之前喺中環見到呢間餐廳，一直未有機會試著，今日boxing day諗住同屋企人食間有水凖又穩陣嘅西餐，於是楝左「來佬餐館」諗住差極有個譜。餐廳環境ok, 五個人坐卡位都算闊落，懷舊裝修又感覺舒服。點左兩個龍蝦餐，再散叫黑松露薯條、威靈頓牛肉、肉醬意粉。 前菜：火雞批，凍嘅，個皮做唔到酥脆效果，一切就分開曬又淋曬。 湯：龍蝦湯、黑松露菇湯，味道幾好。 主菜：西冷扒，六成熟，冇特別，亦冇牛味。 主菜：白汁蟹肉意粉，呢個最正常，蟹肉唔多但意粉質地煮得幾好。 黑松露薯條：全晚最好食嘅野，唯一安慰😆 威靈頓牛：完全出事，呢味心機菜如果冇信心，我建議不如唔好放入餐牌，簡直係失望，牛肉全部係筋咬唔到，好似食緊一舊紅色膠，完全冇味，個酥皮亦失敗。 肉醬意粉：不過不失，可以唔試， 甜品：梳扶厘，正常之作。 整體覺得失望，唔會再幫襯，埋單$1600，完全唔值，好後悔浪費時間食左一餐咁令人失望嘅西餐，又再一次中伏，唔明點解openrice咁多人比like 😝

如果大家覺得食茶餐廳就只有ABC餐或者常餐可以來來愉景新城呢間試吓喎 叫自己做茶餐廳2.0菜式果然比較創新，有估你唔到嘅石頭鍋飯，西式千層麵，就連雪糕雞蛋仔都有。一般嘅常餐，晚餐ABC，懷舊嘅黑牛飲品當然唔少得啦！ 我鍾意試新野所以叫左個紅酒牛尾石頭鍋試一試，上菜果然係用石頭鍋，而且味道仲香噴噴，睇落好吸引。食到最尾都d餸唔會凍哂，真係有諗過嘅 入面大大小小都有成十件牛尾喎，最驚喜係炆得火候剛剛好。牛尾完全冇蘇味，有咬口之餘又唔會嚼香口膠咁牙較軟。肉同骨剛剛好分離而且肉質吸晒佢啲軒汁，白飯係另外上嘅，好快就清光光啦，因為呢個菜送飯真係一流餐牌有素食嘅選擇，呢個雜菜千層麵賣係有d普通但原來都唔差喎，真係用芝士喺焗爐焗過餡料有薯蓉茄醬紅蘿蔔等等，食落口感都幾豐富。嫌佢齋仲可以用牛尾嚟送，變咗自製牛肉餡千層麵呀😆常餐就可以選擇鮮茄牛腩通粉火腿蘑菇奄列即磨咖啡並唔係普通捷榮咖啡，似係來佬貨👍🏻哇哈哈哈！我嘅童年回憶黑牛，喺呢度都搵得返有雞蛋仔堂食都幾得意咁喎

在全球已有二千多間分店的Five Guys終於登陸香港🇭🇰！ 牛肉漢堡的確比同是過江龍shake Shack更好食，肉味更重。薯條辣味更是必試之選！加上任食花生，啱晒各位burger lover & 大胃王！

很多人以為造熱狗很容易，認為不外乎麵包加條腸，最多是表面擠點芥末茄汁，當你吃過用心製作的熱狗，或者可以顛覆你本身的想法。 大埔墟這間熱狗專門店已經吃過不下十次，每次我我選擇都盡量不同，除了想試不同的口味，想試的，還有店主的無盡創意。 店舖只有一個廚房，所以不做堂食，只做外帶熱狗，店主定期會推出新的熱狗口味，保證你每次經過都有新驚喜，而且忍唔住再幫襯。 我和朋友今天經過店舖，又一次不爭氣抗拒不到誘惑，再一次光顧了 招牌熱狗 熱狗加芥末茄汁早已吃悶，招牌熱狗上面先鋪一層秘製意式肉醬，外面再加上酸忌廉，頂層加入墨西哥脆片。忌廉的酸甜，與咸香的肉醬份外合襯，兩種味道係在口內自動補位，熱狗味道十分豐富。脆片卜卜脆，麵包烘得熱呼呼，熱狗腸外脆內嫩，底層上層都很有心機。 韓式泡菜熱狗 熱狗本身是來佬野，加入東亞國家的口味又幾特別。酸辣的醬汁加入了五花腩，上面又加上了泡菜，口感又吃到軟熟的腩肉、爽脆的泡菜，更有韓式辣醬的味道，很豐富！ 因為我們是叫套餐，每個餐跟一款小食，我們選了炸芝士捧和炸蕃薯條。芝士捧熱呼呼，外脆內軟，蕃薯條亦是熱騰騰，不乾。 好吃的熱狗不用到高級西餐廳，大埔墟也一樣吃到！

