21
2
1
開飯介紹
叻沙沿用正宗娘惹做法，每日用上牛骨、蝦米、香茅、洋蔥和叻沙葉等熬足四小時，全部即叫即煮。咖央多士醬亦是每日手工製。
繼續閱讀
營業時間
*截單時間：關店前15分鐘
星期一
18:00 - 21:00
星期二
全日休息
星期三至四
18:00 - 21:00
星期五至六
12:30 - 15:00
18:00 - 21:00
星期日
18:00 - 21:00
以上資料只供參考, 請與餐廳確認詳情
相關文章
Hello 大家好，又係我地Hkfunlife小編分享好餐廳既時間啦 平時路過眼望望，今日終於把持不住入去間餐廳探個究竟 呢間餐廳位於荃灣怡樂街1號海濱花園22座海裕閣108號地舖，叫做娘惹嫁到呢間餐廳室內光線充沛我地到達餐廳後，先掃安心出行或寫紙仔，等15分鐘左右便可入座。埋到枱見到有齊備嘅餐具，擺設一致，十分整齊。坐低之後，店員提供餐牌，厚厚的餐牌每頁都有膠套分隔，方便消毒。我地唔洗幾分鐘已經諗好要嗌咩。店員誠懇有幹勁，落單流程亦簡易迅速 如果你食到微辣，呢個就晒你，香得黎唔會辣到食唔到。
繼續閱讀
讚1.薏米水足料，喇沙既湯底都夠香，料都足，麥皮蝦用新蝦，爽甜，呢啲位都食得出間店好用心2.環境幾講究，好多舊既娘惹衫掛係店內，幾靚下彈1.上菜速度有問題🤨，超過一半客人係現場都有催單，等左近半粒鐘先有麥片蝦2.食物唔太合口味，班蘭加央多係有班蘭香，但椰香好淡；人人都話必叫既魚蛋，彈牙但淡味，咖哩醬既辣味好薄；麥片蝦都好甜，娘惹菜可能真係同平時食開既馬拉菜好唔同呢⋯⋯
繼續閱讀
鮮蝦喇沙-味道一般，似自己用喇沙醬撈既湯底，油麵同米粉份量少得可憐，少過一個車仔麵，湯又唔夠，我以為自己食緊撈麵，蝦得兩隻，豆卜夾埋都冇兩舊，因為佢d豆卜係一開三，我得唔5片，即係兩舊都唔夠，未見過餐廳會將豆卜一開三，成碗野，俾人感覺係慳皮，女仔食都唔夠😔熱浪咖哩牛尾薯仔飯-味道都係一般，唔難食，但係啲飯過稔，食咖喱，通常啲飯都係一粒粒，先撈到汁，佢一pat pat，要我拮開佢一舊舊，先食到。😭
繼續閱讀
呢間之前喺西環開舖，但一直未有機會食，之後結左業，而家喺荃灣重開。男朋友之前想食但無開，今次帶我黎食，小店座位不多。呢到食祖傳娘惹菜，由當地娘惹血統的酒店總廚主理，野食全部都係即叫即整，全天然香料製成，不加味精。鮮蝦深海魚蛋喇沙麵底係米粉溝油麵，係馬來西亞最傳統的食法。麵上面舖滿配料有三隻蝦、三粒深海魚蛋、豆卜同蛋，魚蛋超級彈牙😍同平時食嘅好唔同，由馬來西亞入口80%深海魚肉製成，蝦大大隻蝦肉鮮味滿分，喇沙湯底味道濃郁杰身有椰香味，豆卜索滿湯汁。原味鴨蛋咖央多士由自家製傳統手打咖央同鮮蛋製成，多士有烘過上枱時熱辣辣香脆，帶有淡淡鴨蛋香味，味道帶椰香甜而不膩，滿滿嘅餡料塞滿多士，每一啖食得出好足料好滿足，餡料多到咇出黎🤤亞參鮮魚湯份量十足，魚幾大條多肉嫩滑唔算多骨，湯用新鮮菠蘿、辣椒乾、喇沙葉、洋蔥角加入亞蔘汁同喇沙湯熬成，味道酸酸甜甜又有魚嘅鮮味，十分開胃。食物令人回味值得一試，心思思想再黎試其他菜色，不過作為小店黎講定價略貴😬。
繼續閱讀
今晚我地又食娘惹菜，位於荃灣海濱內的小店，舊址是西營盤。聽說店主有個浪漫故事，Derek是娘惹後代，曾在馬來西亞酒店當總廚，多年前在紐西蘭工作假期遇上來自香港的太太。為了她搬到香港，並以多年來在祖母身邊學娘惹菜，再移居香港開業，重有，小店標榜食物沒有味精，食得安心又放心外，還食得到用心做菜。#原隻鴨蛋咖央多士 甜度合當，多士香脆，流心鴨蛋咖央，口感不錯👍👍#熱浪牛尾喇沙 牛尾好夠淋，大大件，在口中嘗到牛的濃重味道，喇沙汁上散了少少辣椒碎粒，令到喇沙味更突出，用心之作👍👍👍#海鮮深海魚蛋喇沙 喇沙湯比較淡，但起碼不覺油，最好食是深海魚蛋，鮮甜彈牙，必要試魚蛋👍👍👍#亞參鮮魚湯 不停食，忘記影相😹，這菜式味道非常有層次，首先食到菠蘿味，甜，又嘗到青檸味，酸，之後就辣，幾突別，但唔食得辣就唔好試了👍👍
繼續閱讀