彩福集團一向有口碑，呢間主要做婚宴，食晚餐都係第一次。 酒樓必定叫龍蝦，我哋揀咗蒜蓉蒸另外加了粉絲底，龍蝦大概有一斤二兩，才$99。新鮮肉實， 加埋蒜蓉真係正。 另外叫了一個四川大蝦球，味道不錯，但賣相一般。 本身今日想叫帶子，但係賣晒，所以叫咗蟶子皇，好大隻，食落口好鮮甜，真係非常新鮮，必叫必叫！ 燒鵝王，皮唔脆又多骨，仲要$130貴過隻龍蝦， 完全唔建議叫！ 虎皮椒腰果牛肉粒，呢個可以當菜食，牛肉粒炒得又香又嫩。 叫埋個甜品楊枝甘露，唔算甜，所以好好食。 3大1細，坐得舒服又有BB櫈。推介一家大細。

好朋友要見，專程去尖東接放工，兼屈佢請食飯傾掂數要請食龍蝦，唔想好友大破費，撞正彩福龍蝦節，88蚊一斤，就彩福啦 高貴婚宴裝潢~ 花花舞台背景好靚啊~ 樓底高，地方闊落，食得舒舒服服~ 一年一度既彩福龍蝦節，生猛加拿大龍蝦只係$88一斤，可以揀上湯焗或蒜蓉蒸，另加錢可加麵底~ 生猛加拿大龍蝦 $99 呢隻龍蝦1斤2，揀左蒜蓉蒸，呢個size自己獨食一隻剛剛好，啖啖肉，爽口彈牙，鮮味十足！ 韭黃菜蒲肉松帶子炒蛋 $92 蛋炒得好滑，富蛋香，帶子鮮甜嫩滑，份量多，非常下飯！ 海参花菇扣玉掌 $168 比想像中大份，很足料，花菇大隻肉厚，很香，鵝掌入味腍身，骨膠原豐富，個汁好夠味，令底下既菜都好好味~ 招牌小炒皇 $90 小炒皇就是什麼都有d，材料豐富，香口惹味既镬氣小炒，送酒最合適不過~ 竹燕椰汁糕 $20 最後當然要揀款甜品作結，呢度甜品都好出名~今次叫左滋潤養顏竹燕椰汁糕，好香滑

平時同👭👭👬👬朋友就多數食西餐多， 而同屋企人食飯就9成都係中菜。 今次都唔例外，同屋企人食都要搵間穩陣啲好啦，咁今次我就揀咗彩福， 因為彩福咁啱做緊🦞龍蝦節優惠， 真係幾抵食，如果星期一至星期五去食，🦞龍蝦每斤$88， 加多$30仲可以加埋個🍝伊面底或者🍝淮山麵底又或者🍝烏冬麵底。 本身佢就包左蒜蓉開邊蒸🦞龍蝦， 如果你想食其他食法呢。。。就可以加錢轉...例如加$20可以加埋個粉絲底。 我就叫咗個蒜蓉開邊蒸龍蝦加埋個面底 同埋另外加咗個金牌潮式滷水拼盤， 兩個人食真係夠晒有餘啦

朋友報料[彩福酒樓]最近做緊龍蝦節，好抵食！今晚就約埋個老友去！ 去到果然見到全城食龍蝦， 我地两人叫左三隻，每隻重約斤二両，每斤88元，真係認真振撼價！ 除咗龍蝦抵食，仲有其他優惠小菜。 超大碟嘅上湯焗加拿大龍蝦加伊麵底297元+(伊麵)30元 質素一啲都唔差！ 蝦肉爽脆！鮮甜！蝦頭多糕 真係好滋味！ 見隔離枱嘅蟶子皇好正，忍唔住都叫咗幾隻蒜茸粉絲蒸/168元 爽嫩清甜！惹味！ 今晚真係；大飽口福！！ 平靚正！ 海鮮好味！啤酒夠凍！環境舒適！值得回味！

