上星期屋企人生日，所以就同佢地去彩福皇宴食飯。彩福皇宴以粉綠色為主，離遠就見到好靚嘅粉綠色，好高級嘅格調。 我地叫左2隻龍蝦，一上枱見到都幾大份。龍蝦肉一切就成舊出秀，食得好方便，唔洗整污糟隻手。肉就幾大舊幾鮮，唔錯嫁。 虎皮椒腰果牛柳粒，牛柳粒都幾多，唔會韌好易咬。綠色嗰啲椒有啲都幾辣，我食到一粒好辣，所以食嗰時唔好一啖擺落口。 聖子皇，呢個好食。聖子好大好鮮，配上粉絲一流，粉絲吸曬啲鮮味。 瑤柱蛋白炒飯，啲飯炒得幾好，粒粒分明。瑤柱都幾多，幾乎啖啖都食到瑤柱。 最後叫左個原個椰皇燉燕窩，上面係燕窩，下面係燉奶，仲有淡淡嘅椰子味，感覺都幾養顔。

來尖東多次，居然走漏眼這間宮廷式裝修的豪華中菜酒樓！入口登記處已經給人寬敞華麗的感覺，內更有一間影樓式的宮廷大房，非常漂亮，至啱打卡！












這有很多得獎點心，價錢一點也不貴呢 , 非常抵食！



旋風黃金流沙包 (得獎) $30 ~ 造型趣緻可愛，味道不太甜，最啱節食中的我！


原隻鮑魚燒賣皇 $35 ~ 大大隻鮑燒賣上面放上鮑魚仔，份量十足，口感豐富！


港式街頭蝦米豬腸粉 $38 ~ 豬腸粉嫩滑晶瑩，有香港特色！


彩福蝦餃皇 $30 ~ 至愛點心蝦肉鮮甜爽口，一個人吃掉整籠也覺不夠呢！


八味豆腐粒 $43 ~ 味道和口感有些似椒鹽豆腐 , 同樣惹味鬆脆！


原個椰皇燉燕窩 $45 ~ 必食！椰肉配燉奶鮮甜柔嫩，再加上珍貴燕窩，令人難以抗拒，每人一個剛剛好！


華麗點心新體驗， 非常滿足的一餐！

今日晚飯選擇再去皇室堡9樓嘅彩福皇宴 因為已經食咗下午茶墊底 所以一行四人淨係叫咗三餸一湯 環境唔需要多講 都係普通婚宴專門店咁嘅陣容 好多鏡好多射燈 不過環境都尚算闊落 侍應都叫人多 必食冬瓜盅 200頭就可以食冬瓜盅 本身以為呢個冬瓜盅只係例牌 可能張圖我影得唔好 事實上佢係非常之大 我哋四個人每人飲咗四碗先勉強飲得曬 入面有好多蝦 咸瘦肉 金華火腿 仲有少少元貝 冬菇 同帶子 味道好清甜 冇乜味精味 較為清淡 好啱食飯之前飲 亦好解薯 飲完好舒服 比起例湯都要190蚊 真係超值 蒜蓉炒莧菜 睇幅圖就唔想食 啲莧菜炒到非常之乾 完全冇蒜蓉味 好嚡 完全感覺到 食落去好傷胃 所以成碟原封不動 擺咗喺度 蜜汁叉燒例牌 佢配埋啲黃豆 黃豆似擺咗好耐 味道普通 叉燒相反就好正 半肥瘦 慢煮 再焗到出面脆卜卜 入面好淋好鬆軟 非常之入味 送飯啱啱好 後悔只係嗌咗禮牌 應該叫多啲 因為好快就大家都食曬 魚香茄子煲 其實都好大兜 不過略嫌薑味重咗啲 睇圖都見到 好多薑粒 煮法同傳統魚香茄子煲應該冇乜分別 用油炸嗰啲茄子再落鹹魚辣椒其他配料炒埋一齊再用煲上 味道冇乜特別 唔會特別好食都唔難食

