790
47
28
| 餐廳: | 極尚大喜屋 (銅鑼灣廣場一期) |
|---|---|
| 資訊: |
為鼓勵食肆透過提供食物份量選擇和採取減少廚餘措施，與顧客共同從源頭減少廚餘，環境保護署推出了「咪嘥嘢食店」計劃，參與食肆如符合評核準則將獲「咪嘥嘢食店」認可資格和獲發「咪嘥嘢食店」的標誌及標貼，以供張貼於店舖內和宣傳，供顧客識別。此計劃全年均接受申請，申請費用全免。
詳情可瀏覽：https://www.wastereduction.gov.hk/zh-hk/waste-reduction-programme/food-wise-hong-kong-campaign
營業時間
今日營業
12:00 - 15:00
17:30 - 22:00
星期一至四
12:00 - 15:00
17:30 - 22:00
星期五至日
12:00 - 15:00
17:00 - 22:00
以上資料只供參考, 請與餐廳確認詳情
食家推介
相關文章
高質抵食樓上放題🫶🏻-真係好耐冇食放題，嗰日諗起突然之間好想食，所以就去咗食以前食開嘅大喜屋~-🍱晚市放題 ($298)食物嘅選擇同埋種類都有好多，有唔同嘅特色刺身、壽司、手卷、卷物、一品料理、炸物、串燒同埋熟食🙊另外出邊自助吧都有好多款飲品、冷盤前菜、甜品、水果同熟食，因為真係好多款嘢食，所以小編淨係分享一啲個人最鍾意食嘅👀-👅燒牛舌呢個真係必叫，多汁而且夠爽口又唔韌，好有驚喜😙🐟刺身放題點少得刺身，呢度嘅三文魚、帶子、甜蝦同油甘魚都好新鮮，小編嗌咗好多輪🤣🦪燒蠔啲蠔幾大隻，同埋食落幾鮮甜，上面仲要加咗好多炸蒜同辣椒仔，好香好惹味😚🥠榴槤燒鍾意食榴槤嘅一定要叫嚟試吓，外脆內軟，香甜軟滑😍-🍘炸物炸物嘅表現都好出色，全部都炸得夠晒酥脆，尤其係一啲流心嘅炸物真係好好食😙-🍶醉鮑擺盤勁精緻，上菜嘅時候小編都呆咗😂酒味恰到好處，鮑魚都幾爽口，值得一試~另外水果同埋甜品吧都有好多選擇，尤其係啲水果都好甜好新鮮，其他嘢食嘅質素都唔錯，上菜又好快，收碟都幾快，呢個價錢嚟講真心幾好☺️味道 8.5/10服務 7.5/10環境 8/10回頭率8/10總評 8/10😋🤍人均消費 $327💰-📍 極尚大喜屋 銅鑼灣軒尼詩道489號銅鑼灣廣場一期9樓(其他分店:尖沙咀金巴利道26號1樓觀塘開源道79號鱷魚恤中心3樓沙田沙田正街21-27號沙田廣場1樓33-35, 44-46號舖旺角彌敦道625 & 639號雅蘭中心4樓)#米食日本菜 #米食放題 #米食銅鑼灣 #銅鑼灣美食 #美食 #hkfood #hkfoodie #hkig #hkeat #hkgirl #hklifestyle #foodiegram #hkrestaurant #香港美食 #香港餐廳 #食評 #thefoodieinitiative #internationalfoodiesunite #foodadmirersoftheworld #globaleats #internattionalcuisinefamily #foodsharinggroup #香港 #香港餐廳
繼續閱讀
