讚好台灣

營業中

休息中

讚好台灣 是日下午茶揀左讚好台灣 價廉物美 相當抵食 自選1款主食 +3款小食 配飲品兩個人叫左兩個套餐 主食 試左 麻辣擔擔麵 （小辣 譚仔10小辣既程度）麻醬乾麵 （唔辣 正正常常）小食方面試左1. 逄甲盬酥雞 （ok 好食既）2. 甘梅脆薯 （推介 加梅粉 成件事好台灣！👍🏽）3. 夜市小香腸 （正常台灣腸）4. 椒麻牛肚絲 （稍辣 有譚仔5少辣既感覺）飲品揀左1. 特調咖啡 （正常 一般咖啡 ）2. 香芋奶茶！！ （市面上好少見但本人極愛既一款台式飲品！！ 👍🏽👍🏽👍🏽）下午茶時間唔使排隊 店員仲會企門口yo人入去 好好招呼 推介👍🏽

經常路過，門口阿姐非常熱情，但今日先第一次食。行到門口已經係將近夜晚9點，門口阿姐仲喺度招呼客人入座。店內裝修同門面皆以淺色木料為主，配以黃色燈光，恰到好處。地板應該係有多年歷史。阿姐送來餐牌同落單用嘅紙筆。好快就決定嗌一份滷肉香酥排骨飯試試水。等候時未見有飛蟲曱甴之類，衛生條件唔錯。店內客人較多，等餐大概用時十五分鐘。應該係即叫即整，唔係流水線作業。餐來咗就先試吓炸豬排骨。新鮮熱辣，炸得啱啱好。外皮酥脆，內部多汁。豬排骨係甜口嘅，粉皮嘅味道仲有啲似菠蘿飛餅，真係好好味。食嘅時候諗起好多過往嘅美好回憶。炸豬排骨唔算係咩高級菜式，一般茶記，小食檔有，大酒家，日料店亦都有。自己都有時喺屋企自己整。但今次嘅水準真係遠超預期。可能係我今生今世食過嘅最好食嘅炸豬排骨。但就唔知算係個例定係日常。有待觀察。會再試多幾次。至於滷肉都幾好味，菜脯脆卜卜，滷蛋同生菜就係正常水準。亦有紅蘿蔔絲配餐。顏色都幾豐富。美中不足係茶水欠奉，要係有就更加好。

下午茶時間經過見到不停有人入去，甚少空枱所以入去試吓。一行到門口已經有位阿姐招呼入座，店內衛生可以、入座期間沒有見到昆蟲或地下有垃圾。下午茶餐$36起，凍飲+$5/+$8 店舖不大，樓面只有2個阿姐落單，執枱及收銀。但上餐速度快，落單之後等大約5分鐘就到齊。整體食物份量剛好不多也不少，鹽酥雞炸得香 肉質軟，滷蛋煮太老，台式腸正正常常，滷肉飯的醬汁不會過咸 配飯不錯。凍台式奶茶可在點餐時選揀冰及甜度，我點正常甜 味道不會過重。由入座到食完只用了20分鐘。

餐廳係由兩間舖位合併而成，地方都算闊落，位子多，基本上都唔洗點排隊，一入去就有得坐！餐廳裝修偏向文青風，環境舒適！呢間台式餐廳嘅下午茶性價比極高，最平$34就有一份嘅small size嘅主食（可選魯肉飯、麻醬拌麵、麻辣擔擔麵同肉燥湯麵），三樣小食，同一杯熱飲（凍飲加$3）(珍珠/胚芽+$4）😍仲可以加錢轉配其他特色台式飲品（例如：黑糖波波鮮奶/高山冷泡烏龍茶+$15）🔅溫馨提示：食量比較大嘅朋友仔可以加$12加底架😝麻辣擔擔麵+ 甘梅脆薯 + 鹽酥雞 + 木魚炸豆腐 + 凍咖啡 $37✨麻辣醬汁香麻微辣，十分惹味，麵條彈牙掛汁，以肉碎入味，再灑上蔥花，更添一番風味！脆薯香脆內軟，沾上梅粉，做到同台灣夜市嘅差唔多感覺👍🏻👍🏻鹽酥雞味道足夠，唔會好乾，雞肉🐔算嫩口！炸豆腐外皮酥脆，配上台式酸甜汁意外地合夾，豆腐面加上數條青瓜，亦有少少解濟之效。魯肉飯 + 夜市小香腸 + 鹽酥雞 + 木魚炸豆腐 + 凍珍珠奶茶 $41✨魯肉飯味道不過不失，小香腸應該係油炸而成的，味道偏甜，不過幾配飯食一流。而珍珠奶茶方面就略嫌珍珠偏硬冇乜味，唔太建議嗌！

