304
48
8
開飯介紹
來自名古屋、以採用高級日本原材料製作的夏威夷風味班戟而聞名的日本餐廳，部分食材包括麵粉、忌廉均從名古屋直送到港。梳乎厘班戟之外，亦有班戟漢堡、Taco飯、意粉等鹹食。
繼續閱讀
營業時間
今日營業
12:00 - 22:00
星期一至五
12:00 - 22:00
星期六至日
11:30 - 22:00
公眾假期
11:30 - 22:00
以上資料只供參考, 請與餐廳確認詳情
食家推介
相關文章
Pancake House HoiHoi是日本過江龍，是受食客追捧的人氣班戟專門店，招牌的夏威夷風味班戟，是採用日本原材料製作的，完美複雜日式風味。香港店充滿少女心，明亮的燈光，以木系小清新為主調，並加入綠色植物元素，安坐在舒適位置，品嚐甜美的梳乎厘班戟，幸福感滿滿。安格斯牛扒配薯條 牛扒肥美嫩紅，七成熟肉質，緩緩切開，肉香撲鼻而來，令人食慾大開。入口微微焦香，軟腍多汁，豐盛的肉汁在口散發，牛香味濃，沾上燒汁，是誘人滋味。薯條是從薯仔切條批出，粗身綿密，份量十足。鐵板名古屋茄汁海蝦腸片意粉 意粉以鐵板盛上，以一片薄薄的香煎蛋皮墊底，配料豐富，使意粉保持濕潤，令人垂涎。蝦肉彈牙，鮮味吸引，每條意粉都掛滿酸甜蕃茄汁，夾合香腸片，每口意粉都伴著鮮味，簡單滋味。 楓糖忌廉夏威夷班戟 三層班戟即點即製，表面鋪上柔滑的楓糖忌廉，令人食指大動。綿彈的質感，入洋溢陣陣蛋香，吃完滿咀奶香味，香甜窩心。草莓梳乎厘班戟 震騰騰的梳乎厘，充滿空氣感，被奶滑的草莓忌廉覆蓋著。質感軟綿綿，香濃的蛋香，再沾上鬆軟的忌廉，蜜甜絲滑，伴以鮮甜的草莓果肉，令人甜絲絲。草莓沙冰沙冰濃稠，拌勻後清爽解渴，清新草莓酸香充滿口腔，十分迷人。音樂家系列手沖咖啡購買任何食品，可以優惠價$30換購手沖咖啡，款式由扭蛋命運決定，咖啡師用V60 or Aeropress沖煮精品咖啡，精神一振。音樂家系列都是SHB等級的高海拔極硬豆，抽中了莫札特口味，以士多啤梨、玫瑰、茶花、葡萄及綠茶香為主，風味十足，呷一口雜合水果甜香、醇厚茶香，甘香中沁出淡淡果酸味，別有一番新意。
繼續閱讀
Pancake House HoiHoi📍荃灣楊屋道1號荃新天地1樓117號舖對上一次嚟Hoi Hoi食pancake原來已經係年頭嘅事，難得今日同朋友去到荃灣，又咁啱見到咁耐無食過嘅Hoi Hoi，當然要去回味一下，同試下佢哋嘅新品啦！之前一路都未去過荃灣分店，想喺度特別稱讚一下一位戴眼鏡嘅店員，佢唔單止有良好嘅服務態度，而且非常友善同有耐性咁講解每道菜式要留意嘅地方，笑容可掬，咁樣嘅服務態度絕對會令顧客回頭幫襯！ 💰$438超豐盛Hoi Hoi Set 2人前 👩🏻❤️👨🏻呢個二人餐真係超豐盛，有齊餐湯、甜品、飲品同兩款主菜，真係少啲食力都唔得！餐湯係固定款嘅煙肉薯茸湯，煙肉同薯仔都已磨成碎碎，整體口感幼滑濃香，能食到幼沙般嘅薯茸，餐前開胃一人一客，份量啱啱好。主菜有分A、B兩部分，朋友揀咗A嘅漢堡塔，而我就揀咗B嘅大阪燒比薩，兩樣都份量十足，兩個人食有少少吃力，好彩味道都幾好，最終都能成功挑戰(自稱)大胃王！漢堡塔 🍔呢個漢堡塔literally就係用漢堡扒堆成高搭，一個漢堡有足足三大塊嘅漢堡，造型真係十分吸睛！