大哥生日我同二哥，細佬請佢到 "彩福''食晚飯慶祝！ 來到佐敦道"彩福"好熱鬧，一邊廂有婚宴，另一邊廂 幾乎滿座，幸好我早早訂左枱。 坐低發現一大奇景~枱枱食客都津津有味咁狂食龍蝦！ 原來酒樓近期做緊 ''彩福龍蝦節" 加拿大游水龍蝦大特價每斤$ 88！真係好震撼呀！ 我地都唔執輸叫番幾隻，飲番杯！ 彩福龍蝦節~多種食法…… 清蒸，芝士，上湯，蒜茸焗也可加伊麵或粉絲底……等o 食法多多，好精彩！場面熱烈！ 哥哥既開心又興奮！有龍蝦食！ 先來個燒腩仔 佐酒先！ 皮脆肉嫩味道好！ 竹笙羅漢齋上素 好清爽！我鐘意！ 脆皮椒鹽豆腐拼吊片 豆腐外脆內滑，吊片甘香爽口，餸啤酒一絶！ 主角一出場我地齋齊拍手叫好！！ 加左伊麵底嘅龍蝦一大碟，好有氣 氣勢 ！ 各人見到都即時食指大動！ 上湯焗加拿大龍蝦真好味！啖啖肉，好多汁，肉質軟嫩，鮮甜！ 醬汁惹味！非常新鮮！！ 聖子皇~ 蒜茸粉蒸，好爽！好滋味！ 今晚哥哥好開心！各人都食得好痛快！ 所以晚飯我地喜歡 幫襯"彩福集團酒樓" 啲小菜抵食又好味，真係冇得輸！ 食埋個鬆軟蓮蓉大壽包~完美又滿足！

今晚想正正經經地吃個中菜，所以我們就來到彩福！ 剛好彩福有龍蝦🦞節，龍蝦都係$88/斤，很抵食👍🏻👍🏻 我們點了龍蝦🦞伊麵，龍蝦一隻約1斤2，我們配了上湯伊麵，龍蝦幾新鮮、彈牙👍🏻👍🏻👍🏻伊麵都不錯，吸收曬d湯汁，很入味 清蒸沙巴龍躉，龍躉都是幾1斤重，這個重量最合我口味，因魚肉會嫰滑、甜 相對來說燒汁杏菇燜豆卜豆腐煲就失色了，燒汁唔夠突出，而且豆腐好像有點怪味，所以我們都沒吃太多！ 但總體也算不錯，酒樓的光線很充足，裝潢都很新淨，侍應也常常幫我們加水、收拾東西

講起食海鮮，一般人都會諗起鯉魚門和西貢，遊客更趨之若鶩，是指定打卡地點，那裡的海鮮雖然種類繁多，但價錢越來越貴，實在不是食客之福。其實吃海鮮，市區的海鮮酒家都有很多選擇，今晚來到紅磡國際都會的彩福皇宴。此處地方寛敞，人流不太多，店內的魚缸養着各式各樣的海鮮，非常悦目。此店現時推介龍蝦優惠，每斤$88，我們點了三隻，每隻一斤二两，三隻都是$300，相比其他海鮮酒家，起碼有七成折讓。龍蝦我喜歡開邊蒜蓉蒸，可以食到龍蝦的鮮美。其他小菜味道都不錯，尤以黑蒜涼瓜牛肉最有特色，甜品椰皇燉燕窩亦是此店必吃之甜點。人均消費$254，相當便宜的海鲜晚餐。

今日去紅磡探望朋友然後就一齊喺食埋晚飯，咁喺置富都會商場入面見到彩福皇宴，門口已經係好吸引人既粉藍色，令酒樓個格調更高😍 食物方面我就點左滷水拼盤，龍蝦同蟶子。 滷水拼盤方面，食物非常入味，豬耳嗰啲亦非常爽口，一碟非常不錯既頭盤。 而蟶子就好新鮮，大大隻再配埋蒜蓉粉絲，諗返起都想再食多隻🤤 最後就係龍蝦方面，酒樓方面都好細心，一早已拆定殼，令食客好容易就夾到肉唔洗整污糟對手，而味道亦相當好，非常超值👍🏻

今日去尖沙咀上完堂 爸爸咁岩都係附近 於是約埋一齊食晚飯 選了這家 — 彩福皇宴 食中菜 咁岩今晚依到有擺婚宴 店員安排左內房四人枱比我地 裝修華麗 走歐式風格 隆重有氣派 仿如置身宮廷之中 上湯加拿大龍蝦伊面 好有份量既一道菜式 一睇有一大隻加拿大龍蝦 大約一斤兩兩 龍蝦新鮮肉質彈牙 而且有分邊 方便食用 虎皮椒炒安格斯牛柳粒 安格斯牛柳粒牛肉香濃 肉質嫩滑 底下舖滿虎皮椒 唔會好辣 炒得十分香 好味道 蒜蓉津白 一上枱已經聞到陣陣蒜香 津白煮得好夠林 有濃濃蒜香 唔錯唔錯 同爸爸兩個人咁樣食到飽 埋單都只係$400 環境舒適氣氛又好 抵食呀

