22
8
4
港鐵荔枝角站 D1 出口, 步行約1分鐘
繼續閱讀
營業時間
星期一至日
12:00 - 15:00
17:30 - 23:30
以上資料只供參考, 請與餐廳確認詳情
食家推介
隨意走進去，有放題和散叫。晚餐一般都是幾十蚊，結果我哋就叫咗一個最貴嘅一百蚊壽司便當餐，同埋一個鐵板燒150蚊餐。個便當壽司餐跟烏冬真係抵食喎，魚生新鮮度係可以嘅，沙律唔錯，難得啲蔬菜都算新鮮。 個烏冬啲質地就普通啲啦， 不算滑，但係烏冬要有的都有了個鐵板餐啲魚生仲好啲，最喜歡希靈魚仲有好多海膽 一件羊架就肥啲，不過味道不錯。蒜蓉牛柳粒唔夠鐵板嘅風味，多咗啲汁，不過入口都ok。蔬菜就一般啦…其實仲有個蟹子沙律同埋湯， 另外仲有汽水同埋雪糕甜點。坐得是是正正，不限時食物水準可以接受，對比價錢ok~
繼續閱讀
今時今日，香港的地價堅離地，人均佔地越來越少。相對而言，這間食肆面積頗大，感覺明亮，是個適合包場的地方。這餐想多吃蔬菜，所以點了個沙律餐。套餐除了主菜外，還有一客小沙律、一碗麺豉湯、一罐飲品和甜品。主菜是雜錦魚生沙律 - 上面有蟹籽、切粒的貝類和三文魚，之下有生菜和開邊蕃茄，渗透於這些食材之間的，是充滿芥末味道的沙律汁，清新惹味。相比之下，烏冬的咸味足矣，然而其味道則可以再增豐富一些。飲料和甜品 - 使用預先包裝食物，並以原貌呈現於顧客面前，只要產品的牌子或包裝可以，客人都可接受。有謂“早起鳥有得食”，但有時早食完都有著數，是次午餐在12:30前完成，88折。
繼續閱讀
舊同事約食放題，見咁耐無見又好吖，佢話佢公司附近開左新放題店，喺工厦入面，但環境唔差，佢食過晏晝都幾好。門口真係感覺麻麻，黑漆漆的樓梯，上到去又ok喎，地方大又夠冷氣，枱與枱之間都好濶落。大概係平日？！人不多，八點幾黎到不用等位。坐低就整罐野飲先啦，呢三樣都係賣飛佛喎，哈哈。飲品雪櫃自己拎，仲有滾水，凍水供應，唔鍾意飲甜野都有其他野揀。刺身選擇不多，只有三文魚，馬刀貝，北寄貝，鮑片等，但勝在新鮮兼厚切，寫幾多黎幾多無扣數。壽司亦是即叫即做，飯軟綿，但係正常壽司size，食兩三件已好飽肚。湯烏冬都係好大碗，多人share會好啲，烏冬彈牙，湯底清甜，意外地好味喎，好多放題舖都係公仔麵湯底……日式蒸蛋則蒸得太耐了，老哂。燒粟米，燒豬腩肉，即刻燒出黎熱辣辣，油脂甘香。焗扇貝同焗蠔，個芝士蛋漿勁好味，貝同蠔都鮮味。燒鯖魚同羊架，沒有燒得太乾身，火候啱啱好。encore壽司，火灸真係勁正，啲魚油爆出黎。燒蕃薯仔同菠蘿，蕃薯軟腍勁甜，菠蘿則勁酸，新鮮菠蘿又幾難預到甜嘅……牛柳粒同天婦羅，牛味十足，即叫即炒㗎。天婦羅亦係新炸起，除左一定般南瓜，蕃薯外，仲有榴槤波波，香蕉，炸鮮奶等，甜甜的好正。甜品櫃自取，都幾多款揀，朱古力泡芙，蛋糕，明月冰卷，大福餅，菠蘿雪米滋，雪條，雪糕等，其中至愛泡芙，鬆軟入面仲包住朱古力慕絲，菠蘿味雪米滋亦有驚喜，一般都係芒果味，仲有雪糕杯居然係阿波羅，平時都係牛奶公司多，食左香芋同雲呢拿味，不錯啊。食得勁飽，埋單每人約240蚊，食物質素還不錯，地方大冷氣亦夠，可惜伙計太熱情，周不時過黎吹水，未食完又趕收碟，約朋友食放題都係想傾下計啫，食得咁大壓力真係有點那過……
繼續閱讀
