3
6
6
港鐵馬鞍山站 B 出口
繼續閱讀
付款方式
以上資料只供參考, 請與餐廳確認詳情
馬鞍山,被公認為美食沙漠,理應可以大大聲地說,係冇野好食的。就算有,都是大財團的連鎖店。不過,人云亦云你就信? 像我這個住在馬鞍山周邊的市民,幾乎日日都在馬鞍山出入,好食的店真的不多,但絕不是沒有。前一陣子,就同父母在新港城試了這一家叫《緣蝦壹麵》的馬來麵店,可惜的是,這店生存了不久,執筆時,已經準備開另一主題既東南亞食店了。店子小小,但裝修算是精心的。草屋式的設計,的確令人有一個在東南亞小店飲食的感覺。然而,馬鞍山的這店雖細,但坐起來,算是舒適。點套餐的麵,會包一個小食,我們三個人來,叫了兩個麵,一個飯,所以送小食兩份。其中的一份,是炸蝦角。樣子,就像中式的咖喱角。但吃入口,是十分之香脆的鮮蝦味炸物,完全地鮮蝦,很美味。脆蘇東,其實是炸魷魚。長長的炸卷,如是長長的魷魚鬚就更是美好。這一個像長春卷的東西也是香好得非常,而我可以說,香脆可口的東西,是沒有人會拒絕的。主食是五花腩片白胡椒肉骨茶飯,肉骨茶味道尚可,有藥材味但不濃,五花腩片香口,切得很薄令大家好像有食打邊爐肉既感覺。好的就是五花腩片好味,不好的就是這不是正宗的肉骨茶。叻沙湯麵是我父母的選擇,香煎魚柳蝦湯麵,湯底是濃蝦湯,再加有很香的香茅及其他東南亞麵食獨有的香料味道,而且那大大片的炸魚,肉嫩可口,父親當日牙痛,都可以暢快地把這一個魚麵吃下,真不錯。同樣是蝦湯麵,這個是真正配料中有蝦的蝴蝶蝦蝦湯麵。麵的味道略同,當中的蝴蝶蝦是這碗麵的主角,而這一個湯底配上油麵,入口香滑而且又掛滿湯汁,再加上這麵的基本配料有大大舊的魚角,整體就是香口。飲品中,有一個東南亞風味咖啡,味道好,咖啡濃,原來我們飲開的舊街場,亞發等等,既咖啡味同奶味,是完全一樣的。既然是馬來西亞食店,我們也來了一個特色的馬來拉茶。起泡的奶茶,已經 feel 得到是人手拉的。所以,一出就是出十多杯。奶茶很香,也很滑,入口有微甜,應該是按照當地的做法,加了煉奶。食物不錯,容易滿足的我得到了溫飽。可是,名改得不好吧,而且麵食亦的確不夠正宗,所以,馬鞍山的《緣蝦壹麵》已緣慳壹麵。
繼續閱讀
🍤🍤蝦蝦霸霸喇沙米呢間就算晚餐時間都5洗等位架。裏面佈置幾靚,好多以麵為主題的油畫,感覺係間有心的餐廳。Happy Friday食好西,原來一碗都5平,成八十幾蚊碗。呢碗材料十足既喇沙米,有軟殻蟹、蝴蝶蝦、魚片頭、蜆等等最精華就係豆卜,入哂喇沙湯既精華,真係正👍🏻👍🏻👍🏻我另一位朋友點了肉骨茶飯套餐,可惜個湯胡椒味過重,應該落咗太多胡椒粉,太辣太重口味。不過d肉就好冧都算入味,但價錢就偏貴。
繼續閱讀
這間餐廳由一開既時候已經好想試,佢以一碗$128 既緣蝦拉麵而令馬鞍山之友想一試!今次路過見到好抵既午餐,就入左黎試!本身唔知係馬來西亞菜,入到黎睇menu先知原來係馬來西亞菜!menu同店內牆壁既畫好靚!門口都好潮!很吸引!店內既餐牌有介紹品牌及食物既介紹,加上店內外既裝修,感受到店主既誠意經營!食物方面蝦湯麵湯太油,本身指出湯底是由熬製的雞及豬骨湯底,出濃濃蝦湯底,再加半乾拉麵而成!但感覺湯沒有什麼熬出黎既味道!只有香料味道!有點令人失望。主菜蝴蝶蝦、魚柳都一般!魚柳比較有鮮味,有魚煎既感覺!但蝴蝶蝦就只沒有鮮味!反之拉麵比想像中好味,口感有點彈牙!除主菜,配料都還有很多,例如魚片頭、豆腐卜、雞蛋!魚片頭味道好,有魚既鮮味加彈牙!午餐附送的飲品跟食物反而比較好味!蝦角、桔子酸梅特飲比較值得推介!午餐款式都算多,餐廳座椅舒適!環境尚算寬敞!可能是4點後食,沒有太多人食,沒有劑迫感!而且食物上菜時間都快!店內職員很有禮貌,但服務一般,點菜的反應不高,呼叫左一段時間沒有注意到!對於區內少有星馬菜可以一試!但少機會再黎,因主菜未有太大驚喜!可以考慮湯底上有所轉變/定時有限定菜式,供客人有其他選擇!令海鮮跟湯底唔好搶味!
繼續閱讀
今日剛好經過呢間馬來食肆,自己一向都鍾意食馬拉嘢,所以見佢得小貓數隻都試下,支持下,點知中伏。$78一個馬來豬手飯set lunch, 係餐牌內算貴價嘢,覺得應該質素唔差,豬手同飯分開上,亦好正路,但豬手加白蘿蔔,賣相同食材都好平凡(忘記影相),食落仲令人大失所望,只得咸味,係食唔到咩菜式嘅咸味,餐飲”東南亞風味咖啡”尚可以,不過係唔知點風味法。跟著,我坐的二人枱,對面坐低一個食客,佢問侍應我碟咩飯,侍應走後,忍不住同佢講”好咸”。佢點嘅係魚柳蝦面,話幾好味喎。
繼續閱讀
星期日行過新港城中心,門口擺左個好大嘅午餐牌,一睇之下,平過以前好多,終於有午市套餐啦。就咁睇價錢一啲都唔貴,套餐連埋杯嘢飲可以平到40幾蚊埋單,一於入去試吓。叫咗一個香茅雞翼叻沙,另外一個馬來豬扒叻沙,一個配脆蘇東,另一個配笑蝦角。好快就有食物上枱,雞翼叻沙有三隻,好重香茅味,但個碗同埋入邊啲麵好少,個湯底亦都好淡,冇咩味。反而豬扒平$10 ,但大塊好多,衰在嘅,係豬扒又冇雞翼咁好味,得個大字。總之呢兩本野最失敗係個湯底,完全同新加坡食過嘅冇得揮。反而兩個配菜,脆蘇東同笑蝦角,蝦味好濃郁,亦都好香脆,超越預期。個餐仲送埋野飲,飲咗一杯酸梅特飲,成粒酸梅好夠味,酸酸甜甜好開胃。
繼續閱讀