啲野好油 琴日嗌左個香菇炒雞 超級油 肉燥飯都係勁油 每一口都係油 間野近年愈加愈貴 有次仲一次加成十蚊 無奈廣源冇咩餐廳 自己教會係附近 焗住去食🥲🥲 間野獨市咁濟 但真係又貴又難食 今次食完仲腸胃炎 應該唔會再食 希望佢快啲執 咁就唔使再食 服務差 本身佢話附老火湯 前菜 根本冇上到 服務員態度又差 個朋友嗌大碗飯 店員突然話冇豬軟骨 個朋友想改兩餸 個店員勁唔情願 餐廳選擇極少 天氣熱想食啲有湯清淡啲嘅野 佢啲麵全部好濃味 啲雞同牛都唔好食 嗌唔落 之前有湯飯 而家冇晒 成個餐牌都係啲勁油勁多油勁濃味嘅野 唔知點再幫襯

今日去開廣源探朋友，朋友帶我去咗廣源市場嘅一間串燒店，完全係勁抵食！質素更加令我有啲意想不到咁高😍 一去到見到個價錢，$100/10串！相信好耐都冇見過呢個價錢嘅串燒，我點咗好幾款返屋企慢慢試，牛舌，五花腩，豬大腸，雞軟骨等等都係我最愛！必點！仲有大大條嘅台灣腸！以前喺台灣成日都要食，見到就梗係唔會錯過啦😍我極度愛燒蠔，所以叫咗兩隻試下😍（$28/隻其實都好抵，蠔係勁大隻😍）串燒仲可以自選辣度，有唔辣/小辣/中辣/大辣/魔鬼辣，客人可以按照自己喜好去揀選 所有串燒都係即叫即燒，仲有得隔住玻璃窗望住店員即刻燒！衛生程度相當好啊👍🏻所有嘅飾物都係即時烹煮，所以要耐心等候 餐廳門外有餐具同醬汁自取，可以按照返自己嘅需要去拎，醬汁有兩款，一款係泰式酸辣汁，另一款應該係沙嗲醬 食物味道勁香，由於係外賣自取返去食嘅關係，我拎緊嘅途中已經聞到陣陣香香嘅串燒味😍 燒蠔既味道鮮甜，無沙無蠔殼碎，好食，而且大大隻，加上好香蒜蓉味👍🏻好厚肉juicy 👍🏻 雞腎，牛舌都爽口彈牙，牛舌，我個人嚟講幾推薦，厚薄度適中 豬大腸清洗乾淨冇異味，煙靭好食 燒牛丸真係好貼心咁一分為二，可以俾我慢慢食，唔使一粒一粒咁咬入口慢慢咬😍 基本上整體嚟講，都係孜然口味，個人嚟講就唔使太點醬汁，都已經夠晒味道！呢個價錢嚟講，簡直係抵食！有機會真係想再食😍

前排好想食啲惹味又香噴噴熱辣辣嘅串燒，去咗呢間係廣源市場裏面嘅——🌟串燒兄妹🌟外賣咗啲串串返屋企食，佢地嘅串串款式選擇都幾多下，仲有得揀辣定啱辣🌶佢哋係即叫即燒，不過等咗一陣已經有啦🤩除咗串串燒物，仲有燒生蠔🦪可以點，燒生蠔仲要係即叫即開，確保辣鮮🌟 拎返屋企途中聞到全部都勁香嘅串燒味，好吸引💓生蠔蒜味重，好多惹味嘅蒜粒係面頭，而串串就有好香濃嘅孜然粉味，熱辣辣咁食勁惹味呀🔥我覺得做助酒小食都唔錯💕下次再想試埋佢其他😋 ._.

朋友話唔想煮落街買外賣…咁就行過附近既廣源市場買外賣 呢度格局好似food court咁…有好多唔同舖頭…車仔麵…焗飯…粉麵乜都有。不過朋友話暫時就無得堂食 今次主力食串燒…就黎左串燒兄妹買…朋友話呢度抵食又好味…我地不停點左好多野…見到人地買燒蠔個樣唔錯又點左4隻試下 台灣香腸 豬腩肉 五花腩肉 花枝丸 魷魚鬚 豬大腸 豬頸肉 雞腎 麻吉燒 牛丸 雞軟骨 燒蠔 落單等左10幾分鐘就有得攞…無聊睇下師父燒野…個做法好川式燒烤…正 開飯…味道又真係好川式…調味有孜然粉…辣粉…佢地都有跟沙爹同泰式醬…不過我覺得本身調味已經夠味 咁多款野最鍾意佢地既豬腩肉同五花腩肉…見到兩款都帶肥…所以真係唔識分邊串打邊串…不過兩款都燒得好味…脆脆地又唔會太乾…加少少肥其實最正 另外麻吉燒都好味…估計係魚蛋既朋友加d糯米滋餡…幾特別 雞腎都好味…好爽口 豬大腸又唔錯…夠肥美…最緊要唔會有枕味 最後講下燒蠔…蠔身都幾大隻…唔會燒完幾左奀chik chik…生熟啱啱好…配蒜蓉好味…不過…如果再加d蔥同辣椒就完美… 其他野食都唔錯…加上價錢好抵食…如果行開附近可以去試下…佢地有電話可以落單先…咁就黎到就有得攞… 我就補多個車仔麵同焗飯🤣🤣🤣🤣 溫馨提示：如果揸車的話…個停車埸好窄🤣🤣…小心會拉花

