亦可確保食材流轉，非常滿足的一餐。

#20231003 📝 📍 熊貓小雲吞 @pandawonton_hk 佐敦彌敦道219號莊士倫敦廣場地下G04-G05號舖 🍽️ 油塘｜大角咀｜何文田｜柴灣｜慈雲山｜深水埗 均有分店 ➖➖➖➖➖➖➖➖➖➖➖➖➖➖➖➖➖➖ #雙拼雲吞 $48 🫧 #一口高麗菜 #一口鮮蝦 🫧 #美顏蕃茄湯 💭 呢度全部雲吞都係豬肉餡做底，再外加其他料，比較推薦鮮蝦口味🦐咬落爽口啲，雲吞細細隻可以一啖一粒好方便，20隻都係四十幾蚊其實好抵，尤其係呢啲地區，簡直係窮人恩物🤑湯底有辣有唔辣，蕃茄湯唔似出面果啲有層油係面，好重茄膏味果隻🥫呢隻係稍為清啲順喉啲 . #重慶酸辣粉 #BB辣 $35 🫧 #糖心蘿蔔 $7 🫧 #五香豆腐串 $10 🫧 #台灣蜜味香腸 $13 🫧 #秘製紅燒肉 $18 💭 個薯粉好煙韌，食得出唔係一早煮定等人叫再淋啲湯落去果隻，要加分💯bb辣唔辣咁滯，枱頭有菜脯任加，第一次食菜脯入面有青豆，啲青豆好入味，食落似枝豆咁好好味😋食過好味仲可以買返罐返屋企，酸辣粉本身無咩餸，想食豪啲可以好似車仔麵咁加餸，豆腐串索湯汁好惹味，台灣腸漲卜卜尸吸引，紅燒肉煮得好淋，細細粒食落方便，雖然細粒但都幾多👍🏼 . #芝麻手撕雞 $38 💭 見佢一早包裝好以為放左好耐會唔好食，但食落又唔係喎，凍左手撕雞更加彈牙，髀位同胸位一樣好食，唔會鞋口🐔底仲有啲青瓜絲，有菜有肉幾健康🥒 . #熊貓涼粉 $18 #香桃茶 +$12 💭 舊涼粉係一大舊未切開既，好似龜苓膏咁好有彈性😂糖漿可以按自己心水加幾多就幾多，不過🐽解鎖左個新食法，就係叫枝甜甜地既茶倒落去，原來都幾夾架喎😏 . #🐷在佐敦 #🐷在油塘 #🐷在大角咀 #🐷在何文田 #🐷在柴灣 #🐷在慈雲山 #🐷在深水埗 #🐷_食 . #一口雲吞 #酸辣粉 #莊士倫敦廣場 #佐敦 #熊貓小雲吞 #招牌菜

大鍋口海鮮火鍋店


地址: 佐敦彌敦道219號莊士倫敦廣場12樓
電話: 21162106
===================== 香港出街食餐，餐廳好貴。單點有時唔覺意點多了，到埋單都失預算了。 所以有時會拎任食的店子，按量吃不浪費，又不會超出budget 任食打邊爐一人收費$ 228，有二個鐘，比好多餐廳，食個飯限時得60分鐘，時間非常充裕。 下火皮蛋芫荽湯美味芳香。 牛一碟 靚野手切重牛味 邊爐料都多選擇，由基本牛豬雞肉到丸類海鮮蔬菜都有。海鮮有九肚魚，吊桶等等好特別 手包韭菜餃同手打丸都好好食。麻辣鴨血豬肚 汽水任飲，有雪櫃機 2小時食得愉快輕鬆

午飯時間經過莊士倫敦廣場 熱辣辣唔想食湯麵 見到佢有撈麵 又係酸辣野 應該幾開胃就入去試下 九轉肥腸油蔥酥熱撈粗麵 小辣 黎到原來有好多野 好大份 有蘿蔔 有菜 有菜圃 有肥腸 肥腸都幾大舊 醃得好入味 揀左粗麵 食落好煙韌 仲配埋d 花生 豆 芫茜 好香口 + $12 叫左個御翠烏龍茶 無糖 無添加 解膩一流 另外叫左佢個招牌小食 酥炸韭菜豚肉雲吞 一碟有8 粒 皮唔會好厚 食到脆卜卜 食落好香韭菜味 肉既份量都岩岩好 一啖一粒 見到佢門口都有醬料賣 鐘意食麻辣既我都買番樽試下 番去撈麵食一流 $38 都幾抵

