89
19
12
營業時間
今日營業
07:15 - 18:30
星期一至日
07:15 - 18:30
*(18:00 last order)
以上資料只供參考, 請與餐廳確認詳情
-
網上訂座服務暫停
食家推介
相關文章
給餐廳的建議1. 火腿炒蛋的火腿可以碎上連蛋一齊炒，兩者會更平衡，或者注意兩者油分。給餐廳的建議2. 招牌粉麵嘅牛奶豬骨湯系列，應該俾客人揀要唔要原味，一係就再做好啲個湯底佢。 假日外出食個靚早餐！ 濃蕃茄湯牛肉通粉 凍檸茶$46 好處係好多肉，壞處係佢啲肉無切到，大塊到好似鋸扒咁，食到好狼狽。 蕃茄湯好淡，但多配菜，似變了調嘅羅宋湯咁，有啲離題。 牛奶豬骨湯沙嗲牛肉公仔麵 $46 熱咖啡 牛奶味唔出，但溝淡左沙嗲味，我想要返純沙嗲牛肉公仔麵。。 滑蛋炒到好濕，多士唔夠熱，低於一般茶記質素。 火腿係另上嘅，顯得有啲油。
繼續閱讀
照燒雞扒炒滑蛋蓋飯 $68（不包餐飲，咖啡/奶茶+$8）照燒汁的雞扒太咸，食左一半已經唔再食，朋友試左一舊都話咸。不過飯、蛋同扒都係大大份，女仔多數食唔晒。我加左奶茶，奶茶一開始飲正常，不過飲到尾竟然愈飲愈甜，我無叫茶走喎⋯⋯正體食物係失望嘅，有其他選擇就唔會再試依間😅
繼續閱讀
去開銅鑼灣見到呢間十字冰室有素食選擇，入黎試試佢啦！叫左個咖喱生牛堡滑蛋蓋飯，好大碟😮個飯係正常女仔應該食唔曬既份量咖喱汁唔算好辣但幾惹味，不過可以多返少少汁，因為飯多過汁好多😂新牛堡就正常發揮啦，唔會整到太乾仲有少少雜菜伴碟仲加$8叫左杯熱奶茶，又幾好飲喎另外見到佢個餐牌都恆常有走肉之選，附近返工嘅素食者可以試吓，我上次試咗佢哋個焗飯，除咗少咗啲菜之外都幾好食，芝士焗到有少少燶，perfect!呢間冰室可以再訪👍🏻
繼續閱讀
是日黎到銅鑼灣的十字冰室食飯，餐廳內部走懷舊路綫，似足細細個阿爸阿媽帶我去茶餐廳的感覺，一行入去就好似回到童年一般安佳的優質牛油相信大家都不陌生，平時有烘焙習慣的我都喜歡用安佳做原材料，因爲天然草飼牛的牛奶製作既乳製品焗出黎真係奶香味十足見到餐廳內張貼的Anchor安佳X十字冰室聯乘活動，圖片之吸引，必須同朋友一齊試勻三道菜式金沙滑蛋菠蘿包 ($58) 菠蘿包平時作爲茶餐廳signature菜式大家就食得多，呢款用鹹蛋黃炒的半熟滑蛋菠蘿包就創新又好食。菠蘿包酥皮香酥，夾住金黃色滑蛋，入面仲還有一層安佳芝士，double蛋香味，triple牛油奶香味軟殼蟹親子菠蘿包 ($98)本來以為金沙滑蛋菠蘿包已經夠澎湃，點知呢個軟殼蟹親子菠蘿包先係王者。King size菠蘿包夾住（其實夾唔住）超澎湃的滑蛋以及流曬出黎既芝士，同金沙滑蛋菠蘿包一樣充滿蛋香同芝士香味外，仲有一整個炸軟殼蟹同蟹籽！軟殼蟹炸得香脆，如果一口食到軟殼蟹，菠蘿包同滑蛋芝士的話，口感豐富，多重層次，味道上亦是咸甜兼備之餘還帶有奶香味及海鮮的鮮味，超正超滿足 胡麻烏冬撈 ($78)胡麻撈烏冬已經無得輸，呢份烏冬選擇以石鍋上菜，咋咋聲仲滾住泡。烏冬烟韌順滑，上面撒了唔少芝士，一問原來内裏還拌入了安佳牛油，濃滑醬汁包裹烏冬，蟹柳，粟米一齊食，熱辣，creamy，適合一家大細同小朋友一齊食，係咩年紀都會喜歡既味道食完呢餐感覺自己好似味蕾浸泡了一個芝士牛奶泡泡浴，喜歡呢個味道既朋友絕對要去十字冰室試試啊！
繼續閱讀
同朋友因為等人，決定食個茶記醫下肚一望餐牌見到常餐$70幾蚊已經😅算啦，宜家租貴於是叫$78嘅五香肉丁炒飯食，以為唔會太差點知竟然夠膽用糯米炒飯💩有常識都知道食一碗糯米都已經會飽到想嘔五香肉丁炒飯呢啲咁多油嘅嘢食用糯米煮真係天才最後食到一半已經食唔落，成隻碟都係油然後另外一個朋友叫咗沙嗲牛肉麵嘅常餐個沙嗲牛肉麵用石鍋裝住係，石鍋可以令到食物保持溫度但大佬，食得即食麵就梗係要即刻食㗎啦擺個面入去石鍋係熱到食都食唔到除咗想收貴啲諗唔到點解要咁樣煮。喺度留言就係想大家唔好中伏香港好多呢啲所謂「冰室」求其將啲茶記嘢加啲九唔搭八花款，就收到你貴一貴
繼續閱讀