😌即刻去屋企附近嘅廣源市場，
$100任選十款串燒😍~
羊肉、豬腩肉、五花腩片、豬頸肉、豬大腸、日本麻吉燒、台灣原味腸、魷魚鬚串、牛舌、牛肉、雞肉........✨任你揀啊！即叫即燒，孜然口味，
有得選擇辣度~  自己仲可以外加沙爹汁、泰式酸辣汁🥰~不得不提就係佢地店舖推介蒜蓉燒即開生蠔（28元/隻）
🦪現場即叫即開生蠔，原汁蒜香燒，
好juicy厚肉，蠔味濃郁，惹味🤤🤤 深夜食堂落街掃咁就最滋味啦❣️ 開到1am🤣🤣

廣源街市好多好野食，有唔少店舖都開得比較夜，其中呢間串燒店開到1:00，岩哂要食宵夜🌃嘅人 叫野食係填紙仔🗒，都幾多選擇，可以係窗口睇到曬串好嘅串燒 ⭐️叫了$100 10串👇🏻，小辣🔥 豬腩肉🐷、豬大腸、烤煙鴨🦆胸、魷魚鬚🦑串、日本麻吉燒、羊肉🐑、牛舌、五花腩片、豬頸肉、雞腎 一聞落去好香孜然粉香味，咬落啲串燒唔會好乾，特別肉類仲有肉汁彈牙，超級推介豬大腸、羊肉、魷魚鬚串、麻吉燒👍🏻👍🏻 可以自己另加泰式酸辣汁、沙爹汁，但個人覺得食物本身調味已經好足夠，唔洗加都得 ⭐️蒜蓉燒生蠔🦪 勁多蒜🧄，愛蒜之人十分滿意❤️，會感受佢嘅辣味，而生蠔又唔會好細塊，蒜唔會蓋過生蠔嘅鮮味 想堂食都有提供少少位置，但大多都外賣 雖然店員有提醒因即整要啲時間，但店員都好快手整好啲食物

屋企小朋友食過串燒後就愛上了，今日上OpenRice發現沙田廣源商場有間叫串燒兄妹，睇相同comment都唔錯，就等我小朋友學野期間買外賣番去加餸。由於第一次食就樣樣都叫一兩吋試吓，全部即叫即燒，如果即刻食辣辣應該好正，因為一拎上車啲味已經搞到啲小朋友口水都落晒出黎。 小朋友一致話司華力腸最好食，外皮夠脆。 日本麻吉燒，中間好似有啲連到煙煙銀眼都好食。 我就話燒生蠔夠多蒜蓉好香，而且一啲腥味都冇。五花腩肉同羊串都唔錯。 老公就話燒豬大腸同魷魚鬚串好正。