佐敦呢度原來有間好抵食既雞煲火鍋放題 就係莊士倫敦廣場既12樓 （其實就係地鐵站D出口既對面馬路) 好方便😆👍🏻 係樓下被價錢牌吸引我上去， 基本上價錢係成人$238（假期），兩個人去食係523for2ppl 🫶🏻 聽講老人家滿65歲好似仲會有折🙃 地方夠大，好岩一大班人聚會 (Fd/family🙈) 接近七點半 好多位都坐滿，所以想食可以打電話book 定枱😆 坐低之後會先上雞煲 食完就會問你簡咩湯底！ 食雞煲嗰陣，我好快已經填咗張紙叫咗個豬潤！原來雞煲炒豬潤都幾好食！好香！ 火鍋方面，我最後揀咗單鍋， 胡椒豬湯底！湯底濃郁，仲有得贈送牛肉😆 跟住你就可以自己揀配料，款式多，一定岩你食！ 飲品同甜品都係自助，佢除左有普通汽水茶之外，仲有得拎成樽竹蔗茅根，正！😜 甜品就係普通雪糕，打完邊爐食就滿足晒🤫

👧🏻😋👅🍽✨ 必食熱撈同涼皮 - 熊貓小雲吞 🇭🇰 佐敦彌敦道219號莊士倫敦廣場地下G04-G05號舖 🇭🇰 - 🐼 熊貓小雲吞專做湯雲吞, 但天氣太熱都係食返撈同涼岩數 🐼 外賣盒有便當間隔, 一格格前菜小食, 有汁嘅餸都會分開唔會腍晒 - 🍜 外婆紅燒肉油蔥酥熱撈麵 $58 ✨紅燒肉超級入味, 一層肥一層肉 ✨便當配灼生菜, 五仁菜葡, 蘿蔔, 好豐富 - 🍱 芝麻鹽焗雞川式涼麵 $55 💯冇晒涼麵轉左涼皮仲正🤭 涼皮食落似魚蛋質地, 撈左芫荽, 花生同黃金豆好開胃 - 🐓 麻辣雞絲手工涼皮 $43 ✨呢個齋一碗涼皮冇便當配菜, 所以分量較多都較抵食 ✨雞絲超滑, 連埋雞皮有少少雞油仲滑, 麻辣汁滲透雞肉同涼皮 - 🥖 軟糯香甜紅糖糍粑 $32 💯拎到返屋企一定冇熱辣辣咁好食, 但凍左依然好軟糯, 外皮仲好脆 - 🌶 辣椒油 $38 ✨好多款醬放左門口display, 除左常見辣油辣醬, 仲有口水雞醬, 雞煲醬, 黃金豆, 菜脯丁等等, 全部都係正宗口味, 香港製造

今日放假約咗老友行街睇戲食飯,睇完戲諗住喺附近搵啲嘢食,佢帶咗我去佐敦食我最鍾意嘅打邊爐。 大鍋口海鮮火鍋店 ,地址係佐敦彌敦道219號莊士倫敦廣場12樓,上到餐廳環境非常開揚,地方又闊落,一大片落地玻璃望出彌敦道感覺真係幾舒適。 今日我哋選擇咗238元餐,2小時任飲任食,海鮮加和牛,火鍋配料任食,啤酒汽水任飲。 沙嗲湯底味道鮮甜有少少香料辛香味,用嚟打邊爐真係一流。 火鍋配料種類繁多最鍾意就係食手切肥牛,四寶丸,滑牛肉,鮮蝦滑,脆鯇魚腩,生猛海蝦,白鱔片。 手切牛肉色澤紅潤,睇得出好靚,入口牛肉味好香濃,加上有少少油花,令到牛肉味更加突出。 脆鯇魚腩肉質爽口,魚肉味鮮甜,食落去魚肉結實一食就知道好新鮮。新鮮海蝦,海蝦好生猛,蝦肉爽口彈牙,味道鮮甜,食到真係舐舐脷。另外四寶丸同樣做得好出色,尤其是手打蝦丸同墨魚丸,爽口彈牙真係一流。 一個價錢任飲任食性價比真係好高,材料豐富,食材新鮮, 下次一諗起打邊爐都會再過嚟幫襯。

