25
6
4
港鐵灣仔站 A3 出口
繼續閱讀
電話號碼
28279339
開飯介紹
老上海飯店前身為老正興飯店，裝修充滿上海風味。
繼續閱讀
營業時間
今日營業
11:00 - 22:00
星期一至日
11:00 - 22:00
以上資料只供參考, 請與餐廳確認詳情
-
網上訂座服務暫停
招牌菜
食家推介
每幾個月就會想吃灣仔老上海因為上海菜灣仔有兩間都做得特別出色一間是老上海一間是三六九大家一坐低異口同聲話食小籠包所以叫了四籠每籠有5隻都有20隻前菜有煎素鵝、鎮江肴肉影唔切已經清左碟啦實在太好味人多啲可以試多幾款菜式炸饅頭一定要點煉奶上海粗炒唔算太油膩砂窩雲吞雞終於可以品嚐到啦濃濃雞湯配上大細適中的雲吞忍唔到口飲左三碗如果要叫菜就推薦四季豆連小朋友平時唔鍾意食菜都係咁食最後要讚呢碟雞火炒飯我次次都有叫但就係今次先多隻煎蛋🍳真係好有家的風味本來想叫埋湯圓但好似唔太抵食所以就無叫啦
繼續閱讀
🌟整體評分: 7/10🌟❤️味道：7/10🧡環境：7/10🩵服務：7/10💚性價比：7/10💗小朋友喜愛度：7/10午市時間一行5人無需訂枱，因為餐廳得兩三枱客，真係好難想像生意幾難做。餐廳內都係老牌裝修，大圓枱既上海style。叫左個5人餐都係5百幾蚊（未加一），小籠包係行貨，塊包太厚。醉雞雪完鞋口，酒味又唔夠，失望。肴肉正宗，味道不過不失，驚喜欠奉。砂鍋醃篤鮮同紅燒獅子頭總算做出經典滋味，回鍋肉同干煸四季豆都夠獲氣，推介！
繼續閱讀
走進這家餐廳，係真係令人望眼欲穿啊！🌟 頭盤嘅水晶燻蛋，好似睡美人噉，一激就流心啦，煙燻嘅迷人香氣喺口腔中翩翩起舞。再嚟個鹽水鴨，賣相普普通通，但係啖啖肉質都咁滑溜，咸香恰到好處，好過癮！羊膏火紅得嚟一啖唔見羶味，食落跟本神清氣爽！蔥油拌海蜇蘿蔔絲, 口感又脆又涼，真係清爽過人！真正嘅主角醉蟹行出場啦！蟹膏滑得嚟又香得嚟，啖啖蒜香醇酒，齊心協力醉倒眾食客。😍 燻雞肉滑肥美，燻香迷人，乜都唔使講，絕對係唔可以錯過嘅佳餚。跟住嘅響油鱔糊，但係味極鮮美，濃郁嘅蒜香同炸好嘅鱔糊恰到好處，口感層次分明。然後，一盤金黃色嘅蟹粉粉皮吸晒光，大家拎起咗相機忙唔停。食落嘅時候，公蟹蟹粉與粉皮嘅配合真係得嚟又幼滑又黏牙，仿似雙簧咁互相輝映，美味得黎又思緒萬千。最後，荀乾老鴨湯悠悠端上，湯水功夫一流，滋味深厚，係飯局嘅環節裡畫上完美嘅句號。食完晚飯，每一味都餘韻繚繞，想再点一次都得，好吃唔怕遲！🍜總結，呢家餐廳係一個有得食，有得噏，有得懷念嘅好地方。食物新鮮美味到爆，搞到人返屋企都仲惦記住個味道。任何喜歡真材實料美食嘅朋友，一定要嚟試下。
繼續閱讀
朋友仔生日話要食餐豪嘅賀一賀佢， 第一時間就諗起砂鍋火膧雞燉排翅，於是推薦去灣仔老上海。 店家的裝修採平實路線， 沒有奢華的裝修，把心思都著重於食材和菜式上， 依舊 老上海的味道。砂鍋火膧雞燉排翅(半份) 成個沙煲面頭都係排翅😍😍 好有儀式咁。排翅咬落彈牙，完全吸收了雞湯和金華火腿嘅香味，真係齒頰留香👍朋友食咗都好滿意酒糟時魚（半份）酒糟味香濃， 完全滲入魚肉， 每一啖都食到香香酒糟味。 條魚蒸得熟度剛好， 魚肉幼滑時令大閘蟹（5.5両-6両）都幾大隻， 滿滿嘅蟹膏， 食落香濃。蟹肉最鍾意搭配黑醋一齊食，可解膩。 食完大閘蟹記得飲花雕或薑茶， 可驅除寒氣。蟹粉小籠包時令菜式， 適逢大閘蟹當季， 當然要試試。 小籠包皮薄， 看上去晶瑩通透， 一啖咬落去爆汁， 要攤一攤先食，小心辣親嘴。 加上大量蟹粉， 鮮味無窮， 好味到爆😭火腿奶油津白又一推介菜式，津白吸收咗滿滿嘅雞湯汁， 又creamy又香濃又軟滑老上海灣仔店絕對是老店，想品嚐正宗老上海味道， 當然要嚟試試。
繼續閱讀
呢間嘢極級多味精，超難受，食完返屋企飲埋梅茶，都消除唔到我喉嚨個種不適、以及舌上嘅「鞋烚烚」感覺！話說本身一心一意嚟到呢一間舊式嘅上海店，諗住三代同堂慶祝父親節，餐廳都係一貫有傳統嘅上海菜式，有款東坡肉大大件，一上枱超震撼，識落好多嘢都好好食，誰知一返到屋企個喉嚨同個口就開始出事，口渴到去飲水解決唔到，於是乎飲啲梅茶，都仍然係消除唔到個種難受。如果真係要去食，就千祈唔好叫一啲濃味嘅食物，又或者一大班人去食，每一樣食少少就夠啦。😅😅😅
繼續閱讀
您可能會有興趣的...