91
19
7
開飯介紹
早在1830年，著名的灘萬已經在日本推出傳統美味佳餚—懷石料理，以款待品味高端的食客。香格里拉把灘萬在日本本土之外開設的第一家海外餐廳引進香港，以高雅的環境、精致的口味和美食歷史傳統吸引了客人。灘萬餐廳拥有獨立的鐵板燒廳、壽司吧、私人貴賓廳和主飯廳。
繼續閱讀
特色
浪漫情調
同客食飯
適合駕駛人士
適合大夥人
慶祝紀念日
營業時間
今日營業
11:30 - 15:00
18:00 - 22:00
星期一至日
11:30 - 15:00
18:00 - 22:00
以上資料只供參考, 請與餐廳確認詳情
有關獎賞計劃
招牌菜
食家推介
對上一次試完一間全港最貴的和牛三文治就深深喜愛左呢款食物，咁岩見到灘萬港島區果邊做緊一個和牛主題的限定宮崎牛懷石料理，當中就一道係和牛三文治就忍唔住去試下。先講返攤萬環境及裝修優雅，燈光柔和，有落地玻璃可以看到樓下太古廣場及遠處少少海景，服務員主動及有禮，有花時間晌加茶、上菜、收盤詢問等，但美中不足較為粗略講解食法，另一位有時直接無講，菜名有時都係睇返menu，缺乏介紹。懷石料理感覺應該要詳細介紹同講返…建議食的先後次序吧，因為有時唔止上一道菜的。 雜食物方面就今次呢個限定餐黎講，坦白講係失望，部分菜太濃味（如：太咸、太酸等），部分菜過淡，未能好好balance 返，感覺好似人生咁不停高低起伏咁。以和牛主題的懷石料理未能將牛肉味道提升，部分有點蓋過牛肉味，感覺係每道菜只係加左牛肉，在C位站住未有C位的效果。 原則上整餐飯份量算係飽肚，但食完過後幾口渴。餐飯最好的優點係匯豐信用卡有9折優惠？！🤪 烤和牛三文治：佢比較似係炸過的刈包夾菜夾肉，包皮有少少甜品脆口，但因成個包炸過有點油膩感，牛肉份量少，醬汁帶酸味，算係好味，但又有點唔滿足。 煮和牛豚腸：除左眼見比較油，食落幾舒服，油可能係煮牛腸的關係。入面有洋蔥、蒟蒻、牛蒡、蘿蔔。調味算係適中，朋友話呢個係今日最好的一道菜。😂 煮海螺、薇菜壽司、蠶豆：螺感覺唔係好入味，薇菜壽司清淡，豆咸啊。 和牛西京串燒：呢個真的驚訝了！～果兩粒牛肉串眼見係和牛粒，但食落感覺似係食緊臘腸，佢個醬汁味同臘腸一樣味，完全唔似食緊和牛，就連咬開爆出和牛油脂都似臘腸油….蓋過牛肉味，個人算係幾鍾意接受到（好耐無食過臘腸懷念），但朋友接受唔到😂佢話明明係和牛高價品做成臘腸好咩。 煮蜂斗菜及鮮腐皮：正常範圍，有豆香唔算濃。 茶碗蒸：同連鎖餐廳差唔多，無咩驚喜，無乜內涵，但價錢卻是差距兩三倍。雜錦鮮菇茶壺湯：由四款菇煮成較為清淡略帶少少菇味的湯。初鰹魚配洋蔥醋汁：佢以醋汁伴洋蔥及菊花花瓣，入口無咩腥味，但果股酸味勁難入口，洋蔥少少辛辣同時亦帶有苦澀味，酸苦辣混合以酸為主不太好食。中拖羅、池魚、伊佐木魚：正常。和牛腩配馬鈴薯餅及薑汁：最頂係有洋蔥及wasabi ，薑醬汁較甜帶少少酸味（有少少似燒鵝酸梅醬味？）。牛腩佢呢個煮法令佢肉質有點似麵檔食緊牛腩咁一絲絲的肉，只係佢煎過或燒過，肉質素的確係和牛，食落牛脂香味仲晌到。反而薯餅有驚喜，明明浸左晌醬汁到，都仲保留到有少少脆口感，中心竟然係薯蓉，食落口感有點似麻薯咁。 冷製和牛涮涮鍋及配菜：真係最黑人問號的一道菜菜，店員上菜時也是說呢個涮涮鍋只不過係凍食版。