每個月都好期待媽媽會嘅一期一會，雖然有幾個媽媽臨時甩底有啲可惜，不過都冇影響我哋愉快嘅心情，行程依舊照去皇室堡間彩福酒樓飲茶，呢間彩福裝修好新淨，坐得幾舒服，枱同枱之間有一定距離，唔駛同人背貼背，食物質素又有水準，難怪黎親都要等位。 今日點咗好多嘢食，有蓮蓉壽桃飽 醬皇金錢肚 沙律蝦卷 xo醬煎腸粉 燒味雙拼飯等等…… 個包好軟熟 蓮蓉好香，令我回憶起兒時嘅味道；金錢肚好爽 下面係用薯仔墊住，薯仔吸收曬金錢肚嘅醬汁非常惹味，沙律蝦卷 係原隻大蝦 落足本，酸酸甜甜好開胃…而其他食物 保持一貫水準 絕無欺場，銅鑼灣飲茶呢度算係最經濟抵食，我哋班媽媽都好鍾意喺度打躉！！

今晚打比賽前約定幾個隊友食飽飽先去打波 去左附近彩福皇宴,沖返個普洱飲下 再慢慢睇下食咩 今晚叫左幾個餸再加每人一個白飯 金裝潮式鹵水拼盆,四川大蝦球,彩椒菠蘿咕嚕肉,啫啫肉碎蝦乾通菜煲,香煎銀雪魚,脆皮燒腩仔,再加一渣果汁先生橙汁 白飯 金裝潮式鹵水拼盆-有豬耳,鵝翼,雞腎仲好入味 四川大蝦球-酸酸地蝦肉質都唔錯爽口彈牙 彩椒菠蘿咕嚕肉-咕嚕肉又唔會好肥,好香口 啫啫肉碎蝦乾通菜煲-熱辣辣成煲慢慢食,除左香口外菜都好新鮮 香煎銀雪魚-煎得幾香口再配合埋個醬就更加可口 脆皮燒腩仔-個皮都幾脆,肥瘦平均 果汁先生橙汁-凍凍地咁飲先正

今晚既晚餐難得出街食，梗係搵番間又靚坐得又舒服又多野食揀，食得開心既餐廳，今晚屋企人想食中菜，所以揀左彩福。 第一次黎食，成日都見好多人響到擺酒，入去食晚飯都係第一次，一入到去見到裝修都幾靚，環境好光猛，仲有靚酒樓必備既私家魚池，呢到個魚池有3層，仲要清潔得立立令，真係揀海鮮食都揀得開心啲 野食其實都好多選擇，今餐最好味既我會揀片皮鴨同脆皮南乳雞，2款菜式都係好咪在層皮 片皮鴨響你面前即切，唔怕上枱唔似成隻鴨既份量，皮薄冇乜脂肪，好味，而雞皮就炸得夠脆，令人食完一件又一件，好好味食得太快都唔記得一樣樣相機食先，下次再黎食先影番靚相分享😁

平時去彩福飲茶就飲得多 食晚飯就真係第一次!
宜家龍蝦有特別, $88斤, 另有晚飯三選一, 都算抵食!
叫咗脆皮黃金脆皮雞半隻$70 諗住係特價小菜, 所以無咩期望, 點知黎到係明顯新鮮炸起熱辣辣, 外皮脆卜卜 雞肉多汁好嫩滑! 另外叫1隻龍蝦$99配加$30麵底, 份量比想像中大好多, 平時其他酒樓既特價龍蝦係斬碎哂又細細隻, 但呢間真係大隻有肉, 新鮮甜美爽口! 另有9款精選小菜, 叫左當日既蜜桃蝦球, 因為又係新鮮炸起, 外皮仲脆的, 出面酒樓真係好小可以做到咁既水準! 最後以甜品作結, 紅棗糕及紅棗糖水, 前者超好咬口又不會過甜, 後者也不錯, 但紅棗再重點會更好! 呢餐真心有驚喜, 值得再黎!

