3
0
0
港鐵荔枝角站 C 出口, 步行約3分鐘
繼續閱讀
營業時間
星期一至六
07:00 - 18:00
星期日
全日休息
以上資料只供參考, 請與餐廳確認詳情
呢個食堂本來已經好神秘，係附近上班族先會識去搵食，入面的食肆選擇都算多種類，而車仔麵亦係附近少有的。自從一次見人攞住一碗好有份量嘅麵行過，加上當日比較肚餓，所以就揀咗呢個米線，埋到去老闆會問辣菜分開定放埋一齊，心諗放埋一齊先食到原有嘅味道，一答放埋一齊嘅時候，老闆就給予一個識色嘅眼神作回應。秘製豬扒米線豬扒唔乾、又唔會無晒肉味，但又唔會誇到有肉汁，正常水準米線份量足，有咬口唔會淋主角秘製辣菜，唔會淨係辣，帶點麻、甜、爽，再加上大量（係大量）中芹，成件事簡直完美。如果唔食辣、愛走青同怕油，就試其他
繼續閱讀
我真係好鍾意食呢間lunch啦！因為我覺得個廚師加老闆好nice, 而且佢真係好有heart! 仲要係，佢嘅嘢食真係真材實料，無論係湯飯，蒸飯，車仔麵，麻辣米線都真係勁勁勁正！今日我同個fd都叫左飯，一個就係鴨腿湯飯，一個就係鹹蛋肉餅飯。個鴨腿湯飯，有一陣淡淡嘅藥材味，但係好香，仲要有冬瓜配住，好清新。而且個鴨腿好大隻，絕對冇呃稱，大大隻！啲湯加埋啲飯，好match鹹蛋肉餅飯，係我其中一個真心推介。因為佢個肉餅唔會有太多肥肉，肥瘦適中，而且又唔會太硬；再加埋我最鍾意嘅鹹蛋，真係唔可以停到手咁食飯。其實，車仔麵，麻辣米線都好好食，但係每次都影唔到就食左hahahahahatrust me, 麻辣米線真心好食！
繼續閱讀
上次陪朋友黎呢邊買外賣，發現左Very Food Court。對呢度既印象好好，因為由買飛開始，已經感受到濃厚既人情味，同個個員工都可以有講有笑，好耐未試過有呢種感覺。上次朋友黎阿一買車仔麵，老闆拍心口請我地試食佢既蘿蔔，真心覺得好好味，唔怪得老闆咁有信心。今日再黎幫同事買外賣，食我第一碗既阿一車仔麵。今日黎既時候係放lunch 時間，老闆密密做咁樣，手腳都好快。我點左蘿蔔腸仔大腸粗麵外賣。湯同麵係分開上既。湯底偏濃味既，咸咸地；麵條有咬口，無乜“簡”水味；蘿蔔真心推介，真係煮得幾林，而且一d 都唔苦，本身我唔太鍾意食白蘿蔔都覺得好好味；大腸同腸仔無咩唔妥，整體黎講幾好。
繼續閱讀