影片
港鐵鰂魚涌站 C 出口, 步行約4分鐘
繼續閱讀
電話號碼
28883089
開飯介紹
主打歐陸菜式，供應嚴選法國優質生蠔及海鮮、炭烤牛排、德國豬手等。另外有多種酒飲如葡萄酒、雞尾酒、啤酒。紅磚裝潢溫暖舒適，讓顧客以大眾化的價錢及置身輕鬆的環境中享受美食。
繼續閱讀
營業時間
今日營業
10:00 - 20:30
星期一至日
10:00 - 20:30
公眾假期
10:00 - 20:30
公眾假期前夕
10:00 - 20:30
以上資料只供參考, 請與餐廳確認詳情
有關獎賞計劃
食家推介
招牌菜
今日用app叫左個外賣自取，食下佢個龍脷魚飯餐 （$158，折後$90.4）一開睇落幾震撼，條魚真係幾大，大概我手掌1.8倍？（肥仔手）認真睇落，帶骨既，ok正常，但當下係難免有D覺得麻煩。1. 首先講下個栗米忌廉湯，因為係外賣我唔評溫度，栗米味突出，忌廉味淡，ok average2. 再講塊包，脆，偏乾，唔會係我想就咁嗑既野，直接入湯一齊食3. 菠菜忌廉汁，奶味濃，應該係配魚食，暖既時候淡忌廉味帶少少甜，凍左之後食落竟然有D牛奶雪糕味？（係咪可以直接放入雪櫃，食完其他野再攞出黎當甜品食🤣）4. 龍脷魚排，味道唔錯，魚本身既淡鮮味同油香係有既，檸檬汁同忌廉汁可以添加風味，肉質偏rough（0-10由tender至rough，我比 6），真係幾多骨（魚黎架嘛），俾對筷子我應該會輕鬆D，可惜我正係得個匙羹同刀，係我廢或者用唔慣，真係拆骨lun骨食到我幾累，仲要唔好彩刺到內唇有D痛。總括黎講，ok ge，但係真係食骨食到條魚凍曬， 唔知係咪我用coupon先咁大整蠱，如果要我比原價158黎同條魚做半個鐘手術我真係唔制囉🤣，可能食其他餐會好啲？
繼續閱讀
It was 6, I had two whiny children, one toddler one preschooler.. The little one needed to eat, looked this up on open rice and the menu looked interesting enough so we went. Upon entering the restaurant tho.. I thought I made a huge mistake Fortunately, the food was quite good! The grilled ox tongue and deep fried squid tentacles are tasty.. Their signature grilled sirloin was very soft and tender. Their ox tail stew was quite tasty. It's like in between a very hk style western restaurant and a good western restaurant. They even had a strange, but tasty sweet-potato soup. All in all, it as pretty worth the price and the food was good. Service was good too.
