15
7
5
港鐵觀塘站 A1 出口, 步行約7分鐘
繼續閱讀
電話號碼
25695808
營業時間
今日營業
10:00 - 01:30
星期一至日
10:00 - 01:30
以上資料只供參考, 請與餐廳確認詳情
【觀塘區】【閩味千里香餛飩皇】去過幾次觀塘松記食糖水，每次都好想食佢隔離嘅呢間餛飩舖，但係每次都食唔成。的起心肝搵次我就真係特登走入去食佢，就淨係為咗佢先入觀塘嘅啫，咁就冇嘢阻得到我喇。入到去發現都幾多人，下晝都要搭枱先有位。嚟到就梗係想食佢哋嘅餛飩而非粉麵，不過都要睇有咩味。而最好嘅選擇當然係全家福，有晒鮮肉、香菇鮮肉、韭菜鮮肉、玉米鮮肉、薺菜鮮肉呢幾隻味，啱晒我呢啲貪心鬼，隻隻味都可以食少少，加上又唔需要做選擇，正呀。首先食 $33 嘅「全家福小餛飩」，有十五隻，以上講過啲味都有。而佢哋啲小餛飩都偏大隻少少，但都做到一啖一隻，味道上都幾好，啖啖唔同味，爽。咁淨係呢碗當然唔夠，叫埋 $41 嘅八隻「全家福大餃子」，確係唔細隻。主要係佢個餃子皮都幾實淨，食落都有飽足感，唔同嘅味道又豐富咗味覺。我再食埋 $45 嘅「煎全家福鮮肉大餃子」八隻，煎嘅就油膩啲不過別有風味，都幾好食。飲埋 $8 嘅「凍豆漿」就 $127 埋單，好似我咁食法都幾癲喪。。。（地址：觀塘康寧道34號地舖）#1amfoodie #foodie #hkfoodie #thatfoodiething #hkfood #food #instafood #yummy #foodlover #delicious #foodies #tasty #globaleats #tastyfood #foodpics #followforfollowback #love #eat #1am觀塘區 #觀塘 #閩味千里香餛飩皇 #小餛飩 #餛飩 #全家福小餛飩 #全家福大餃子 #煎全家福鮮肉大餃子 #煎餃 #凍豆漿 #1am1306 #1ambackup
繼續閱讀
閩味千里香餛飩皇一兩星期我總會來這間店吃小餛飩，店舖雖小，每次中午來都是坐滿人，有些壓迫感，但小餛飩勝在皮薄餡夠入味，如果湯底香濃些會更加好，還有一個招牌滷麵都值得一試👍
繼續閱讀
久唔久幫會去幫襯，今日叫咗份煎餃，食咗2隻無嘢，第3隻咬落去好粉D肉咬唔碎，吐出嚟D肉粉紅色，用筷子扯唔爛舊肉，我叫丫姐過嚟佢話熟架，唔理我走咗去，叫咗丫叔過嚟佢都係話熟架，我隻佬咪試一隻都係咬唔到，有香音丫叔話新鮮豬肉係甘架，態度勁差唔理走咗去，我都唔係叫你換，2隻餃值咩錢，點解e間食店甘無良，明明餃未熟入面豬肉會答我係新鮮係甘，甘都嗡得出幾無良，做咗幾十年人生同熟都唔識分咩，不如煮都唔好煮就俾客食算啦，d肉咪夠新鮮。
繼續閱讀
又同朋友游完1000🏊想食番個宵夜先番屋企 好日都唔去觀塘 發現完來夜晚有咁多寶藏💎💍經過呢條街發現又有酸辣粉又有串燒又有甜品正當我唔知點揀個時發現左呢間餃子店 未入去係門口已經閒到陣煎餃香味♨️ 所以就決定係你啦😍夜晚11點幾仲係坐足八成 唔講以為係做緊晚市同朋友share咗個雲耳白菜鮮肉煎餃子因為佢係即叫即煎 🍳所以都等咗大約10至15分鐘先有 不過等待係值得嘅 佢上到嚟嗰刻仲feel到佢啲蒸氣升上黎 而且有生菜喺下面墊底 吸緊少少油 👍🏼 都feel到佢嘅皮比較薄 而且餡料都多 不過少少美中不足係佢嘅內餡唔夠味 如果加醋同辣椒醬去點嘅話肉同菜嘅味道只會被蓋左🥲🥲 不過佢煎到非常脆所以我會話不過不失 宵夜嚟講都係一個唔錯嘅選擇😌🥘🥘🥘🥘🥘🥘🥘🥘🥘地理 7/10環境 6.5/10味道 7/10服務 7/10🥘🥘🥘🥘🥘🥘🥘🥘🥘
繼續閱讀
一路都食開佢嘅餛飩，味道不過不失，夜晚去叫左兩碗餛飩，我唔記得叫走青，所以入去同老闆娘話幫我走青，後來餐攞左出來，同我話，你自己返去撩出來啦，我好言懇求老闆娘可唔可以幫我重新裝個湯，因為我對芫荽嚴重過敏，老闆娘話，冇可能，你自己返去整，我就走了，唔會再有下一次幫襯，我只是請求個湯重新裝一碗，我唔想掉左個餐咁浪費，你個餛飩跟湯分開，重新裝個湯好難為你嗎？就算你要加我錢我都接受㗎，咁嘅態度真心接受唔到。
繼續閱讀