睇住 Five Guys 裝修咗十世都未開 😋 琴日溫書溫到好晏食番個 burger 差吓電都算冇虧待自己啦 😁 但香港食來佬嘢果然係唔平，就算係快餐店都係咁話 😛岩岩開張 Milkshake 仍未開售，但汽水就有得任飲，同埋門口有花生可以自己畢 Bacon Cheeseburger ❤️ ($95) 評分：7.5/10. 論味道其實都唔錯嘅 😀 條 queue 都郁得好快嘢食都唔晒等好耐 😙 技術都有其他平少少嘅漢堡款式但諗住一場嚟到食好啲 😗 呢個雖然其貌不揚，但勝在足料有成兩塊漢堡扒 😋 雖然唔太厚身但煎到岩岩好面頭少少香脆系幾特別 😍 雖然冇餐廳食咁 juicy 但同時亦都唔乾 🤤 另外 bacon 都係超級香脆唔硬，呢兩個位絕對係亮點 Little Fries ❤️ (+$35) 評分：5.5/10. 薯條唔系幾得，太鹹，啲鹽冇溶晒成日都食到人口寡寡。而且脆度位置唔到幾耐，唔掂

今日約左朋友係灣仔食飯，我地最近都好多鎖碎煩事，所以今日諗住食餐好啲嘅， 我就要負責諗下食乜。但灣仔呢區每逢lunch時間都人頭湧湧， 想搵間好啲啲坐得舒服但又唔係天價嘅餐廳一啲都唔易！ 上網search左一輪，決定嚟試來佬餐廳， 佢當日係中環開時我就一直想嚟試架喇， 但一直都陰差陽錯搵唔到機會， 今日佢搬到灣仔，我終於可以嚟試喇👍。 我訂了12：30pm, 可能附近啲人都放1：00掛，所以我到時都唔算多人， 不過到落完單之後就陸續填滿客人。 我想食飯， 所以點了濶佬雞蛋义燒飯，而朋友就要左份有得鋸扒嘅午餐。 餐湯是磨菇湯， 味道唔錯， 都認真食到磨菇蓉嘅。 呢個义燒飯果然係濶佬先會點， 事關價錢一點也不便宜，如果加錢要埋塊鵝肝就仲名貴添，好似我咁😝。 义燒的而且確好好味，肉質鮮嫩，味道適中，而且义燒件嘅份量亦算多，但米飯就較硬身同有點凍，太陽蛋就冇 理由會出事。另外加錢加嘅鵝肝，雖然質素同味道都唔錯，但乾爭爭咁上碗，一點油水或醬汁都冇，感覺有點差🙄！ 朋友嘅午餐牛扒 🥩烹調煎法都OK, 但牛扒肉味道偏淡口。 最後餐飲沒特別，咖啡有點差。 總括黎講這餐飯味道只屬不過不失，但性價比就有點低。

同朋友諗住來佬餐廳食d野先，跟住去睇戲，餐廳位置位於灣仔red MR，要上一樓，會先見到Red Mr reception,然後再轉右就會見到餐廳既招牌， 感覺上有少少好似位於red MR內既餐廳，餐廳外亦設有影相位置，亦放置左一部好耐無見既體重機， 入到餐廳，廳內裝潢唔錯，細緻簡潔，以白色墨綠色作主調， 店內主打港式風味，選擇亦唔少， 龍蝦濃湯，味道唔錯， 來佬汁炒牛河($108)，即是瑞士汁牛河，味道不過不失，牛河會有一碟余均益辣椒醬伴上，非常加分， 雪糕紅豆冰，紅豆未至於太棉，而且雪糕裏面都充滿冰粒， 陽光焗黑毛豬扒飯（$128），正常，豬扒好食，而且係炒飯底，但又未至於好驚艷， 來佬汁雞要翼（$88），呢個反而係最好食，雖然要等25分鐘左右，但雞翼滑而且個汁都幾好。 總括店內裝修唔錯，食物味道亦都算中上，而且staff都好有禮貌，係一個適合同朋友舒服坐底傾計食飯既地方，雖然店鋪位置都易搵方便，但開左係red Mr裏面略嫌有d隱蔽，有d浪費左間食店~值得再來~

