影片
港鐵觀塘站 B2 出口, 步行約5分鐘
繼續閱讀
電話號碼
53738998
營業時間
今日營業
18:00 - 00:00
星期一至六
18:00 - 00:00
星期日
全日休息
以上資料只供參考, 請與餐廳確認詳情
有關獎賞計劃
又發現咗一間性價比超高嘅餐廳 價錢抵食之餘而且味道都非常之好！🥢椒鹽魷魚鬚 $58魷魚鬚炸得香脆 唔會多炸粉 有調味🥢燒澳洲羊架 $42🥢炭燒厚切牛舌 $28🥢燒雞腎串 $14🥢王牌燒菠蘿 $24串燒都係即叫即燒熱辣辣 羊架好嫩滑唔會太騷菠蘿好甜好正 我全部都叫咗唔辣 有需要檯上亦有辣粉可以自行選擇🥢鱈魚波波 呢個望落以為好熱氣 但咬落好似麻薯波波咁 係款幾香口嘅小食🥢古法燒鰂魚 $118呢個絕對要推介！條黑鰂好大條 魚肉非常嫩滑 平時蒸都蒸唔到咁滑我同我家姐2個人可以KO成條 而且魚肚有藏香茅調味 亦有配泰式醬汁但我覺得原汁原味已經非常好味 咁大條咁好味先係$118炸❗🥤鹹檸七 $10呢個都值得推介 個鹹檸佢哋係成粒打碎埋可以食埋 所以飲嘅時候除咗有咸寧之外 仲會覺得有少少甘甘哋嘅味道 🥢爆汁糍粑老闆最後仲送咗個甜品比我哋試下 正常一份係5件 $18呢個都好好味 岩炸起要攤陣先 裡面係黑糖糖漿 整體價錢都非常抵食 串燒十幾蚊起 飲品都係10蚊呢一餐先係$300左右 再問之下攞埋個LUNCH TIME MENU午餐都係$48蚊起 隔日已經即刻介紹同事試下 試咗個醉雞同酸菜魚外賣返公司食2個都好好味 唔記得咗影相 會KEEP住幫襯啊！
繼續閱讀
觀塘工廠大廈食肆林立，今晚我們就到新開的堅豐廚房吃晚餐。一出電梯，門外一幅：串燒「精神」盡興，三國英雄齊聚聰明燒的「易拉架」十分吸睛。一進入內更有一幅大大的壁畫：「呂布戰三英，不如串燒啤酒更盡興」。非常醒神，可見老闆的心思和幽默，他應該十分喜歡三國的英雄故事吧！椒鹽雞泡魚乾配沙律醬魚乾炸得酥脆帶嚼勁，椒鹽香氣撲鼻，搭配微甜的沙律醬，層次豐富。沙律醬的香甜配上魚乾的鹹香，十分惹味。王牌燒菠蘿菠蘿表面焦糖化後充滿誘人炭香，菠蘿十分鮮甜，咬下時菠蘿汁爆發，酸甜濃郁。泰式生菜包新鮮豬肉豬肉碎炒得鑊氣十足，鹹香中帶魚露的鮮，配脆嫩新鮮生菜，口感清爽。泰式醬汁是靈魂——酸辣醒胃。 炭燒豬頸肉外皮焦脆，內裡肉質彈牙多汁。蘸上經典泰式辣汁更昇華，乾蔥頭、香茅、芫荽十分香，完美展現泰式燒烤的細緻。 古法燒鰂魚魚皮烤至金黃酥脆，肉質卻保持雪白嫩滑，古法醃製的鹹香滲入魚肉，簡單卻考驗功夫。鯽魚的骨很大條，沒有太多碎骨，非常多肉。蘸上醬汁更提鮮，原汁原味很好吃。 蒜蓉燒生蠔生蠔肥美飽滿，蒜蓉鋪滿，烤後香脆不嗆，與蠔肉的海洋鮮甜形成絕配。蒜香濃郁卻不掩蠔味，尺寸霸氣，滿足感爆棚。 鹹檸七打碎的鹹檸檬與七喜氣泡完美融合，鹹甜交織又帶柑橘清香，消暑解膩神飲。鹹檸檬的顆粒有口感 。這家小店將泰式的酸辣炭烤與中式細膩調味結合，食材新鮮、醬汁功不可沒。尤其推薦「蒜蓉燒生蠔」與「古法燒鰂魚」，醬汁的複雜度讓人回味。雖然食物的種類選擇不是太多，但是食品是非常美味的，也可見到老闆的用心。
繼續閱讀