母親節一家人食飯，都係傳統啲食中菜，今次揀左屋企附近呢間彩福。因為呢到環境大，坐得舒服，一睇餐牌，已經有母親節既套餐選擇，因為人唔多，所以怕食唔哂就冇點到套餐，最後散點左👇🏻👇🏻 片皮鴨二食 片皮鴨會拎出黎響你枱側睇著佢切，鴨都幾大隻，片到好多份，二食可以揀用茄子或苦瓜炒，最後揀左苦瓜，不會太苦，味道不錯 清蒸沙巴龍躉斑 中菜梗係食番條魚先夠完滿，龍躉重1斤2, 唔大唔細岩岩好，肉很鮮甜 脆皮南乳雞 雖然已經食左鴨，但都想點番隻雞食，雞炸得剛好，肉仍然很滑 燒汁京蔥野菌炒海參 濃味之選，襯番吸味既海參，菇亦吸哂汁既味道，十分惹味 海皇櫻花蝦炒飯 雖說櫻花蝦炒飯但也有不小蝦球，不會顯得飯太單調 杭州小排骨 同糖醋排骨好似既一道菜色，不過比糖醋骨味道更濃 涼骨菜甫煎蛋角 岩哂小朋友餸飯既菜式，食唔出重涼瓜味，可以比平時唔食涼瓜既小朋友食 金銀蛋津白 金銀蛋莧菜就食得多，原來轉津白個味都幾夾 最後當然唔小得甜品啦，原個椰皇燉燕窩，考敬媽媽慢慢嘆 祝大家母親節快樂☺️

今日在佐敦附近做嘢，之後有啲肚餓，記得彩福周不時有小菜優惠，剛好又再附近，就咁簡簡單單食一餐，上到嚟扺不住龍蝦的誘惑，一斤二兩一隻，$88斤，即是$100唔使一隻龍蝦，加$30追烏冬，單身飯局已經很豐富。 彩福酒家向來是親民的選擇，長期有精選小菜優惠，以及時令晚飯菜式精選，價錢都是幾十知百幾，相當實惠，每次來我都會點叉燒，今晚雙拼，招牌叉燒拼燒肉加$20，只是$148，分量充足。今晚叉燒比較瘦，有焦香，燒肉半肥瘦，皮酥脆，味道好。 清蒸沙巴龍躉班，雖然是養班，肉質都唔錯，蒸魚豉油調得好，魚汁好餸飯。 素菜方面選擇了燒汁杏菇燜豆卜豆腐煲，清得來比較青菜味道好，反正多吃豆腐有益。

去探望朋友剛出世嘅BB去到石門， 1家5口最好都係食中餐啦。朋友介紹去屋企附近嘅彩福佢話好好食，所以就去咗了。嘩！一入到去見到富麗堂皇，直頭成個婚宴場合咁樣。 周圍都bling bling 好靚呀！ 我哋一行五人有大有細叫咗個晚市四人餐，跟住見到波士頓龍蝦做特價所以又帶咗兩隻。 先講個波士頓龍蝦，兩隻波士頓龍蝦加伊面底只係二百幾蚊，真係超抵食自己去街市買來煮都未必得。而且肉厚爽嫩，好新鮮好好食。 四人餐都唔使$600 ，超級抵食，每一碟都大大碟，食到我哋飽到上心口。 真心推介燒雞同埋炒雙蚌，燒雞皮脆肉嫩，炒相蚌，非常爽脆。

彩福欣宴餐廳格局裝修得別樹一格，又很新穎，令人感覺有一種很華麗的氣氛。在這裏擺設婚宴或壽宴確很適合。令人能享受一個舒服的晚餐。 我和朋友選擇了餐廳最有名氣的加拿大大龍蝦，龍蝦食法可以自選的，我們選擇芝士焗龍蝦，加配伊麵作底。餐廳會先把龍蝦煮熟再切開兩邊，方便客人進食。食過後，個人感覺龍蝦肉質鮮甜，並沒有煮得很煙韌，龍蝦汁鎖住在肉質內，令人感覺很鮮味。加上分量足夠的伊麵，令人更開胃飽足。 另外，我們還想要半隻燒雞，雞肉肉質爽口彈牙，可知火候控制得剛剛好。 還有芽菜牛肉炒西芹。材料很新鮮，份量也足夠。

