我本身都幾鐘意食日本野架... 不過要搵間好食又抵食既真係幾難... 一號個日同朋友行開灣仔個頭, 見到日本野食, 咁咪拎張單張先, 再度下食唔食囉. 見到個張紙, 亂係亂左D, 不過影出黎D 野食都幾吸引, 價錢又好似OK, 咁就決定去喇...入去個時, 完全冇人係門口, 係差唔多入到去先有人叫你隨便坐, 之後又無啦啦有人帶你搵位坐, 認真奇怪! 成個場都應該有五十個位, 不過得個三個Waitress, 真係... 唔知係咪我個位夠偏僻, 我叫極都冇人應! 終於有人俾Menu 我, 擺低左D 茶又行開左,完全無等我地落Order既意願. 之後我同我朋友睇睇下Menu 呆左下, 上面好細隻字印住消費下限$80~ 真係... 於是問下個Waitress, 個Waitress 唔知係咪新人呢, 竟然又問第二個~ 之後Waitress 2號望左我地一眼, 唔知係咪覺得我地唔係上班族定真係紅日冇消費下限, 話冇喎! 我都唔知佢地印落去做咩?終於我同我朋友決定食鹽燒秋刀魚同炸雞丸定食~ 等左勁耐, 隔離個檯遲過我地點野食D 野都已經差唔多黎齊, 而我地檯面就只有個兩碗蟹籽沙律伴青瓜絲Orz題外話: 個碗"沙律" 真係"沙律" 到你唔信! 我完全唔知個兜"沙律" 既主角到底係D 沙律醬定係D 青瓜絲, 點解D 青瓜絲鋪到成碗飯咁, 個pat 沙律醬同D "國王的蟹籽" 就俾我一啖已經食哂?之後終於上定食D 飯好夠份量, 仲軟硬適中, 不過冇飯味呢點有D 美中不足.條秋刀魚有D 乾, 有D 硬, 但係可以入口!炸雞丸方面就比較凍... 唔知仲以為未炸...之後食雪糕糯米糍, 講好聽D 就係呢個名, 講得唔好聽其實就係雪米糍, 仲係我細個好鐘意去Supermarket 買個隻維記家庭裝迷你雪米糍, 一盒15粒3隻味個種! 見到前面好多食家都話雪米糍冇得揀味道... 梗係冇得揀啦, D 雪米糍都唔係佢地整既!最後收錢, 佢地出單既速度真係神乎奇技, 我地呢頭講佢個頭就出到單收錢, 如果上菜速度都有咁快我相信我會食得更開心!題外話: 呢間Restaurant 入面冇Toilet, 要出返商場先有, Toilet 入面仲係得兩格加一個洗手盤, 想企多個人入去轉身都有D 難度! 衛生程度都係比街邊D Toilet 好少少, 建議鐘意三五成群集體去Toilet 既Ladies 係出面去完先去個度食飯!
繼續閱讀
7
3
9
開飯介紹
銀菱日本料理提供各式各樣種類繁多的日本美食。刺身、壽司等都十分新鮮,價錢亦很便宜。
繼續閱讀
營業時間
星期一至日
12:00 - 15:00
18:00 - 00:00
以上資料只供參考, 請與餐廳確認詳情
招牌菜
其實我已經try 過很多次, 雖然日本菜比較貴, 但它价錢一般喇!不可不提的是它們有泰式生蝦吃, 次次都叫二碟三文魚$90 一磅還有很美味的燒雞翼$10 二隻
繼續閱讀
今天跟同事於放工後一起參觀電腦展,輾轉十時左右才吃飯,肚了打大鼓,不想再花時間去想到那裹吃,便又再到附近的銀菱,今天完全依照上次食評內的設定,真的叫了司奄霸海胆皇刺身船、一客黄牛拉麵定食再加上十件壽司。本來只想要刺身船和壽司,但侍應阿姐建議我們可先叫一客定食,只要加九十元便可吃原本百二元的司奄霸海胆皇刺身船,較為上算!真的是好介紹!可能可奄放久了不好吃,阿姐又提醒我們最好先吃那一大件司奄,值得稱許,刺身都很新鮮,還包括海胆等多款刺身,份量跟照片分別不大,實在是這裹的必食之選。壽司方面有金鎗魚壽司、帶子壽司、八爪鱼壽司、什錦剌身壽司和北寄具壽司,今天叫的金鎗魚壽司外表和食味跟上次的金鎗魚腩壽司好像分別不大,真的不用花錢叫較貴的金鎗魚腩壽司。今天有剌身、壽司及拉麵吃,口來較為均衡,份量剛剛好不會大飽,非常滿意!值得一吃再吃!
繼續閱讀
前排黎食過一次,一直都無有時間打食評...而家終於有時間可以補返...上次去食o既經歷其實真係麻麻...先講食物,其實都係一啲啲la...有d都幾好o既...個刺身船好似都ok抵...不過由於落單o既唔係我,我只係一個坐上客,全程都無掂過個menu...所以exactly每樣野o既價錢其實我都唔係咁清楚...只知道我地7個人好似叫左3-4隻三文魚刺身船...另外仲有好多壽司,串燒,手卷...etc.食果方面個人認為不過不失la...但d staff呢就真係要再train下先...落單果個可以拎左我地張單,唔mark低係邊張枱就行左去隔離枱...結果d單落錯晒...人地果d過晒黎我地枱,我地果d又去晒人地枱...叫人check單,佢地先話唔知邊張打邊張...好明顯完全係求其上ga la...落錯單o既又完全無覺得自己做錯野...反而o係度推卸責任...一個推一個咁...我相信無論如何我都唔會去返呢間野再食...講抵食,佢唔算...service又得...亦唔係咁就腳...
繼續閱讀
今次食lunch,其實都OK,唔明點解劣評咁多。先講環境,唔算差,好general的日式裝修,同埋都OK大。服務方面,可能少人,所以都算幾好招待,主動畀多個餐牌(原來o個個D字細左D)不過入來時佢竟然整句「隨便坐」.......叫左個咖哩蝦定食,配鳥冬。上菜速度OK。先來個前菜,蟹籽沙律,好普通的貨色,叫做合格啦個麵鼓湯都算OK,不過都係無乜特別最impressive係個主菜以為佢會係湯烏冬鋪咖哩上去點知無湯,直接放咖哩汁同蝦D蝦係天婦羅蝦,仲有兩件南瓜未試過咁撈來食,出來個效果真係唔錯最後就係個甜品,紅豆沙,好濃,不過唔太甜,唔錯!可能畀劣評的人係因為當時多人吧不過講真,見佢地樓面的人唔多多起人上來都唔知點算
繼續閱讀