超抵食下午茶｜咩都試小小｜糧尾恩物個人黎講都幾鐘意幫襯呢間舖頭，亦都幫襯過好多次👍🏻👍🏻。有時早放工5點幾去食個下午茶順便當埋晚餐，份量絕對足夠。🌟 下午茶自選組合 ｜$36包括有一個主食及三個迷你配菜同埋一杯野飲。豆腐炸得好酥脆，加埋小小甜甜地嘅汁，好惹味😋。小香腸同青瓜🥒細細份，過吓口癮。有時我會揀甘梅脆薯，地瓜上面曬咗啲酸梅粉，甘甘甜甜好開胃。有時我會獎勵下自已再加$10轉凍珍珠奶茶🧋🤭🤭，不過今日就飲住熱檸茶先啦。

下午茶餐包一個麵或者飯，再搭配三款小食同一杯飲品！最啱俾咩都想試少少嘅人！🍜🍚🍽️🥤推薦呢度嘅木魚炸豆腐！炸得超好味，外脆內軟！每一口都帶嚟豐富嘅口感！真係令人回味無窮！😋甘梅脆薯都值得一試！炸得香口，外面仲有酸梅粉，味道酸酸甜甜！真係好開胃！🍟🍋😍至於鹽酥雞，佢嘅水準都係正常啦，好味但冇特別之處。唔過如果你鍾意鹽酥雞，都可以試下！🍗👌最重要嘅係，呢度嘅下午茶價格都相對來講非常親民！性價比真係高！只需30幾蚊，超值啊！🌟💰😄🍜🍚🍢🍟🍗🥤💰👍

Intro: 紅磡必嘉街真係有好多野食，呢一次就揀左好多人流嘅台灣菜，選擇都幾多，埋單大約每人$70-80內，仲有可以加配台式特飲，呢次就試下佢地嘅排骨乾拌麵同滷肉鹽酥雞飯～___________________🍽 肉燥香酥排骨乾拌麵💰 58 （+8配台灣茉莉綠茶）⭐️7.5/10✍🏻 乾拌麵嘅麵質較粗，掛汁又彈牙，呢款麵喺香港麵算少有；✍🏻 台式嘅排骨一向都好大塊又厚，肉質有少少乾，炸嘅程度較油膩；✍🏻 茉莉綠茶幾大杯，但就覺得茶底過濃而偏苦，覆蓋埋茉莉嘅香味。🍽 滷肉鹽酥雞飯💰 52 （+12芋香戀奶茶）⭐️ 6/10✍🏻 鹽酥雞大約有五大粒，但就炸得過火，肉質乾左少少；✍🏻 滷肉就較失色，實肉嘅成份唔多，撈飯都覺得麻麻；✍🏻 至於半隻滷蛋普通，生菜好似煮得太耐咁；✍🏻 芋香奶茶嘅芋香味幾突出，茶底幾滑，但整體過甜；___________________🏠 讚好台灣📍 紅磡湖光街1-7號聯成大廈鴻運閣地下13及14號舖⭐️ 7/10___________________

時常經過這間台灣餐廳，早兩日終於有機會入去坐低食返碗麵。兩個人各叫一份麵食：1）紅燒牛肉麵，跟一杯蜂蜜苿香綠茶肉汁香濃，肉質爽嫩冇渣，的確抵讚2）肉燥排骨乾拌麵 跟一杯茉香綠茶排骨香脆得來又不太乾兩份都是台灣特色麵食，味道的確有台灣地道嘅風味。一餐飯連續兩次上錯食物，第一次質疑我們下錯單，第二次被發現錯誤，便一聲不響走到廚房破口大罵，奈何服務質素有待改善。

🍽️ Preserved Egg and Tofu with Dried Fish Floss📝 Tofu is cold and very soft. It melts in your mouth. The dry floss adds saltiness to the tofu and the preserved egg gives this chewy sensation to the soft tofu.🍽️ Signature Dishes Beef with Slobbering Dry Noodles📝 The dry noodles comes with braised beef shank, brisket, tendon, squid ball, and meat ball. It's all in one! The briskets are marinated well, you can taste the sauce in the meat. The noodles are cooked very well, it's chewy.Sauce taste like

去紅磡搵食，首選讚好台灣的下午茶。店舖的裝修乾淨整潔，舒服。他家的下午茶只要36蚊，自由搭配，有好多選擇，可以一次吃到好多口味。主食1款滷肉飯米粒飽滿，滷肉不油膩。擔擔麵面質筋斗，有小小辣。小食3款鹽酥雞醃製入味，炸的外面酥脆，入面軟嫩。黃瓜是用荷蘭小黃瓜醃製的，甜口好特別，很好吃。滷蛋入味，味道不錯。香腸很台灣，好食。豆腐炸的外焦裡嫩，配上酸甜汁，是我的最愛。飲品1款選擇也很多。他家的下午茶份量不大，但性價比高，值得一試。

見佢租埋旁邊個個舖位就知佢ok啦!今日唔算餓, 所以嗌細份d, 冇加小食1. 麻醬乾拌麵雖然冇餸但食完都幾滿足!好夠麻醬, 食到尾都仲有麻醬淨而且唔會好油, 加埋青瓜絲口感一流!我就一般加芝麻既, 但食拌麵加少少係幾香口既 2. 滷肉鹽酥雞飯呢間既鹽酥雞接近係我食過最好味既因為佢唔會太厚粉, 而且可以保留到雞肉唔榎! 滷肉就正常發揮, 點都要有d肥肉既…飯就睇你鍾唔鍾意軟糯d啦, 佢既飯係一粒粒, 有少少軟身個種外帶一提, 雖然旁邊個d只係配菜, 但我幾鍾意佢隻滷蛋架!

