22
11
7
港鐵馬鞍山站 B 出口
繼續閱讀
開飯介紹
位於馬鞍山新港城內的酒家，主打各式粵菜，包括一系列的小炒、蒸魚、片皮鴨等。晚市設有四人至八人套餐，適合舉行各式的宴會。
繼續閱讀
營業時間
星期一至日
08:00 - 15:30
18:00 - 21:30
公眾假期
08:00 - 15:30
18:00 - 21:30
公眾假期前夕
08:00 - 15:30
18:00 - 21:30
以上資料只供參考, 請與餐廳確認詳情
食家推介
相關文章
區內酒樓選擇不多，有時同長輩食飯，無可奈何都要嚟呢度。要讚嘅係呢度嘅食物，豉油雞好滑，雞汁味道也鹹甜適中。但呢度嘅服務真係好差，無論經理、主任、咨客、樓面等，無論你嘅要求係幾細，佢哋都有一個「睇你唔到」、「乜你咁煩」、「幫唔到你」嘅回應。週末晚上落左外賣自取，我落柯打時已寫到明要求附加雞汁豉油，因為無俾到。我問這位粉紅色外套的樓面姐姐，佢話：我無時間。之後聽到佢同個收銀講話我要豉油，後面加多句：佢好煩。曾經接觸過呢度嘅老闆，感覺佢個人好好的，同食客都有傾有講的。真係唔想俾無心工作的員工影響呢間老闆同食物都唔差的餐廳。
繼續閱讀
偶然早餐都想飲下茶, 就算2個人, 都可以點幾款野食, 雖然比一般酒樓貴左少少, 但味道都係成正比既.我地來來去去都係叫個幾味, 所以邊間好食, 邊間唔好食, 都大概有個譜.珠圓玉潤咸水角, 雖然外觀唔算圓潤, 入面既饀都唔算多, 但勝在外脆, 同岩岩炸起既熱度, 令咬口增加.必食既蟹籽蒸燒賣同山竹牛肉球, 蟹籽鋪滿左燒賣大半既表面, 豬肉都算幼滑, 而且唔會好肥膩, 但蝦就好似少左D, 而牛肉球無標明係陳皮蒸, 所以唔會喧賓奪主, 枝竹比一般大塊, 可以每一粒都貼得住, 馬碲唔多, 都仲整到好軟淋感.即燒蜜汁叉燒腸, 腸粉皮薄而滑, 而且叉燒多到撐左出黎, 不過佢用既豉油, 居然係咸豉油, 所以感覺就唔同一般腸粉.終於食倒唔會太咸既鳳爪, 點餐紙寫佢叫紫金醬, 雖然唔知即係咩醬, 不過味道真係幾好, 而且每隻腳指都好大隻, 唔會淋到一夾就散. 通常酒樓都係提供雞包仔, 但如果有菜肉包的話, 我會先選, 菜同肉都OK多既, 但可能味道方面唔太足夠, 連埋個包咬的話, 就會將個味道溝淡左.
繼續閱讀
譽粵菜（馬鞍山）❤️今日黎食左個點心下午茶🥰🥰我們叫左5個點心😋XO醬蘿蔔糕（特點） $33.8，xo 醬濃，而且 蘿蔔糕煎得好夠火喉😍😍之後叫左個燒賣（特點）$33.8，夠大粒，肉都多，皮夠薄😃馬拉糕（中點）$26.8 有2件，重奶皇味👍蝦腸（特點）$33.8，入面d蝦都好食，唔會霉👍最後叫左北菇棉花雞（頂點）$37.8，份量唔算多，但濃味😋😋整體評分：4/5環境：4/5抵食：4/5地址：馬鞍山鞍祿街18號MOSTown新港城中心(4 期)3樓3018-20號舖
繼續閱讀
蔴蓉包味道不會太甜，好香蔴蓉味，餡多，如果加少少咸蛋黄更加正……就算唔加蛋黄,個人覺得好食過美心！不知為什麼送期上網無得落單，要親身到酒樓買外賣，希望及早改善！
繼續閱讀
前言：身為沙漠居民，附近既食肆當然無辦法同旺區既食肆相比，所以盡量搵一點合乎性價比既食物啦，繼續沙漠下覓食之旅😋馬鞍山市中心假日想舒舒服服坐低食返餐真係唔係一件容易事，無論大鋪細鋪，連鎖食肆都排滿人。諗住去酒樓同家人嘆下一盅兩件，見到長長既人龍真係令人卻步，但仔細觀察下「譽」外賣自取有優惠，所以就試下外賣點心返屋企慢慢嘆😋山竹牛肉球：牛肉球肉質都幾結實，唔會太多粉或者感覺牛肉”梅” 五寶滑雞札：典型雞札，有火腿，豬肚，魚肚，雞，腐皮，味道正常 春蛋燒賣：蛋唔會太老太硬，不過豬肉有點肥膩 咖喱蒸土魷：份量少，咖喱汁又稀又淡，一般 鮮蝦炸雲吞：炸雲吞擺左咁耐都好脆，配埋甜酸汁好食 蒜香蝦春卷：春卷同樣香脆，而且蝦份量都算合理，佢地炸物的確唔錯 黃金流沙飽：奶黃味唔錯，而且真係做到流沙效果 香煎蝦咪腸：蝦咪腸略嫌煎得唔夠耐，腸粉無煎到焦香，有點遜色 八款點心外賣自取價$223，價錢質素中規中矩，供大家參考😋
繼續閱讀