肉眼見個食法似刺身或和牛他他多點吧？呢個真心唔好食，可唔可以換返個熱的涮涮鍋比我。🥲對唔住，我接受唔到。炭火燒和牛牛柳：和牛牛柳、冬菇、露荀、蕃薯，炭火燒味效果幾好。牛柳粒食得出佢油脂肉汁係有質素，但係表面灑太多鹽及黑椒…..非常地咸，咸到食一粒飲一啖水，四粒食完一杯就完了。😑咸到我現在都仲諗緊，點解當刻無諗過反映退或換左佢呢。夢心地釜飯配和牛筋咖哩汁：夢之米連續超過十年拿到日本一的山形縣黑澤農場的白米，飯粒晶瑩飽滿但同咖哩唔多夾。咖哩雖然以鐵pan形式上菜，但食落又唔似九州門司港燒咖哩，佢似係單純普通濃咖哩帶有牛肉粒，個人覺得唔辣朋友就覺得好辣。（PS:夢之米賣點都係自己上網科普，店員無介紹😵💫）泡菜及麵豉湯：濃郁的赤麵豉湯。季節鮮果：😍係蜜瓜的季節，很熟很甜。芒果亦很甜。琵琶正常微甜。
繼續閱讀
港島香格里拉酒店無庸置疑有氣派、五星級服務名符其實、地理位置極佳，餐廳質素坐擁名氣。今年老闆請食生日午餐，揀到高級和食料理︰灘萬。食物方面 - 單點刺身5食︰每款3件食材新鮮，款式多份量夠；甜蝦鮮滑肥美、魚生片厚切入口滿足。定食套餐 - 雜錦魚生飯配炸蝦天婦羅蕎麥冷麵：前菜汁煮菠菜，菠菜冷盤爽口，開胃清新。定食套餐 - 海老天婦羅蕎麥冷麵︰兩大隻新鮮蝦肉，肉質一樣鮮嫩肥美。炸粉香酥薄身、唔油膩、鹽味剛好；蕎麥麵偏硬、彈牙有咬口，天婦羅同食口感清爽滿足；可惜冷麵汁只係一般坊間味道，欠缺誠意，拖低高級料理水準。定食套餐 - 雜錦魚生飯︰刺身飯份量豐富，刺身魚粒脂質豐厚，鮮味突出。生魚片脂肉分佈平均，令人不知不自覺成碗食晒。最後餐廳分開為我準備生日蛋糕 - 小圓餅(約5吋) 日式輕芝士蛋糕︰頂層生忌廉偏甜但輕盈唔膩、主體芝士濃郁滿足、咸甜度適中；最底撻底不鬆散，硬脆剛好，增添層次又唔會搶味。總結︰其實所有配套（氣氛、環境、服務）都好好，可能只因我選擇嘅定食太普通？因為太基本款所以做得唔夠細心而被忽視？未有重點令我覺得需要翻桌。
繼續閱讀
Nadaman係九香食多過10次😂第一次食依間分店Teppanyaki Special $580 前菜有沙津同三款漬物，當中最特別係凍豆腐，味道濃郁，唔知點解食落似芝士😂三文魚刺身唔肥美但好新鮮👍🏻帆立貝有牛油香，不過如果切厚啲口感會更好一如以往揀薄燒牛😆牛肉肉質夠軟，加埋脆蒜片同蔥口感豐富又好食🥹炒飯粒粒分明但個人覺得調味唔夠，炒蔬菜普通最後有麵豉湯整體黎講質素同九香差唔多，但調味依間淡啲環境黎講lunch會揀採光度十足嘅港香晚飯就揀返環境昏暗啲、有情調啲嘅九香😂同埋唔知係轉咗menu定分店唔同呢，都幾掛住佢之前個前菜番茄多士🥲
繼續閱讀
很少機會到港島區跟同事們食午餐這次公司為了讓不同部門的同事多多認識特別讓我們有機會一邊試試新餐廳一邊跟平常很少見面的同事聊聊天, 了解一下大家這次我們揀選了位於太古廣場的灘萬日本料理座落於酒店內日本料理餐廳服務真的很不同非常有禮貌而且餐廳內空間寬敞聽說這邊很難預約的哦餐牌裡有好多選擇有選擇困難症的我們左揀右揀通通都好想吃最後我就揀選了福岡限定午市套餐前菜:凍浸季節野菜配鰹魚絲八女茶豆腐配海蝦刺身:是日推介鮮魚刺身兩款蒸物:蒸蛋配雞肉, 年糕, 冬菇及魚餅主菜:鐵鍋餃子當然少不了白飯, 麵豉湯, 漬物泡菜最後還有甜品真的非常滿足總結:這邊不論是食物質素店員服務以及餐廳環境全都是非常棒讓你有寧靜的環境享用美食如果你也想來這邊試試就記得一定要提早預約哦