依間多元化嘅餐廳走懷舊路線📽一入到去見到啲裝修走懷舊風，一打開餐牌原來有好多驚喜菜色😱咖哩野菜梳孚里幾特別，咖哩唔係配飯而配梳孚里🤔🤔變左個鹹嘅🤣但我自己就覺得都係配飯多啲😂利申 飯桶 / 而威靈頓66 牛好淋加上酥皮好夾🐮 / 另外，椰皇雪葩係特別菜單，因為menu上面無嘅，係經理走過黎問我地有無興趣！🥥真係原隻椰子嘅雪葩，好好食！ 唔係睇咁好似好heavy菜單上仲有素食揀架！ 好食指數：😋😋😋😋（5個😋為最高） 抵食指數：👍🏻👍🏻👍🏻👍🏻（5個👍🏻為最高）

今次試$468的2人餐 (原價$568，Openrice訂座平$100) 餐湯，前菜x2，主菜x2都有得揀。 餐湯：黑松露湯：creamy，味道適中，配一片香軟蒜蓉包，開胃。 前菜1：田螺焗薯：4隻田螺，配焗到香脆的薯蓉在底，唔錯。 前菜2：來佬雞翼：4隻瑞士雞翼，是招牌菜。個來佬汁真係好好味呀！ 主菜1：焗魚：條魚比較薄的，無骨，幾入味，配少量菇和菜。 主菜2：焗豬扒飯：我食過最正的焗豬扒飯，豬扒好鬆軟，飯乾身一粒粒，推介！ 甜品：招牌梳乎厘：唔多講，呢個必食啦。 飲品：雪梨生薑圓肉茶(+$18/杯)：剛剛好，唔會好甜，薑都唔會好辣。入面有好多新鮮的圓肉，有薑有梨肉。午餐只係+$10就有得飲，想試晒全部呀，哈哈。 環境：餐廳很寬敞，燈光柔和，好啱談心。有懷舊的裝修，比較特別。 服務：逐道菜上，每食一道菜都換隻碟。職員有禮貌。鍾意每道菜都夠熱，證明係即製，有誠意。 利申：大眾消費者的真心評價，希望和大家分享。

來佬這個名字同「來路」這個諧音好相似，因為在六，七十年代香港引入唔少外國品牌，小時候經常聽成年人講「來路」這兩個字，由此可見，「來佬」既老闆對這個年代情有獨鍾，餐廳好多時播放五，六，七十年代英文歌曲🎷我好喜歡呀❤️亦有香港市民認識既垃圾蟲人形公仔，有相為證，我由中環食到去年2017搬到灣仔杜老誌道，誓要追隨🏃‍♀️因為大廚水準高👍隨佐廚藝高👍亦都要選擇食材方面了得👍亦感受廚師用心❤️去製作，其實香港真係越嚟越少「來佬」這類餐廳，我意思係有良心既餐廳，我付出咁多💰可成正比例，比足料，希望可以保持這個精神💪我相信都會，因為有好多次我去到「來佬」都見到羅老闆在餐廳裏面😍😍😍

呢到門口或食物都係好old school , 好懷舊 呢到食物價錢經濟， 唔怪得我一入到去， 就見到好多學生食飯😂 我簡了～來佬午寶 奶油豬+薯餅2件+蔥花滑蛋+雞扒+芝士撈通粉（$45） 奶油豬大大件👍🏻 芝士撈通粉，芝士醬好滑好濃 蔥花滑蛋雞扒飯+腸仔（$43） 還可簡意粉， 另外還可加一餸 大大份， 蔥花滑蛋， 濃濃蛋香又滑 元朗又有一好地方食野👍🏻🤗

午市要在旺角找東西吃， 要不就很多人， 要不就 要犧牲食物的質素 。 但這天和朋友 上到一間樓上cafe， 重點係環境坐得舒適而且午餐價錢也不貴， 也沒有很多人，不需要背脊貼背脊。 這間cafe叫做urban cafe。

午市已經包括沙律和飲品，也可加錢加配是日餐湯。 L5 49 田園野菌牛肝菌 忌廉意大利飯 牛肝菌意大利飯， 還未送到上枱已經香氣四溢，未食已經流口水了。 而且意大利飯煮出來的口感沒有太軟或變成糊狀， 火喉控制得好好。
L11 49 香草檸檬鯖魚配薯菜日式燒汁 鯖魚油脂豐厚、肉質鮮嫩。 以最簡單方法處理食物就是最好吃， 簡單香草微煎，就能吃出鯖魚的美味。 而且薯角的份量也很多， 非常滿足。
L13 瑪格麗特拉絲水牛芝士手工薄餅 食pizza我鍾意啲傳統簡簡單單， 材料唔需要多， 因為最簡單嘅薄餅先至能夠顯出餐廳有冇心去整。  而這裏的瑪格麗特薄餅，pizza 皮夠酥夠脆，番茄與九層塔散發出的濃濃香氣，  而且cheese夠晒 濃郁， 番茄微酸，美味不膩。

