286
17
11
營業時間
今日營業
11:15 - 21:30
星期一至日
11:15 - 21:30
以上資料只供參考, 請與餐廳確認詳情
食家推介
探險荃灣悅來坊嘅元札幌拉麵，原來係一場豐富嘅味蕾之旅 😋🍜 先嚟一碗豚軟骨拉麵，呢啲軟骨真係好得意，入口即溶，湯底濃郁得嚟又唔膩口，啖啖肉味，簡直係肉骨茶拉麵版！而且拉麵嘅麵條攣身得嚟又唔會太硬，啱啱好👌。再嚟個和風小食，雞肉熱辣辣，外皮微酥，肉質又嫩滑。喺幾片檸檬汁輕輕滴上後更添清新感，令人食指大動。叮噹門口迎客，加埋店內濃濃日本風情，坐低就想飲支啤酒開餐。🍺大叮噹旁邊，我哋食嘅這家元札幌，無論係食物定係氛圍，都帶咗少少日本拉麵嘅地道感覺嚟到荃灣。簡單嚟講，呢次嘅食體驗真係正！落肚感覺好滿足，攞碗筷嗌聲「多謝老板」嗰刻，真心諗住下次再嚟試過！👍🏼
繼續閱讀
我同老公想試晒所有既拉麵，所以今日輪到呢間。我見有勁多笑面，但食評內容好壞參半（我估係因為依家Openrice好似唔多比人留言比誠心忠告，只係準講好掛）。我個人覺得伏伏地，但老公見到間舖面好唔錯。（雖然我見無乜人有啲伏，但老公又話今日唔食遲早都要食）所以我地入左去，老公好驚訝竟然無黑蒜油拉麵。所以佢食左豬軟骨豬骨湯麵，我就食左濃湯搵拉麵。豬軟骨入味，湯就好味精濃湯拉麵，英文叫Sticky soup，但一啲都唔sticky，味道普通我覺得可以接受，就如其中一個食評話佢係茶餐廳拉麵，我係同意既。但非常意外老公comment係個麵點解可以整到唔好食，麵都係買返黎，佢點樣可以整到咁唔好食。呢一點真係解釋左點解間間都坐滿人，而佢係得一枱客。希望今次Openrice比我興真心去比忠告比食客去選擇，唔想佢有一個唔開心既用餐經驗。
繼續閱讀
每次嚟到人來人往嘅悅來坊，總係來去匆匆，去完超市買嘢就馬上走人。好少留意呢度嘅食肆，今日唔趕時間，可以慢慢行，終於可以嚟探討吓。時間約下午2點，過咗午飯時間少少，人流冇咁多。行到元札幌拉麵店前就俾佢嘅裝潢吸引咗，店內裝修冇乜「港味」，感覺好似去咗日本啲小店咁，令人好 Relax 。店內主打札幌味噌湯拉麵，仲有丼飯，小食。菜式唔算多，但應有盡有。今次有啲貪心，想試齊啲拉麵款式，所以叫咗個雜錦拉麵，另外加咗一客日式炸雞。雜錦拉麵（$88）拉麵湯底係味噌湯，口味一般偏濃偏鹹。可能係迎合香港人嘅口味，所以店內嘅湯底嘅味噌就冇咁重手，口感清爽啲。如果喜愛濃味或者追求正宗日本口味嘅朋友，可能會失望少少。拉麵口感彈牙，軟硬度適中。雜錦拉麵有豬軟骨、蟹柳、叉燒各一件。豬軟骨炆到好入味，入口即化。叉燒味道一般，可能得一片，唔係好食到咩味。蟹柳係平價貨，不值一提。除豬軟骨外，最最最出色係半隻溏心蛋，接近完美。配菜有海帶、粟米、筍乾、蔥絲，但份量偏少。日式炸雞（$48）有4大件，每件比坊間大一倍，即係每份差唔多有8件。所以性價比超高。質素方面，稱得上皮脆肉嫰，雞肉醃得都好入味，口味偏鹹。值得一試。
繼續閱讀
行過荃灣，見到呢間裝修好有日本風味，突然有思鄉情，一定要入去試下la ，我地試左兩個拉麵 🍜豚軟骨拉麵（味噌湯底）🍜豬軟骨炆得好淋好入味，淋到軟骨位都變左啫喱一樣，好好味ar, 湯底好濃味噌豬骨，又唔重味精，食完一啲都唔口渴na ，麵底好爽好彈牙， 好好味ar 叉燒拉麵🍜叉燒好大塊好淋好好味， 叉燒半肥瘦，肉同肥膏夾層，令肉味都好有油香ga，好正 仲可以追加左兩個小食ga💓，燒雞軟骨🍢燒得好香脆，唔會太乾，中間仲有鹽香同油份，好好味ar燒雞腎 🍢雞腎乾左少少 不過都ok la 評分：環境： 💖💖💖💖💖味道：💖💖💖抵食：💖💖💖💖————元札幌拉麵 (悅來坊) (荃灣)荃灣荃華街3號悅來坊B1樓B121號舖
繼續閱讀
本身想食樓上嗰間日本餐廳，但係因為突然間唔識路搵唔到，咁就帶咗朋友嚟食呢間拉麵店。本身見到呢度有唔少好評，以為會幾好食，估唔到竟然難食到咁。佢嘅湯底仲衰過自己喺屋企煮嘅即食湯，味精重不特止，而且承諾得個咸字完全冇拉麵嘅味道。佢嘅麵質都好差，食落又林，完全冇日本麵嘅口感。最慘嘅係佢嘅價錢偏貴，我自己覺得幾蚊一個杯麵仲好食過佢，但佢竟然收我差唔多$100一碗麵。我都唔知呢度嘅好評係邊度嚟。佢嘅唯一好處就係門口有隻多啦A夢，吸引到小朋友嘅。
繼續閱讀