3
3
1
以上資料只供參考, 請與餐廳確認詳情
招牌菜
呢間係一間超有鑊氣大排檔!!!公司就係附近，有一次無意中入去試左，結果一試愛上！蒜香豬頸肉炒飯，每一次都必叫！炒飯乾身好惹味酒燒雞中翼絕對係名物，必食！椒鹽豬頸肉又係勁好食呢到已經成為我地既飯堂了！
繼續閱讀
放咗幾日假，一返工就好多工作排山倒海咁衝過嚟，成個朝早忙到嘔電，所以決定lunch要食返啲好嘢獎勵吓自己突然間諗起附近有間傳說級餐廳，就不如去買個外賣試一試<馬坤記>係一間港式大排檔，因為有幾套電影同電視劇去過取景，所以好多人都特登嚟試吓，我都係其中一個哈哈依家疫情，大部份人都係嚟買外賣，去門口點餐時見到師父攞住大大個鐵鑊喺度炒嘢，已經感受到果一種鑊氣，突然好想食<鹹魚雞粒炒飯>，就叫咗盒外賣。由於都真係幾多人，等咗大概20分鐘左右先攞到外賣，不過食落口嘅時候都覺得好值得炒飯真係炒得好有鑊氣，粒粒分明、乾爽同有蛋香；鹹魚份量適中，食飯嘅時候食到鹹香但係又唔會過分太鹹；雞粒就基本上都OK，有處理過冇雪藏味，配合埋鹹魚同埋個炒飯，整體嚟講都係非常好味嘅真係好鍾意佢用個大鐵鑊即叫即炒，下次再去買外賣試其他鑊氣lunch先
繼續閱讀
喺公司附近見到呢間大排檔，都幾多人排隊，所以就買咗個午餐返公司食。呢度啲飯都算平，$4、50就有交易。咁我就叫咗一個鹹魚蒸肉餅飯，佢就有送例湯嘅。佢個湯係節瓜豬骨湯，節瓜份量都幾多，果糖應該冇落味精，飲完都唔會口渴。佢個蒸肉餅有驚喜，我估唔到佢個鹹魚會係半條咁樣上菜。肉餅份量都OK，肉質正常但落咗豉油就偏鹹，下面有幾條菜都算健康。飯就非常多，多到食唔晒🤣呢個價位喺牛頭角都算幾平，有時糧尾嘅時候都可以攞嚟食下。
繼續閱讀
平時我都係自己返工帶返食慣住家飯 琴日屋但冇留飯比我又唔係好想Lunch自己一個出去食太貴😌所以揀左喱間平平地$38 就有飯同湯之前已經食過一次西炒飯同咸魚雞粒炒飯都好有鑊氣 真心唔錯 但因為地方環境 唔太好 大排檔格嚟就係公廁 坐係琴食既都係地盤工人或的士司機 唔多唔少既OL都外賣拎上office 食 最重要因該冇冷氣🤣🤣🤣 坐係到食係有d辛苦當然我都係拎上office 煲住劇食今日叫左個洋蔥豬排飯加合掌瓜豬骨湯Total $38 湯真係唔錯 但個飯汁令我好失望 冇咩味道 又稀 食哂豬排就冇食啦
繼續閱讀
九龍灣海濱附近近公廁e間大排檔，以前係附近返工成日去食。每次見佢開檔都係幾個阿伯阿婆係到營業。 離開左舊公司幾個月，今日經過特登去回味下。叫左招牌菜酒燒雞中翼，椒鹽鮮魷同一個海鮮蛋白炒飯，雞翼依然保持一貫風味，單骨雞翼好入味，係每次去都必定會叫一道餸。今日椒鹽鮮魷味道略嫌有d 淡，炒飯好夠味，有鑊氣。 雖然間大排檔係馬路邊，確實多車又大塵，但卻令人別有一番體會，約埋幾個朋友一齊食飯談天說地，享受無拘無束感覺
繼續閱讀