話說上次係電氣道打完邊爐發現呢頭好多餐廳🤤於是返去即刻bookmark呢頭嘅餐廳，同朋友今次嚟試吓呢間位於電氣道新開張嘅西餐🍽 係OpenRice 見佢主廚係芝加哥大學主修廚藝，對佢都有啲期望✨今次同朋友一人嗌咗一份set lunch ($168)🤍 前菜揀咗希臘沙律，配落去個青瓜醬汁好特別，少少甜得嚟又幾refreshing✨另一個嗌咗意大利沙樂美腸煙燻 Provolone 芝士拼盤🧀 芝士食落去奶香味會比較明顯，加埋鹹香嘅沙樂美腸就啱啱好～同埋佢塊法包係超～鬆軟，搽咗少少蕃茄蓉，襯返啲芝士同腸真心正🤪 第一份主菜就揀咗煎焗海鱸魚🐟份魚煎得啱啱好，同埋肉質好滑，差唔多把刀一掂落去就已經可以好輕易咁分開佢哋，亦都將啲魚油香迫晒出嚟，一邊影相一邊流口水🤤比較特別嘅係佢配菜係蕃茄燴北非小米，食落去好香蕃茄味，北非小米嘅質感都幾得意😛 另一份安格斯西冷扒(+$40)真心好好食🐮嗌咗medium rare 火喉都算拿捏得啱啱好👌🏻肉汁鮮嫩，肉味夠濃郁，基本上你諗到西冷扒好食嘅元素佢都具備😋就算係配菜嘅薯條都炸得好香口🤪 見佢食物質素都唔錯，加配嘅甜品(+$30)同樣都冇令我失望😚 佢哋自家製嘅mochi waffle 個麻糬勁煙韌🧇同埋熱辣辣新鮮出爐真心一流🥰雪糕嘅雲呢拿味好香，甚至係見到有雲呢拿籽，味道至少有movenpick質素❤️相比之下tiramisu就比較平實穩陣，唔算有特別驚豔到，不過都唔錯嘅✨ 由於呢間餐廳本身都係想走bar嘅路線，所以好欣賞佢哋啲飲品都頗花心思🍸Flower sour係佢哋嘅招牌cocktail (+$78)，一上枱個煙薰效果已經夠晒吸睛👀飲落去除咗有一陣淡淡嘅煙薰味，仲有少少佛手柑同熱情果嘅果香，所以都幾容易入口❤️同朋友都覺得呢一杯係必嗌☺️ 另一杯cocktail揀咗La Vie En Rose Milk-Wash🌹呢杯用咗啲其實係一杯中西合璧嘅fusion酒～飲落去花香味比較突出，比較清新，雖然冇咁ig-able，但係一杯清然脫俗嘅平實cocktail🌿 望住呢幾個月有好多餐廳停業結業，不期然諗起呢啲生不逢時嘅新餐廳——一開業就遇上疫情，開又唔係，唔開又唔係，好多都要改變營銷策略，經營真係好唔客易🥲而家疫情叫做開始回落，希望大家都可以多啲支持高質素嘅餐廳💪🏻而呢間餐廳環境幾舒服，採光度充足，夜晚嚟應該幾有feel🥰 希望下次可以同朋友夜晚過嚟摸下酒杯底啦🥂 (集氣4/21開返pleaseeeee)

1. 經典意大利四式芝士薄餅 $168 （9.5/10） 芝士控必食推介🧀 面頭鋪滿馬蘇里拉、藍芝士、巴馬臣同芬提娜四款芝士 一入口已經有強烈芝士香味 口感煙韌 濃郁芝士做到拉絲效果 批邊麵糰厚實有咬口 有鮮焗麵包質感👍🏻‼️ 2. 魔鬼薄餅 $158 （9/10） 拿坡里pizza點可以唔食最經典嘅瑪格麗特🍕番茄醬下面鋪滿芝士火箭菜同口感煙韌嘅辣沙樂美腸好夾 蕃茄醬味好出🍅 有種好香濃嘅焗芝士香 簡單粗暴 正🤩 兩個pizza咁叫仲有套餐 份量夠3-4個人食✌🏻

