💛成日去D2 place都見到呢間良心小店，今次終於黎試下"Holly Brown"，原來係香港已經淨返一間，大家真係要去多多支持一下!🥺🥺
我地晚餐時段見到呢有個好抵食既4-course Dinner set! 有齊前菜+主菜+茶/咖啡+單件蛋糕/意式炒雪糕，都係$208起，真心抵食，食到勁飽捧住個肚走!🤣🤣

前菜有得揀Garden Salad或餐湯，我地揀咗各一，沙律菜都爽身，如果加d沙律醋會更好，而餐湯就有少少咸，但黎到主菜就好有驚喜，水準唔錯!😍😍
我地先點咗➡️”燒春雞及燒豬肋骨拼盤"，燒春雞有半隻，外皮燒到好香脆，而燒豬肋骨外層搽咗香甜嘅燒烤醬，豬肋骨肉質好細緻嫩滑，一必就骨肉分離，好入味！👍🏻

主菜仲點咗➡️"美國牛扒配大蝦及帶子"，牛扒好厚身，叫左5成熟，煎到岩岩好，牛味濃，肉質唔韌，
配有兩大粒帶子同大蝦都好新鮮彈牙，兩面都煎到金黃色，好香口!😋😋

最後甜品揀咗佢地招牌嘅➡️"意式炒雪糕"，雪糕份量好多，質感好幼滑! 有20幾款口味，好多款都想食😂，最後揀咗➡️"Blue Jazz 藍爵士口味" 賣相好靚，係Tiffany Blue，岩晒打卡之餘，仲幾好食，係由藍色雲呢拿雪糕+棉花糖+彩虹糖同忌廉製成，彩虹糖好脆身同雪糕混合嘅口感好有咬口!👍🏻

我地比較鍾意食另一款➡️"Oh Fudge 黑武士口味"，朱古力控必食，朱古力雪糕+brownies同朱古力醬嘅三重朱古力口感好豐富又唔會好甜同膩，超推介!😋😋

Dinner Set: 前菜+主菜+茶/咖啡+單件蛋糕/意式炒雪糕
🔸燒春雞及燒豬肋骨拼盤 ($268)
🔹美國牛扒配大蝦及帶子 ($398)
🔸Lemon Grass and Ginger Tea 檸檬草薑茶
🔹Matcha Latte 鮮奶抹茶 (+$8)
🔸意式炒雪糕 Blue Jazz 藍爵士
🔹意式炒雪糕 Oh Fudge 黑武士

HOLLY BROWN是滋味西餐廳，主打意大利菜，裝修走工業風路線，樸素的牆身，加上暈黃的吊燈，感覺舒適。餐廳推廣<四道菜晚市套餐>，款式眾多，加上甜美的意式炒雪糕，令人滋味難忘。 慢煮西班牙乳豬配薯角 348 燒乳豬外皮焦脆，咬下去吱嚓聲，質感酥化，脆皮下是薄層脂肪，肥美柔潤，肉質軟嫰，喜歡啖啖肉的口感。跟配炸薯角，入口熱燙、綿密，沾上肉汁精華，越吃越過癮! 美國牛扒配大蝦帶子 398 牛扒肥美厚實，恰好五成熟，入口洋溢炭燒香氣。緩緩切開，質感軟腍，內裡肉汁豐盛，每口是純厚肉香。蝦肉爽彈，帶子滑溜，入口香嫰細軟，鮮香十足。跟配炸薯片，口感酥脆可口，感覺大滿足。 藍爵士 雲呢嗱雪糕-棉花糖+彩虹糖 意式雪糕造型夢幻，份量十足，是甜品控的天堂。表面鋪滿繽紛棉花糖+彩虹糖，混合香滑雲呢嗱雪糕，蜜甜柔順，口感豐富。大啖入口，純純的甜香，再吃一口脆筒，十分甜絲絲。 BERRY OVERLOAD 野莓雪糕-士多啤梨+藍莓+紅桑子 野莓雪糕洋溢天然莓果酸香，質感冰爽柔滑，加上清新的雜莓果肉，入口柔軟細緻，喉嚨有舒暢的感覺，啖啖清爽。 跟餐飲品：鮮奶抹茶+冰紅茶 拌勻表面的抹茶粉，抹茶香濃郁，抹茶幽香中沁出奶香，香而不澀，十分回味。

