5
1
1
電話號碼
27920083
27920099
營業時間
今日營業
05:00 - 17:00
星期一至五
05:00 - 17:00
星期六至日
05:00 - 19:00
以上資料只供參考, 請與餐廳確認詳情
同老公西貢買餸，諗住是但走入一間茶餐廳度食，住咗呢邊咁耐都冇試過，就膽粗粗試下啦點知唔差啵👍🏻👍🏻我叫沙嗲牛公仔麵餐，配咗煎雙蛋多士我老公就叫咗福建炒飯沙嗲牛嗰個醬好味夠濃唔太辣，恰到好處，因為我喺西貢食過另外一間嘅茶餐廳超級難食，沙嗲牛冇味，而佢估唔到可以做返舊式茶餐廳沙嗲牛嘅水準👍🏻👍🏻反而最出色就係個福建炒飯，估唔到幾好味超多配料超多醬汁食碟頭飯，最緊要就係有汁😬👍🏻🤣🤣仲有唔好以為茶餐廳店員就粗粗魯魯店員哥哥同姐姐都好友善👍🏻👍🏻終於有一個平民價錢食到好嘢嘅茶餐廳
繼續閱讀
上星期入咗西貢嗰度行下玩下水散下心搭船出海，咁好多人都會係出海玩之前食啲嘢嘅，咁我都唔例外，想搵間食飽啲嘅早餐餐廳，咁呢間喺對正小巴站巴士站入邊嘅越華茶餐廳就啱曬喇。因為通常我哋都好早就要去隔離西貢碼頭搭船出海，所以都冇乜考究邊間好食唔好食，早餐都係嗰幾味，我就叫咗一個豬扒炒蛋米粉，每一杯熱檸茶，感覺麻麻地，但入到去呢啲地方都預咗。間餐廳係有d窄嘅（香港土地問題😀），呢間都算keep住有人出入算好生意，但講返個早餐真係好一般，塊豬扒可能脂肪比較多，所以好似炸豬油咁冇咩肉，個炒蛋亦都偏細份，而且冇乜蛋味，最後杯熱檸茶嘅檸檬有好多白色檸檬皮，得一塊有檸檬有肉，只能說我唔好彩！🥲不過呢個價錢係西貢碼頭黎講，我真係有心理預備左，但仍然比預期差，唯有下次試下午市下午茶會唔會好食d🙈
繼續閱讀
平時多數入西貢試下唔同茶餐廳既炸脾今次好想試滷水雞脾差唔多行完成個西貢，原來滷脾真係好難搵，正想放棄既時間，見到依間有！一於試下！可能期望過高，有點失望。冇諗過唔似滷水味，反而有少少似黑椒味🤣可能炸脾會出色D。🙌有機會再試。
繼續閱讀
🌺嘩！好耐無同樹熊出去玩，今次揀左西貢郊遊遊。 📌出發前要醫醫肚，就係西貢大街隨意地揀左間《越華茶餐廳》。📌有室外有室內，大熱天時，室外就熱啲🔥，大排檔feel啲，室內就有冷氣🌀同電視📺， 不過坐位就窄啲。📌大路常餐、特餐入有。📌三點幾一定有下午茶餐，價錢正常，$30-$40，包飲品🍹。生炸雞脾配沙律，$40熊妹食例牌下午茶餐，雞脾沙律。生炸雞脾炸得金黃，好大一隻，雞皮好酥脆，雞脾肉幾嫩滑，不過就無咩味，似係無調味過就咁生炸，欠缺點誠意，要靠茄汁調味，咁樣就爭少少喇。常餐，$42常餐最普通，樹熊最鐘意食常餐，沙爹牛肉麵加火腿奄列加多士。其實真係好簡單，沙嗲牛肉味道都幾濃烈，牛肉好淋，公仔麵再加啲辣油調味，就係樹熊平時喜愛嘅食法。比較特別嘅係送上幾舊翠玉瓜，有啲蔬菜纖維好似健康啲咁，當然就梗係熊妹包辦晒啦。火腿奄列煎蛋薄薄一片，入邊包住幾條火腿絲，有少少蛋汁，多士係普通白多士，烘熱過，搽牛油食鹹香味。凍檸茶一杯正常，一杯走甜少冰，篤篤篤篤，檸檬嘅酸融入冰紅茶嘅苦澀，真係消暑佳品。📌食完簡單嘅下午茶，填飽左個肚，然後向晴朗的一天出發。🌞