繼續閱讀
在附近上班的都知道午餐要找個地方坐下來、又合理價錢，認真不容易。因為聽同事說，這一個店的午市套餐，$100就已經包含餐湯、煮食、飲品，這個價錢在香港的這個區域已經算可負擔，所以特別去試一下。首先， $100以下的午市套餐其實只有兩個選擇，所以價錢不算便宜。餐湯有羅宋湯和忌廉湯選擇，不過不失，但份量很少。如果點熱的咖啡或茶，價錢就包含在套餐內。但大熱天時，我點了一杯凍檸檬茶，就已經加上$5，比较喺附近餐厅，凍飲價錢偏貴。輪到主食，豬扒燒菠蘿茄汁焗飯。飯量真心少，我一個女生也覺得吃不飽。燒菠蘿味道不錯。但最大最大最大的敗筆是：豬扒中部竟然是凍的。午餐時候都相信應該是返熱，但可否用心一點？食物盤就熱了，食物終身保衛還沒有熱，而且收這個價錢，不值得。
繼續閱讀
今次係我生平第一次寫食評。但真的不吐不快。之前在網上看過一些相當正面的評論，又說有幾十年歷史，故這次是抱著慕名而去的心態。的確帶有期望。叫咗一個焗羊扒午市套餐（$138+10%，埋單$152）。食物質素如下。1. 餐湯（雜菜湯）。微暖。幾塊小小椰菜葉+一片紅蘿蔔，顏色及味道淡到好似唔夠貨要不停加水再加水。但當時只是12點，餐堂得3成客左右。2. 多士（一小片）。凍的。餅乾的口感，無味，表面有些少輕輕淡黃色，食唔出係咪牛油。直情就係以前食嗰啲午市學生頹餐。不過唔緊要啦，希望主菜補救番。3. 主菜（焗西冷羊扒，配薯蓉，附帶3粒西蘭花）。羊扒：大小合理，目測約6安士。樣子慘灰白色（煲湯肉嗰種色）。切開睇裡面亦是灰灰的，部份帶點瘀紅色。嚇一跳竟然見唔到有正常肉質的纖維，成舊肉裡面係光滑的，就如切開舊豆腐嘅樣子。即刻知道喱鋪奶嘢，一入口，果然。循例又係凍的。無肉味（反而有些少嗱嗱哋的苦澀味），亦無口感，感覺係食緊一舊唔韌嘅擦子膠。直情就係用蘇打粉勁嗱咗3日後咁。同埋舊肉係凍嘅，估計佢哋係事前煮好曬啲肉，有柯打時就係咁意焗/煎一下，但外面又完全無乜煎/焗過的痕跡，可能連喱步都懶得做啩。唯有點啲醬希望食得落。唉......羊扒個汁：凍唔使講，得少少鹹味，仲杰到擎咗，刮起佢都只係黐喺把刀度唔會滴番落嚟。伴隨的薄荷醬：凍的。完全唔喺嗰回事。又係杰到猶如啫喱，化學薄荷味，應該係買返嚟一大罐嗰亭化學品。薯蓉：凍的。味道和質感皆奇怪。肯定又係買返嚟的化學薯蓉粉開水，連些少牛油都唔捨得落。西蘭花：算喇。嗰3粒嘢無謂講。最後，4. 餐啡。全餐唯一一樣嘢係熱嘅。味道？不說也罷。結論：環境：算乾淨。可接受。食物：難食的極致。肯定係遇過最難食的前三名。服務：比惡劣高一級。個餐$138有$120應該係畀咗去所謂幾十年老字號，剩番嗰$18係食物成本。$14加一服務費買到嘅係點餐及叫餐飲時問你要乜，其它連送餐時都唔肯講多句畀咗咩你。笑容？全場侍應好似入曬古墓派，未見過一個笑容。老實講，百五蚊食個午飯唔可以話好貴，加上幾十年的招牌。但質素比花園餐廳甚至屋村、街市茶記都仲差一大截咁真係同欺詐無分別。唔知係咪已經換咗人經營。
繼續閱讀
午飯時間要找比舒適的地方真的困難，這店比較寬敞，座位比較大，食物質素也比較高。蒜蓉法包，這個烘得比較脆。菜湯，味道濃淡適中，有點辣辣的，使人增加胃口。周打魚湯，鮮味不足。鮮茄汁美國天然豬肉眼烤菠蘿圈焗飯，茄汁及芝士夠多對於我這個喜歡汁的人很這是最重要的，茄汁酸甜味剛剛好，豬扒夠厚身，而且肉汁夠多，菠蘿圈的甜味更把這個飯提升了不少。燒春雞半隻配蜜糖芥末汁飯，這雞非常嫩滑，除了雞髀多汁嫩滑外，連雞胸也沒有鞋口，真是難得，另外蜜糖芥末汁更把雞肉的鮮味提高，但略嫌太甜可增加檸檬的酸味做改善。味道: 值得一試環境: 座位夠大舒適衛生: 整潔服務: 周到價錢: 較高
繼續閱讀