一直見到呢間餐廳d食物好靚，裡面地方夠大坐得舒適，每日仲有唔同嘅優惠添，今日剛好遇到佢地最出名嘅炒雪糕買一個第二個半價的優惠，當然要入來試試。 先講其中一個名叫Holly Starlet，係藍色雲尼拿嘅炒雪糕，顏色已經相當吸引，上面仲有七彩朱古力碎條；另一款Chocothon，朱古力味道香濃，2杯炒雪糕都好好味，唔怪之得咁出名啦，真係沒講錯，因為佢地做到每啖都有一粒粒碎粒嘅特別感覺，真係由賣相至味道都吸引大小朋友。 l 若果唔夠，可以試試佢地嘅主餐一樣咁好食，尤其佢地嘅fish burger夠大碟，burger幾層高👍再加埋杯Monkey Business仲有2個donuts係頂簡情增添不少色彩😋

次次去親D2 PLACE 都會見到 呢間餐廳排哂長龍 無論幾點都係會有人 今次終於入到去食啦~ Lunch Set 已包前菜+主食+甜品+野飲 沙嗲串燒拼盤配白飯($148) (雞,豬,大蝦及帶子) 沙嗲汁有花生香少少辣 食落好開胃 配落串燒到食真係好惹味😋😋 我見都幾多人簡呢個餐 瑪嘉麗塔薄餅($128) 想知一間西餐好唔好食 食佢地薄餅就知道啦 第一眼就簡中薄餅 一黎到好大個呀 好彩係薄派 如果唔係一定食唔哂 好香 又好熱 是日餐湯係 羅宋湯 有啲牛肉碎係入面真心好濃 沙律就凍既 佢落左柚子醬酸酸甜甜 咖啡有拉花真係幾靚 一開始以為甜點係蛋糕 點知最後有得簡佢地餐廳名物雪糕 呢間餐廳最出名係炒雪糕 雖然跟餐只係一球 但都好滿足 我就好貪心簡左 rainbow 岩哂我打卡 望落好靚幾隻色 仲係幾款味混合一齊 (我食到有藍色雲呢拿,士多啤梨,芒果,薄荷等...) 我建議就唔好好似我咁 咁貪心啦 除非因為佢靚想打卡啦 如果唔係食落會好複雜個味😄😄 另一款簡左朱古力 佢就係偏少少苦既 真心勁正💜 勁濃 #foodie_aki #yum-yum

Holly Brown嘅 Gelato 好味人人都知，以前好多間分店，而家得返荔枝角D2 Place 呢間。 Lunch set 包前菜·主菜·飲品·甜品 🌟沙律 有青瓜🧡加咗醋酸酸地開胃 🌟 忌廉菠菜意大利粉配香煎帶子 $168 驚喜🧡新鮮豆苗&蕃茄，原粒珍寶巨大帶子，唔係細細粒帶子肉咁👍🏻意大利粉掛晒啲忌廉菠菜汁。 🌟 慢煮西班牙乳豬配薯角 $268 乳豬肉非常嫩滑，皮超級香脆👍🏻雖然要等20分鐘左右，但都值得👍🏻 適合#食肉獸 🌟意式雪糕 (好彩無晒單件甜品，所以可以每人揀一球雪糕😂） 🍨雪糕櫃入面好多口味，起碼15款口味🧡 🌈揀咗開心果同Rainbow 🧡 ✅開心果味濃，真材實料🧡 🌈Rainbow 係幾種味混合的，至少食到士多啤梨、雲呢拿，酸酸甜甜幾過癮🧡 🌟飲品 美式咖啡 洋甘菊茶 📍Lunch Set 俾Dinner Set 抵 📍想食炒雪糕 📍回頭指數9/10 🐶值得一提🐶 寵物友善餐廳