📍 鍋霸吃到飽台式養生火鍋 (佐敦) 佐敦彌敦道219號莊士倫敦廣場6樓 朋友係英國返嚟，梗係要約埋聚一聚，吹吓水‼️‼️💖之但係朋友係素食，諗緊邊度坐得耐又舒服又有得食素，就諗起打邊爐！咁朋友可以淨係食素，我又可以照食內😍 鍋霸就岩晒啦😍 鍋霸無限時任飲任食真係好正☺️呢度最正係唔會有人會催你last order同催你走，同朋友可以慢慢坐慢慢傾偈！職員好有禮貌，食物份量足又會出齊，同食物質素仲非常之高，特別係喲牛超高質素！環境都好舒服，夏天最緊要可以涼住冷氣打邊爐🤭🤭 👉 Prime Grade美國安格斯牛頸脊套餐， 7:30pm前離座 💰$327 (加一服務費) 😋😋😋😋.5/5 🔺叫咗兩個鴛鴦素湯底，蕃茄濃湯豆腐雜菌涮涮鍋同養生姬松茸雜菌涮涮鍋。兩個湯底都非常之足料入味，超級鍾意，蕃茄湯底夠晒酸甜，養生湯底又有藥材味，感覺好滋補🤭💖兩款湯底唔同，正👍🏻 🔺 朋友食素，呢間嘅蔬菜和豆品都不會被忽略，有羽衣甘藍、唐生菜、炸響鈴、雜菇拼盤等等，有非常多的火鍋配料任君選擇👍🏻👍🏻👍🏻 🔺 我自己就會照食肉類必點海鮮，蝦好大隻好鮮甜，仲有蜆和蟶子都好新鮮😋手工黑松露墨魚滑同手工三寶丸都好彈牙🤗😎 🔺 叫咗幾轉嘅Prime Grade美國安格斯牛頸脊都好靚好重牛味，入口即溶，超好食。如果！非常新鮮、口感嫩滑，肉質鮮美，讓人垂涎欲滴🤭💖‼️ 🔺 特別之選的花膠片、方形魚腐、台灣鴨血、花枝丸、芫茜燒賣等等都好美味同別具特色👍🏻👍🏻 🔺仲加購了一碟黃金炸魚皮，即刻炸，餐廳好用心比咗幾包唔同味嘅粉，可以將魚皮放入紙袋，shake的粉落炸魚皮到，黃金炸魚片外層包住咸香嘅蛋黃，魚皮非常鬆脆，食唔停口呀！ 🔺 每位客人都可以有一款高質雪糕我哋揀咗Movenpick雪糕，為呢個聚會畫上完美嘅句號💖 回頭: yes !!! 地理位置好方便就喺地鐵站旁邊，食完仲可以去尖沙咀行街，位置闊落裝修又大，特色是無限時任食，坐幾耐都唔會有人趕你走，推薦👍🏻👍🏻

去香港高鐵接國內朋友，一見已經傾唔停，想起去莊士倫敦廣場6樓「鍋霸吃到飽台式養生火鍋 」就啱晒，全店大部份卡座位又大又寬闊，坐得好舒服。 最緊要冇時限放題，有三款價格可選♥我哋選了中間價錢$408放題，包括了任食Prime Grade安格斯牛頸脊、西班牙伊比利亞黑毛豬、Prime Grade美國安格斯肥牛、西班牙無激素豬肉片；16款不同以藥膳、養生、麻辣、蕃茄的湯底；超多選擇！ 一坐低，店員即上自家ShakeShake鹹蛋黄魚皮配四款味粉(海苔/芝士/梅子/ 香辣）比你口痕好住先。 呢個價錢任食prime grade 安格斯牛頸脊及安格斯肥牛真係正，肉質軟嫩又有牛香湯底點了藥膳椰子雞及養生姬松茸雜菌鴛鴦涮鍋，清甜滋潤。海鮮方面，海蝦爽滑夠新鮮甜美，仲有好大件花膠片、鮮甜帆立貝、爽脆嘅白鱔片都唔錯。 最鍾意呢到嘅自家製四季春冷泡茶、桂花烏龍冷泡茶、台灣黑糖冬瓜檸檬茶、烏梅山楂茶的飲品🍸 最後仲食 Haagen-Dazs 雪糕做甜品。