5
1
3
港鐵荃灣西站 A2 出口, 步行約5分鐘
繼續閱讀
營業時間
星期一至日
10:00 - 22:00
以上資料只供參考, 請與餐廳確認詳情
每次經過都見有人幫襯。短短的人龍加上精緻的食品照片和模型，令我忍不住要買一個來試下。真的有好多口味選擇，最後決定薯仔沙律crepe $24。買完票，要坐下等一會，因為成間鋪得一位員工，她要收銀，又要整食物呢～細細的店內有bar枱可以立食，也有一張四人枱可以坐下來吃。等的時候總是感覺漫長的。雖然有位坐，但感覺不舒服，因為枱面上堆滿了客人留下的垃圾冇人清潔，地上又有少少垃圾，剛巧又有隻蒼蠅飛來飛去，令食欲大減。食物到手了！Oh! 和照片大不同呢！薯仔沙律沒有像照片那麼多到成座山咁。雖然心知現實往往和照片不同，但不禁有點失落。咬了幾口，終於見到薯仔沙律了！賣相一般，味道也非常一般。但有一點要讚的，就是生菜非常新鮮，這是香港食店很少有的。生菜乾淨，非常爽脆，令我回想起在日本吃的新鮮蔬菜。薯仔沙律夠凍，應該在雪櫃取出來。味道正常，普通的味道沒有錯，只是沒有驚喜，沒有問題是好的。最重要的蛋餅crepe 不夠薄，較濕，冇乜蛋香，也冇乜味。最大問題是個crepe 較濕，個crepe 皮好多地方粘住咗張紙。同埋張紙有點難聞的油墨味，一邊食一邊聞到D油墨味，食欲大減。感想：試一次就夠，不會再幫襯。未試過不用特登試。試下也沒大問題。
繼續閱讀
之前同朋友去荃灣廣場行街，順便行埋吉之島。經過時見到尼間野，好似唔錯呀～好期待想試下，但當時食得真係好飽，所以唯有下次自己一個黎試下啦～咁今日放假，諗住係荃灣西站交收完就去果度試下。睇食咩期間，已經見到幾個人係度排隊，感覺感覺好好食。超期待。最後我選左香蕉朱古力班戟，睇廚櫃d模型唔錯，就滿心期待。因為佢算係開放式廚房，所以都睇到佢製作個樣。見到佢整d cream時整得比較少，香蕉一條條？（我以為切開1片片），整好左了。我用匙羹食一口cream=唔係平時食開既cream味=難食。再食口香蕉，嗯同我食1條香蕉有咩分別！感覺d野融合唔到，似全部分開食仲好味。班戟口感不是脆的。。。咁快就淋左。。。我試下全部一啖食，感覺好dd，但整體唔好食。冇下次，唔會再幫襯。。。期望越大失望越大。。。
繼續閱讀
週末同朋友食完飯，去超級市場行下，見到呢度既pancake有優惠，就買一件試下只係得一款特價，就係香蕉朱古力，可以望住成個製作過程，店員用三兩下手勢就做好一件喇！賣相普通，味道唔會太甜，香蕉都幾多，但唔係好覺有朱古力味，不過不失咁啦！
繼續閱讀
26/07/2017係點都想食雪糕既情況底下//掛念上次彩櫻屋既生乳雪糕但今次就叫左個士多啤梨味既$24一睇個顏色咁深色都心感不妙好化學呀 食落仲化學呀士多啤梨藥水既味 好假🙅🏻🙅🏻🙅🏻完全係冇應該要有既軟滑同香甜換來這係假到核爆既士多啤梨味我接受唔到☹️☹️好失望上次個個生乳真係好食100倍仲要$12呢個貴一倍換來係咁😝✨😇😆🤢-總結//唔值 唔好食 好失望 早知買返生乳味 唉呀😿😿😿
繼續閱讀
近日一杯CREMIA成為全城熱話，但凡從日本來都會被奉為聖物，一杯日本售¥500的軟雪糕，遠渡來港的售價卻是$48，值不值就真是見仁見智了。雪糕除了用來打卡呃like外，最主要的功能是消暑吧！像這天三十度的高温下，只要眼前出現一家雪糕店，誰還會計較是否日本直送的？不過，彩櫻屋確是有着日本血統，而且是跟正在售賣CREMIA的秋櫻屋的是姊妹品牌，不過這家卻低調多了，主要是售賣可麗餅和軟雪糕，而且以立食外賣店形式存在。對草莓雪糕沒有太大的喜好，只是天氣實在太熱，而$24一杯軟雪糕又相當合理，不用多想便挑了生乳 × 士多啤梨口味的軟雪糕。軟雪糕的賣相未算完美，這當然是與店員的手勢有關，不過拿着軟雪糕不到幾分鐘，已有小孩嚷着要媽媽買軟雪糕了。生牛乳雪糕奶香未算濃郁，終究是最基本級數的雪糕，猶幸味道不算太甜。士多啤梨雪糕口感更像雪葩，也可以說成是欠奶香、冰感重。未有新鮮草莓的鮮甜果香，味道又不至於太失真，兩者配搭起來就是牛奶草莓沙冰，感覺比純牛乳或純草莓口味討好。脆筒意外地香脆可口，加上慷慨的份量，若然是二人共享一杯，便是廉價的消費佳品吧。彩櫻屋的這一杯，跟秋櫻屋的CREMIA相比，品質該是有明顯差別的，只因沒有用上高級鮮奶油，味道自然會平凡一點。同一屋簷下，便宜近半的它同樣帶來消暑感覺，若不執著於味道形相，又何須嫌棄它的廉價？
繼續閱讀