餐廳乾淨企理，座位寬鬆，裝修充滿泰國味道～ 香草蒜蓉焗包～牛油及蒜蓉都塗得厚厚，麵包邊位也有塗上，麵包烘焗得脆卜卜～ 炭燒牛肉濃湯船河～材料十足，有牛丸、牛肉、白蘿蔔、通菜、芽菜及豬紅，湯底非常濃厚，麵條亦很爽滑～ 豬肉肉丸船河～內裡有豬肉、豬肉丸、芽菜、通菜、豬紅、白蘿蔔，麵條很掛湯，白蘿蔔細嫩無渣，超好吃～ 香矛豬肉米紙卷～米紙包裹著菠蘿、紫蘇葉、蘿蔔及豬肉粒，豬肉粒十分惹味，米紙卷很清爽，吃起來很舒服～ 青檸冰涼特飲～冰涼清爽飲品，加了很多薄荷葉，喝後口腔內涼涼的～ 阿拉比卡咖啡～咖啡是即磨的，咖啡豆味濃而香，跟奶的比例剛剛好～ 泰國街頭椰子雪糕～除了雪糕外，還加了腰果、杏仁片、粟米片及椰漿等，有點像炒雪糕那種，超多料，很有果仁香，超好吃～

呢間嘅gelato雪糕我幾年前都食過，當時都掀起一陣潮流！今日再到訪荔枝角店，重新品嘗回憶中的味道～ 🍭慢煮西班牙黑毛豬鞍架配蘋果醬($348) 叫咗2個dinner set～ 我揀咗黑毛豬鞍，賣相唔錯，有薯菜喺底做伴碟～ 黑毛豬肉質唔難咬，烹煮時間再短少少會再嫩滑啲～ 🍭美國牛扒配大蝦及帶子($398) 另一款叫左扒～ 本身點左3成熟，出到嚟見到大約5成熟左右～ 有2款sauce 點～ 大蝦同帶子都唔錯😍 🍭波斯貓 佢地嘅炒雪糕總共有差唔多20款口味～ 最後揀咗波斯貓，由雲呢拿雪糕、朱古力醬、餅乾碎，布朗尼蛋糕組合而成～ 幾好食，整體唔會太甜～ 🍭Apple pie 另外點咗是日蛋糕Apple pie~ 足夠2個人少少地咁share 食～ 好香蘋果味～ 🍭凍紅茶 🍭花草茶

火鍋係香港人至愛!週圍都有。我至中意放題，all you can eat! 日式放題尤其正! 牛之鍋荃灣店係正熊貓酒店。係荃灣站行來吾使10分鐘。一上扶手梯就到，店面係開放式。 佢可以一枱一大鍋或一人一小鍋。我地中意吾同湯底，所以一人一小鍋。大堂配菜10+款，好似好少?因為其他丸，餃等都係落單點，總共有67款可以落單點。飲品有多款汽水啤酒。有我中意既特滑嘉士伯。另外仲有茶葉茶，飲左鳳梨烏龍，有D台式。最特別係羅漢果，我覺得好港式! 牛肉係火鍋中不同缺少的。點左3款，包括M5和牛，雪花牛小排，本地牛好滑漏，好冧，5秒即熟，入口即溶。雪花牛小排，當然好靚雪花分佈，入口比和牛多D肉味。本地牛就最香牛肉味。食齊3款好滿足。其他火鍋料亦十分好。尤其蝦，蝦膠，卜卜蛤，魚皮，篙筍，生菜。 日式放題仲可以叫魚生，三文魚同帶子好好。再encore. 日式炸物亦可以一試，送啤酒一流。最後一定要叫甜點，有個叫綿綿冰，睇名吾知係乜，原來係炒雪糕!好有驚喜!加分!