老公生日前夕食番個高質放題賀一賀佢見餐牌更新左多左好多款新品梗係要試試佢有我最愛之一既泰式虎蝦～一客4隻除左有靈魂醬汁仲有蒜片～前前後後叫左3客先夠皮冰鎮柚子海蜇之前為觀塘食過，非常爽口好似人地拍ASMR片咁，蘸埋柚子醋好清新。另一款新品係魚子柚子醬章紅魚薄切，連我唔好魚都覺得唔錯，幾鮮甜。刺身好多選擇：我地除左希靈魚、赤貝、甜蝦外，全部都叫左少量試下。榮螺＆馬刀貝鮮甜爽口，極品大赤蝦蝦肉彈口鮮甜一d都唔腥，三文魚肥美，油甘魚＆池魚王食落魚油豐富。卷物：鵝肝芝士鰻魚卷，芝士鰻魚本身已經好夾加埋鵝肝更加香。壽司：鹽燒左口魚壽司係必叫，好鍾意佢既魚油勁香。創作壽司：鵝肝壽司超驚喜入口即溶，前前後後叫左6件。芝士飛魚籽玉子燒：芝士味勁濃，魚子咸香，玉子帶甜，好夾。龍蝦沙律赤蝦塔：赤蝦肉質軟糯加埋龍蝦沙律口感豐富，前後叫左4件。海膽三色塔：吞拿魚蓉好creamy，如果海膽多d口感會更好。一品料理：花雕醉鮑魚叫左5隻，好大隻兼入味。川燒廣島蠔老公食左5隻，肥美又惹味。瑤柱扒豆苗～食落同係中菜餐館食既一樣咁有水準。整品海蔘花膠盛宴～海蔘爽口，冬菇厚肉好入味，花膠大塊滿滿骨膠原。雪燕蛋白燉鮮奶～最有驚喜，奶味香濃，蛋白滑捋捋，唔太甜，除左雪燕仲有杞子，好滋潤呀！每人兩杯🙈炸物：叫左我必食既香芋丸，老公既脆炸貓山王，每人兩粒。燒物：燒香草羊鞍大件厚肉，唔蘇有肉汁。蒲燒鰻魚～同觀塘分店既一樣咁好食。極品金枕頭榴槤燒～老公超鍾意食左兩件，燒完佢話仲香……我就頂唔順……飲品：老公飲左唔同飲式既冷泡茶，我就飲左一罐半既Apple Cider，爽。出面除左有人飲品櫃，甜品櫃，雪糕櫃外仲有炸物、生果，同埋小籠包，蝦餃，燒賣。我地拎左一籠小籠包一人一隻都唔，食到呢度已經飽左8成，一人一杯haagen-dazs雪糕佢為尾聲，大滿足。銅鑼灣店座位比觀塘寬敞，兩邊都無漏單，上菜速度都算快，無論熟食、刺身、壽司甜品都有一定水準。店員們收碟頻密，唔會放到一枱都係，已經好有禮貌，值得一讚。
繼續閱讀
我個friend話銅鑼灣呢間放題啲鮑魚超好食🤣每次起碼食20隻，佢話咁樣一定回本！嗰日同佢一齊去食咗真係唔錯，咬落非常之爽口！本身都好鍾意食放題，因為覺得好抵食，而且種類選擇多。刺身、卷物、燒物、天婦羅、鍋物，再去到甜品生果咩都有😃諗返都覺得好抵！基本上講得出嘅刺身都有，三文魚甜蝦榮螺赤貝全部都一定有。今次去食覺得特別在於佢有海蜇😀同樣都係食極唔肥，而且好好食！非常之推介佢哋嘅花雕醉鮑魚，佢哋每一碟都好用心，有一隻鮑魚殼做裝飾。鮑魚除咗爽口，仲有好香濃酒香味，我食咗十幾隻先收手🤣抵！蒲燒鰻魚係我非常推介嘅嘢食，鰻魚咬落去好香口而且肉厚有質感，一落單就叫10件，會成排上比你😃👍🏻 鵝肝壽司好正超大件鵝肝，而且裏面仲非常之軟滑，我覺得食呢個都可以回本😁除此之外，佢哋嘅燒蠔都唔錯，上面有啲辣椒同埋炸蒜，勁正！黑松露蟹肉芝士軟殼蟹卷，佢嘅飯量唔多，但係餡料超多，黑松露好香味道好夾。比目魚西京燒平時喺餐廳食要百幾蚊一件㗎，而家有得任食真心正，質素同出面餐廳差唔多！食到咁上下就要出去自助區睇吓，有大量熱盤，霸王雞都有😱仲有好多生果切好晒唔使自己落手，雪糕方面有Häagen-Dazs。咁多種選擇二百幾蚊真心抵
