今日同個好耐冇見嘅朋友敘舊，大家都想坐得舒服又飲下啤酒，見到彩福皇宴啲啤酒咁抵飲環境又靚，所以就去左坐底。
因為大家都唔太肚餓，都係志在傾計同飲啤酒，所以我哋就係叫左半隻炸子雞送酒。彩福皇宴上食物嘅速度都好快，叫咗之後等五至六分鐘就已經有得食。隻雞都無令我地失望，好滑，個皮亦都好脆，同時又唔會油。我就中意點佢個豉油食。 至於啤酒方面，因為真係好抵飲嘅關係，我哋兩個人傾下飲下最後都飲咗成五六支枝，送住雞飲真係一流。
雖然食物試左唔多，但都食得出彩福皇宴嘅餸非常有水準，下次一定會嚟食過正餐是多啲餸！

彩福的中菜一向都很出色，坐得又很舒服，所以今晚我們就食彩福了 一坐低就見到個個都點龍蝦，原來彩福有龍蝦🦞節，龍蝦都系$88/斤，所以我們即刻點埋一份！ 我們點了一隻龍蝦🦞配了上湯伊面，龍蝦很大隻，都幾新鮮、彈牙👍🏻👍🏻👍🏻上湯伊面也不錯，吸收曬d湯汁，很入味 另外，我們都係魚精，見到佢地有優惠，清蒸沙巴龍躉$148，龍躉都是1斤重，魚肉夠曬嫰滑，淋上煮熟的醬油、蔥👍🏻👍🏻👍🏻 香氣十足 另外點了一個蒜蓉炒菜心$68，份量很多！ 可惜不是生炒，睇到菜係先煮熟，再淋蒜蓉！ 小左d鍋氣，不過整體都不錯！

今天在炮台山工作，收工已是晚上八時多，於是到附近國都廣場內的彩福喜宴吃晚飯。彩福集團旗下分店遍布全港九新界，這間我還是第一次到訪。距離炮台上地鐵站只有數分鐘路程，酒樓入口設於商場三樓，客人在接待處確認安排座位後便可從樓梯上一層或從入口處旁乘搭電梯。大堂十分寬敞，枱與枱之間非常闊落，我們被安排坐在旁邊的四人枱，坐下來感覺舒適，不會與鄰座相近。環顧四周，原來大堂也劃分了不同區域，另一邊還有一個內廳。因樓底也高，故感覺開揚。這邊廂有魚蝦蟹水池，有專人負責，目測水池十分清潔，海鮮非常吸引。小菜款式不少，我們一行二人要了兩款小菜後，並要了一些海鮮。，松子沙汁蜜桃青瓜蝦球 這樣道菜式十分醒胃，蝦球炸得微脆彈牙，混和沙拉醬及灑上松子點綴，配以清新口味的青瓜和蜜桃，值得一讚。南非十頭活鮑魚（果皮蒸）2隻 眼見南非十頭活鮑魚才只是$38/隻，我們選擇了以果皮蒸的做法。鮑魚十分新鮮，彈牙有嚼口，連同果皮一起吃，又多添一份甘香味道。蒜蓉粉絲蒸大元貝（2隻） 大大隻的元貝以蒜蓉舖面清蒸，粉絲吸收了海鮮味道，跟元貝一起吃非常入味。荷塘蔥菜南瓜蒸斑球 廚師把厚切的班肉放在南瓜片上，下面鋪着一大片荷葉，再把薑蔥放上一起清蒸，吃時除了欣賞魚鮮，還聞到清香味道。滋養桃膠燉紅蓮 飯後拍擋話已非常飽肚，而我看見吸引的甜點又怎可放過，於是要了一份桃膠燉紅蓮，想不到連這道甜點也發揮了水準，桃膠十分軟綿，龍眼肉鮮甜，整體甜道適中，清潤滋養。 整體而言，無論地點、環境、服務和食物質素都有一定水準，拍檔話下次要再來嘗試其他海鮮呢！

到銅鑼灣與幾位舊同事聚聚舊，這區域一如既往般的熱鬧，食店立林什麼新派美食都有，今天約會的是長輩同事，還是選擇中式的較適宜。
一於是就在皇室堡九樓*彩福皇宴*
訂了位。最近約會朋友，家人都喜到*彩福*因爲食物味道保持到水準
。剛好最近彩福集團正在做龍蝦節
，每斤88元非常抵食！還'記得他們愛吃海鮮，相信一定會令他們滿意
！
第一次光顧銅鑼灣店，這雖然樓底比較 矮，但冇柱位感覺地方闊落環境裝潢優美還有街景，不錯的選擇！




