1
9
4
營業時間
星期一至日
11:30 - 19:30
公眾假期
11:00 - 19:30
公眾假期前夕
11:00 - 19:30
以上資料只供參考, 請與餐廳確認詳情
本來買個紫菜包飯比小朋友食，點知呢個紫菜卷啲飯硬，牛肉好硬，紅蘿蔔都變晒色！似用微波爐叮番熱，小朋友吐番出嚟，我食下已知隔夜好難食！曾有一個韓國阿豬媽同我講紫菜包飯要即日食，不能隔夜，品質會變晒，如我即場食一定退番比佢叫佢自己試下！咁都可以賣比人食仲係希慎？應該out 啦！
繼續閱讀
牛肉大醬湯咸到飛起，已經唔可以叫做湯，係醬汁，似平時食牛肉飯啲餸汁咁咸！湯入面有好大舊豆腐，成舊都凍嘅！根本冇煮過，只係加熱啲湯就將舊凍豆腐放入去就算！呢啲唔叫煮，叫將啲食物放埋一齊就上碟比客。
繼續閱讀
今日lunch叫左呢個韓式飯卷便當🍱便當裏面嘅嘢食非常豐富首先佢飯卷已經分咗兩種辣同埋唔辣既口味，食落口感豐富好足料。另外仲有個炒粉絲，炸雞同蓮藕蛋卷小食。粉絲食落好香口，而炸雞亦好香脆好食
繼續閱讀
lunch諗住普普通通食一餐，就揀咗呢間主要係想食飯卷，於是就揀咗個飯卷炸雞套餐佢準備嘅時候見到佢將啲嘢放落微波爐，已經心有不安，心諗“唔通攞啲飯卷去叮？”個餐話貴唔貴，但點都唔會整叮叮嘢俾人嘛？見佢係微波爐攞返啲嘢出嚟，bingo！真係我叫嘅飯卷🙄🙄🙄好彩個炸雞同炒粉絲都好食，個份量都多，夠飽肚，但70幾蚊食叮叮飯卷，我都係自己落7-11買嚟叮就算🤦🏻♀️🤦🏻♀️只有一次，沒有下次。
繼續閱讀
希慎廣場入面食肆林立，不過唔少人都會選擇上到頂，去food court搵嘢食，始終food court價錢相宜一啲，而且中西日韓都有。呢次喺梨花園快餐諗住食下韓嘢，叫咗個「石頭鍋雜菌牛肉拌飯」($80)，會有埋些少前菜送。好可惜，味道真係十分麻麻......首先前菜有幾款：泡菜、芽菜、蘿白，全部都無乜味，本人食嘢已經算啖口，但都覺得淡味，真係好嚴重....講緊泡菜喎...至於個紫菜湯反而鹹得滯，明顯係味精湯味，飲咗兩啖放棄。最主要嘅拌飯，唔知係咪我理解錯，以為拌飯係會有辣醬撈埋一齊食嗰種，所以當我係咁撈個飯都見唔到有辣醬時，係有啲失望，結果要去返舖面拎啲辣醬返埋位自己撈埋佢。啲牛肉味道正常，但十分鞋口。成餐飯基本上非常一般，food court大把選擇，下次揀其他啦。
繼續閱讀