611
40
12
開飯介紹
屹立於葵廣內的車仔麵檔，配料選擇多，抵食、地道。沙嗲辣汁及秘製醬汁乃其麵食之靈魂。
繼續閱讀
營業時間
今日營業
06:00 - 00:00
星期一至日
06:00 - 00:00
以上資料只供參考, 請與餐廳確認詳情
食家推介
平時去葵芳最常買外賣既都算係呢間車仔麵呀$50 三個餸包熱飲每次必加辣汁同辣菜甫夠野味👅👅蘿蔔夠淋夠入味👈🏻鹵水雞翼好正豬皮彈牙咖哩魚蛋同魷魚我最愛😻😻魚肉春卷我老公超喜歡仲有牛肚選擇多樣樣都試吓正👐
繼續閱讀
車仔麵永遠都係我最愛😍葵芳廣場出名多嘢食，難得有時間過去葵芳接家姐收工，佢介紹我食呢間車仔麵，原因係啲辣菜脯好好食😱，而且唔辣，佢每次食都要落好多。望一望啲餸，竟然我鍾意嘅全部都有，當然要試😋四餸米粉 $67我揀咗水魷魚（+$5）、牛柏葉、豬皮、牛腩配米粉同腩汁。四餸米線 $67家姐揀咗豬紅、雞翼尖、冬菇、水魷魚（+$5）配米線同腩汁。3個餸係$52，我地加多1個水魷魚餸要加$16，普通餸就$11，水魷魚即使要加錢都好值得食，因為係好爽口彈牙。辣菜脯我唔識欣賞，但家姐每次都落落落好多。可樂都係+$3，真係好抵食😋😋
繼續閱讀
葵涌廣場向來都出名多小食，而且經濟實惠又多選擇，而今次我同朋友就想坐低食嘢傾吓偈，所以就去咗地下食孖寶車仔麵！😆發現呢度長期都好多人，但係都唔使擔心要等好耐，因為好多位，而且佢嘅選擇亦非常多，除咗有車仔麵之外，仲有多款小食甚至乎糖水都任君選擇🤩呢度嘅車仔麵配料超級多，真係揀到有選擇困難症🤣我同朋友今次就每人叫咗一個車仔麵再加一碟腸粉，平時食車仔麵時，我通常會叫蘿蔔，冬菇，而呢度仲有滷水豆腐食添，由於本人鍾意食辣嘅源故，我加咗秘製辣汁同埋辣油仲加咗秘製辣菜脯配上米粉，鍾意食辣嘅我超滿足😋而我朋友就叫咗滷水豆腐，豬腸，豬紅配上油面， 我哋兩個都食得好滿足，我哋仲叫咗小食腸粉，呢度既腸粉好滑，而且係多醬料仲有芝麻！☺️👍🏻總括然而，呢度既車仔麵既性價比好高，價格實惠，食咗咁多都係$119，而且亦都有懷舊風格，選擇有好多，簡直可以媲美住掃街既港式小食，除了主打既車仔麵外，我覺得絕對可以再encore，由於今次太飽，下次我決定再試埋佢哋嘅腐竹雞蛋糖水😆
繼續閱讀
葵涌廣場係一個平民友善嘅美食天地雖然比起十幾年前已經係貴咗但比起出面嘅不斷漲嘅價錢嚟講呢度嘅食店絕對算係抵食今次去咗位於地面嗰層嘅孖寶車仔麵行過已經聽到熱情嘅姐姐出嚟招待原來位置雖然分得幾凌亂但都算幾多諗住淨係門口出面其實入面仲有平時行過都見到幾多人食食咗兩個四餸車仔麵加兩杯嘢飲埋單117蚊真係覺得係糧尾恩物份量自己覺得夠飽肚嘅最緊要係啲餸都唔係平嘢魚肉春卷加牛腩加鳳爪都係啲貴餸咖哩魷魚豬腸豬紅亦係非常懷舊嘅長青餸希望呢類型嘅食店可以長做長有
繼續閱讀
早2日同老公又去葵廣食孖寶車仔麵啦呢間由我讀緊書嘅時候已經開始食 好有回憶一如以往 平日夜晚都好多人 即刻叫返兩個車仔麵set😋價錢仍然都好平 $52有三個餸再加熱飲我叫咗豬大腸 牛雜 瑞士雞翼米線而老公就揀咗牛雜 蟹籽丸 瑞士雞翼 豬紅粗麵個人認為呢度嘅牛雜同埋瑞士雞翼都係必食嘅👍🏻牛雜雖然加$5 但真係有好多部位 牛腸 牛肺 牛心等等 全部都好入味🩷瑞士雞翼都煮到好腍好入味 仲記得以前讀書都會買淨雞翼嚟食 絕對係呢間店嘅王牌
繼續閱讀
您可能會有興趣的...