因為係牛肉嘅關係，朋友只好一人挑戰呢個漢堡塔，中間仲要夾有煙肉、芝士、洋蔥、醬汁等，好彩有比較清新嘅生菜同蕃茄片中和一下油膩感，如果唔係加埋脆卜卜嘅酥炸薯條，相信要一個人獨食一份都頗有難度！佢嘅漢堡扒係傳統日式嘅口味，帶有微微嘅洋蔥香氣，每塊都鎖住滿滿嘅肉汁，認真大滿足。加上佢咁巨型嘅size同獨特嘅賣相，我哋見當日每一檯都有叫一份嚟食，真係好受歡迎呢！大阪燒比薩 🍕我喺B選項當中揀咗餐廳新品大阪燒比薩，估唔到會有咁大驚喜！原因係睇menu圖片嘅時候，我哋都無見到原來pizza上面係鋪滿日式炒麵，所以嚟到切開嘅時候都有少少嚇親！呢個大阪燒比薩性價比好高，一次過可以食到大阪燒同pizza，而且味道同正宗日式大阪燒都非常接近，加埋經烤焗過而變得脆卜卜嘅麵條，咁有新意嘅料理真係值得一試！夏威夷果仁忌廉夏威夷班戟 🥞甜品方面，我哋今次揀咗佢哋嘅招牌Hawaiian pancake，口味則揀咗朋友最愛嘅夏威夷果仁。我想講，大家有機會嚟Hoi Hoi，真係必定要叫返個Hawaiian pancake嚟食，因為真係超級香甜鬆軟，食過包你返尋味！我哋揀嘅呢款夏威夷果仁忌廉口味唔會好甜，發打至軟身嘅輕盈忌廉滿滿蓋住熱辣辣嘅pancake，一切開就冒出香噴噴嘅煙，真係非常誘人。鋪滿喺pancake面嘅係切成粒狀嘅夏威夷果仁，佢脆脆嘅口感同pancake形成強烈嘅對比，估唔到又會咁夾喎。 💰$30 (套餐加配價)手沖咖啡 ☕️ 今次仲可以$30加配一杯咖啡師即場沖嘅手沖咖啡，而且仲有遊戲玩添。落咗單叫手沖咖啡後，店員會俾一個扭蛋機代幣你，你可以去到咖啡師面前嘅扭蛋機，以扭蛋形式抽取以四位著名音樂家命名嘅其中一款咖啡豆，即場睇住咖啡師沖泡咖啡。雖然朋友想試以莫札特命名嘅咖啡，但我嘅神手抽中咗以蕭邦命名嘅咖啡豆，好彩朋友都好欣賞呢種充滿果味嘅咖啡咋。蕭邦咖啡嘅風味係桃、士多啤梨、櫻桃、香檳、玫瑰等，所以佢嘅味道比較香甜，充滿果香。店員非常之細心，咁介紹呢套同本地烘焙品牌賣啡佛嘅手沖咖啡，又講解兩隻唔同大細嘅玻璃杯會如何影響咖啡嘅味道，估唔到用細啲直徑嘅杯可以飲到較濃郁、較香豆味嘅咖啡；而同一壺咖啡用一隻杯口比較大嘅杯嚟飲，就會飲到更香更突出嘅果味。果然飲咖啡都係好有學問，朋友嘅建議就係趁熱飲，趁咖啡仍然喺熱度足夠嘅時候揮發出濃香嘅咖啡香氣，再用鼻輕輕聞一聞沖剩嘅咖啡渣，忙裏偷閑真係一大享受。 💰$40 (套餐已包)焙茶牛奶 🥛因為我唔太好咖啡，所以都係叫返我最愛嘅tea latte。今次我揀咗焙茶latte，佢嘅茶味香濃，而且唔會帶有顆粒感，茶香奶滑，比例堪稱完美，如果再大杯一啲，相信會飲得更暢快！
繼續閱讀
依間Cafe的甜品都幾出名Bookmark左好耐今次終於喺荃灣有機會食到新界人嘅幸福😍⭐️HOIHOI ALL DAY BREAKFASTAll day Breakfast必食一上枱賣相好靚😊而且食物款式豐富腸仔、煙肉🥓都好惹味炒蛋炒得剛剛好😋夠香滑特別一讚佢嘅英式鬆餅配上蜜糖🍯好鬆軟好好味一食難忘🫰🏻⭐️鐵板名古屋茄汁海蝦意粉🍝蕃茄味濃郁酸酸甜甜好開胃😙海蝦份量都多🦐夠新鮮意粉都夠彈牙口感唔錯⭐️餐湯-羅宋湯熱辣辣好暖胃😉配料充足夠水準⭐️法式焦糖梳乎厘班戟🥞重點主角出場❤️今次叫咗個特別口味法式焦糖一食有驚喜🤩真係超好食焦糖味同疏乎厘超夾甜度適中疏乎厘軟綿綿好有口感食完真係大滿足😋高度推介⭐️飲品-曲奇沙冰曲奇味濃郁面層有層cream令到飲品口感更佳加分👍🏻⭐️音樂家系列精品咖啡☕️-巴哈 BachCafe新推出精品咖啡係用扭蛋形式而決定邊種口味好特別，值得一讚😉今次抽中巴哈風味：葡萄乾，莓果，白蘭地，熱帶水果，可可佢會比兩隻唔同既杯你等你感受到咖啡嘅甜味及酸味咖啡味濃郁😄味道唔錯
