香港人不嬲都好有口福，除咗各國美食五花八門，講到中菜更係數一數二。中菜特色在於：色、香、味、意、形，亦即「中國五味」。今期嘅「大廚招牌菜」嚴選咗3間餐廳，食盡四川菜、重慶菜同粵菜。 十二味（尖沙咀）    餐廳裝修以中國風為主，門口嘅大熊貓公仔同旁邊裝住唔同星座運程嘅百子櫃，非常有趣。夜晚仲有live band，好有氣氛。本著「令香港人都可以感受到正宗川菜嘅刺激感」，餐廳唔單止聘請來自四川嘅廚師，食材大多由四川新鮮運到。怕辣嘅朋友唔使擔心，因為所有菜式都有辣度選擇，甚至可以揀唔辣，迎合唔同客人嘅口味，想食到正宗四川菜嘅朋友就唔好錯過喇！酸菜魚餐廳必點菜式之一，選用新鮮去骨鱸魚，切片後加入自醃酸菜、四川辣椒、泡椒、秘製醬汁等一齊烹調，酸辣並重。魚肉一啲都唔腥，帶香甜海鮮味，同酸菜一齊食，滋味十分。水煮牛肉 牛肉浸泡係滿滿嘅水煮辣油中，眼看就感受到濃烈嘅麻辣味。牛肉嫩滑醇厚，每片都充滿着刺激味蕾嘅震撼辣度。據說佢嘅麻味可以係舌尖逗留足足10分鐘。麻辣香鍋餐廳提供多達26種材料俾食客隨意配食，最出名嘅有午餐肉、雞翼同香港好少食到嘅福建菜花。辣度可以揀微辣、小辣、中辣同大辣，初嘗者可以先試少辣呀。霸王辣子雞雞丁炸到外焦內酥，但一啲油膩嘅感覺都無。配上滿滿嘅小紅椒同調味料，麻辣爽口，鹹鮮醇香，仲略帶回甜，送啤酒一流！青檸杏仁蝦球大大隻蝦仁炸至金黃色後，爽脆彈牙。灑上杏仁片、青檸醬同秘製醬汁，酸酸甜甜，口感豐富，喺嚐辣前一道開胃美食。職人私房菜（土瓜灣）      餐廳主打烤活魚同特色雞煲。同粵菜一樣，餐廳菜式講求特別創新，所以餐牌上嘅食材不時變化，好有新鮮感。餐廳由下午12點營業至凌晨2點，啱晒鍾意食宵夜嘅朋友，而且價錢親民，係聚會傾計食飯好地方！四川麻辣殼筍殼魚 魚肉非常鮮甜，入口好似豆腐咁輕柔嫩滑，又唔會一夾就散。配埋餐廳用30多種香料熬製而成嘅魚湯，辣得黎香味十足又唔油膩。想挑戰辣嘅朋友，仲可以蘸用斷魂椒做嘅辣醬。金蠔雞煲 食材較濕身，... 更多

用OpenRice外賣自取，落單後去到餐廳即刻有得拎！今次優惠輪到中環區，唔少餐廳有獨家優惠，用埋指定優惠碼仲可以即減$20！Mastercard®持卡人更專享迎新及星期一驚喜優惠，一個字「超抵呀」！ 更多