大隻仔今次覓食嘅店舖就係 💥 串燒兄妹 💥 大隻仔朋友屋企樓下嘅串燒店，位置喺廣源邨街市入口既熟食廣場內，餐廳開到凌晨一點，半夜想食宵夜既最好選擇。 $100就有十串串燒，真係好抵食，所有串燒即叫即燒，大概等候10分鐘就有得食。 多達30幾款串燒自由配搭，辣度仲可選唔辣、小辣、中辣、大辣、魔鬼辣。 ⋯⋯⋯⋯⋯⋯⋯⋯⋯⋯⋯⋯⋯⋯⋯ 5⭐️ 超班 3⭐️ 一般/正常 1⭐️ 差 味道 ⭐️⭐️⭐️⭐️ 抵食 ⭐️⭐️⭐️⭐️⭐️ 服務 ⭐️⭐️⭐️⭐️ 環境 ⭐️⭐️⭐️⭐️ ⋯⋯⋯⋯⋯⋯⋯⋯⋯⋯⋯⋯⋯⋯⋯⋯ 🔥 蒜蓉燒即開生蠔 $28/隻 即開生蠔好新鮮，夠大隻，肉質鮮甜肥美，鋪滿調過味嘅蒜蓉，非常好食，而且價錢唔貴，值得推薦。 🔥 自選串燒 一串$12/ 五串 $55 / 十串$100 一打開個袋炭燒香味飄晒出嚟，即刻流晒口水。 燒烤嘅時候，姐姐會加入孜然粉、椒鹽粉、辣椒粉，所以每串串燒都好香重慶燒烤味道。 串燒唔會燒到好乾好柴，保留到肉汁，灑上味粉，非常滋味。 左至右順序： 1）牛舌：肉嫩軟淋，醃得夠入味，帶少少爽口。 2）豬頸肉：超級好食，必食之選，非常爽口，肉質鮮嫩，仲要好多油香。 3）雞肉：保留到肉汁，唔乾唔柴。 4）豬腩肉：肉質偏實，但好入味。 5）雞腎：好食，爽口彈牙，而且係厚切。 6）五花腩片：薄切，醃得夠入味，帶少少油香。 7）日本麻吉燒：厚身魚蛋包住麻薯，麻薯好好食，Q彈唔會硬。 8）魷魚鬚串：似街邊檔燒魷魚乾嘅味道，但比較有咬口。 9）八爪魚串：爽口唔會韌，而且好大件。 10）台灣原味腸：推薦，燒到啱啱好，外皮脆肉嫩，好食。

到黃泥頭探望朋友，臨走時有啲餓就走入廣源市場，即刻見到近門口呢間小店—聞心記，食物都幾啱個人口味，就決定試下～🥰 🐥嫩雞胸濃雞湯飯$40 門面大大隻字寫住「濃雞湯」，食過就知確係貨真價實👍🏻首先份量冇得輸，一碗足夠兩人分享，滿滿飯粒唔會太軟，泡於湯中口感依然保持有咬身🍚。配料方面有菜有鹹蛋，重點係嫩滑雞胸，簡單用黑椒醃製過，單食都有肉汁，雞味仲好出。最值得一讚係個湯頭，估唔到完全唔鹹零味精味。雞味簡單得來相當濃郁且新鮮，另外有種油香混和係當中，就算唔係撈飯，伴菜亦十分滋味😋絕對可以係健身、減肥、老幼人士之選！ 🐂炆牛肋肉（淨食） 味道方面好特別，有種獨特香料嘅味，相對雞食有層次，比較適合喜歡濃味嘅人👍🏻。牛肋肉肉質軟腍，份量亦不少，有適當嘅脂肪而唔會過膩。最正係肉汁豐富，撈粉麵都好夾，會帶俾人一種滿足感。 另外小食都挑選咗兩樣，性價比不錯🌟先係碗仔翅，大大碗好夠香滑，配料唔算太多但經已有齊，例如：木耳絲、粉絲、腐皮絲等。食落感覺同坊間唔同，了解過先知原來用上雞湯製作，果真用心，用料亦好上乘💯 壓軸出場係腐皮春捲，外面好少見，決定一試。佢利用咗腐皮包住啲魚肉，手勢都唔錯捲得幾實中間冇鬆開，唔會見到有通窿。魚肉方面食得出鮮味十足，味道係最濃最鹹，好夠惹味，送酒就最正！🍻

串燒｜串燒兄妹 ｜沙田 $12@1 $55@5 $100@10串 價錢好平！ 可選辣度 有唔辣/小辣/中辣/ 大辣/魔鬼辣 即叫即整 熱辣辣 調味啱啱好 唔會太淡太咸 配酒一流🤍 ————————————— 🫶🏼 蒜蓉燒即開生蠔 $28 超級新鮮同大隻 肥嘟嘟 好鮮甜 上面仲有勁多蒜 食落口好幸福 必食！ ————————————— 🫶🏼 串燒 - 肉類 -牛肉 -五花腩片 -豬頸肉 -豬大腸 -雞腎 -雞肉 -魷魚鬚串 整體 肉質鮮嫩 燒完都唔會勁硬勁乾 而且唔會太油 仲會有啲部分燒焦咗 好香口🤍 份量都算多 ————————————— 🫶🏼 串燒 - 丸/腸類 -日本麻吉燒 外面爽口 入面煙韌 口感豐富 -台滑原味腸 好juicy 燒完唔會乾 ———————————————————————— 📍沙田小瀝源路68號廣源邨廣源市場地下S-KY14號舖 ———————————————————————— Overall 💗💗💗💗 #串燒 #沙田 #沙田串燒 #香港 #food #delicious #hk #hongkong

