84
27
8
港鐵荃灣站 B2 出口, 步行約3分鐘
繼續閱讀
開飯介紹
"自1979年起，意粉屋以款式繁多味美的意粉成功建立了「意粉專家」的地位。憑藉大廚的精湛廚藝、挑選最上等的材料，如來自意大利的意粉、新鮮蔬菜、優質橄欖油及芝士等等，多年來為客人帶來無限美味驚喜。\r\n意粉屋在香港及南中國擁有超過25間分店，店舖設計時尚舒適，裝修更會定期作出提升，而所有員工均致力為客人提供無微不至的服務。慇懃款待每一位顧客，端上營養豐富的美食，讓顧客在最舒適的環境裡細意品嚐。
繼續閱讀
獎項殊榮
最優秀開飯意大利菜餐廳 (2009-10)
附加資料
無肉餐單詳情: 每天供應多款素食菜式
營業時間
星期一至日
11:00 - 23:00
以上資料只供參考, 請與餐廳確認詳情
食家推介
一直以來,對意粉屋o既食物好有信心保證~當日去嘆個tea~好在有卡位坐~記得呢間意粉屋已經開業左起碼廿年~希望經典品牌可以繼續經營落去~;即使新嘗試o既菜式.都唔會令人失望,而且味道相當棒棒棒~~~今次肥仔tea,我揀左煙3文魚芝士意大利飯~個賣相真係好掂~又夠晒大份,好creamy!!又唔會好膩~岩岩好再配上酥皮菜湯,真係唔肥就難啦~~~~菜湯有貝殼粉,腰豆粒,材料相當豐富!!!環境很棒~很有情調~媽咪點O既菠菜忌廉龍利柳闊條麵~好大份~同lunch 一樣,無減料~so yummy!!
繼續閱讀
今日同男友喺荃灣覓食，心血來潮想食西餐，揀咗嚟意粉屋試下有咩好食先～由為食嘅我發板，叫咗一款前菜，兩款主菜，兩個人食啱啱好～首先上菜嘅係前菜：哈密瓜風乾火腿伴意大利黑醋，我本身都鍾意食ham，見呢度ham配意大利黑醋都係70蚊左右，都幾抵食，梗係叫番碟啦！鹹香嘅ham連埋爽甜多汁嘅哈密瓜一齊食，味道balance，加上香濃黑醋吊味，食完忍唔住要再食，好快已經俾我哋KO 晒！食完冇耐，第一款主菜：丹麥豬鞍架原隻大啡菇牛肝菌意大利飯就嚟喇！豬鞍大大件好有份量厚切豬鞍煎到有格格網紋，閃令令好嫩好多汁咁，我即刻快手切好，同男友趁熱share，厚肉都嚟唔鞋口，咬落香口有汁，尤其近骨位特別嫩同juicy，個人覺得豬鞍比豬扒好食o架，而且唔係周街有得食！risotto真係有原隻大啡菇，真材實料，飯粒軟硬適中，都ok索汁有菇香，唔錯～厚切豬鞍食到一半第二款主菜上場！！就係北海道帶子‧日本魷魚墨汁意大利粉，男友一見即刻心心眼，因為意粉份量好夠，佢實滿足咁話喎～我就梗係將重點擺喺大大粒北海道帶子度啦！煎到啱啱好熟，相當鮮嫩其實想搶埋男友嗰粒帶子食，不過算啦唔好成日蝦佢hahaha，我食多幾件魷魚算喇，魷魚完全唔靭仲幾鮮添，都幾有驚喜～食完個嘴烏捽捽，記得飲啖水抹乾淨個嘴先嗌埋單，唔好嚇親人呀hahaha呢餐同男友都覺得唔錯，下次再嚟試吓其他嘢先～～
繼續閱讀
一家人約埋星期日做節，就選擇左去意粉屋食。我哋叫咗兩個set ,另外再叫左小食。呢個龍蝦湯係跟餐嘅，好重龍蝦味，好鮮！呢個係係海鮮墨魚汁飯，我地覺得麻麻地。最好食我覺得係個闊條千層麵，好多汁，牛肉味好重，不過放得太耐好會"傑"，建議上枱要即食！
繼續閱讀
今個情人節因爲工作關係，唯有夜啲慶祝！附近有間「意粉屋」，大家都好耐無食過，所以一於揀左係尼個地方簡簡單單慶祝坐低決定散叫，唔叫套餐，咁樣抵食啲首先，叫左一個小食拼盤，有六種小食，好抵食，絕對唔係預先煮好，全部即叫即製，保證熱辣辣然後，叫左一個芝士火腿薄餅，尼個配搭非常西式，如果可以配埋紅酒，就一流啦可惜今晚無紅酒，只有俊男美女，都已經夠曬正啦！每一件薄餅保證都有芝士和火腿，味道好夾好好味話明「意粉屋」，應該意粉最拿手，理應係既咁當然今次尼個意粉都無令我失望！今次叫左個芝士大蝦，味道非常濃郁，隻隻蝦都好大隻，保證你食到笑蝦蝦而且意粉煮到剛剛適合，好彈牙！
繼續閱讀
難得放假得閑就約左朋友，去左意粉屋lunch，鍾意呢到舒適既環境，坐得又舒服，侍應服務態度又親切，野食又岩我地食之餘又好食！首先黎碗南瓜湯，香濃又creamy，每一啖都好滑芝士焗肉醬闊麵，濃郁既蕃茄醬加埋芝士鋪係闊麵上，賣相已經好吸引，鹹鹹既芝士遇上酸味味既肉醬，簡直係最好配搭，呢到廚房師傅味道調教得好好味，闊麵既口感亦相當唔錯，唔會太淋又唔會太硬，真係愈食愈開胃！蘇格蘭煙三文魚凱撤沙律配香蒜多士，掛住食食晒煙三文魚先記得影相，三文魚鹹鹹幾好味，沙律菜幾新鮮爽甜同好乾淨配埋特製醬汁好好味，配料仲有碎蛋沙律，蟹子，蕃茄，牛油果，撈埋一齊仲更加好味添！大大塊既蒜蓉包都焗得好香脆唔錯，餐湯好夠味好濃郁亦唔錯！
繼續閱讀