134
76
30
港鐵銅鑼灣站 B 出口, 步行約4分鐘
繼續閱讀
開飯介紹
來自東京的米芝蓮一星拉麵店，招牌醬油拉麵及鹽味拉麵每日限量供應，店內堅持即叫即做每碗拉麵，以保持食物質素。
繼續閱讀
營業時間
*最後落單時間：22:45
星期一至日
11:30 - 23:00
以上資料只供參考, 請與餐廳確認詳情
相關文章
你問我現在仲有沒有拉麵熱潮? 我不太敢說沒有，因為香港的拉麵店，的確是越開越多，而且能繼續盛放的，都是一些有名氣，有水準，及有心去為拉麵而努力的大大小小拉麵店。回想起兩年幾前，仍在銅鑼灣上班的我已經對當時新開的過江龍拉麵店《蔦》有興趣。可是，因為經常覺得這店很近，而且有人龍，總是覺得大把機會去試。時間過去了，我亦已經轉職在沙田工作，與《蔦》無緣了嗎?非也，因為我仍是會因為上 CPD 及約朋友食飯等原因而出現在銅鑼灣，而是日就是一個上完堂的下午，我專程來《蔦》(日語發音: Tsuta "啜它")。初開張時，總是有一條人龍在外，而要排隊的原因就是店子不大。是日，因為已經過了食飯時間而沒有人排隊，而且一個人進入，好容易就安排到位置。我又再坐上拉麵吧檯，可以欣賞拉麵師父煮麵啦。安頓好自己了，就看看有什麼好食了。而就在面前，有新口味拉都啊。鴨肉拉麵啊，仲要係用鴨骨架煮的濃湯。很是吸引啊。我已經二話不說了，指定要食這一個麵。我點的是鴨味玉拉麵，鴨肉叉燒就是鴨胸肉。雖然，沒有皮，入口依然有鴨肉那一層香鴨油味。再濃香的，就是那一個充滿鴨精華的濃湯底，那鴨油的羶香，食過燒鴨、填鴨、煙鴨既都知，這香味，很是吸引的。麵條，很幼身，他們做得又夠爽口。夾著湯汁一起吃入口，更顯得出其鴨味濃郁。我 "啜啜" 聲，就把美妙的麵條，連配菜，連麵湯一起吃過、飲過清光。《蔦》這一個鴨麵，非常之好味。吃清光這鴨麵之後，我不禁要大叫一聲 Oishi! 也體會到，這間在日本得到米芝連加許的店，不簡單。
繼續閱讀
呢間拉麵係喺東京獲左米芝蓮一星嘅過江龍，一開始開嘅時候條隊都好長。點左佢嘅醬油味玉拉麵($113)我覺得佢個流心蛋都唔錯嘅😊麵份量比較少，叉燒亦唔吸引。湯唔算太油，有少少黑松露加返少少分。但整體來講就冇深刻印象，名過其實。 •
繼續閱讀
#audreyeats_cwb -$113 My first shoyu based ramen 🍜! It has a lighter, and cleaner taste compared with the traditional pork based broth, which quite liked😋there was only one slice of charsiu which was so so 😐 but the soft boiled egg shined and it was just the perfect sweetness, bringing this ramen back to life! 初嘗醬油拉麵，比起平時豬骨湯拉麵清淡。我自己就幾鍾意，但係未必個個人習慣。舊叉燒就麻麻哋，偏瘦🐽但佢舊糖心蛋真係好好味，喊中帶點甜🤤..@tsutahongkong ..📍Tsuta 蔦Shop 2, G/f, V Point, 18 Tang Lung Street, Causeway Bay銅鑼灣登龍街18號V Point 地下2號舖#audreyeats #audreyeats_causewaybay #ramen #tsuta #noodles #japanese #日本 #hk #hkig #hkfood #hkfoodie #hkfoodblogger #foodie #foodporn #hkfoodsnap #food #topcitybites #topcitybiteshk #美食 #香港美食 #香港 #相機食先 #hkfoodblog #foodblog #foodstagram #吃貨