最近工作壓力有點大，一時興起，和同事決定午飯時段也要去飲啖茶、食個包，以慰藉辛勞的自己。 佐敦區附近的酒樓為數不少，選了這家比較少吃的彩福皇宴。早一天打去，午市卻早已滿座，要walk in。 也不知是好是壞，沒有訂座的我們，結果加班到接近中午兩時。帶著疲累和飢餓的身軀，決心一試這家好像很受收歡迎的酒樓。 整個大廳樓底很高，是一般辦婚宴的格局，感覺寬敞。被安排到一旁的位置，桌子也是很大很舒服。 食物選擇很多，點心、小菜、飯麵類應有盡有。午市有套餐提供，更有不少數款得獎點心。奈何眼闊肚窄的兩個人，只能選幾款最想吃的，其他留待下回再戰。 午市茶芥每位$13元，另有加一服務費。點心價格相宜，難怪滿滿都是人。 貴為得獎點心之一，原隻鮑魚燒賣皇($35)顯得份量十足，非常足料、划算。 海皇太子餃($28)，更堪稱是世界粵廚皇大廚得獎點心。外皮滑溜煙韌，饀料新鮮。 旋風黃金流沙包($30)，黑白旋風的造型，非常吸晴。用上竹炭粉製作的麵團，令外型更特別。流沙餡正好，香甜味美。 石鍋XO醬煎腸粉($45)。XO醬煎腸粉本身經已香口惹味，用石鍋奉上，更能保存溫度。熱騰騰的腸粉，三兩下就被清空。 安蝦鹹水角(小點/$17)，鹹水角這食物看似簡單，卻有意外驚喜。外皮香脆，又不失煙韌口感，確實抵讚。

每次嚟呢間彩福都會比個電梯迎賓位，同倆，張童話椅吸引住停低影幅相。總會幻想婚宴時啲親友會好想喺呢個位留倩影 由於龍蝦節尚在進行中所以我哋又嚟到彩福啦，開邊蒜蓉蒸，同上次一樣都係1斤2,但總覺得今次好肉啲，口感依舊彈牙，味道一樣鮮甜 另外點咗韮黃肉鬆菜脯帶子炒蛋---單聽個餸名就覺得有啲複雜，而且上枱時感覺個賣相都略為平凡，但食落又意料之外嘅夾，韮黃嘅香口嫩滑嘅蛋夾雜住咸咸甜甜嘅菜脯，鮮嫩帶子，最後又留有肉鬆嘅餘香，真係幾特別。 再睇反而家嘅三大優惠，忍唔住手已經揀左倆個分別係脆皮南乳雞同清蒸沙巴龍蠆，南乳雞外皮薄脆無多餘嘅油脂，肉質嫩而帶南乳香嘅肉汁，80分走唔甩。而清蒸龍蠆今次有啲過火，但一樣食淨棚骨。 海參花菇扣鵝掌---女仔一定要食啲骨膠原補吓，所以就點左呢個，三樣主要食材都炆得好入味，亦多霖身。 最後甜品點嘅係竹燕椰汁糕，甜度剛好為呢餐劃上完美句號

一盅兩件對於香港人來講，真係不可或缺的美食。今日相約了朋友到大埔飲吓茶聚舊。地點就㨂咗「彩福欣宴」，覺得環境寬敞舒適，檯於檯之間不迫，又不用搭檯，ㄧ邊嘆茶ㄧ邊詳談真係唔錯!
睇下D㸃心紙先……種類好多喎! 原來他們有幾款得獎點心，看來好吸引，等我叫幾款試下先。 芝心海皇千絲春卷 : 外面用米粉包住餡料，炸至金黃色，賣相好吸引，食落外脆內軟，裡面餡料有野菌、魚粒和芝士醬混合而成。野菌獨特香味，魚粒的鮮味，再混合咸香的芝士醬內，都真係幾夾。