很多經濟抵食小菜推介~


點了上湯焗龍蝦加伊麵底，蝦肉爽脆彈牙，伊麵吸收了蝦汁精華鮮甜爽滑！蝦味濃郁！

啖啖肉！質素依然！食得很痛炔！

蒸沙巴躉，肉質嫩滑，時間 拿捏得剛好， 謹謹熟！

南乳吊燒雞1/2隻~
燒得皮脆肉嫩，沾上南乳醬汁更加美味！
各人都很滿意今晚的小菜晚飯！

幾丁友玩即慶，朋友介紹石門彩福，又來一試。7pm 到已有七，八成滿，似乎平日都多人棒場客。 見門口做$88斤龍蝦，問清楚係逐隻計，當一斤二兩一隻，伊面底另加$30。就叫了龍蝦(上湯伊面底)加一個小菜套餐。 好快就上菜，先來龍蝦，幾大碟，新鮮，味道不錯，不過龍蝦開邊上，三個人分有D論盡。 小菜套餐有三個餸，叉燒拼海哲，一般貨色，叉燒偏瘦，略咸。 瑤柱野菌浸菜苗，其實係浸白菜。這個反而偏淡口，但份量夠多。 篜老虎班，新鮮肉嫩。 我地加了杏汁燉椰皇。 這個返而有驚喜，杏汁香，椰肉多又甜，聽侍應講唔係時時有的。 快閃一餐。石門好似多咗好多食嘢的地方，有機會再來搜索下。

剛好朋友生日請佢飲茶, 來到佢番工石門附近, 彩福都有幾間, 且都夠大多人食, 所以就決定去呢間~ 佢點心都幾多款式選, 不過我同朋友都食不多所以就專點朋友中意食既。 佢點左紅油抄手, 抄手啖啖肉, 汁就配合香港人口味唔係太辣, 不過不失。 然後我點左豆腐, 呢個都不錯, 豆腐外邊既炸皮唔係太硬,又唔會太厚。呢樣都幾考功夫。 再點左個墨魚餅, 加左粟米蔥都煎得幾香口, 咬落都彈牙唔會好淋。 例牌飲茶梗係點蝦餃同燒賣啦, 蝦餃皮唔太厚,幾薄下裡頭蝦好多, 幾好咬。燒肉都係啖啖都係肉, 水準都還好, 不會令人失望。

彩福集團旗下多間分店，在港開業多年，最為人津津樂道的是每年在四至八月，晚飯時段，都會推出優惠價龍蝦給食客，和其他海鮮酒家比較，價錢足足平了一倍有多。今天和太太來到佐敦分店晚飯。我們點了兩隻龍蝦、一條沙巴龍躉和一碟勝瓜百合炒鮮淮山。龍蝦新鮮，開邊蒜蓉蒸，火候控制恰到好處，龍蝦肉鮮甜嫩滑。沙巴龍𧄌雖是養殖魚，但魚肉鮮嫩，一斤二兩重祗售$148，認真益食家。勝瓜百合炒鮮淮山，鑊氣十足，雖清淡，但營養價值高。最後來個椰皇燉燕窩，亦是此店必吃的甜品。

今日同朋友兩個人去左食彩福皇宴，因為見到佢有個龍蝦嘅優惠推廣，一隻都係88蚊，非常吸引。其實佢呢個龍蝦係可以配伊麵或者其他麵底，但因為我地得兩個人，所以就無加配麵底。   我地叫左一隻龍蝦同一個冬瓜盅。龍蝦嘅整法我哋揀咗用芝士焗，芝士味非常濃郁，同時又唔會蓋過左龍蝦嘅鮮味，龍蝦非常厚肉，肉質好爽口，食得岀係十分新鮮。呢個龍蝦性價比真係超高，下次多啲人嚟食，一定會叫多幾隻同埋試佢個伊麵！   至於冬瓜盅，我地兩個都認為係不過不失，不過食完隻龍蝦再食個冬瓜盅，都覺得個冬瓜好清甜。 整體而言，彩福皇宴嘅餐廳環境非常舒服，裝修亦都好新好靚，大家都可以趁佢個優惠推廣仲有嘅時候去試吓。

早果排去過大埔間彩福食晚飯 食物質素真係好好 所以出開紅磡就去紅磡彩福食晚飯 試試係咪彩福出品 必屬佳品
去到紅磡分店第一個感覺係 個場真係好靚好優雅 全場都係我最愛既Tiffany Blue為主調 難怪彩福另一賣點都係做開喜宴租場 唔會比係酒店擺失禮 當日嗌左兩款特價小菜+兩款正價小菜 蒜蓉蒸龍蝦粉絲底 新鮮鮮甜 肉質夠扎實彈牙爽口 粉絲吸哂d汁超好入口 炸子雞 即叫即炸 熱辣辣 皮脆肉嫩 啫啫薑蔥蠔煲 用既係大桶蠔 啖啖肉 椒絲炒生菜 炒得夠香 生菜入口仲好爽脆 兩個人埋單$413 飽飽 滿足!

