4
1
7
以上資料只供參考, 請與餐廳確認詳情
諗住去楊屋道吃下午茶，行行重行行，在荃新天地見到阿蘇，有25元下午茶喎，又幾好，唔算貴，這兒以日式拉麵為主打，所以叫了叉燒拉麵，叉燒薄切大塊，帶些凍，整熱的過程做得求其了，拉麵質素一般， 兼不夠爽口彈牙，濃湯底，唔似用豬骨煲，似現成買回來溝。環境坐得不舒服，員工態度麻麻地。
繼續閱讀
嚴格黎講其實我唔算O係度食過野, 但真係不吐不快我14: 20 去到, 一入到去就有位, 但間餐廳O既格局令我有D 失望, 因為D 枱好逼, 男友話好似去左籠屋咁 -_- 因為本身太餓關係, 我同男友叫左D 最簡單最快O既野 --咖喱豬扒飯 + 照燒雞扒飯, 諗住都只係一個飯+ 煎塊扒, 跟餐有前菜+湯, 另外仲有飲品, 我地飲熱檸水 + 罐裝可樂. 點知....我地等左30分鐘, 都只係黎左一大罐可樂咁大把, 其他野(例如我杯檸水, 前菜, 湯ETC) 一概不見! 本身已經好肚餓, 仲睇住佢個OPEN KITCHEN D 人出菜好慢+好唔ORGANIZE 咁 (我地坐O係個OPEN KITCHEN 出面), 心知不妙, 結果我地叫個WAITRESS 跟一跟我地D飯, 點知佢同個廚房同事講叫佢快D 時, 我睇住佢個廚房同事即刻發脾氣, 佢好大力咁拍枱, 之後O係度發脾氣, 然後冇人再回覆我地究竟我地D 野食情況如何. O個下已經好忟憎, 等左成半個鐘, 兩個人得一罐可樂可以飲, 佢求其畀個湯我HEA 住我都冇咁嬲丫..... 跟住我地5分鐘後再問佢地究竟D 食物進度如何, 繼續冇人理. 當時已經差唔多3點, 我男友結果忍無可忍, 埋單走人. 埋單時個老闆都算老實, 罐可樂收我地5蚊我出左去間餐廳出面, 佢門口個WAITRESS 叫我留低個電話畀佢, 等佢同佢老闆跟進下究竟點解我地唔等落去. O個下真係火都黎埋. 講真, 佢都睇到佢同事咁發脾氣法, 其實我見到個廚房咁發脾氣, 我都唔敢再食啦.... 同埋, 佢地內部檢討, 其實做乜要打返畀我同埋要攞我電話號碼呢? 我都只係想搵個地方食餐飯O者.... 我對於佢地點內部檢討真係冇興趣囉.... 我唔肯, 但個WAITRESS 係咁堅持要我畀個電話佢, 究竟佢想點呢?結果我地差唔多要同佢鬧交咁滯佢先畀我走囉 -_-''''坦白講, 我真係唔多敢再去哩間野度食飯, 雖則我冇食過佢任何野, 但佢地D 態度真係令人好驚恐.....
繼續閱讀
今天同家人諗住到CityWalk行街，於是便先挑一間餐廳食lunch，本來想食Waraku拉麵，但好多人等位所以轉去其他食店，最後千揀萬揀，揀咗個爛燈棧。約1:00pm, 人需然多但不用等位，侍應引領下坐了下來。我們點餐時侍應明顯心不在焉，我哋都未點完就「嗱嗱林」攞埋餐牌走人 我哋唯有揾第二個再補單。點餐用了15分鐘，再等30分鐘啲食物才到齊，每次催一樣嚟一樣，都算啦，點知叫凍啡(要加$2-) 啲冰溶晒，杯咖啡仲係熱嘅，咁我咪問侍應可否加啲冰比我囉，點知佢話啲冰用晒要出去買完番嚟先可以加比我......哈！咁都得，真係聞所未聞。最慘連最後上甜品的一環都咁差，餐都未食完便急急忙忙奉上，問題個甜品係：雪糕...... 至於食物並非太差，只係服務態度就足夠影响整體感覺。
繼續閱讀
睇完早場，路過見門口餐牌註明中午飯定食「一時前結賬離席九折」，入去一試。叫了鰻魚飯定食($52)及天婦羅飯定食($48)。鰻魚飯的燒鰻魚似係翻叮超市賣的無焦香天婦羅的炸蝦無鮮味，淡茂茂，但蘿白漬物配菜就爽脆兼帶蘿白香，好食！但最遺慽乃係在12時45分埋單起錨竟然無九折，收足$100蚊，店員推搪話已取消，真係有被騙的感覺，大家小心，幫趁前問清楚！
繼續閱讀
前幾天, 到了荃新天地的阿蘇火山拉麵食午餐. 其實這店在citiwalk已經開了一段時間, 不過都未試過幫趁, 難得今天有人提議去, 當然乘機試它一試.這裏位於citiwalk的最底層, 在商場中心的公園旁邊, 很易找. 店舖的size並不十分大, 不過環境尚算OK, 午餐時間竟然都坐不滿, 我們去到時不用等位, 可以立即入內開餐. 這兒當然是以日式拉麵為主打, 經過一陣觀看餐牌後, 點了一個日式炸雞拉麵定食. 拉麵跟炸雞是分開上, 本來是很好的, 不會影響炸雞的脆度. 但一放下來, 心都涼了一截, 嘩! 這究竟是甚麼的東西, 這碟所謂的炸雞, 完全不似炸雞的模樣. 點知賣相差, 食落更差! 肉質劣, 毫無肉味, 雖然知這些地方絕對不會用鮮雞, 但肉質比一般食店所用的冰鮮雞件更不如. 肉質差之餘又淡而無味, 之前都唔知有無調味過. 表面的炸皮厚到不得了, 明顯落粉太重, 皮厚不特止, 又炸得太久, 炸到啲雞肉乾晒水, 差過老麥啲麥樂雞. 總之, 就似是食一團又乾又無味的雞肉粉團! 這絕對是我有史以來食過最最難食的一次炸雞!!!拉麵的質素亦一般, 麵質不夠爽口彈牙. 而且麵不多, 份量超細, 吃完都不飽, 得個碗大有鬼用咩! 隨麵還有附栗米及芽菜各一小碟, 因炸雞太差, 要拿來做餸. 還有, 這兒的待應反應又慢, 我們的餐是有飲品的, 因為有些同事不喝, 所以有2杯飲品要求外賣拿走, 但是她們好像不理解我們想甚樣, 要重覆多次才明白. 明白後又要追了很多次才把這兩杯飲品送來. 總之, 這裏由食物到服務都不濟, 所以一定不會再來!!
繼續閱讀