原隻鮑魚燒買 : 鮮蝦豬肉燒賣上放有粒原隻鮑魚仔, 鮑魚仔鮮味，有咬口，蝦肉和豬肉餡料都好鮮味!! XO醬蒜香煙肉炒花生苗 : 由於我從未食過花生苗，所以在㸃心紙上見到此菜式已决定要試試。上檯後已傳來陣陣的蒜香和煙肉味，馬上夾起來試下，花生苗有D似極粗壯的大豆芽，莖部清爽多汁，頂部原來是粒花生，口感都像大豆芽感覺硬硬地，配上XO醬、蒜蓉和煙肉比較濃的配料來炒，濃淡適中剛剛好!
鮮蝦菜苗餃 : 將爽口鮮蝦和菜蓉餡料，包製成風車形狀，又好睇又鮮味。
時菜鯪魚球 : 大大粒的彈牙鯪魚球，原來用蒸的方法來烹調，都好鮮味!
鴨腳扎 : 好以這類舊式點心已不多見，特地㸃來壞舊ㄧ番。 鴨腳扎紮得好結實，用一塊腐皮包著一隻鴨腳一件芋頭和一件蝦膠。記得兒時常常跟家人爭食鴨腳，不願意食芋頭， 現在才知道芋頭吸收了肉的鮮味原來是最好食的。
竹燕椰汁糕 : 頂部透明層的竹燕爽囗，下層配上香濃椰汁糕，香甜嫩滑，不會太甜，食極都唔會厭。

此店有精美嘅點心，舒適嘅環境，加上合理嘅價錢，同朋友詳談，真係一個好地方。

同朋友一行四人去紅磡火車站對面商場食彩福酒家，點了四個餸 今天比較悶熱，還有一位朋友未到，先黎過鹵水拼盤開開胃再飲杯鮮橙汁 蝦球彈牙可口 銀雪魚也煎得香 這個煲最推介，蝦味肉碎通菜，菜很新鮮

一打開𨋢門就見到個走廊用大海的藍色作主色， 門口亦都有好多同花有關的佈置，係女生的大愛。場地冇柱位，甚開揚。我叫咗幾款得獎點心，雖然逢星期六日公眾假期每款要加$2，但都值得試。
原隻鮑魚燒賣皇 鮑魚仔彈牙，燒賣有好大隻蝦。芝士海皇千絲春卷 炸得幾脆又唔會好多油。旋風黃金流沙包 做到流沙的效果，入面係蛋黃餡。 另外又叫左春夏大廚滋味。魚香茄子炆稻庭麵煲 烏冬幾煙韌，口感唔錯，而且個汁係辣辣地，好入味， 不過茄子的份量太少。XO醬花姿煎藕餅 XO醬配藕餅真係一流， 蓮藕有略略咁煎過。 仲叫左其他點心甜品，款色甚多。潮式涼瓜燒骨腩煲 涼瓜好脆口唔會太苦， 燒骨好容易咬開入味。珍珠糯米雞 原來係珍珠雞，有三小隻，不過好足料，入面有蛋黃。瑤柱灌湯餃 大大隻，湯唔會太鹹。懷舊芝麻卷 分開咗六小件，有香濃的芝麻味。楊枝甘露 甜甜地透心涼。 星期六都有下午茶飲真好。

這家是小妹和家人常來的酒家，食物質素高之外，亦坐得很舒服，由於彩褔主要是用作婚宴用途，因此店內的裝修亦一絲不苟，近來彩福又推出一系列的懷舊經典菜及小菜，一於試試。
懷舊金獎叉燒 （例牌$118 ），這個叉燒口感非常腍身，溫度夠，醬汁調味得宜，發揮到這道菜的應有水準，不過可惜旁邊的蜜味豆是涼的，如果也能把它加熱，整體會更佳。
孖寶優惠（ $398 ）:半隻燒鵝王、清蒸老虎斑一斤。半隻燒鵝的份量十足，可媲美一隻雞的份量，外皮算是香脆，整體上肉質有咬口，唯獨是比較多肉的脾位肉質偏硬了一點，整體調味亦滿意，個人覺得真的不用老遠去那些乜記X記吃燒鵝。
這條老虎斑亦很大條，肉質鮮嫩，熟度剛好。
客家風味炆豬肉（ $118 ），這個豬腩肉非常肥美，亦很入味，這個客家風味是以雪、芹菜、花椒等去調味，十分惹味，不過小妹略嫌辣了少許。
海王櫻花蝦炒飯（ $113 ），這個炒飯炒得粒粒分明，調味相當恰到好處，加上櫻花蝦的鹹香味，能把整個炒飯的味道提升，而且炒飯還有其他海鮮，雖然不是什麼海上鮮，但口感還不錯。
另外不得不讚的就是這裏的店員服務態度， 十分勤快細心，希望他們能保持食物質素。