呢間嘢喺D2 Place地下，環境光猛闊落，小清新風格。食物偏西式，味道水準都唔錯！但最吸引嘅都係佢嘅雪糕櫃，有好多唔同口味嘅gelato，堂食外賣都得，仲可以試佢個gelato炒雪糕，啱曬中意甜品嘅女仔～佢有個包主菜同gelato嘅dinner set，平時喺呢頭dinner又得，食完飯過嚟食個甜品都得！ ------------------------------ 佢嘅dinner set包咗前菜、主菜、飲品、蛋糕/意式炒雪糕，$208起就已經可以食晒full set，真係好抵食！ ◖田園沙律◗ 跟餐 沙律正常，沙律菜上面淋咗啲甜甜哋嘅油醋，幾fresh！ ◖美國牛扒配大蝦及帶子◗ $398 伴碟有啲沙律菜同薯條，大大份咁～牛扒揀咗五成熟，但出到黎會再熟啲，變咗七成熟，叫嘅話要自己預返！塊牛扒外面煎得少少乾，幾香口有少少脆口，裏面嘅呈好鮮嘅粉紅色，肉質依然軟腍鎖住肉汁！ ◖燒春雞及燒豬肋骨拼盤◗ $268 燒春雞有半隻，外皮整得微辣香脆，咩都唔點都好夠味；燒豬肋骨有四條骨，外層搽咗煙BBQ醬，燒完甜甜哋好香！ ◖意式情迷◗ 跟餐 呢個咖啡味雪糕底，加左朱古力醬，朱古力碎，Oreo，咖啡味都算濃，朱古力碎同Oreo增加左唔少口感，值得一試！ ◖野莓家族◗ 跟餐 用咗士多啤梨雪糕底，加上野莓、藍莓、紅桑子做topping，炒完中間有啲沙冰feel，配埋雜莓少少酸味中和雪糕甜味，大推！ ◖Iced Caffè Mocha◗ +$12 凍朱古力咖啡，唔會太甜，可可味香濃，飲前要攪一攪杯底～ ◖Chai Tea◗ 跟餐 一上黎就聞到好香花草味，飲落清清地有少少微辣，可以無限fill，味道都唔會話好淡～ 🌟Encore指數：8.5/10

今次黎到荔枝角D2 place hollybrowncoffee 人氣西餐，最多人點嘅就係色彩繽紛嘅 gelato 炒雪糕 Dinner Set 只要$208起就有 湯/沙律、主食同甜品～～ 單點 炒雪糕 價錢都$88 是日薯仔湯：薯仔溶晒係湯入面，飲落好香薯仔味 慢煮西班牙乳豬配薯角 需等候20mins 乳豬肉非常嫩滑juicy，皮脆脆不錯！ 美國牛扒配大蝦及帶子 5成熟 帶子幾鮮，牛扒軟熟，亦有肉味 係蝦就普通左d iced tea 正常水平，甜度都係自己調較 matcha latte +$8 有抹茶回甘，大大杯 要有甜度就要額外加糖漿！ 甜品時間： choco berry 士多啤梨口味意式雪糕、朱古力醬、朱古力碎同Oreo 經炒過口感更豐富～ Holly starlet 藍色雲呢拿意式雪糕，配彩虹糖針+蜜糖星星 打卡夢幻顏色 超靚

🍽 Holly Brown Coffee Roasters 成日經過D2都發覺呢間西餐廳好多人，今日見到冇乜人又肚餓就去試吓佢嘅Lunch Set。 📍荔枝角長順街15號D2 Place二期地下1號舖 前菜 👉🏻Soup of the Day 是日餐湯 蘑菇薯蓉湯 起初以為只是普通薯仔湯，一放入口就發覺不是那麼一回事，強烈的薯溶味在味蕾上爆發出來 完全沒有平時薯溶嗰種飽滯感 磨得好順滑 超級軟綿綿 吃一啖就俘虜了我 👉🏻Garden Salad 田園沙律 沙律酸酸甜甜，十分開胃 主菜 👉🏻Pork Loin Rack 慢煮西班牙黑毛豬鞍架配蘋果醬 $268 黑毛豬豬肉超級厚，而且軟硬適中，很飽滿多汁，配蘋果醬一流。 薯角炸的火候很合我口味，不會太硬，而且外脆內軟，份量頗多。 👉🏻Scallop Risotto 黑松露蘑菇帶子意大利飯 $168 份量唔大 不過挺滯 十分有層次感 第一口吃下去沒有什麼味道 混合黑松露和帶子的新鮮甘甜味會隨着吞嚥下去已漸漸散發出來 飲品 👉🏻Orange Juice 甜爆 橙汁酸酸甜甜 還有大量果肉 👉🏻Apple Juice 甜爆 👉🏻朱古力撻 有硬朱古力碎在面頭，不算太甜，也不算太濃味，份量剛剛好。 👉🏻Tiramisu (提拉米蘇) 好綿好鬆軟 有陣甜啡味 可惜食lunch都好飽 下次一定黎試gelato炒雪糕！ 好味指數: 4/5 性價比: 4/5 有加一 環境: 3.8/5

