儘管香港係一個富裕城市，仍然有一群來自破碎家庭嘅小朋友需要別人的支持。聖公會聖基道兒童院（下稱為聖基道）正正為了關愛兒童及青少年而成立，為有需要的兒童提供住宿照顧及培訓機會。北角開業　給予年青人工作機會聖基道旗下社企「生活好點 Healtholic」為有就業困難嘅年青人提供工作機會，並選擇喺北角健康邨開業。「生活好點 Healtholic」於北角新開業，主要售賣健康天然產品。Earn & Learn　一齊邊學邊做「生活好點 Healtholic」以零售舖模式為青少年或其他弱勢社群提供工作機會，負責嘅社工說：「係一個『Earn & Learn』過程，畀機會佢哋邊學邊做。從銷售、管理、宣傳等，各個工作範疇中學習」，更坦言：「希望佢哋喺度咩都學到，將來出去做嘢更有競爭優勢。」社企資源有限，店舖大小事都由員工包辦。簡約清新嘅裝潢設計都係佢哋構思。員工可以喺舒服嘅工作環境，邊做邊學。先了解、後消費　買得更有意義唔少人誤以為社企有眾多資助營運，其實社企係要自負盈虧嘅，員工薪酬亦唔會比市面少㗎，你嘅一蚊一毫絕對幫助緊弱勢社群。此外，「 生活好點 Healtholic」更加行多一步，除咗提供工作機會外，同時希望照顧區內老人同街坊嘅健康。店內有好多天然食品選擇，鼓勵街坊食得健康。照顧街坊健康　引入天然食品．邀醫生辦講座店家選址北角健康邨，全因邨內老人家較多；北角區又有眾多愛快餐嘅上班族，深感區內好需要健康食品快餐資訊。因此「生活好點 Healtholic」由世界各地引入有機或天然食品，如有機米、日本即食蔬菜湯、天然果醬、100%天然果乾等，讓大家食得健康。平時更會邀請醫生、專業人士舉辦健康講座，有助區內老人家同街坊了解更多健康資訊。店內有售多款有機米，包括三色米、糙米、紅米等。獲USDA(美國農業部) 認證的有機美國果仁。店內亦有各款天然身體護理品。例如老人家、小朋友都可以放心用嘅全天然椰子油。好多皮膚乾燥人士都鍾意嘅Pure Paw Paw 澳洲萬用木瓜霜。工展會設檔　買得抵．更買得有意義除咗可以去北角支持佢哋外，嚟梗12月28至... 更多

呢間日式甜品店不時推出卡通甜品，不過今次居然唔係同卡通人物聯乘，而係同榴槤品牌合作，推出貓山王系列啊！用馬來西亞直送貓山王果肉製作多款日式甜品，必試貓山王Cremia新地！ 更多