讚好台灣麵價錢💲: $28/ $68/ $63好味程度😋: 4.3/5服務🍴: 3.7/5環境🗾: 3.4/5性價比🥢: 4.3/5回頭率😚: 4/5-呢間台灣菜係紅磡都好似一段日子，已經聽過d人話幾好食。今次摸門釘隔離的車仔麵就試試呢間。人流唔算太多，星期日的夜晚都唔需要等。上菜速度幾快，食個quick meal好OK! 個人覺得佢哋出名的都係牛肉麵，所以今次叫的2款都係麵😛-✅✅木魚炸豆腐(細)。外皮酥脆酥脆我，好似天婦羅的質地咁。入面用左嫩豆腐，好軟滑的，同外面好大對比😍個面沾滿酸甜辣醬，加埋啲青瓜唔會覺得好油膩! -✅✅麻辣湯牛肉麵。呢個牛肉麵紅油比較多，食得多嘴唇有麻麻的感覺，爽！湯底都幾濃味，紅燒湯甜甜的因為有紅蘿蔔+白蘿蔔，加大量辣油，麻辣味好足☺️ 呢個湯配偏幼但有韌度的麵都唔錯，麵條吸曬味😚牛肉係牛肋條，夠腍的，未去到一入口即化。牛筋就好軟入晒味。另外仲有一粒貢丸一粒墨丸，夠晒豐富。-✅肉燥排骨口水乾拌麵。呢個排骨超好食🤩皮好薄，唔會有任何粉感。排骨唔乾，骨唔會好大，肉好易咬開，唔會好柴，最好味係醃到入曬味的，甜甜地的調味好正😎 肉燥拌面的醬偏多麻醬，食落真係膩的🥹 但

朋友是出了名的為食兔，成日都會介紹我食好嘢，不過地膽都有失手嘅時候。朋友以前一向都食開呢間讚好台灣，不過近幾個月少去嗰邊都有一排冇食過。上星期我同佢咁啱去開附近，佢就提議不如食呢間。入到去啱啱有位，又係下午茶時間，於是我就嗌咗個tea set，朋友有事要行開吓話返嚟先嗌，我惟有喺冇推薦之下自己揀。我揀咗最正路嘅麻醬乾麵，配台式香腸、甘梅脆薯同鹽酥雞，飲品就揀咗檸檬綠茶。麻醬乾麵勁鹹，麵亦偏腍，至於個甘梅脆薯則又凍又韌，皆因個外皮太厚。鹽酥雞係好食嘅，唔會太乾，香腸則正常。而個檸檬綠茶則勁澀，作為一間專賣台式食品嘅店舖，基本上係完全唔合格。朋友後嗌order咗擔擔麵配小香腸、木魚炸豆腐同椒麻牛肚絲。佢個麵同我一樣都好腍，不過佢冇硬食，而係直接同侍應講同平時比差好遠，想換過，結果佢轉咗滷肉飯。個木魚炸豆腐好食，炸漿夠薄僅僅包住滑豆腐，而牛肚絲則夠腍，但味道一般。整體而言我係偏失望嘅，可能之前期望太高，朋友則話喺疫情嗰段時間其實佢哋水準係keep得好好嘅，不過疫情後反而差咗。

今次下午茶試下台灣嘢，諗起台灣嘢就係鹽酥雞嘅天下， 下午茶都有好多選擇，一個set可以跟三個小食， 我就揀咗炸豆腐，鹽酥雞，甘梅脆薯，配滷肉飯， 細細份適合下午茶 😃

本身入到去興高采烈咁樣嗌咗細嘅鹽酥雞同埋花枝丸，嘢飲嗌咗蜂蜜檸檬茶同埋蜂蜜柚子茶。本身喺出面食開嗰啲鹽酥雞就算係細嘅份量，都係至少有大嘅15粒左右。而呢間鹽酥雞$22得細嘅8粒左右，仲要8粒裏面的得1粒係熱，其他全部都係凍嘅。花枝丸就味道正正常常，但係$32得四粒，仲要係偏細，好可惜。個蜂蜜檸檬茶正正常常，但個蜂蜜柚子茶就係茶餐廳嗰啲，冇分別。總括嚟講，呢一餐好令人失望，唔會再嚟，希望進步到8粒都係熱，不過我都係唔會再嚟🙏🏻