繼續閱讀
今日中午我在「西貢」墟，選擇在其他茶餐廳裡面享用午飯，餐廳是位於小巴總站旁邊，前身名稱叫做「越華快餐店」，現在名稱叫做「越華茶餐廳」的食店。以前的「越華快餐店」，是小巴總站一眾小巴司機，在午餐時間會選擇用餐的午餐場地。雖然「越華快餐店」已經結業，連店主店員，甚至店名都已經變成了「越華茶餐廳」，不單只做快餐給上班族，還需要兼顧其他遊客食客。現在的「越華快餐店」店舖樓面設置了一部電視機，電視機正在播放礙眼的新聞報導，所以我寧願坐在「越華快餐店」戶外露天檯櫈，起碼用餐時會比較安心自在一點。雖然現在的「越華茶餐廳」廚房，終於都已經有製作像「牛腩飯」這種慢煮牛肉飯食品，但是實際上「越華茶餐廳」廚房其實只製作「蘿蔔牛腩飯」而已。想起現在的「越華茶餐廳」暫時還未有製作和提供「咖喱牛腩飯」，我好不容易才找到一款類似「牛腩飯」食品的「蘿蔔牛腩飯」，總算解決我在「西貢」少有遇到需要解決的「牛腩飯」問題。至於「雞肉」食品方面，「越華茶餐廳」開放式廚房跟以前的「越華快餐店」開放式廚房同一樣，都有即場製作鹹味的「生炸雞髀」食品，讓我很快就能夠解決午餐遇到的問題。由於「越華茶餐廳」裡面的「蘿蔔牛腩飯」屬於「中午飯餐」，所以我可以另外再選擇飲品，凍飲另外兩元，我最後選擇了享用，擁有甜味淡奶在裡面的「凍奶茶」飲品。「越華茶餐廳」「凍奶茶」飲品裡面的「淡奶」實際份量和比例都頗多，令本來份量不會非常豐盛的「凍奶茶」飲品實際味道變得非常之甜。「越華茶餐廳」廚房製造的「蘿蔔牛腩飯」，「蘿蔔牛腩」出乎我意料地，不是直接跟「白飯」擺放在同一個餐碟裡面，而是分開盛載在一個兜底餐碟裡面。「蘿蔔」實際口感煮得很腍，至於「蘿蔔」味道本來有少許甘。但是由於「越華茶餐廳」製造的「蘿蔔牛腩」醬汁實際「柱侯」甜鹹味味道感覺頗為濃厚，結果甜味「柱侯」醬汁把「蘿蔔」甘味頗為掩蓋住。至於「蘿蔔」味道雖然不算煮得非常甜，但是還有一個好處，就是「蘿蔔」實際製成品裡面的口感感覺非常軟腍，是配白飯一起享用的最佳配菜。至於「蘿蔔牛腩」裡面的「牛腩」實際份量不算非常多，算是跟口感軟腍的「蘿蔔」差不多，不多不少的相同比例。「牛腩」體積不算很大，但是實際口感感覺卻煮得很軟，很易咬和咀嚼嚼爛吞嚥下去。至於「越華茶餐廳」的「生炸雞髀」配「蘿蔔牛腩飯」，再配套餐「凍奶茶」飲品的實際總價錢需要港幣七十四元，不算很昂貴，但是起碼下次在「西貢」午餐有需要外出用餐的話，「越華茶餐廳」也算是不錯的選擇。
繼續閱讀