店鋪裝修仿效70年代的pizza店，濃厚復古風情。而食物方面，提供9款即叫即做嘅手工pizza，由經典款式到創新口味嘅salsiccia e scamorza都皆備，實而不華，充滿地道意大利家庭式風味😇 Project tasting (antipasti x 2 + pizza x 2 + dolci) $396 📌Tuna carpaccio 📌Project salad 📌Nouja 📌Parma 📌Pici tiramisu 佢哋個project tasting 超抵食😍包咗兩個前菜，兩個pizza同1個甜品。兩款Antipasti 味道比較普遍，未到好驚艷🤔Pizza 就可以選擇2款口味，每個pizza份量都好多！味道都好出色，剛出爐口感外脆內軟，鬆軟煙韌。小編比較中意Nouja，因為配料有辣沙樂美腸、煙燻 scamorza 芝士以及澳洲水牛芝士fior di latte，辣辣地好開胃🤣而甜品就喺pirata group嘅甜品，味道都係一樣🤍😍

是日餐湯係西蘭花湯 🥦 ★★★★ - 真心好飲喎，但只係唔知下次嚟會唔會都係做呢款湯啫 #Latté & #CaféMocha ☕️ ★★★ - 正常水準，無咩驚喜 #明太子芝士焗釀啡菇 🍄 ★★★ - 食唔到明太子味，同埋粒菇都細細地 #香濃蕃茄沙樂美腸煙肉扁意粉 🍝 ★★★ - 份量偏少，不過味道係唔錯嘅 #鹿鹿珍寶全日早餐 🍳 ★★★ - 初初瞥眼睇嘅時候以為塊菠蘿係鱈魚 (諗多咗喇) 薯餅、煙肉同炒蛋都係凍凍地，有啲失望 #焗威靈頓三文魚配香檳汁 🐟 ★★★★ - 威靈頓魚又真係第一次食，都幾好味，魚肉keep 到嫩滑 P.S. 店員會好有禮物地提你唔係食嘢嗰陣要戴口罩，態度值得嘉許👍🏻

之前去美孚饒宗頣文化館影相打卡，感受一下文化氣息 文化館2樓紅磚牆內，仲有幾間Cafe同餐廳🍴 除咗有打卡Cafe之外，H座呢邊有間西餐廳，主打法國菜 另外原來仲有外賣傳統拿玻里式pizza 我叫咗10吋薄餅底嘅魔鬼薄餅 餡料有蕃茄醬🍅、馬蘇里拉芝士，意大利辣沙樂美腸 Pizaz即叫即整🍕厚批pizza口感煙靭，批邊香脆 Pizza鋪滿厚厚嘅芝士同番茄醬 每啖都食到濃郁嘅芝士味，熱辣辣嘅時候仲可以做到拉絲效果添🤤 配意大利辣沙樂美腸🍕惹味之餘鹹香味十足，抵食啊！ 另外帶咗兩款小食 炸雞翼配燒烤汁 有八隻炸雞翼，雞翼香脆，keep到肉質juicy 🤤 意式芝士蕃茄汁燴牛肉丸 牛肉丸感覺有啲似宜家傢俬肉丸 配蕃茄芝士醬，酸酸甜甜，味道都好夾