假日去了沙田踩單車，其實數數手指，大大話話超過10年無去踩單車，途經石門區，覺得它的變化很大。以前是工廠區和未開發區，現在已興建了很多屋苑、商廈、商場、學校。 既然來到，大家便在這裡吃個晏，順便休息一下。 這間彩福酒家真的很大 (極可能是因為它座落於這個新開發地方，新的是地方)，裝修很裝潢華麗。 我們點了些點心和一個套餐。套餐$168，有菜、有燒腩仔和班腩炒河，這個套餐算抵食。其他點心是水餃、鯪魚球、牛肚、黑糖馬拉糕、上湯鮮竹卷，還有一個較得色的沙薑炒淮山。說老實，食品質素只是一般般，但是，環境算不錯。

多得姐夫又出差，今晚跟住姐姐又有好嘢食，唔係一定要食貴野嘅，今晚去彩福有龍蝦大餐食，原來年年佢都會做優惠，$88斤龍蝦，我仲以為聽錯係$88両，最後一隻龍蝦只售$99，一般都是斤二兩重。 上湯或蒜蓉兩種做法，姐姐話以蒜蓉清蒸，必須新鮮貨，所以聰明就揀呢個，配粉絲比麵更好，因為更吸汁，識飲識食的嘅姐姐，永遠是對的。 精選小菜有九款，豬、牛、鵝、蝦、豆腐及菜各有一兩款，選擇全面，價錢方面都是兩位數字居多，聰明消費者的選擇，我哋自然在當中揀。 挑了兩款惹味的，巧手煎焗新會豚肉粒、燒汁杏菇燜豆卜豆腐煲。 豚肉細細粒，酥脆中有特別的陳皮及果皮香，減低肉的飽肚感。 燒汁杏菇燜豆卜豆腐煲有鑊氣又夠熱，軟棉棉豆腐藏著燒汁，口感很好。 平靚正的一餐去邊度搵，見到有得獎點心好吸引，遲啲再嚟試吓。

母親節晚飯選擇左黎呢間彩福。因為 最近呢度做緊龍蝦節，假日$108。而且仲有 基本矜貴特價小菜。 招牌雞煲鮑翅$338 足六兩鮑翅，供4至6位用。 五人食共分到八碗左右。好足料抵食，每碗都分到大量翅，雞肉好嫩滑，沾豉油好好味。 龍蝦可以選上湯，芝士或者蒜蓉開邊蒸， 當晚叫咗兩隻上湯焗， 加咗30蚊伊麵底。 一隻龍蝦重一斤二，兩隻加曬共$198！ 調味夠濃，超抵食。 以呢種龍蝦嚟講都算係幾厚肉，加埋伊麵吸曬龍蝦上湯精華。兩百蚊唔洗食到龍蝦邊到揾。

母親節當晚媽媽身體不適，我們只好延遲慶祝，亦好，出外食飯價錢省一截，我們選擇到彩福，因為集團每年夏日有龍蝦大優惠，$88一斤平絕香港，其他精選小菜、三大優惠多籮籮。 我們一點都不執輸，每樣優惠都挑選。 上湯龍蝦加伊麵底 龍蝦富然一定要點，最開心龍蝦是新鮮的，上海精華在伊麵，黃金組合絕不能少。 沙巴龍躉班 彩福三大優惠之一，$148斤二魚，扺食，蒸得唔老，味道唔錯。 優惠小菜選擇了四款： 懷舊金獎叉燒拼燒肉 近排屋企冇得食豬肉，今晚可以補償，惹味燒味冇需擔心會有冰鮮味，自己做唔到這個水準，只能外吃。 巧手煎焗新會豚肉粒 再來豬肉，香口炸物，新會做法，多了果皮的香。 燒汁杏菇燜豆卜豆腐煲 以作均衡飲食的配搭，味道幾清，啱媽咪口味。 話減肥唔食甜品，點知屋企人鍾意，只好奉陪到底。楊枝甘露、鮮果慕絲、原個椰皇燉燕窩、懷舊芝麻卷各一分享，鍾意佢樣樣都並不太甜，份量剛好適合一個人。 很滿足的一夜。