繼續閱讀
中環午飯人多擠逼，故假日前的小確幸多數嚟個就近短途lunch。雖然開會延後食靚嘢計劃，適逢除夕，無理由唔俾自己爽吓嘅！時間短咗，選擇都唔多，但都飛咗出銅記。一來一回咪無乜得坐？對，但哥就是任性。但實打實，都係唔可以揀啲太嘆。諗諗吓之際，已經腳踏銅記其中一條食巷—登龍街。街中選擇多，中西日韓泰，樣樣都有，建基於要快又唔可以退而求其次的前設底下，終於揀咗碗米芝蓮摘星嘅拉麵嚟醫肚。對上一次嚟仲係佢剛開業嘅時侯，仲要買拉麵券嚟入座，個陣已經覺得部機置於店內，感覺已經怪怪，同埋有啲阻礙客人排隊同影響進餐中的客人。今次嚟到個光景已經不太一樣，地方陳設依舊高格光明，礙人的機件早已搬走，有人手幫手下單了。蔦，具鳥字在名，著名於雞骨清湯作拉麵湯底，上次來品亦感甚喜，但心諗今日作為2019年最後一天，不如玩玩新意思。麻辣豚骨湯底 - 味玉叉燒拉麵叫咗個豚骨拉麵，加埋麻辣湯底，組合夠哂新鮮。同行有三位友人，無不叫招牌的雞湯拉麵，但此味一上枱，眼球及鼻頭都因佢嘅香味同賣相吸引住。賣相望多兩眼會有啲似檐擔麵，有肉碎香蔥。食落就大不同了，麻味相當足，貼心店家仲準備咗另送一碟的花椒，俾你唔夠再自行加落麵中；辣味適中偏辣，相當於平常中辣多少少，啱哂嗜辣嘅我。叉燒為薄切，適合配上油脂感較多嘅湯頭，肉味亦濃，唔會被辣湯蓋過，四片唔多唔少，但大食啲嘅朋友應該會想要多幾片，可自己看著辦加錢加肉，我覺得份量算係咁。流心蛋做得相當不錯，一咬開即流，蛋味亦濃郁，日本蛋無誤，亦正好間住麵湯，食時配餸。麵條還好，無得揀自己鍾意爽淋程度，令到此麵有點主次不均，麵條唔算差，但湯底就好似漆黑中嘅螢火蟲一樣，點都收唔埋。（哈，星爺fans懂的。）日式炸雞塊呢道小食不得不提！比我預期嘅好食，同坊間食專做炸雞嘅鋪頭比起有過之而不及。青檸汁附送解油膩，雖然我食嘅拉麵幾油下，配呢味都有點怕怕，但炸得香脆，食埋炸雞皮都無乜罪疚感，因為太香口，太好食了！好少可喺香港食雞食得咁滋味，「小二～俾多份丫」，不知幾想咁講…日式煎餃子可惜可惜，一間好嘅拉麵鋪又點少得好嘅餃子同冰凍啤酒，但係反而餃子真係麻麻哋。有點唔湯唔水，無增胃口，反而油掛在餃上，一入口嘅係油味，而且上碟時已見穿餡，賣相麻麻。不建議叫。蔦，桑寄生的古名，如同鳥寄生於木取名。希望此品牌如名，鳥只是寄居，雞湯只是打響名號的頭炮，繼續推陳出新將美味擴至更多食材。好味，朕會間唔時再嚟check check佢。（又一電視劇梗…懶好笑）
繼續閱讀
星期日，雨🌧️星期日想出銅鑼灣食brunch，行行吓突然諗起想食拉麵🍜，於是行去登龍街睇下🥱，比我發現左Tsuta ，係入選米芝連嘅餐廳。黑醬叉燒拉麵🍜 （$136連10%）我揀左有4塊叉燒嘅，餐牌有4個選擇，其中有一款係得1塊叉燒，所以落單時要清楚啊！首先，我覺得我揀錯左要4塊叉燒。因為完全唔會expect 塊叉燒係大過我隻手掌🖐️，所以其實食完係相當飽🤭。拉麵🍜入面有：黑椒肉碎、蔥、芽菜、蒜片、4塊叉燒、蛋(係製作時搞錯了，正常係要額外收費）、拉麵黑醬油加清湯頭味道上非常特別，另外有鹽同黑椒比客人自行再調味，非常細心之舉👍🏻👍🏻👍🏻！其實我本身唔太中意食九州拉麵，但呢間嘅麵質好好，有彈牙嘅口感，而且每口都食到湯汁，味道非常可口！
繼續閱讀