旺角放題一般都好出名，可惜的是工業大廈區有放題而寂寂無名。 荔枝角地鐵站D1出口轉左上樓梯立即是一間名為雲鶴的放題店。 可能是地理位置的問題，明顯人流也比較少。 三文魚、油金魚、北寄貝、甜蝦、包片、馬刀貝、榮螺肉 刺身方面質素平平，甜蝦不算新鮮，三文魚和油金魚比較好吃，魚油豐富。 海膽一板原來係要先行訂座才有，好彩我哋都提早訂座了。味道不算特別中規中矩，加上有幾塊香脆的紫菜配搭起來尚算豐富。 鰻魚壽司、熟帆立貝壽司、花之戀 壽司舊飯不算太大，整體新鮮度也可以。 清酒煮藍青口的調味不錯，裏面也有一些菜可是比較硬，需要慢慢浸稔。 三文魚濃湯與面豉蜆肉湯口味比較清淡，不會喝後口渴。 冰番薯與燒番薯的主要分別就是一冷一熱，幾有新意的。不過還是喜歡熱食較多。 燒菠蘿叫咗兩round，第一次的比較甜，裏面夠多汁。 卡邦尼焗蠔與預期相同，沒有什麼特別。 蕃茄蛋餃最特別，裏面有好多蕃茄粒，以及一些甜酸醬質， 出面是用蛋奄列包圍，水份充足又有新鮮感。 芝士焗扇貝細細粒不過幾彈牙。 烤羊扒肉質鮮嫩，好有肉地，食落有很原始的羊味！ 蒜味蝦質感還好，調味不錯可是新鮮度欠奉。 牛油翠玉瓜算得上是最好味，牛油味配上蒜蓉味真不錯，香味十足！ 洋蔥炒蜆分量很大，味道比較淡口味。 榴槤炸彈，炸鮮奶，炸香蕉角，紫心香芋丸都是最出色的，各有各的濃郁香味！！必吃！！ 甜品竟有阿波蘿雪糕，雪條及小許特色甜品；飲品選擇也多 人均消費$218+10% =$240 任食2.5小時在旺角一定做不到，想慢慢吃的選擇這間就對了～ 雲鶴 荔枝角長義街10號昌隆大廈1樓B及C室
繼續閱讀
「有你在，真好」這句話雖然簡單，卻很有深度。C小姐，是一個樂觀的人，每次的約會，她都會帶給我正能量，最近，我的腦中充滿着煩惱絲，而她的正能量又會把我從負能量中拉出來，問題雖然依然存在，但她在真的令我放鬆不少。「有你在，真好」，希望我們的友情可以永遠延續下去。謝謝你C小姐最近的煩腦和困難真的令我困在一個死胡同，連食欲也少了很多，既然約了C小姐，當然要食盡佢啦。要食到盡，放題當然係個好選擇。而今次就選擇左雲鶴，一間位於工廈的放題，由荔枝角走只要1分鍾，十分方便。一般在旺角，尖沙咀，中環的放題店由於租金十分高昂，所以通常位置也很逼，而這間放題店因為在工廈，所以坐下也非常舒適。而且因為新開，所以客人不多，今次小弟更可以2人坐4人桌呢。食品方面，款式較一般放題店略少，但一些基本款也很齊全。飲品:沒有什麼特別，有一般的可樂，忌廉，忌廉奶等等，所以一般的香港和韓國飲品很齊全。刺身:一般放題都會有的刺身，如三文魚，甜蝦，馬刀貝等等刺身都有，但小的這次只是叫了三文魚同有頭甜蝦刺身。三文魚刺身:很推！是三文魚腩，食落無渣，而且油脂很多。甜蝦刺身:用的是較貴的有頭甜蝦，抵讚，但是無咩蝦味，總括而言:不過不失。壽司:今次叫了鰻魚壽司同花之戀壽司，花之戀壽司漏單沒有來，有點小失望，而鰻魚壽司則是火炙的，即叫即燒，所以吃下去還有點微溫，遺憾的是鰻魚較薄，厚一點會更好。炸蒜牛粒: 必食推介，牛粒無渣，很嫩，而且味很足，加上炸蒜，令其更有質感。餃子:餃子看下去不像餃子，再三問店員，原來是蛋餃，味道不俗，但油了一點蜜糖雞翼:雞翼是即炸的，所以很香口，再加上蜜糖，有點甜甜的味道外，也有内脆內軟的感覺。其他熱食:質素與其他的放題店差不多，但羊架的質素不俗，油脂比例，從肉質看下去應該是上品。燒波羅:即叫即燒，食落酸酸甜甜，做甜品又得，做前菜又得，得左！總括而言:質素不俗，但款式較少，而且價錢有點貴。但大家可以在某啲時段幫槻，會有折扣優惠。
繼續閱讀