📍 Holly Brown Coffee Roaster 🎗️
📍 荔枝角 𝗟𝗮𝗶 𝗖𝗵𝗶 𝗞𝗼𝗸 • D2 Place二期地下1號舖
〔 follow me on instagram @sikbaobaola ! ^^ 〕
-
< Holly Brown > is famous for their “fried” gelato which is made by “frying” gelato and toppings, e.g. brownies, almond etc., together on a cold plate. There is a wide range of gelato combinations to choose from, so there must be something for you!
Now they’re offering a 4-course dinner set including a fried gelato dessert course!
-
(𝗦𝗲𝗲 𝗽𝗶𝗰𝘀 𝗯𝗲𝗹𝗼𝘄! ☟☟)
=
記得在數年前，《Holly Brown》的「炒雪糕」已是十分聞名
但由於價格並不便宜，所以好像只吃過一次而已
最近，他們就推出了〔四道菜晚市套餐〕，客人可以以低至$208，享受前菜、主食、飲品、甜品，還可以選人氣的炒雪糕！-
Appetizer 前菜
.
前菜可選沙律或是日餐湯，兩者味道都不過不失
.
Garden salad 田園沙律.
Soup of the day 是日餐湯•
Main 主食
.
Pan-seared halibut with mousseline sweet potato in blue blanc sauce ($278)
香煎比目魚配甜蕃薯白酒奶油醬
魚皮香脆的比目魚，裡邊「啖啖肉」，肉質更嫩一點就perfect啦
配上白酒奶油醬，令味道更上一層樓
另外還有蕃薯泥，很好吃的配菜～.
Surf and Turf ($398)
USDA flat iron with pan fried prawns and scallops
美國牛扒配大蝦及帶子
選的是五成熟，但比想像中的過熟了一點點，但無損牛肉的豐富味道
配上了帶子、大蝦，滿豐富的
帶子厚肉彈牙，而大蝦也很彈牙，但調味則略淡•
Dessert 甜品
.
Fried gelato 意式炒雪糕
來到重頭戲〔炒雪糕〕啦～
雖然套餐內的甜品也可選蛋糕，但一場來到，還是兩人都選配了炒雪糕🤣
.
Blue Jazz 藍爵士
炒雪糕配搭很多，主要有巧克力、牛奶、香草、藍色香草、咖啡、草莓、野莓、薄荷 數款意式雪糕的口味，另外配上不同的配料
店員說，〔Blue vanilla〕是最人氣的口味，可能是因為賣相吸引吧～
雪糕裡加入了棉花糖、彩虹sprinkles、鮮奶油，每一口都吃到脆脆的sprinkles
盛載雪糕的窩夫杯都可以吃哦～.
Eenie Meenie 伊莉美妮
這個用上牛奶雪糕，放入巧克力醬，焦糖醬、布朗尼同炒（本來還有杏仁但我們沒有要）
每一口都是甜甜的巧克力跟焦糖香～•
Drink 飲品
.
Matcha latte 鮮奶抹茶 (+$8)
Iced matcha latte 凍鮮奶抹茶 (+$12)
名字裡有「Coffee Roaster」兩字，自然是對自己的咖啡很有自信
但飲品菜單上的抹茶拿鐵，又實在是無法抗拒！-

Menu:

