5
4
3
港鐵筲箕灣站 A3 出口, 步行約4分鐘
繼續閱讀
營業時間
星期一至日
11:00 - 23:00
以上資料只供參考, 請與餐廳確認詳情
今日下晝我和媽兩人經過筲箕灣道，大家都好想食嘢，於是就揀咗入粗麵館食午餐，12點零入去都未算多人，一入到去嘅感覺清潔，職員嘅服務態度亦好好，當我哋一坐低，佢就攞兩杯暖水俾我哋，亦俾我哋慢慢揀嘢食，我哋都揀咗一陣，因為見到有好多嘢都想食，而且價錢真係抵食，最後我哋叫咗個蠔仔米線，因媽唔食辣，所以就要求改為清湯，而我就叫咗瓜粒湯飯，各$38。唔使等好耐，就有得食，而且味道真係唔錯，難怪到一點鐘食晏時候，成間店都坐滿食客，而我哋兩個食完都即刻埋單，俾其他食客坐。總括：食材新鮮，價錢合理，環境及服務都唔錯，值得一試。
繼續閱讀
今日無意中行過，又咁啱食完鐵，有啲肚餓，見到呢一間“粗麵館“個下午茶餐餐牌，好似好抵咁喎！最貴都係30蚊，一於試一試佢咩料先!!我叫咗個C餐，強勢鮮蝦丸酸辣水晶粉，我就睇下你有咩咁強勢!!不過本人唔係好鍾意水晶粉，所以轉咗做米線。等咗一陣，有野食，39蚊，一個粉，一個小食，重有杯野飲，正我叫既係少辣，真係唔係好辣，但好麻，鍾意呢個感覺的一定要試一試，好食過譚X，而且，個米線唔會一餅野咁，好軟滑，值得一試!另外，蝦丸方面亦好好食，我數一數原來佢有5粒咁多!!呢種質地唔係平時食彈牙個種，我初時一口咬落好，點解係淋既!的確係有意外感覺，但係好食既。蝦味出晒黎，質地似半生熟的蝦滑，唔會太硬或太淋，值得推介大家，如果大家咁啱行過又肚餓就去試下喇!!
繼續閱讀
陳皮鴨腿湯飯、麻辣酸菜紅油蠔仔 - 這個陳皮鴨腿湯飯湯味道不錯，湯夠大碗，湯料也很足，有冬菇，鴨腿，陳皮，花生，瘦肉和老薑等湯材料，另一道麻辣酸菜紅油蠔仔也很味道不錯，蠔仔夠肥美，而酸菜滲入了麻辣湯汁所以很入味，可以用來送白飯或空口吃，店舖的裝潢也很有特式，有些古色古香的感覺
繼續閱讀
數月前經過此店，裝修頗有傳統小型飯店風情，兼且主打中式燉湯及鎮店必食推介“失傳鴨腿湯飯”，前幾晚特意與友人前往一試，當晚未食完且未結帳已想寫文予以喊面！上星期六(8月5日)晚上8點到店眼見座無虛席，店內面積不算大坐位不多，裝修陳設四平八穩，但實際坐下堂食，比起繁忙時間譚仔米線還要擠迫，連身型輕巧的一男一女侍應派餐落單招呼客人亦舉步維艱！我與友人二話不說點了每人一份鎮店必食推介“失傳鴨腿湯飯”HKD 48套餐包括鴨腿燉湯、白飯及油菜一小碟，友人再加HKD 9一杯餐飲，另點一份麻辣豬肚絲HKD 28。麻辣豬肚絲：香辣適中，入口開胃，可惜豬肚絲切得太碎，分量根本不多，混在一齊的酸菜也切得細粒，旁邊伴吃的花生又少又不夠香脆，有點像擺放了很久但沒放在雪櫃妥善保存的冷盤。白飯：無功無過，質地較黏。油菜：菜心老過柴皮，完全咬不開。失傳鴨腿燉湯：鴨腿肉質處理細心，完全沒有油膩感，湯底以眉豆、花生、鱆魚、陳皮清燉鴨腿，不似一般酒樓般有陳皮、冬菇、冬瓜及配芫茜入饌，此店鴨湯並非慣常的酒樓湯飯風味，反之是樸實地清燉，但陳皮不夠香，加上湯料未能將鴨肉鮮味引出來。作為一般食客，我當然不能確定這是否“正宗失傳”製法，若然此店製法如他們所講是“失傳”，那不如一直失傳吧！個人認為一般酒樓做法較易入口接受，恕我不懂欣賞此店製法。至於是否“失傳”製法，有待大家發掘……只是宣傳口號？我還見店內有餐牌名叫“強勢下午茶”，真心請教何謂強勢？最後再要重申一次，店內堂食比起繁忙時間譚仔米線還要擠迫！並非本人以己度人，店內所見男女老少食客及身型輕巧的男女侍應皆兵荒馬亂，不問而知。此店主打中式燉湯，必然要用很多空間放餐，卻偏偏桌椅狹小，讓人吃得毫不自在！
繼續閱讀
在東區一帶有很多茶餐廳和小型食肆, 其中一間是位大馬路中間的粗麵館.如果不是乘坐巴士經過的話,也許不易發現此店所有.不過,交通其實十分方便; 地鐵走過來才5分鐘.晚市到來,需約10分鐘輪候,而且餐廳內枱與枱之間較近,冬天來時披著大褸吃,有點不方便. 即便如此,還是試了這裡的米線. 而且, 對於餐牌上的人蔘雞湯感到濃厚興趣: 怎麼小麵館突然多了一道人蔘雞湯配白飯呢, 而且$52的價錢相當吸引,所以2個人也點了2碗米線和一個飯餐, 最後是吃不完整碗盛滿的白飯.先來的是古法手撕雞酸辣米線--少少辣 ($42).推薦指數: 5/5意想不到, 真的是小辣, 以譚仔為標準才2-3級辣度, 不過,卻有8/10 級麻的感覺!只吃麵線,不喝湯,舌頭基本上又酸又麻! 由於感覺良好 (很少湯底做到花椒那種麻燙的麻酸層次,不會只講究辣和辣得沒有感覺), 所以把湯也喝了. 酸度十足, 實在開胃,雞的份量不多,但連米線和湯一齊吃,有種緩和麻的作用,而且挺有嚼勁!另一道菜: 人蔘雞湯 ($52) 推薦指數: 4/5它成為了解麻的救星 (雖然也點了兩杯凍檸茶.....) 湯底的雞味不算太濃,但是人蔘味道非常突出,非常實在! 甘苦的味道中令人覺得提神! 湯面層有一定油分,保溫能力強,喝得一身汗! 不過,甘苦的湯令人覺得有韓國風味! 好喝得來, 也喝不出有味精的感覺.雖然餐廳環境細,但服務好,食物也不錯,而且價錢合理,適合1個人或多人同行!
繼續閱讀