今晚小弟和家人外出吃飯酒家，銅記彩福是我們飯堂之一，不但食物出品好，環境又寬敞，，由於彩褔主要是用作婚宴用途，因此星期六日晚市常被人包場，因為來之前最好先查詢一下。 彩福最近推出一系列的懷舊經典菜及小菜。   孖寶優惠（ $398 ）:半隻燒鵝王、清蒸老虎斑一斤。半隻燒鵝的份量十足，可媲美一隻雞的份量，外皮算是香脆，整體上肉質有咬口，唯獨是比較多肉的脾位肉質偏硬了一點，整體調味亦滿意，個人覺得真的不用老遠去那些乜記X記吃燒鵝。   這條老虎斑亦很大條，肉質鮮嫩，熟度剛好。 懷舊金獎叉燒 （例牌$118 ），叉燒肉質很腍，醬汁調味恰到好處，為出色叉燒，旁邊的蜜味豆更為這道菜式加添了不少分數，這兩種食物很有化學作用，且均為小弟的至愛食品。

今日放假去到尖沙咀，突然間心血來潮想飲茶,但係依家想搵間似樣d既酒樓都好難,醒起同事講過近尖東果邊有間彩福皇宴都唔錯,於是就走去試下。去到見到環境都相當之唔錯,乾淨企理,派頭唔錯，擺酒一流。坐底左就叫左個自選三寶,胡椒豬肚湯,砂鍋雞柳炒烏冬及白焯生菜,另外叫左海螺片雞扎,竹笙高湯鮮竹卷同埋薑汁雞包仔。胡椒豬肚湯好重胡椒味,好惹味,豬肚洗得好乾淨。砂鍋雞柳炒烏冬即叫即整,熱辣辣,雞柳同烏冬非常入味。海螺片雞扎,雞夠滑,魚肚夠淰,非常好味。竹笙高湯鮮竹卷足料夠入味。薑汁雞包仔夠哂熱辣辣,軟淰淰。

之前食過彩福集團旗下嘅中菜廳，覺得水準唔錯。主要係海鮮收費又唔貴，所以間中都會嚟食晚餐。
今次叫了蟶子皇，$42隻，揀咗蒜蓉蒸，聖子好新鮮，好大隻。蒸得啱啱好，好正！ 仲有必點的蒜蓉開邊蒸龍蝦加埋粉絲，龍蝦非常新鮮，份量亦有一斤幾，肉質鮮甜，加左蒜蓉食落口真係好惹味。 四川大蝦球，有好多豆，蝦球就唔算多。不過唔係好貴$105，味道也不錯。

呢度環境真係幾靚，樓底又高，服務都好快。茶介要$15一位，晚上7點幾都已經好多人，人多可能book 位穩陣啲。

早上到北角彩福飲茶，接待處的等候座位已坐滿人。還好的是等了五分鐘左右便有細枱。要了壼香片，比起平日叫普洱好些，有點茶香味。 义燒包，包皮不會粘口，熱吃包汁流出且適中味美，义燒夠腍。 魚肚蒸雞，三大嚿魚肚，兩大嚿雞件再加兩片冬菇。魚吐爽口腍滑有味，雞肉帶點雞油膏很滑溜。 早市自選孖寶$34，點了鮮竹卷和鳯爪排骨飯。鮮竹卷，鮮竹煎後再蒸，內有蝦、豬肉、芹菜等，軟腍得來有𡁻口。 鳳爪排骨飯，排骨帶點肥肉吃來滑腍，豉汁鳯爪也爽腍，米飯蒸得適中。 二人吃了共四個點心，加茶錢十一點半前埋單$107。

「彩福皇宴」是非常值得一試的酒樓，其走大眾化路線，晚市價錢划算，份量亦大，由於有著婚宴、宴會的定位，所以配傭婚宴裝潢，環境甚為優美，以一般酒樓的價錢有著婚宴裝潢的環境，性價比相當高。 「彩福」於晚市推出不少優惠菜式，當中最受歡迎的是$70元半隻的脆皮南乳雞，亦有不少$78元起的又大大碟的小菜。 脆皮燒鵝皇 ($240/半隻): 雖然彩福的皮片鴨($288/隻)及脆皮雞($70)很便宜，但友人想吃燒鵝也沒辦法，燒鵝大小適中，不會太瘦，皮脆肉嫩，鵝油豐富，味道還不錯。 中式牛柳條 ($90): 雖然經常說牛的價錢貴，但餐廳絕不吝嗇，整碟也是滿滿的牛柳條，肉質幼嫩而有肉感，甜酸汁濃度適中，味道不錯，性價比很高。 四季豆野菌炒鳳凰蚌 ($76): 基本上四季豆炒甚麼也好吃，比起上海式的先炸後爆炒的四季豆，清炒較爽甜，油膩感較低，珊瑚蚌亦爽口彈牙。

每一次比賽前，都會約班隊友聚一聚食個晚飯，當然順便傾下計。搵一間餐廳傾計，都有少少學問，要搵一間坐得舒服又靜嘅餐廳係有啲難，而彩福坐得係舒服😌。 金裝潮式滷水拼盤，種類有豬耳，鵝翼，雞腎，豬耳好爽脆，鵝翼好入味，雞腎軟硬剛剛好。 四川大蝦球，蝦肉好爽口彈牙，一啲都唔梅，酸酸地好醒胃。 彩椒菠蘿咕嚕肉，咕嚕肉唔肥，炸得剛剛好。 香煎銀雪魚，煎得剛剛好，魚皮煎得好脆口，再加埋個醬，真係冇得頂。 啫啫肉碎蝦干通菜煲，好香，啫啫味超正 脆皮燒腩仔，個皮好脆，肥瘦度剛剛好。