繼續閱讀
👯♂️ʜᴏɪʜᴏɪ sᴇᴛ ғᴏʀ 2 💰$298♡漢堡塔♡鐵板名古屋茄汁海蝦意粉♡提拉米蘇梳乎厘班戟 ᴛɪʀᴀᴍɪsᴜ sᴏᴜғғʟé ᴘᴀɴᴄᴀᴋᴇs♡夏威夷果仁忌廉梳乎厘班戟 ᴍᴀᴄᴀᴅᴀᴍɪᴀɴ ᴄʀᴇᴀᴍ sᴏᴜғғʟᴇ ᴘᴀɴᴄᴀᴋᴇs♡ ʜᴏᴊɪᴄʜᴀ ʟᴀᴛᴛᴇ/ ᴄᴏsᴛᴀ ʀɪᴄᴀ 音樂家系列精品咖啡🇯🇵呢間食ᴘᴀɴᴄᴀᴋᴇ嘅日本過江龍之前嚟香港嘅時候已經好出名今次竟然比我見到有個超抵嘅晚市二人套餐，簡直就係抗通脹價錢我諗都冇乜邊度，仲會做到$300內連兩款煮食再加正價甜品兩款任選同埋飲品兩杯煮食叫咗漢堡塔同埋意粉🍔🍝兩款嘅煮食都一啲都唔ʜᴇᴀ漢堡塔，仲要有成三層漢堡認真好足料，而且配埋薯條其實兩個人都已經好足夠飽名古屋式嘅意大利粉，香甜蕃茄味道真係超開胃最後叫咗兩款嘅🥞ᴛɪʀᴀᴍɪsᴜ sᴏᴜғғʟé ᴘᴀɴᴄᴀᴋᴇs🥞ᴍᴀᴄᴀᴅᴀᴍɪᴀɴ ᴄʀᴇᴀᴍ sᴏᴜғғʟᴇ ᴘᴀɴᴄᴀᴋᴇs兩款都好感動🤍口感係超級梳乎而且因為上面蓋咗一層ᴄʀᴇᴀᴍ所以食落去唔會好乾身就算擺咗一陣都唔會榻
繼續閱讀
🌟黎到荃新天地一樓，一路都想試呢間由名古屋黎既過江龍。 Pancake House Hoi Hoi 🌟入到去有去咗沖繩餐廳嘅感覺🌟見到有荃灣限定既Hoi Hoi 二人餐，就即刻叫左🤣🌟佢有A類同B類各選一款，我地揀左慢煮日式忌廉汁漢堡，同埋鐵板名古屋茄汁海蝦意粉🍖慢煮日式忌廉汁漢堡-食落好有驚喜，忌廉汁調味一啲都唔單調，唔會過油膩，偏清爽-慢煮過嘅漢堡好腍，又有肉汁-配埋自家製嘅麵包，當中最欣賞竹炭麵包，好軟熟🍝鐵板名古屋茄汁海蝦意粉-食咗呢個推薦嘅意粉，一啲都冇後悔-鐵板熱辣辣咁上，仲要淋咗蛋汁-茄汁意粉調味偏清爽，有香草味-仲要配咗好多好大粒嘅彈牙海蝦，同埋腸仔片-係童年回憶嘅意粉高級版🥞 Tiramisu疏乎厘班戟 （$108）🥞草莓疏乎厘班戟（$108）-嚟得呢度食，當然要食招牌菜Pancake啦！-叫咗tiramisu味和草莓味-兩款外表都100分，藝術品一般超級靚，打卡一流！-上面鋪滿忌廉，忌廉非常幼滑，味道清爽不會過膩-入面是兩層的pancake, 空氣感足夠，蛋味濃郁🍵抹茶latte-都幾大杯，有靚靚拉花-抹茶和奶的比例剛剛好，茶味香濃，而且唔會過甜或過苦-奶味都幾出，香濃幼滑🌟購買任何食品，可以優惠價＄30換購咖啡師即場用V60 or Aeropress沖煮嘅音樂家系列精品咖啡（原價＄138）， cp 值好高-款式由扭 蛋命運決定你今日飲咩啡， 玩味十足-音樂家系列都是SHB等級的高海拔極硬豆，風味甜美，水果香氣、酒香、茶香濃厚-最後我抽中咗蕭邦 Chopin，由葡萄乾蜜處理 Raisin Honey，而風味：桃，士多啤梨，櫻桃，香檳•玫瑰-最重要嘅係支持本地烘焙品牌！
繼續閱讀