另外我們也叫了兩個甜品：

D4 法式焦糖燉蛋 材料 與做法雖然非常容易，但困難之處在於適當地控制火候。  所以這道甜品我最喜歡出街吃。 這裏的燉蛋燉得嫩滑，脆皮焦糖百吃不厭，出色。

D7  比利時窩夫配是日精選雪糕 這裏的比利時窩夫雖然是來佬貨，但仍然保持外脆內軟， 蛋味和奶味 平衡得剛剛好，單吃 窩夫 會吃到食材本身的味道，  但重點是 那一球oreo朱古力雪糕, 加上 雪糕 之後，賣相和口感又是另一層次， 比利時窩夫的暖和雪糕的冷, 簡直是味覺之感動。

雪糕棉花糖朱古力 20 雪糕球很大個也是oreo朱古力雪糕， 而且朱古力奶本身的味道也十分濃郁不會死甜，非常不錯。
宇冶金時 20 宇治金時， 綠茶味濃郁 ， 牛奶的味道也沒有蓋過綠茶的 甘甜 ， 而且整杯飲品沒有過甜，紅豆份量也十分多， 非常滿足。

而家周街開左好多拉麵鋪不過大部分都無日本既味道 以為係豬骨湯底就叫拉麵 但今日食完豚道樂 我咁講 係出色既日式拉麵👍🏻 離遠見到大紅燈籠🏮超易認 一打開menu睇飲品個頁見到勁大幅相寫住日本直送 見個包裝咁cutecute所以就嗌左😆仲嗌左細個飲親都好開心既波子汽水🥤因爲細細個個時都唔平 仲要係來佬貨🤣最後發現其實兩支都係波子汽水味haha! Wasabi拉麵 第一次見有wasabi湯底 所以二話不說叫左黎try下🤣第一下食唔會好攻鼻 不過食真啲就會feel到wasabi味 但佢只係通鼻唔係攻鼻到流眼水個隻🤣十分醒胃！豚肉夠厚同淋身 唔會鞋👍🏻 辛味味噌拉麵 日本既辣同麻辣好唔同 不過我都一樣鍾意！我食落就唔覺得辣 不過湯底夠濃 麵質彈牙！值得一提糖心蛋好味！鍾意糖心蛋既你 建議追加多一隻haha 平時食麵鍾意勁多配料咁食 所以加左牛油粟米！撈落麵食得 當小食咁食都得！ 炸墨魚咀 推薦👍🏻👍🏻好好咬 炸得香口鬆脆！配埋檸汁真係一流 份量岩岩好 唔會太多令人唔想食/食淨！ 總結 價錢同出面既鋪頭差不多 淨麵就$80左右 加配料就加十幾蚊 為返同出面既拉麵店差不多 既然同樣價錢 緊係食間有質素嫁啦😆

湯底多料到，又有花膠，😂我地未打邊爐個陣直頭當湯飲。 蟹籽墨魚油炸鬼係店家推薦嘅小食，開頭以為係要落落鍋整熟佢，原來就咁食就得，呢個得喎，面頭蟹籽卜卜咁，油炸鬼炸到好脆，一口落去口感特別正，點埋個醬就冇得輸 蝦勁大隻，兩隻手指咁粗，食落去勁新鮮彈牙。千萬睇住時間唔好過熟 響鈴唔係來佬貨，放落湯底滾一滾就食得，脆得黎冇出面陣舊油味，係比較新鮮嘅油炸。 唧唧墨魚麵係有料嘅，食到粒粒爽口墨魚質感，雖然佢唧出黎個下唔靚，但好食就得啦！ 蜆份量好多，雖然細細粒但冇沙勁甜 飲杯竹蔗矛根潤潤喉，見到裡面真係有竹蔗、紅蘿蔔😂姐係可以安心唔係用粉沖

是日與同事午餐，同事之前去了覺得不錯，所以我決定跟大隊去食~~~ 一入到去已經被裡面的裝潢吸引了~~~ 望著餐牌覺得價錢算是OK~~~ 蔥蛋瑞士雞翼蕃茄通粉~~~ 來佬奶油豬配薯餅，同事見唔夠燶，阿姐拎隻碟俾佢拎去再整燶少少~~~ 芝士撈通係配上面個奶油豬~~~ 而我就點咗吉列鱈魚柳飯，食蛋、一塊魚柳和飯都覺得飽，魚柳夠肉感，唔似去連鎖快餐店咁少肉，個飯有D唔夠淋，所以有扣味道分~~~ 雙層芝士豬扒意粉~~~ 我們成班人覺得有機會食唔晒，所以在餐前已經將一隻雞翼和一塊豬扒放在之前暫放奶油豬的碟上，再加埋我食剩的魚柳放入膠袋仔帶返OFFICE擺入盒帶回家當晚餐食~~~
整體感覺好好，期待D飯的軟硬度有D改善~~~