繼續閱讀
一年一度重要既人生日既大日子，一早book左港島香格里拉酒店灘萬日本料理食鐵板燒。午市餐牌有鐵板燒同非鐵板燒餐牌。鐵板燒餐牌有6款特選鐵板套餐，價錢由$420至$1000一位，另加一，視乎食材同包幾多野食。每個餐基本都包青菜沙律，雜錦野菜，炒飯或炒麵，味噌湯同泡菜。貴餐會包多樣前菜。散叫有肉類鐵板燒，海鮮鐵板燒，蔬菜鐵板燒，炒飯，壽司，壽司卷，手卷，刺身，前菜，湯類，沙律，燒物，飯麵同甜品。預先預留鐵板燒枱，食鐵板燒要坐bar枱係常識啦。今日每人叫一個餐。日本和牛套餐$1000另加一，包以下食物：前菜青菜沙律日本西冷和牛雜錦野菜炒飯或炒麵麵豉湯及泡菜鐵板特選套餐$580另加一，包以下食物：前菜三文魚刺身牛油煮帆立貝青菜沙律西冷牛扒或者牛肉薄燒雜錦野菜炒飯或炒麵麵豉湯及泡菜服務員先幫我地忙戴好圍裙，呢度係用藍色布質圍裙，唔係即棄。好快就上前菜沙律。青菜沙律係沙律雜菜加少見既白蘿蔔片，加上柚子醋做調味，味道清淡。普通料。前菜有三款。豆腐比平常厚實，居然有少少芝士感覺，好味道。面頭有少少以為係wasabi既物體，不過無wasabi味。銀鱈魚三舊加上洋蔥絲，青瓜，同紅蘿蔔絲，味道甜甜酸酸。銀鱈魚就好麻麻，淋身而味道又無特別，無乜魚味。最後高身兜就係裝住鮮嫩菠菜加菇仔，面頭加上木魚花。三文魚刺身有三片較瘦同兩片較肥，其實質素都幾好，仲有黃色花瓣裝飾。然後我地既鐵板廚師就攞住我地今餐既肉，海鮮同飯麵菜黎我地鐵板燒枱前面準備啟動。先煮海鮮，師傅將醬汁加係帆立貝殼上面，然後將帆立貝一切二直接係爐上面煎，最後加少少黑椒調味，帆立貝放返係殼上面上枱。帆立貝都好嫩，不過味道方面係正常貨色，牛油味都唔重。然後就食美國西冷，都好大塊，我地鍾意食生d。廚師切粒煎，然後就可以一口size入口。西冷食落都好嫩，而個皮係有少少脆，算唔錯。日本和牛西冷係A5，油花當然平均又靚，師傅都係切粒煎，呢塊牛就非常淋而脂肪重，入面啖啖油。塊皮都相對脆少少，少食多滋味。醬汁有蒜頭酸汁同胡麻醬，兩款醬汁都唔錯，當然其實食食物原味都好食。然後到主食。師傅先炒飯。師傅將一隻蛋，紅蘿蔔粒，綠色瓜粒，洋蔥粒，同頭先剩返既牛肉粒一起炒。分成兩碗上枱，每人有一中碗份量。飯炒得夠乾身，味道唔錯，仲有少少飯焦添，唔覺油膩。呢個時候服務員就上麵豉湯及泡菜。泡菜有三款，包括黃色蘿蔔片同牛蒡各兩件，爽脆少鹹。伴有紅色泡菜就幾鹹。麵豉湯味道鹹香，有好多料，包括昆布，蔥花同腐皮，真係滿滿既料。然後師傅就炒麵。麵條係粗身黃色麵，好滑下，加埋椰菜，菠菜，芽菜同紅蘿蔔絲一齊炒，口感豐富，當然仲有牛肉粒。個醬汁好正，係甜甜地，令個麵好好食。師傅都係一份分兩碟上比我地。最後就係雜錦野菜，包括芽菜，菠菜，生菜同紅蘿蔔絲。每人大概有半碗左右，蔬菜唔會太油，味道正常。個餐可惜唔包甜品。整體而言，食物質素係唔錯，不過又唔係好食到值呢個價。價錢主要係食地方同裝修。服務方面我覺得可以再好d，例如主動加密d茶水。兩個餐而言，鐵板特選套餐絕對係抵食d，因為美國牛都唔錯。間中黎一次慶祝都可以。
繼續閱讀