疫情下好多酒店都取消buffet 難得搵到一間開門 係旺角朗豪坊隔離既康得思酒店 The Place ♪︎ 樓底很高 枱與枱之間相隔一段距離 坐位舒適 食物區間格有條理亦很闊落 整體觀感良好 ♪︎ ----* 冷盤 海鮮 有小龍蝦青口熟蝦紐西蘭生蠔 正常發揮 生蠔開頭一轉偏細隻 之後變返正常size 蠔味較為淡口 ----* 冷盤 沙律吧 沙律吧種類好豐富 有秋葵同羽衣甘藍 🌽 可以自選沙律菜同配料 醬料亦很多款 鐘意酸口味的我選了黑醋 再配章魚粒 其他冷盤亦有芝士 沙樂美腸 冷麵 海哲⋯ ----* 熱葷 有即煮粉麵、中式點心、印度咖哩、泰國蝦肉棒等等 幾十幾款⋯當中燒紐西蘭肉眼扒很高質🥩肉質嫩牛味濃 廚師把生熟程度控制得宜 忍唔住食左兩片🥰 海南雞好嫩滑 都推薦 ----* 刺身 壽司 刺身有三文魚 鯛魚 八爪魚 同希靈魚 當中三文魚幾好食 有油香 但其他就好一般 火炙三文魚腩壽司好好食🍣 ----* 雪糕 甜品 雪糕係MOVENPICK 🍨 亦提供8種口味可選擇♥︎當中我最鐘意瑞士朱古力🍫特濃咖啡☕️同埋熱情果芒果雪芭 🥭🥰 甜品做得精緻 每件整齊擺放係玻璃櫃內 由酒店人員幫手拎 咁樣就唔會整到個場面亂晒😂約有11款甜點 鐵觀音梅酒果凍 焦糖燉蛋 芝士餅 蛋糕 馬卡龍 慕絲蛋糕等 亦有即製的榴槤流心芝士撻 當中推薦黑白奶茶千層酥 不會太甜 千層酥牛油味重口感酥脆 🍰 🫧 今次的午市自助餐食物種類豐富 環境舒適 職員有禮 收碟都好快手 食物refill 速度都快 印象中價錢約$3xx 一位 💰

喺美孚附近，諗住買外賣開餐，記得朋友曾經介紹過呢間餐廳，話佢嘅Pizza🍕好味道，咁就決定過去買嚟試吓，原來由地鐵站行過去都只係大約需要5分鐘😆 我叫咗兩個Pizza🍕😋： - $148嘅「帕爾馬🇮🇹火腿薄餅🍕Parma Ham Pizza」 - $158嘅「魔鬼👹薄餅🍕Pizza Diavola」 Parma Ham Pizza🍕 裏邊有：馬蘇里拉芝士🧀、巴西葉🍀、蕃茄醬🍅、帕爾馬火腿、火箭菜，材料都幾豐富；帕爾馬火腿🐷非常有鹹香，火箭菜☘️就幾新鮮😋。Pizza Diavola🍕 材料有：蕃茄醬🍅、馬蘇里拉芝士🧀、意大利🇮🇹辣沙樂美腸；salami 辣辣哋好惹味😋。兩款Pizza🍕都做到中間軟熟煙韌而外皮脆脆哋😋，亦都落咗好多番茄醬🍅，加添umami滋味😋 餐廳位於 饒宗頤文化館 裏邊，附近環境清幽兼幾靚，等外賣嘅時候，喺文化館範圍行過圈，都幾心曠神怡😁

每天在家工作 已經很久沒有呼吸過外面的空氣☁️周末決定找一間特色小店抖下氣☕️BusyBird 係一間幾 Chill 的酒吧，除了紅白餐酒外，餐廳還有提供主餐和小食🧀 我們坐在餐廳內露天的位置，藤製木椅與啤酒膠桶外型的茶機帶點懷舊感，加上在自然風和日光之下用餐，感覺格外舒適 —————— 🧀 Chef’s Selection Cold Cuts ($120) 巴馬臣芝士、車打芝士 配上沙樂美腸及巴馬火腿，作為送酒小食幾唔錯，而且適合幾個人分享（可惜現在只能2人一枱）😆我們則只點了咖啡，感覺都好Chill 🍴 A5 Miyazaki Wagyu Burger ($150) 和牛漢堡牛油味夠香，調味適中👍🏻而包的整體夠鬆軟 🍟薯條炸得夠鬆脆，外層的紅椒粉增添了薯條的層次，唔會只有咸味 🍴 All Day Breakfast ($150) 與一般的all day breakfast 大致相同，最欣賞酸種包，煎過又加入了無花果乾，口感與味道都很好💕 而煙肉亦不錯，軟又不會過咸 ☕️ Cappuccino ($40) ☕️ Mocha ($40)