夜麻麻當然係要食串燒呢啲邪惡野 係廣源呢個山頭 雖然有間24小時M記 但已經食到厭了🫥見最近開左間新既串燒就怒試一波！ 佢既Style應該係行內地個種既串串（？）比較重調味 好多粉 食得多就腎有事 不過間唔時都食一兩次都死唔去既🤣🤣🤣 佢價錢睇落都算抵 買得多仲平啲 我今次就只係叫左$55 5串試下 仲叫多左個「大腸包小腸」 串燒方面 我好欣賞佢既菠蘿🫵🏻好大條 仲要無皮 雞肉比較乾 唔太好食 雞髀菇成舊上 足料！ - 本篇食評重點來了 佢既「大腸包小腸」真係驚為天人（可能我見識少） 我就以為$18 叫到台灣個種糯米腸+台灣腸 好抵食喎 即刻叫黎試 點知！原來係圖中既「豬大腸包住廚師腸」我真心嚇親 但味道無話好難食 普普通通啦 只係我覺得好驚奇 想挑戰下既可以叫黎試下 funny

沙田美食攻略/廣源商場美食攻略2023
呢度係山上屋村既商場,街市
入面有好多野食,有條街幾間小食店
平靚正,主打串燒專門店,只做外賣
呢度做緊優惠$100/10串,仲有海鮮,肉丸等選擇,又麻又辣,醬汁惹味香辣
有牛舌片,脆脆爽口,好食,台式肉腸夠大條
仲有牛丸,蔬菜,魷魚,韭菜,送酒一流!!
岩曬而家凍凍地用黎做宵夜!好抵食
即叫即燒有水準
$100消費 @串燒兄妹 #串燒兄妹
沙田小瀝源路68號廣源邨廣源市場地下S-KY14號舖
Shop S-KY14, G/F, Kwong Yuen Shopping Centre, Kwong Yuen Estate, 68 Siu Lek Yuen Road, Sha Tin

雙奶麥皮+魚柳煎蛋+餐飲 $38 餐飲+$5 轉左奶茶紅豆冰 ****************************** 耐唔耐就會過黎廣源食下早餐 早餐order去到11:30am 可以當brunch食👍🏻 麥皮有兩款選擇 一款係純麥皮 一款係雙奶麥皮 無甜不歡嘅我當然揀左雙奶🤭 好夠甜唔需要再另外自己加砂糖👍🏻 魚柳新鮮滾熱辣即炸 脆卜卜😋 最正係杯奶茶紅豆冰 奶茶味濃郁 紅豆份量唔度縮 好味！ 食完好飽好滿足🤤

今日在沙田的廣源市場買下野，突然聞到很香的燒烤味，原來這個街市有一邊是有幾個熟食檔口的，其中一間是專賣串燒。雖然細細間，但款式都不少。 一於外賣點回家食。外邊放了很多裝好了的沙嗲醬和酸辣醬，還有餐具可供選取。點單時可選擇，唔辣，小辣或魔鬼辣。 我點了唔辣的串燒，有 -翠玉瓜（2） -秋葵（4） 蔬菜類燒得剛剛好，不會太乾。 -牛舌（2） -牛肉串（2） 肉質唔會太韌，有肉味。 -五花腩片串（2） -豬頸肉（4） -原條斯華力腸（2） -豬大腸（2） 沒有異味，內裏淋軟，很好味。 -魷魚鬚串（2） 串燒全部燒烤得味道香濃，不會太多五味粉，味道適中，是很好的小食。

睇完季前賽🏀 想親身參觀姜濤打工既麥當勞🍟 今日專程搭🚌🚌入廣源 唔係講笑 呢條邨好有特式 間麥當勞都真係幾靚🏠 但係山長水遠上到黎 我唔會食老麥咁傻瓜既😎 黎到廣源 一定係食朋友誠意推薦既👍🏻福記粉麵👍🏻 兩餸💰30 三餸💰37 四餸💰44 每款送都放哂出黎 樣樣都好似好吸引咁 選擇困難症又要發作喇😵‍💫😵‍💫 個麵底揀左 米通粉🍲 出面好少見 只係好耐之前係譚仔早餐食過一次 終於有機會再食到😌 米通粉口感煙韌 中間灌滿湯既精華 💯正 ⏩️雞扒🐓 超級大塊 仲要原塊咁上 懷疑鋪頭有無錢賺 雞扒仲要醃得好入味 ⏩️麻辣肥牛🐂 會連住金菇一齊上 牛肥又係勁入味 ⏩️豬頸肉🐖 份量真係唔講笑 係咪見我肥 驚我唔夠食....🫠 $37仲要配埋🛑可樂 真係無得輸👍🏻👍🏻👍🏻👍🏻👍🏻 份量超足 味道一流 十年前既價位 入得廣源必食之選 回頭指數爆登