🍢 **堅豐廚房X聰明燒｜工廈藏住呢串燒驚喜！** 喂！同你哋分享間隱世串燒店，喺觀塘工廈上到去一開門就香到癲！唔係得串燒出色，連小食同大菜都堅有料到，今晚食完即刻想book下次～ 🌟 **鹹檸七｜靈魂救星！** 第一啖就知係老手沖嘅！鹹檸檬醃到啱啱好，唔會死鹹又帶回甘，七喜氣泡勁足，啪落去「唰」一聲解晒膩，同串燒係絕配！ 🍆 **蒜蓉燒原味茄子｜跪低級蒜香！** 成條茄子燒到外皮微焦，一𢳂開啲蒜蓉多到瀉出嚟！秘製蒜油超惹味，茄子肉吸盡精華，軟糯帶甜味，食到唔捨得放筷～ 🌶️ **經典酸菜魚｜酸辣暴擊！** 驚喜！估唔到串燒店嘅酸菜魚咁高質！魚片嫩滑到冇朋友，酸菜脆卜卜仲帶天然發酵香。湯底酸辣平衡，偷偷哋飲咗半碗... 加埋粉絲索汁，真係忍唔住「umm」出聲！ 呢餐完全顛覆我對串燒店嘅印象，由飲品到主菜全部有心思。最抵讚係食材原味夠突出，調味唔會死鹹，食完喉嚨完全冇負擔。工廈果然永遠有驚喜！ #觀塘美食 #工廈隱世店 #串燒控必收 #酸菜魚上頭 #蒜蓉邪惡度爆燈 #香港掃食 #抵食不分享對唔住自己 #堅豐廚房 #聰明燒 #foodie雙重享受
繼續閱讀
估唔到呢間觀塘工廈入面嘅串燒店有咁多選擇👏🏻而且食材用料講究，價錢都好合理👍🏻其實每串串燒都已經調好味😋但如果係重口味同鐘意食辣嘅人士，呢度仲有唔同程度嘅辣椒粉可以加，好窩心呀！ 串燒：- 雞橫膈膜：$20呢個部位唔係好多串燒店有賣，肉質好有咬口，而且又有油香👍🏻 - 串燒日式燒豆卜：$18好難得豆卜都可以燒得咁脆，而且完全無燶，勁👍🏻 - 雞皮夾大葉雞肉串：$24好特別，因為有雞皮，所以啖啖肉嘅同時又滿口油香 - 燒雞皮串：$24超級脆！好似食緊薯片咁，大推！ - 日式燒鮮白鱔：$48用左日本嚟嘅白鱔，肉質好彈牙！ - 燒魷魚串：$22- 王牌燒菠蘿：$24 小食：- 泰式生菜包新鮮豬肉：$78豬肉調味已惹味，酸酸辣辣咁，好開胃 - 蒜蓉燒原條茄子：$32海量嘅蒜蓉，而且茄子燒到軟身，唔會乾 主菜：- 蟹肉蟹子鰻魚炒飯：$128個飯炒得勁香，但唔會油，而且好多料，啖啖都食到鰻魚同洋蔥粒，正👍🏻 飲品：- 鮮愛文芒果沙冰：$38用左真嘅台灣愛文芒果打成冰，好甜好香☺️ - 咸檸七：$20好refreshing! 而且用料無手軟，咸柑橘味道好出，鐘意咸檸七嘅人唔好錯過！ 味道：🤤🤤🤤🤤🤤/5性價比：🤤🤤🤤🤤🤤/5
繼續閱讀
裝修簡約工業風，裝修簡單但乾淨企理，最啱同三五知己嚟呢度食飯傾計。平民價錢，高質享受！串燒同海鮮都做得好出色📍串燒系列（燒雞肝、焼雞心、燒雞腎、燒雞軟骨、泰式炸蝦餅） 雞雜系列個個都係精品，雞肝外脆內嫩，一啖咬落仲有汁水噴出嚟，香口得嚟又唔會有腥味。雞心同雞腎都係入味十足，個醬汁香濃惹味，食落有啲微辣，超開胃！雞軟骨就爽彈有嚼勁，食落好過癮。至於泰式炸蝦餅，香脆得嚟又有蝦嘅鮮甜📍古法燒鰂魚魚皮燒到金黃香脆，肉質嫩滑多汁，仲有陣陣炭火香味，絕對係有水準嘅手藝。😋 最抵讚係佢嘅醬汁，微甜微鹹，同鰂魚完美融合，令每一啖都充滿層次感。啲魚肉唔會有魚腥味，就算唔係太鍾意食魚嘅人都一定會啖啖清光！📍蒜蓉燒生蠔新鮮肥美嘅生蠔上面鋪滿蒜蓉，燒到金黃香脆，蒜香撲鼻！💯 生蠔鮮甜多汁，個頭仲要大大隻，一啖咬落滿口海洋鮮味，配上香濃蒜蓉，簡直係絕配！個蒜蓉唔會搶咗生蠔嘅鮮味，反而提升咗佢嘅層次📍鮮愛文芒果沙冰 & 咸檸七愛文芒果沙冰真係夏日必飲！芒果香甜新鮮，啲冰沙綿密順滑，食完串燒後飲呢杯真係消暑解膩一流。🥭 而咸檸七就充滿港式特色，酸酸甜甜，加咗啲鹹檸檬更添風味，配串燒就啱啱好，開胃又解膩！老闆仲好好人送左兩碗綠豆沙😋😋小店既溫暖🫶🏻
繼續閱讀
您可能會有興趣的...