在這酒店staycation，當然要包括享受它的自助早餐。 餐廳門面闊落，內裡樓底高，天花有吊扉，配合落地玻璃，光猛舒適。 食物有西式、中式和少量日韓款式，靠記憶如下： 西式：茄汁豆、椰菜花、車厘茄、煎蛋、奄列、熱香餅、麵包布甸、沙樂美腸、沙律、水果、各類麵包、穀物和乳酪等 中式：燒賣、牛肉、叉燒飽、腸粉、車仔麵和白粥等。 東南亞：韓式辣醬豚肉、日式咖喱雜菜和面豉湯等。 不一會，我已拼砌出一個all day breakfast，全都是我最喜愛的食物。腸仔有鹹香，炒蛋夠滑，不至於水汪汪。早餐吃到麵包布甸這甜點，感覺特別。 接著另一些西式滋味的食物，各款cold cut使我開胃，配一些芝士，是很好的搭配。軟熟的麵包配新鮮的蜂蜜，入口香甜。 然後嚐試中式的食品，但點心、炒麵和湯米粉平平無奇，只是普通酒樓或茶餐廳的質素。 再試了比較特別的烤火腿，很香濃的烤肉味，有點像自助午餐或晚餐才會品嚐到的烤肉。韓式泡菜豚肉，有傳統的辣味。中式腸粉和日式面豉湯，味道沒有驚喜。 最後吃了一個小餐飽及乳酪甜品，後者酸甜醒神，草莓味清甜。 整體來說，以我賞試過的酒店自助早餐比較，食物種類不算很多，味道方面只能夠說普通。

嚴重既疫情之下，想搵個地方抖下氣好似都好難
今日就黎到饒宗頤文化館呢個文青必到打卡勝地感受一下大自然既氣息既同時
最緊要係咩呀？可以食到咁正宗既ＰＩＺＺＡ 淨係睇呢個典雅既紅磚外牆就知幾岩各位文青黎打下卡啦唔好以為做左買左兩個一樣既ＰＩＺＺＡ喎 其實係兩款黎
左邊係經典意大利四式芝士薄餅（加配辣肉腸），右邊係魔鬼薄餅經典意大利四式芝士薄餅（加配辣肉腸） 呢個ＰＩＺＺＡ用料勁足
佢用上左四種唔同既芝士，分別係馬蘇里拉芝士、意大利藍芝士、芳提娜芝士同巴馬臣芝士
令你食落去會有唔同芝士既口感同味道散發出黎
極之有層次
另外亦好推薦各位加少少錢配埋辣肉腸
有少少肉令佢既味道更加昇華魔鬼薄餅 其實即係經典既辣肉腸ＰＩＺＺＡ
佢除左有意大利辣沙樂美腸之外，仲有唔少得既馬蘇里拉芝士同埋經典既蕃茄醬
可以話係最傳統最正宗既意大利風味
而佢Ｄ辣肉腸多到好似唔洗錢咁
幾乎鋪滿晒成個ＰＩＺＺＡ
真係超級勁足料
令你食落可以滿滿咁感受辣肉腸咸香中帶惹味既香辣味道
真係超幸福

一直都喜歡坐戶外，但在市區實在難找，又不想到港島跟一班外籍人士迫，尖東這間Iberians會是好選擇！ 門戶只有一張枱，今日運氣好，有位！ 天氣好加上運氣好，當然也要吃好！ 點了兩款前菜、兩款主食： **有加一服務費** Tapas 《白酒煮藍青口 $88》 湯汁有白酒味，很喜歡！藍青口肉嫩細滑，加上入味又香甜的蔥洋，好吃呀。 《芝士火腿拼盤$168》 一大塊木板，上面放有巴馬火腿、沙樂美腸、金文拔芝士和埃文達芝士，根本是4人份量呢！ 特別喜歡巴馬火腿的咸香、芝士加餅乾的配搭。 主食包是日餐湯、西班牙水晶麵包： 是日餐湯是《蘑菇忌廉湯》，十分大碗，入口有淡淡蘑菇粒，有誠意，濃稠度適中奶味不會太重，是我杯茶。 《西班牙蕃茄雞肉燉飯 $98》 飯汁夠濕潤又香蕃茄味，意大利飯半熟有口感，喜歡，加上嫩雞肉不錯，份量又大。 《紐西蘭肉眼配燒汁 $128》 肉眼有驚喜，做到半成熟，肉質嫩又有肉汁，對於我來說肉味亦出，放涼了都沒有韌，這點亦不錯。 肉眼可配搭飯/意粉，我選了意粉，肉眼的醬汁亦足夠拌勻整個麵。 最後有餐茶。 美食加上好天氣，好chill的一個下午！一定會再來！