原來holly brown餐廳係香港剩番一間🥲🥲 Holly Brown皇牌炒雪糕🍦 真心好正🤤🤤🤤 以前上完堂成日同閨蜜share食 充滿回憶💕💕 佢地有出dinner set CP值好高✨✨ 入邊會包湯/沙律，主菜，飲品，甜品 主菜份量好大，一定食得飽😇 沙律係柚子沙律🥗，帶少少酸 如果唔鍾意，可以叫蘑菇濃湯🥣 泰式香草虎蝦意大利粉🍝 由於佢係泰式風味，所以會有少少辣🌶️ 但辣得來又好好味，好惹味 食完，你會再想追加落去💖 美國牛扒配大蝦及帶子🐮🥩 兩粒巨巨既帶子，兩面都煎到好香口 大蝦🍤調味都好好 牛扒5成熟，剛剛好 牛扒係好厚🤤🤤有豐富口感 到最期待既環節🍨 就係食甜品 可以簡佢地既蛋糕或者炒雪糕 我地當然係揀炒雪糕🤤 Mint A La Mode 綠精靈🧚‍♂️ 我最中意係薄荷朱古力雪糕 上面仲要有好正既brownie Brownie 只係微微甜，朱古力🍫好香 蛋糕吾會太實🤤🤤 Holly Starlet 藍星摩力💙 呢個係佢哋signature既藍色雲呢拿 雪糕跟餐都係大大舊 入邊既配料好足料 成個餐食個雪糕已經抵番曬(^з^)-☆

成日都經過但係每次都係想食但係要食咗嘢就冇去食🙁前排餐廳裝修更加冇得食，竟然佢開返咁就去食啦。食物唔係平諗住執數應該喂會好啦點知完全係唔好食🫠牛扒嘅調味有啲奇怪，炒雪糕唔似炒雪糕似普通雪糕🍦價錢係好唔抵🫤

經過D2 place 相信都會見過這間holly brown!🌟 而最近終於裝修好 以煥然一新的面貌視人～ 環境同樣開揚有空間感 設有木藤椅和紅磚牆🧱 感覺舒適休閑🌿🪴 - 而餐廳推出全新4道菜dinner set 包括前菜、主菜、飲品和經典的炒Gelato雪糕🍦! 套餐價錢由$208-$388不等 主菜有意粉、漢堡、牛扒等9款選擇～ 🔻🔻🔻🔻🔻 ✨ 前菜｜磨菇薯仔湯 前菜可選是日餐湯或黑松露雜菌 磨菇薯仔湯味道正常 會喝到粒粒薯仔和磨菇蓉🥔  - ✨ 主菜 ▫️香煎比目魚配甜蕃薯白酒奶油醬 ($278) 比想像中巨型大塊的比目魚!🐟 香煎過的比目魚 外層魚皮好像炸過似的♪(´ε｀ ) 脆卜卜又惹味! 配上薯蓉和奶油醬 令魚肉口感更嫩滑～ 但整體調味個人認為偏鹹 - ▫️美國牛扒配大蝦及帶子 ($388) 美國Flat iron牛扒🥩 選了5成熟 朋友和我都認為生熟度剛剛好 不會煮得過火～ 肉質軟腍不會多筋 色澤粉嫩♥️ 帶子肥美超大粒 大蝦輕輕調味也不錯吃🍤 但價錢就相對進取 - ✨ 甜品 ▫️藍星魔力 經典藍色炒雪糕🍨💙 由以往吃holly brown都是吃這口味 味道雖然只是雲呢拿雪糕 但Gelato質感軟綿 最喜歡是搭配了蜜糖星星🌟 打卡able又好吃呢! - ▫️草莓派對 另一款就選了士多啤梨炒雪糕🍓 除了表面加了brownie 炒雪糕裡面亦有brownie碎碎 再混合朱古力醬🍫 甜滋滋難以抗拒! - ✨ 飲品 ▫️伯爵茶｜英式早餐茶 ☕️ 味道正常 沒太大特色 但吃雪糕搭配一杯熱茶解膩實在不錯～ 🔺🔺🔺🔺🔺  📍Holly Brown Coffee Roasters (荔枝角) 🗺️ 荔枝角長順街15號D2 Place二期地下1號舖