繼續閱讀
今晚食的是銅鑼灣廣場新開的極尚大喜屋日式放題。餐廳裝修新潮，非常寬敞及多座位。餐廳與其他大喜屋一樣。有創作刺身、壽司、手捲、一品料理、炸物天婦羅、串燒……，自助區域有熟食、冷盤、湯、飲品及甜品……等放題任飲任食……北海道帶子刺身、池魚王、油甘魚刺身……，刺身都很新鮮，尤其是帶子很鮮甜！冰鎮柚子海蜇，入口涼爽清脆。壽司款式多，最愛松露油金魚腩 、三文魚花之戀壽司，鮮甜油香！彩色芒果龍蝦大蝦卷，帶香芒及大蝦鮮甜味，很滿足！鵝肝芝士鰻魚卷，甜甜的鰻魚香！燒物也是很多種類啊，經燒過金黃色的極品金枕頭榴槤特別香濃，真是必食啊。燒香草羊鞍、鹽燒雞軟骨、鹽燒牛舌脆燒青花魚、比目魚西京燒炸貓山王、芝麻雞翼 ……，每食日式放題都必食的燒物及炸物都有，有質素又香口！王牌燒乳鴿不會因放題而遜色，入味且香。川燒廣島蠔，不太辣，整隻蠔很軟滑。小炒都有的蔥爆鱔球，很惹味！還有滋補的極尚花膠盛宴……還有就是豐富的甜品及水果做爲完美的放題結尾……
繼續閱讀
💁♀️💁♂️ 5/12/2023(Tue), Dinner🍽喺冬天要搵食榴槤嘅地方唔多，除咗甜品店之外，銅鑼灣嘅 極尚大喜屋0都係個唔錯嘅選擇。餐廳方面提供嘅任食燒金枕頭的確係好吸引，我哋💁💁♀️兩個榴槤控一於去食過夠啦！而今晚我地order咗：🔆 成人晚市放題（$288+10%）晚市嘅放題有分唔同時段，星期一至四晚就係$288。我哋預約咗依返時段去到餐廳，都好快安排到座位入座。接待處後面嘅自助區有飲品、前菜、沙律🥗、湯同埋甜品可以自取。飲品方面都係一般啤酒🍻、汽水🥤、清酒🍶、梅酒等，呢度仲特別有果汁如橙汁、石榴汁同椰青水。落單方面就用QR code，每次送上嚟嘅食物都好準確無漏單。今次💁♀️為食妙妙同💁A先生嚟嘅主要目的就係榴槤😍，包括有脆炸貓山王同埋極品金枕頭榴槤燒，岩晒我哋兩個榴槤控。金枕頭榴槤燒過之後味道更濃郁香甜😋😋😋，入口甘香軟糯，味道回甘，A先生都食咗唔少。脆炸貓山王就係一個脆皮包住貓山王榴槤蓉去炸，熱焫焫入口香甜，同樣味道濃郁，岩晒榴槤控👍👍👍。刺身擺盤精美，每款都好新鮮好食，特別係三文魚食落肥美油潤，我哋都食咗唔少。壽司🍣同埋手卷都係迷你size，飯嘅份量都唔多，方便大家可以試多幾款。海膽手卷入口海膽細滑甘甜，值得一試。鵝肝壽司上的鵝肝俾得夠慷慨，係厚切同燒得剛好，入口油潤好食。一品料理方面，我哋試咗極尚花膠盛宴，花膠入口都軟滑黏口，骨膠原豐富。蟹粉🦀扒豆苗都有唔少蟹肉🦀，食落鮮甜。燒物方面，比目魚西京燒入口油脂豐富，燒得皮脆肉嫩，配上甜甜哋嘅西京燒煮法，十分不錯。始終我哋兩個人胃納有限，未能一次食晒所以餐牌上嘅食物，唯有留返下次再嚟品嘗😋。🔆🔆🔆🔆🔆🔆🔆🔆🔆🔆🔆🔆🔆❤🙆♂️(A先生)整體食評：9/🔟❤🙆♀️(為食妙妙)整體食評：9/🔟👉🏻 食物選擇多，上枱速度快又無漏單或者俾少咗嘅情況👍🏻A先生車友指數 🚗🛣️ 交通容易指數：🚗🚗🚗🚗🚗(5/5)🅿️ 泊車容易指數：🚗🚗🚗🚗(4/5) 👉🏻 泊車建議考慮時代廣場🅿️，有大量車位，而泊車優惠又唔難拎👉🏻 港鐵🚇出口可以直達銅鑼灣廣場，另外巴士🚌、小巴都可以輕易到達🔆🔆🔆🔆🔆🔆🔆🔆🔆🔆🔆🔆🔆
繼續閱讀