41
12
8
開飯介紹
曾獲米芝蓮推介的生煎包，除原味外還有鮮蝦和黑松露味，也提供各式湯粉麵。
繼續閱讀
營業時間
今日營業
10:30 - 19:30
星期一至日
10:30 - 19:30
以上資料只供參考, 請與餐廳確認詳情
食家推介
相關文章
收銀阿姐，黑口黑面，語氣，態度好差，而遞外賣嗰位男仔，雙目無神，未瞓醒嘅語氣：“外賣有喇”。唉，完全係無心經營！加盟咗特許經營，自己付出咗一舊錢出嚟去加盟，點解唔做好自己自負營虧個嘜頭，可惜！咁樣嘅服務方式，態度，其實等同趕客
繼續閱讀
上次食祥興記已經幾年前，今日經過灣仔間祥興記，有點餓就入去再試試。呢間店係立食嘅，買咗生煎包4只（$35)。 生煎包看起來賣相普通, 包底煎得金黃，割開包子一看充滿湯汁，豬肉份量尚可。入口夠熱，夠脆爆湯汁，但豬肉帶點騷味。不知是否近幾年食過其他店更好食嘅生煎包，覺得今次生煎包無以前食過嘅咁好食。
繼續閱讀
如果嗰日無其他更好嘅選擇，或者趕時間要買外賣返公司食嘅時候，我間中都會買佢嘅招牌生煎飽，叫做俾個機會大家。好可惜生煎飽嘅質素已經係越來越差，完全無吸引力叫我等登去幫襯。店員嘅態度真係有問題，尤其係女店員（我本身都係女性，所以唔係性別歧視），語氣態度面口真係好似當你係仇人咁。如果賣嘢賣得咁勉強，我建議佢哋不如執笠。回想起以前佢哋食物質素好嘅時候，我都曾經等登由金鐘去灣仔幫襯。今日決定係我最後一次幫襯。今時今日咁嘅食物質素同態度，算啦，勉強無幸福。我都唔想同佢哋物以類聚，連自己都沾到佢哋嘅負能量，影響埋我嘅幸福呀。呢個負評我都諗咗一陣寫唔寫，不過最後決定面對現實，正視問題，唔再能夠發展落去嘅話，又唔覺得可以改善嘅話，不如正式結束呢段消費關係。
繼續閱讀
走過呢間小店，隻隻生煎包薄脆金黃，香氣四溢，真係叫人心郁郁！點咗一籠招牌生煎包同一碗排骨麵。啖啖肉嘅生煎包，外皮香脆，一咬落去，肉汁四濺，溫熱而濃郁，絕對係正中我個"肉包"心！啱晒鐘意食肉嘅你我佢🍔。排骨麵就幼滑得來，湯底微鹹有回甘，屋企飯桌上溫馨嘅味道，令人一啖接一啖。其實平日忙碌，偶爾試試街邊小店嘅美食，真係種享受。嗰種熱辣辣，鮮美多汁嘅口感，仿佛可以把生活嘅疲憊氣都吹走🍲。店內固然無坐位，但係食客默契地排隊等候，飲食文化嘅小確幸，每個人或多或少都想要嘅！總結，如果想搵啲地道、真心嘅滋味，强烈推介大家試試。下次，我仲會再黎朝聖，搵返啲童年嘅記憶味道💫！
繼續閱讀
其實都幫襯過十次八次，態度次次都唔好，但買賣過程快，都算。今次都係話堂食，但後生既店員俾錯外賣包裝，拎轉身打開照食。想掉左個膠袋佢啦，因為覺得既然交左俾我，衞生原因都應該由我掉左佢。但想掉個時，包緊小籠包既後生女店員勁大聲叫住我：你唔要，俾返我地唔好掉！想拎返都可以正常啲，講句唔好意思，你唔要俾返我地呀😵。好差，最後一次食呢間。懷疑佢地都係一家人，互動個啲唔似同事。中年叔叔有禮啲，老女收銀勁黑面，其他人都差唔多
繼續閱讀